Sentyabrın 19-da saat 09 radələrində Laçın rayonu Mollalar kəndi ərazisində ağır yol-nəqliyyat hadisəsi baş verib.

DİN-in mətbuat xidmətinin regional qrupundan bildirilib ki, “Ural” markalı avtomobilin qəzaya uğraması nəticəsində Azərenerji-nin əməkdaşları – Məmmədov Məhəmməd Mübariz oğlu və Məmmədov Gülağa Gülməmməd oğlu həyatlarını itiriblər.

Araşdırma aparılır.

"Carçıoğlu Qrup" MMC-nin rəhbəri, iş adamı Elçin Carçıyevin dövlətdən gizlətdiyi milyonlarla bağlı keçən günlərdə məlumat verdik. Əslində təqdimetdiyimiz faktların ardından daha geniş materialla çıxış edəcəyimizi bildirmişdik. Amma yazımız yubandı. Ona görə yox ki, ortada dəkil yoxdur... əksinə, əlimizdəki faktların daha samballı sübutlarını əldə etmə naminə müəyyən müddətlik araşdılrma aparmalı olduq və...

Və araşdırmalarımız nəticəsində əldə etdiyimiz bilgilərdən aydın oldu ki, sən demə, "Carçıoğlu Qrup" MMC-nin rəhbəri, iş adamı Elçin Carçıyev təkcə vergidən yayınmır, eyni zamanda DAHA BÖYÜK BİR QANUN POZUNTUSUNA DA qol qoyur...

Bu barədə redaksiyyamıza daxil olan məlumatlardan aydın olur ki, bir zamanlar "Efes" və digər bu kimi Türkiyə istehsalı olan spirtli içkili malların Azərbaycana tədarükçüsü olan "Carçıoğlu Qrup" MMC neçə müddətdir ki, bu biznseini itirib və Azərbaycanda belə bir QAZANC YERİNDƏN olan Elçin Carçıyev cənabları yenə də EYNİ ALVERLƏ məşğuldur... Amma bu dəfə fərqli yolla...

Bu barədə DİA.AZ_a daxil olan məlumatlardan aydın olur ki, "Carçıoğlu Qrup" MMC "Efes" pivələrini - hansılar ki, 3 il əvvəlindən onlar tərəfindən Azərbaycana idxal olunub və satılmayaraq ambarlarında qalıb... - həmin məhsullar yenidən satışa buraxılır və özü də ciddi satış məntəqələrində...

Burada başlıca marağı QAZANC əldə etmək olan "Carçıoğlu Qrup" MMC-nin rəhbəri daha anlamır ki, təkcə hazırda "Efes" pivələrinin ölkəmizə ƏSAS və yeganə tədarükçüsü olan "Veysəloğlu GROUP"u hədəfə çevirmir, eyni zamanda istehlakçıların da sağlamlığını təhlükə altına atır...

Hər halda, öz adına və işinə sayğı ilə yanaşdığını nümayiş etdirən "Veysəloğlu" bu gün özünün biznes maraqları naminə yox, həm də TİCARƏT ŞƏRƏFİ naminə onun adına bazara saxta, vaxtı keçmiş məhsul çıxaran bir qurumdan şikayətçi düşməlidir... SÜBUT?

Bu barədə əlimizdə olan faktları növbəti yazlmızda təqdim edəcəyik. eyni zamanda, bu işdə maraqlı olmalı olan AQTA və "Veysəloğılu"nun da mövqelərini təqdim edəcəyik... BİZİ İZLƏYİN...

Qarşı təəf olaraq isə - "Carçıoğlu Qrup" MMC-nin rəhbəri, iş adamı Elçin Carçıyevi də dinləməyə hazırıq... GÖRƏK NƏ DEYƏCƏK...

​DİA.AZ

Bakı-Sumqayıt yolundakı tıxaclar hər zaman müzakirə mövzusu olub. Xüsusilə də yağışlı və qarlı havalarda bu yolda hərəkət iflic olur.

Bununla bağlı Sfera.az-a açıqlama verən nəqliyyat məsələləri üzrə ekspert Elməddin Muradlı deyib ki, Bakı-Sumqayıt yolunda sıxlığın yaranmasının iki səbəbi var. Müsahibimiz səhər saatlarında Bakı, axşam saatlarında isə Sumqayıt istiqamətində tıxacların olduğunu xatırladıb:

“Səbəb isə odur ki, Sumqayıtda yaşayanların yarıdan çoxu paytaxtda işləyir və nəticədə, səhər saatlarında təxminən 200 mindən çox maşın həmin istiqamətdən şəhərə daxil olur. Lakin həmin yolun tutumu buna hesablanmayıb. Keçmiş nəqliyyat naziri Ziya Məmmədov və onun komandası bərbad bir nəqliyyat siyasəti yürütdü və hazırda yaşadığımız problemlərin bir çoxunda bunun mənfi rolu var”.

