"Mega Sity"nin meqa fırıldağı... - Payçıları 10 ildir süründürməçiliyə məruz qalıb...

Bakı şəhəri, Yeni Yasamal yaşayış massivi Əsəd Əhmədov 3 küçəsində inşa edilmiş "MEQA SİTİ HOLDİNQ" MMC yə məxsus yaşayış binasının payçıları tərəfindən “Hürriyyət”in redaksiyasına şikayət məktubu daxil olub. Qəzetimiz vasitəsilə prezident İlham Əliyevə müraciət edən şikayətçilər yazırlar:

“Hörmətli Prezident!

Bu müraciətimizlə yazıb Sizə bildiririk ki, Bakı Şəhər İcra Hakimiyyətinin 28.06.2007 - ci il tarixli, 301 saylı sərəncamı ilə Bakı şəhəri Yasamal rayonu, Yeni Yasamal yaşayış massivi, Əsəd Əhmədov küçəsində (77 № li sərnişin avtobusun son dayanacağı) inşa edilmiş “Meqa Siti Holdinq” MMC- yə məxsus çoxmərtəbəli yaşayış binasının payçıları olaraq artıq 10 ildir binanın təhvil verilməməsi və şirkət rəhbərliyinin bizi və müraciət etdiyimiz dövlət orqanlarını aldatmaqda davam edir .

Qeyd olunan MMC-də əyani olaraq icraçı direktoru kimi göstərilən Məmmədov Elnur Adil oğlu (hal hazırda həbsdədir) və binaya əsasən rəhbərlik edən 4 təsisçi Qədirov Aqil Əhməd oğlu (hal hazırda həbsdədir), Nuruyev Fariz Əsəgər oğlu, Nəsirzadə Fərhad Rauf oğlu və Zeynalov Maksim Ağaqulu oğlu adlı şəxlərdir.

MMC – yə məxsus çoxmərtəbəli yaşayış binasının tikintisinin tezliklə tam başa çatdırılıb, binanın istismara təhvil verilməsi üçün müvafiq tədbirlərin görülməsinə köməklik göstərilməsi üçün Prezident Administrasiyası tərəfindən Bakı şəhər İcra Hakimiyyətinə, Yasamal rayon İcra Hakimiyyətinə və Fövqəladə Hallar Nazirliyinə tapşırılsa da müraciətlərə qeyri-ciddi yanaşılmışdır. Müraciət etdiyimiz son tarixdən indiyə qədər MMC də qaldırdığımız məsələ ilə bağlı heç bir irəlləyiş və nəticə əldə olunmamışdır.

Müraciət etdiyimiz ərizələrə cavab olaraq binada sürətli tikinti yekunlaşma işlərinin getdiyi bildirilmişdir. Reallıqda isə binanın 10 ildən çox vaxta tikilməsinə baxmayaraq bina tam hazır olmamışdır və nəzərdə tutlan vaxtda təhvil verilmir. Su anbarı, elektrik paylayıcı stansiyası, avtomaşınlar üçün qaraj, liftlər və binanın üst hissəsi tikilməmişdir. Hər dəfə gecikməyə müxtəlif bəhanələr gətirilərək binanın təhvil verilməsi müxtəlif illərdə yalan olaraq bina payçılarına vəd verilərək yerinə yetirilməmişdir.

MMC nin hər birində 160 mənzil olmaqla iki ədəd yaşayış binası var. Yalnız 2 - ci yaşayış binasında az da olsa işlər gedib. Ancaq şikayətçisi olduğumuz 1saylı yaşayış binasında (A blokunda) heç bir iş getmir.

“Meqa Siti Holdinq” 1 saylı yaşayış binasına birbaşa Qədirov Aqil Əhməd oğlu(hal hazırda həbsdədir) və Zeynalov Maksim Ağaqulu oğlu rəhbərlik edir.

Düşdüyümüz vəziyyətdən çıxış yolu üçün bina sakinləri öz yığdıqları pul hesabına 1 ədəd yük liftinin gətirilməsinə və su anbarından su xəttinin çəkilməsinə nail olmuşdur. Lakin çəkilən suyun mənzillərə paylanması üçün matorxana olmadığı üçün hal-hazırda susuz şəraitdə yaşayırıq.

Hal-hazırda binada uzun müddətdir ki su yoxdur. Bunla bağlı aidiyyəti qurumlara dəfələrlə müraciət etsəkdə heç bir cavab ala bilməmişik.

Ölkəmizin 92 fazindən çox hissəsinin qazlaşdırıldığını nəzərə alsaq biz 100 ə yaxın ailə hələ də üzümüzə gələn şaxtalı soyuq havada yaşamaq məcburiyyəti ilə üz-üzə qalmışıq.

Hal-hazırda binada 60 - a yaxın ailə yaşayır və sakinlər çoxalmaqda davam edir. Aillələr məcburən soyuqda məhdud işıq və susuz şəraitdə yaşayırlar. Əksəriyyəti maddi vəziyyəti bir o qədər də yaxşı olmayan əlil, müharibə vetiranı və gənc ailələrdən, əməkdar və xalq artisindən ibarət olan 200 dən artıq payçı kirayə qalmaq məcburiyyətində qalıblar.

Bunu da qeyd etmək istədik ki, şirkətin tikilməyən qaraj hissəsində bir neçə dəfə güclü yağın hadisəsi baş verib və orda yaşayan sakinlərin 112 çağrı xidmətinə zəng vurulduqdan sonra FHN nin müdaxiləsi ilə söndürülüb. Lakin yanğın təhlükəsi hələ də mövcuddur.

Hörmətli Prezident!

Biz hamımız Sizin Azərbaycana və Azərbaycan xalqına göstərdiyiniz xeyirxaq işlərin canlı şahidiyik. Xalqımıza göstərdiyiniz bu qayğıya görə biz də Sizə öz minnətdarlığımızı bildirir və Sizdən artıq dərəcədə xahiş edirik bizim bu ev problemimizin işıqlandırılmasında köməklik göstərəsiniz.

Əwəlcədən öz minnətdarlığımızı və təşəkkürümüzü bildiririk”.
Hurriyyet.org

Zamantv.az