Bakıda səkidə dayanan maşına “Eşşək” yazdılar, üstünə daş qoydular - Fotolar

Bakı şəhərində piyada səkilərində nəqliyyat vasitələrinin saxlanılması, sürücülər tərəfindən qanunsuz zəbt edilməsi hallarının artması vətəndaşların haqlı narazılığına səbəb olur.

Bizimyol.info xəbər verir ki, sosial şəbəkədə yayılan səkidə park edilən avtomobilin şəkili müzakirələrə səbəb olub. Piyadlardan biri maşının səkidə saxlanılmasına etiraz əlaməti olaraq avtomobillə “Eşşək” yazıb, üzərinə daş parçaları qoyublar.

Sosial şəbəkə istifadəçiləri bildirib ki, səkilərdə maşınlarını park edən sürücülərin sayəsində piyadalar avtomobil yoluna keçirlər və nəticədə bəzi hallarda piyadanı maşın vurur.

Qeyd edək ki, “Yol hərəkəti haqqında” qanunun 52, 53-cü maddələrində bu açıq şəkildə qeyd olunub. Qanunun 53-cü maddəsində deyilir: I. Nəqliyyat vasitələrinə xüsusi olaraq ayrılan, nişanlarla və ya nişanlama xətti ilə işarələnən yerlərdə parklanmağa icazə verilir.

II. Yol hərəkətinin təhlükəsizliyini təmin etməyən yerlərdə və yolun hərəkət hissəsində nəqliyyat vasitələrinin parklanması qadağandır.

Bakı şəhərinin mərkəzi küçə və prospektlərində piyadaların təhlükəsiz və rahat hərəkətini təşkil etmək məqsədi ilə qoruyucu tumbaların quraşdırılmasına başlanılıb. Qoruyucu tumbalar, avtonəqliyyat vasitələrinin qəza zamanı səkilərə çıxmalarının qarşısını almaqla və səkilərdə park etmələrini əngəlləməklə piyadaların təhlükəsiz, rahat və fasiləsiz hərəkəti üçün imkan yaradacaq.

Zamantv.az