AD GÜNÜNÜZ MÜBARƏK, ƏFLATUN MÜƏLLİM!

Bəli, həyatımız yaxşı insanların siması ilə daha rəngarəng olur. Səmimi deyək ki, dünya yaranandan ictimai həyatın qüvvəsi insandır. O insan ki, bir-birindən müəyyən mənada tale müxtəlifliyi ilə fərqlənir. Zaman bəzən belə insanların ağlı, zəkası, gücü və qüdrəti ilə tərəqqi edib. Heç şübhəsiz, gənc yaşlarından çoxları üçün təmənnasız insan təsiri bağışlayan, zamana təsir etməyi bacaran, bacarıqlı şəxsiyyət “Zamantv.az” onlayn televiziyası və informasiya agentliyinin, həmçinin “Bütöv Azərbaycan”, “Qığılcım”, “İskra” qəzetlərinin birinci müavini Əflatun Əhədov da belələrindəndir.
Yaxşı insanları-vəzifə səlahiyyətlərinin əsas və aparıcı xətti vicdan, ədalət və haqqa xidmət olan kadrları təkcə tarix öz yaddaşında yaşatmır, cəmiyyət də belə şəxsiyyətlərə həmişə hörmət və ehtiram hissi ilə yanaşırlar. Yaxşı insanları istəsən də unuda bilmirsən... Unutqanlığı öz xeyirxah əməlləri, örnək həyatı ilə əridib muma döndərmiş şəxsiyyətlərdən biridir Əflatun müəllim. Əflatun müəllimlə təmasda olan hər bir kəs özünü sanki sehrli bir dünyada hiss edir.

Böyük bir cəmiyyət topluluğunda sayılıb-seçilən,böyük nüfuza və hörmətə sahib olan insanlardan biridir Əflatun Əhədov. Keçdiyi həyat yolu çətin, keşməkeşli və eyni zamanda şərəflidir. Onun haqqında saatlarla danışmaq olar. Əflatun müəllim bacarıqlı,qabiliyyətli, dürüst və özünəməxsus iş prinsipləri olan insandır. Bütün bunların nəticəsidir ki, o, onu tanıyan hər kəsin ehtiram və sevgisini qazanıbdır. O, alicənab, təvazökar, sədaqətli və etibarlı şəxsiyyətdir. Əflatun müəllim odlu vətənpərvər kimi Azərbaycanımızın dövlətçilik ənənələrinin inamlı şəkildə qorunmasında özünəməxsus əmək sərf edib və hələ də etməkdədir. Onun ömür, həyat yolu hazırkı gənclərimiz üçün bir örnəkdir.

Bir ömürdə neçə ömür yaşamaq... Yadlar içində doğma ola bilmək... Doğmalar içində yadlaşmamaq... Tarixi yaddaşı təzələyən, bərpa edən, geri qaytaran, qovuşduran...

Bu gün vətənpərvərliyi, səmimiliyi, təvazökarlğı ilə hər kəsə özünü sevdirən, alicənablığı ilə dostlarını heyran qoyan, heç vaxt üzündən təbəssüm əskik olmayan dəyərli insan Əflatun Əhədovun doğum günüdür. Sizi səmimi qəlbdən təbrik edir və Sizə hər şeydən əvvəl Tanrıdan sağlıq diləyirik. Sizin haqqınızda söylənən sözlər içində ağırlıq yükü iki kəlmənin üzərinə daha çox düşdü. Insanpərvər və səmimi. ƏFLATUN ƏHƏDOV kimliyini anlatmağa açar olan bu iki kəlməylə çox uzağa getmək olar. Hörmətli Əflatun müəllim, doğum günü sayı ilə sıralanan ömrün bir ucalan pilləsinə xoş gəldiniz. Sizə ucalıqlara nisbət olan dağ ömrü arzulayırıq!

Nə xoş ki, həyatda Əflatun müəllim kimi bir şəxsiyyət var! Qoy uca Allah hər zaman onu öz pənahında saxlasın !

Xəyal İmrə (Əsgərov) və Sizi sevən “Zamantv”nin kollektivi.

PS. ZamanTV.az-ın xüsusi müxbiri Ləman Xəyalqızı da Əflatun müəllimi səmimi qəlbdən təbrik edir. Hörmətli Əflatun müəllimə möhkəm cansağlığı, xoşbəxtlik və firavanlıq , şəxsi həyatında, əmək fəaliyyətində və eləcə də ictimai işlərində yeni-yeni uğurlar arzulayır.

Zamantv.az