"Müharibənin sonunda Dağlıq Qarabağa heç bir status vermək olmaz" - XALQIN MÖVQEYİ

“Bu günə kimi Rusiya Azərbaycana qarşı törətdiyi təxribatlara görə Ermənistana heç bir təzyiq göstərməyib”.

Bunu KONKRET.az-a açıqlamasında ADP sədri Sərdar Cəlaloğlu bildirib.

O, qeyd edib ki, Gəncə hadisələri bir daha göstərdi ki, ermənilərə güzəştə getmək olmaz, onları ancaq hərbi yolla zərərsizləşdirmək və sülhə məcbur etmək olar:

“Atəşkəsin imzalanmasının heç bir mənası yoxdur, çünki ermənilər heç bir zaman beynəlxalq hüquqa və konvensiyalara əməl etməyib. Müharibə gedən bir vaxtda atəşkəsin olması düşmənin güc toplamasına səbəb olur. Hazırda Ermənistana silah daşıyırlar. Əgər doğrudan da onlar sülh və atəşkəs istəyirlərsə, niyə bu qədər silahlanırlar? Deməli ciddi müharibəyə hazırlaşırlar. Bunun üçün də zaman qazanmaq istəyirlər. Məqsədləri Azərbaycanın başının altına yastıq qoyub, qəflətən zərbə vurmaqdır. Ona görə ölkəmiz bütün beynəlxalq aləmə çatdırmalıdır ki, ermənilər atəşkəsə əməl etmir, danışıqlara getməyə maraqlı deyillər. Azərbaycan müharibə yolu ilə öz torpaqlarını azad edib, erməni silahlı qüvvələrini çıxarmalıdır. Müharibənin sonunda Dağlıq Qarabağa heç bir status vermək olmaz. Azərbaycan və Ermənistan arasında danışıqlar yalnız beynəlxalq münasibətlərin yaradılması ola bilər”.

Zamantv.az