Bu gün Azərbaycan Mətbuatı demək olar ki, son günlərini yaşayır. Mediada tək bir nəfərin səhvinə görə ANS kimi bir kanalın bağlanması, bir neçə gün öncə isə APA holdinqin fəaliyyətinin dayandırılması , dahada dəhşətlisi ilə müstəqil xəbər saytlarının kütləvi şəkildə ölkə daxilində bloklanması heçdə yaxşı hal deyil. Bir neçə gün öncə ölkənin aparıcı saytlarından olan Xural.com , 24Saat.org , Arqument.az , Anaxeber.az bu cür problemlər yaşamaqdadır. Lakin bəzi media işçiləri, sayt rəhbərləri, baş redaktorlar mətbuatın bu ağır günündə həmkəarlarına dəstək olmaq əvəzinə “dovşan “ kimi qaçıb kolluqda gizlənirlər. Bəlkədə bu sözüm özünü baş redaktor sayan mənəm – mənəm deyən jurnalist kimi görən bəzi “ qucaqquşları “ nın xətrinə dəyəcək amma eybi yox bir stəkan soyuq su içsinlər.
Bəs biz dərdimizi kimə deyək? Aha yadıma düşdü Mətbuat Şurasına . Gülünc çıxdı eləmi?
Bəli dəyərli həmkarlarım əlbətdə gülüncdür. Bir nəfər deyə bilərmi Mətbuat Şürası bu günə kimi hansı jurnalistin müdafiəsinə qalxıb? Demək olar ki, heç birinin. Beş – altı nəfərdən ibarət bir şura üzvü olan heyət yaradılıb ki, bunlarda ancaq qəzet və saytları “reket “ çıxarmaqla məşğuldular. İndi bəziləri deyəcək ki , öz gözünüzdə çöpü görmürsüz başqasının gözündə tir axtarırsız. Düzdü mətbuatın, jurnalistikanın adına ləkə gətirən bəzi saxta jurnalistlər var. Məsələn dünən bunlarda bir neçəsi həbs olundu adını da qoydular hədə qorxu yolu ilə pul tələb etmə. Bəs niyə bir nəfər bu rüşvət verən məmurları həbs eləmir niyə bu məmur tayfası istənilən formada qeyri qanuni işlərlə məşğul olur və məsuliyyətdən kənarda qalır? İndi hamı deyəcək ki, arxaları möhkəmdi yuxarılara bağlıdı falan filan. Bəli aralarında elələri var ki, kreslosunun xətrinə öz dəymə düşər balalarını daha yüksək vəzifəli şəxslərin övladları ilə nigaha salırlar ki, güclərinə güc qatsınlar. Və bunu bacarırlar daha da güclənirlər əl çatmaz olurlar. Bəs biz neyləyirik ? Mətbuat olaraq bir birimizin ancaq “ torbasını” tikməklə məşğuluq. Sözümün canı odur ki, əziz və hörmətli həmkarlarım gəlin bir birimizə dəstək olaq. Vüsalə Mahirqızını , Əvəz Zeynallını, Vuqar Qurdqanlını, Azər Talıbovu , Şəmşad Ağanı qurban verməyək. Onsuzda itirə - itirə gedirik biri namusunu itirir, biri mənliyini itirir. Heç olmasa vuran əlimiz görən gözümüzü itirməyək.
Nəsrin Çakır
Zamantv.az