“Azərbaycan İsveçrə ilə əlaqələrə böyük önəm verir”.

APA xəbər verir ki, bunu Azərbaycan xarici işlər nazirinin müavini Elnur Məmmədov İsveçrənin Milli Gününə həsr olunmuş mərasimdə deyib.

“Azərbaycan İsveçrə ilə əlaqələrə böyük önəm verir, biz bütün sahələrdə bu ölkə ilə əməkdaşlığın genişləndirilməsində maraqlıyıq”, - nazir müavini deyib.

O xatırladıb ki, ötən il iki ölkə diplomatik əlaqələrin yaradılmasının 30-cu il dönümünü qeyd edib:
“Ölkələrimiz arasında münasibətlər dinamik şəkildə inkişaf edib, davamlı siyasi dialoq var və yüksək səviyyəli qarşılıqlı səfərlər reallaşdırılıb”.

Nazir xatırladıb ki, ötən il İsveçrə Ermənistan və Azərbaycan arasında normallaşma prosesi çərçivəsində iki ölkənin XİN rəhbərlərinin görüşünə ev sahibliyi edib.

“İqtisadi əməkdaşlığımız genişlənməkdədir. Hökumətlərarası Birgə Komissiya bu işdə vacib rol oynayır. İsveçrə şirkətləri Azərbaycanın azad olunan torpaqlarında yenidənqurma layihələrinə cəlb olunub. SOCAR İsveçrədə uğurla fəaliyyət göstərir”, - nazir müavini qeyd edib.

“Ermənilər Holokostun nə olduğunu bilmirlər və onların bu barədə danışmağa haqqı yoxdur”.

“Report” xəbər verir ki, bu barədə Təl-Əvivdəki dağ yəhudiləri sinaqoqunun baş ravvini Şmuel Simantovun Ermənistan tərəfinin Azərbaycana qarşı ittihamlarına cavab olaraq etdiyi müraciətdə deyilir.

“Onlar (ermənilər – red.) yəhudi xalqının başına gələnlərlə nəyisə müqayisə belə etməməlidirlər. Onlar yaşadıqları cənnəti Holokost adlandırırlar”, - ravvin deyib.

Onun sözlərinə görə, Azərbaycan öz ərazilərini qaytardıqdan sonra ermənilər orada Azərbaycan vətəndaşları kimi normal yaşaya bilərlər.

Eyni zamanda, ravvin qeyd edib ki, Qarabağ separatçıları Azərbaycan və Ermənistan xalqlarının 30 il ərzində əziyyət çəkdiyi müharibəni yenidən bərpa etməyə cəhd göstərmək məqsədilə Laçın yolundan istifadə etməklə qanunsuz şəkildə silah-sursat daşımağa davam ediblər:

“Elə müharibəni də Ermənistan tərəfi başlatmışdı”.
O vurğulayıb ki, Qarabağda yaşayan ermənilər Azərbaycanın təklif etdiyi yardımdan qəsdən imtina edirlər.

“Bu separatçılar oradakı insanların ac qalmasını istəyirlər”, - Ş.Simantov bildirib.

Ravvin əlavə edib ki, onlar Qarabağda yaşayan ermənilərin reinteqrasiyasına da mane olurlar:

“Onların normal insanlar kimi yaşamasını istəmirlər. Bu, onların günahıdır”.

Sentyabrın 5-i saat 01:35-də Ermənistan silahlı qüvvələrinin bölmələri İstisu yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcər rayonunun İstisu yaşayış məntəqəsi istiqamətində yerləşən mövqelərini müxtəlif çaplı atıcı silahlardan atəşə tutub.

Bu barədə Müdafiə Nazirliyindən məlumat verilib.

Bildirilib ki, bölmələrimiz tərəfindən qeyd olunan istiqamətdə adekvat cavab tədbirləri görülüb.

Prezident İlham Əliyev sentyabrın 4-də “Xınalıq və Köç yolu” Dövlət Tarix-Mədəniyyət və Etnoqrafiya Qoruğunun yaradılması haqqında Sərəncam imzalayıb.

Sərəncama əsasən, Qoruğun fəaliyyətinin təmin edilməsi ilə bağlı tələb olunan zəruri xərclərin maliyyələşdirilməsi Azərbaycan Respublikasının dövlət büdcəsində Azərbaycan Respublikasının Dövlət Turizm Agentliyi üçün nəzərdə tutulmuş vəsait hesabına həyata keçiriləcək.