Ekspert qeyd edib ki, Xırdalan dairəsində körpü variantı tətbiq edilmədiyinə görə sürücülər həmin ərazidə tıxaca düşürlər:

“Yolun ötürücülük qabiliyyəti dairədə hərəkət edən nəqliyyat vasitələrinə münasibətdə güclü deyil. “Şamaxinka” adlanan ərazidə, eyni zamanda tunelin girişində də vəziyyət eynidir. Vaxtilə “20 yanvar” dairəsini şaxələndirmək lazım idi, amma etmədilər. Oradakı körpü əslində şaxələnməli idi – yəni, məsələn, o körpüyə qalxıb “Şərifzadə” və ya “Zərdabi küçəsi”nə, “Qələbə dairəsi” istiqamətinə, sola “Ziya Bünyadov prospekti”nə gedə bilərdiniz , və ya geriyə dönüb tunelə qayıtmağa imkan yarada bilərdilər. Məcbur deyil ki, hamı gedib “20 yanvar dairəsi”nə girsin, daha sonra Şamaxinkaya qayıtsın, yaxud “Ziya Bünyadov prospekti”nə dönsün, “Şərifzadə küçəsi”nə getsin və.s. Qısası, körpü şaxələnsəydi, problemlər yaşanmazdı. Bakı-Sumqayıt yolunun əsas problemi “20 yanvar” və Xırdalan dairələridir. Ziya Məmmədov orada bir yara qoyub gedib və bu gün həmin yaranı sağlatmaq çox çətindir”.

Sfera.az

Prezident İlham Əliyev Xaçmaz rayonunun Gəndob–Xaçmaz–Yalama–Rusiya Federasiyası ilə dövlət sərhədi (20 km)–Hülövlü–Sərkərli–Alıcqışlaq–Qədmalıqışlaq–Rəhimoba avtomobil yolunun tikintisi ilə bağlı tədbirlər haqqında Sərəncam imzalayıb.

Sərəncama əsasən, səkkiz min nəfər əhalinin yaşadığı 11 yaşayış məntəqəsini birləşdirən Gəndob–Xaçmaz–Yalama–Rusiya Federasiyası ilə dövlət sərhədi (20 km)–Hülövlü–Sərkərli–Alıcqışlaq–Qədmalıqışlaq–Rəhimoba avtomobil yolunun tikintisi məqsədilə Azərbaycan Avtomobil Yolları Dövlət Agentliyinə 11 milyon manat ayrılıb.


Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti bu Sərəncamdan irəli gələn məsələləri həll etməlidir.

"Ermənistan öz üzərinə düşən öhdəlikləri yerinə yetirməkdən imtina edərsə, Azərbaycan alternativ nəqliyyat marşrutları üzərində çalışacaq".

Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev TASS-a müsahibəsində deyib.

Onun sözlərinə görə, Azərbaycan logistika ehtiyaclarını “Ermənistan hökumətinin şıltaqlığı”na uyğunlaşdırmaq niyyətində deyil və ölkəmiz regional tərəfdaşları ilə birlikdə irəliləyəcək:

“İrəvan müxtəlif bəhanələrlə öz öhdəliklərindən imtina edərsə və əgər təcrid olunmuş vəziyyətdə qalmağı davam etdirmək istəyirsə, o zaman Bakı gözləmək fikrində deyil. Regionun digər ölkələri ilə alternativ layihələr üzərində artıq fəal işlər görülür".

Prezidentin köməkçisi əlavə edib ki, Azərbaycan ardıcıl olaraq regionda bütün nəqliyyat kommunikasiyalarının açılmasının tərəfdarıdır, çünki sıx ticari-iqtisadi əlaqələr regionun sülh, sabitlik və rifahına töhfə verəcək. Bu istiqamətdə irəliləyiş əldə etmək üçün böyük səylər göstərən Rusiyanın mövqeyini Azərbaycan yüksək qiymətləndirir.

Hikmət Hacıyev bildirib ki, nəqliyyat kommunikasiyalarının açılması ilə bağlı danışıqlarda müəyyən durğunluq müşahidə olunur.

