Azərbaycanın borcu açıqlandı
Gündəm / İqtisadiyyat
16:33
12.06.2018
555
Bu il aprelin 1-nə olan vəziyyətə görə, Azərbaycan beynəlxalq maliyyə qurumları və digər kredit təşkilatları ilə 14,2 mlrd. ABŞ dolları məbləğində kredit sazişləri imzalayıb.
"Report" Maliyyə Nazirliyinə istinadən xəbər verir ki, bu sazişlər əsasında istifadə olunmuş kreditlər üzrə xarici dövlət borcunun ümumi məbləği 9,6 mlrd. dollar təşkil edib.
Bu, ölkənin ümumi daxili məhsulunun (ÜDM) 22%-i qədər olmaqla adambaşına 972,4 dollar xarici dövlət borcu deməkdir.
Martın sonuna xaricdən alınmış kreditlərin valyuta tərkibi aşağıdakı kimi olub:
- Beynəlxalq Valyuta Fondunun Xüsusi Borcalma Hüquqları – 6%;
- ABŞ dolları – 81%;
- avro – 9,4%;
- yapon yeni – 2,5%;
- digər valyutalar – 1,1%.
Cəlb edilmiş kreditlərin 46,5%-i sabit, 53,5%-i isə dəyişkən dərəcəli olub. Xarici dövlət borcunun 43,9%-i 10 ilə qədər müddətdə, 52,3%-i 10 ildən 20 ilə qədər müddətdə, 3,8%-i isə 20 ildən artıq müddətdə kreditorlara qaytarılmalıdır.
Bu ilin I rübündə imzalanmış kredit sazişləri üzrə 255,9 mln. dollar vəsait istifadə edilib.
Aprelin 1-nə dövlətin daxili borcu isə 1 069,9 mln. manat təşkil edib.
Zamantv.az
Oxşar xəbərlər
