Koronavirusun yeni növü Azərbaycana gələcək, peyvənd təsir etmir - Professor AÇIQLADI

Xəbər verdiyimiz kimi Ümumdünya Səhiyyə Təşkilatının (ÜST) Azərbaycan nümayəndəliyinin rəhbəri Hande Harmancı koronavirusun yeni növünün Azərbaycana gəlməməsinin mümkünsüz olduğunu bildirib.

ÜST nümayəndəsi yeni ştammın ölkədə yoluxma sayını kəskin artıracağını da istisna etməyib.

Maraqlıdır, sərhədlərin bağlı olduğu bir vaxtda yeni növ virusun Azərbaycana gəlməsi nə dərəcədə realdır? Hazırda təqdim olunan koronavirus əleyhinə vaksin ştammın geniş vüsət almamasına təsir edəcəkmi?

Məsələ ətrafında Sfera.az-a danışan tibb professoru Adil Qeybulla peyvəndin ştamma qarşı təsirsiz olacağını bildirərək, eyni zamanda vaksinasiyanın vacibliyini vurğulayıb:

"Biz qloballaşan dünyada yaşayırıq. Bu baxımdan koronavirusun yeni növünün Azərbaycana gəlməsi mümkün və realdır. Buna görə biz vaksinasiyaya önəm veririk. Belə ki, koronavirus əleyhinə peyvənd yeni dalğanın yaranmamasına, infeksiyanın ömrünün qısalmasına xidmət edir. Lakin hazırda təqdim olunan peyvənd yeni növ koronavirusa qarşı təsirsiz olacaq. Sadəcə biz istənilən halda peyvənd olunmalıyıq”.

Zamantv.az