Sərəncamda deyilir: “Quba rayonunun Xınalıq kəndindən Pirsaat su anbarınadək uzanan və Qusar, Quba, Şamaxı, Qobustan, Abşeron və Hacıqabul rayonları ərazisindən keçən 200 kilometrdən artıq köç yolu yüz illər boyu Şirvan və Quba bölgəsinin köçəri heyvandarlıq təsərrüfatlarının istifadə etdiyi əhəmiyyətli yol olmuşdur. Köçəri heyvandarlıq təsərrüfatları tərəfindən indi də istifadə edilən həmin köç yolu üzərində yüksək tarixi-mədəni dəyərə malik çox sayda abidəyə rast gəlinir. Bu yolun Azərbaycanın mədəni sərvətlərinin qiymətli nümunələri sırasında özünəməxsus yeri vardır. Azərbaycan Respublikasının “Xınalıq” Dövlət Tarix-Memarlıq və Etnoqrafiya Qoruğunun ərazisi və Qusar, Quba, Şamaxı, Qobustan, Abşeron və Hacıqabul rayonlarından keçən tarixi köç yolunun ərazisi “Xınalıq və Köç yolu” Dövlət Tarix-Mədəniyyət və Etnoqrafiya Qoruğu (bundan sonra – Qoruq) elan edilsin”.

Sentyabrın 4-ü saat 09:50-də Ermənistan silahlı qüvvələrinin bölmələri Dəvəli rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini atıcı silahlardan atəşə tutub.

Bu barədə Müdafiə Nazirliyi məlumat yayıb.

Bildirilib ki, Ordumuzun bölmələri tərəfindən cavab tədbirləri görülüb.

Sentyabrın 4-ü saat 07:20-də Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcər rayonunun Yellicə yaşayış məntəqəsi istiqamətində yerləşən mövqelərini müxtəlif çaplı atıcı silahlardan atəşə tutub.

Bu barədə Müdafiə Nazirliyindən (MN) məlumat verilib.

Bildirilib ki, bölmələrimiz tərəfindən qeyd olunan istiqamətdə cavab tədbirləri görülüb.

Sentyabrın 2-si saat 12:58-də Ermənistan silahlı qüvvələrinin bölmələri Qafan rayonu istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonu istiqamətində yerləşən mövqelərini atıcı silahlardan atəşə tutub.

Bu barədə Müdafiə Nazirliyi məlumat yayıb.

Bölmələrimiz tərəfindən cavab tədbirləri görülüb.

İlqar Akif oğlu Mahmudov Quba Rayon İcra Hakimiyyətinin başçısı təyin edilib.

Bu barədə Prezident İlham Əliyev sərəncam imzalayıb.

Siyam Çərkəz oğlu Hacıyev Naxçıvan Muxtar Respublikası Culfa Rayon İcra Hakimiyyətinin başçısı vəzifəsindən azad edilib.

Bu barədə Prezident İlham Əliyev sərəncam imzalayıb.

"Hazırda Əhmədlidə (Bakı kinoteatrının yaxınlığı) Qaçaq Nəbi küçəsində, 95 nömrəli məktəbin yanında dağıtma işləri gedir". DİA.AZ bildirir ki, bunu öz paylaşımında tanınmış jurnalist Rasim İsmayılov qeyd edib.

Narazılığını daha da sərt ifadələrlə bildirən jurnalist daha sonra belə deyib:

"Bir həftədir gecələr yuxuya həsrət qalmışıq. Pəncərəni açan kimi ekskovator elə bil evin içində işləyir.

Zatən bütün həyəti hasara alıblar. Bu cəhənnəm heç olmasa bunu gündüz sökün da.

Rəsmi qurumların adını yazmıram. Çünki bu boyda özbaşınalığı görmürlərsə mənim "həştəq"imi görəcəklər?

Topraq doydursun gözünüzü..."

Ümid ediik ki, rəsmi qurumlar, xüsusən də Xətai rayon icra hakimiyyəti vətəndaş gileyini nəzərə alacaq.

Məsələ ilə bağlı dia.az olaraq əlaqədar qurum və şəxsləri dinləməyə hazırıq...