Son zamanlar Rusiyanın, ən yaxın dostlarından biri olan Ermənistanla münasibətlərini belə bir mübahisə korlayıb: "Ermənistanın xalq qəhrəmanı Qareqin Njdenin xatirəsinə necə davranmaq lazımdır?" Bu sual böyük qalibiyyətin 75-illiyinin ərəfəsində daha da aktuallaşıb.
Njde və ya Qaregin Yegişeviç Ter Arutyunyanın sevənləri çox olub. Bu səbəbdən onun adı ilə qızıl qəpiklər çıxarılıb, cəsədinin qalıqları Ermənistanda basdırılıb, Yerəvanda isə adına böyük heykəl ucaldılıb. Almaniya nasistləri ilə əlbir olduğu deyilən bu sərkərdə, o zamanlar ölüm hökmü olmadığından 25 ilini hərbi düşərgələrdə keçirmək məcburiyyətində qalıb.
Onun haqqında mübahisələr və çəkişmələr hələ də dəvam edir. Lakin, son zamanlarda bu mübahisələr məsələnin beynəlxalq platformlarda səsləndirilməsinə səbəb olub. Belə ki, Aşqabadda keçirilən Müstəqil Dövlətlər Birliyinin iclasında Azərbaycan Respublikasının prezidenti İlham Əliyev Yerəvanın mərkəzində nasistlərlə əlbir olan Njdenin heykəlinin olduğunu dilə gətirib. Ermənistan prezidenti buna heç bir reaksiya verməyə də bilərdi, çünki bu heykəl onun hakimiyyətə gəlməsindən öncə ucaldılıb. Lakin o, Qaregin Njdeni dahi şəxsiyyət və Ermənistanı Türkiyə işğalçılarından qoyuran bir döyüşçü adlandırıb.
Müstəqil Dövlətlər Birliyinin iclasını izləyən "Kommersant" nəşrinin xüsusi müxbiri Andrey Kolesnikov məsələyə aydınlıq gətirib: "Nikol Paşinyan öz hisslərinə qapılıb Qaregin Njdeni müdafiə etməyə başladı. Məncə, o bunu etməməli idi. Bu şəxsin Almaniya nasistləri ilə əlbir olub-olmaması haqda mübahisə etmək mənasızdır".
Rusiyalı politoloq Vitaliy Arkov isə sosial şəbəkədəki səhifəsində belə bir paylaşım edib: "Böyük müharibənin ildönümündən altı ay əvvəl SSRİ-nin dəvamçı dövlətlərinin sammitində Njdenin Hitlerlə əməkdaşlıq etməsinə haqq qazandırmaq nazir Paşinyanın diplomatik səhvi oldu. İlham Əliyev öz çıxışı zamanı bu məsələni qaldıraraq, Paşinyana tələ qurdu. Paşinyan isə sevə-sevə bu tələyə düşdü".
Zamantv.az