"Rusiya, Ermənistan və Azərbaycan liderlərinin üçtərəfli bəyanatının müddəalarından biri Zəngəzur dəhlizinin açılmasıdır ki, bu da Azərbaycanın qərb rayonları ilə Naxçıvan Muxtar Respublikası arasında maneəsiz əlaqənin Ermənistan ərazisindən keçərək təmin edilməsi deməkdir. Bəyanatın bu bəndi, təqribən üç ilə yaxın zaman keçsə də, Ermənistan tərəfindən hələ də yerinə yetirilməyib", - Prezidentin köməkçisi qeyd edib.

“Zəngəzur dəhlizinin açılması ilk növbədə Ermənistanın özü üçün sərfəlidir, hansı ki, bu ölkə Azərbaycana qarşı apardığı işğalçılıq siyasəti nəticəsində 30 ilə yaxın müddət ərzində regionun nəqliyyat və logistika arxitekturasından kənarda qalıb”, - H.Hacıyev vurğulayıb.

Övladları hərbi xidmətdə həlak olan valideynlər Prezident Administrasiyası qarşısında aksiya keçiriblər. Sentyabrın 13-də baş tutan aksiyada onlar övladlarına şəhidlik statusunun verilməsini tələb ediblər.

Toplum TV

Sentyabrın 15-i saat 23:55-dən sentyabrın 16-sı 00:35-dək Ermənistan silahlı qüvvələrinin bölmələri Çəmbərək rayonunun Cil və Basarkeçər rayonunun Dərə yaşayış məntəqələri istiqamətlərində yerləşən mövqelərindən Azərbaycan Ordusunun Gədəbəy rayonunun Əyrivəng və Qalakənd yaşayış məntəqələri istiqamətlərində yerləşən mövqelərini atıcı silahlardan bir neçə dəfə atəşə tutub.

Bu barədə Azərbaycanın Müdafiə Nazirliyindən məlumat verilib.

Bildirilib ki, ordumuzun bölmələri tərəfindən qeyd olunan istiqamətlərdə cavab tədbirləri görülüb.

Azərbaycan Respublikasının Prezidenti İlham Əliyev Liviya Dövləti Prezident Şurasının Sədri Məhəmməd Yunis Əl-Mənfiyə başsağlığı verib.

Dövlət başçısı məktubunda qeyd edib: “Ölkənizdə baş vermiş güclü daşqınlar nəticəsində çoxsaylı insan tələfatı və irimiqyaslı dağıntılar barədə xəbər bizi son dərəcə kədərləndirdi”.

Azərbaycan Prezident bu faciə ilə əlaqədar Məhəmməd Yunis Əl-Mənfiyə, həlak olanların ailələrinə və yaxınlarına, dost Liviya xalqına şəxsən öz adından və Azərbaycan xalqı adından dərin hüznlə başsağlığı verib, yaralananlara şəfa diləyib, təbii fəlakətin nəticələrinin tezliklə aradan qaldırılmasını arzulayıb.

Prezident İlham Əliyev Tacikistan Prezidenti Emoməli Rəhmonun dəvəti ilə Mərkəzi Asiya Dövlət Başçılarının 5-ci Məşvərət görüşündə fəxri qonaq qismində iştirak etmək üçün sentyabrın 14-də Tacikistana səfərə gedib.

Düşənbə Beynəlxalq Aeroportunda dövlətimizin başçısının şərəfinə fəxri qarovul dəstəsi düzülüb.

Azərbaycan Prezidenti İlham Əliyevi Tacikistanın Baş naziri Koxir Rasulzada və digər rəsmi şəxslər qarşılayıblar.

Sentyabrın 13-ü saat 21:35-dən sentyabrın 14-ü saat 00:45-dək Ermənistan silahlı qüvvələrinin bölmələri Basarkeçər rayonunun Yuxarı Zağalı və Tovuzqala rayonunun Mosesqex yaşayış məntəqələri istiqamətlərində yerləşən mövqelərindən Ordumuzun Kəlbəcər rayonunun Mollabayramlı və Tovuz rayonunun Ağdam yaşayış məntəqələri istiqamətlərində yerləşən mövqelərini atıcı silahlardan fasilələrlə atəşə tutub.

Bu barədə Azərbaycan Müdafiə Nazirliyindən məlumat verilib.

Bildirilib ki, sentyabrın 14-ü saat 00:05 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Azərbaycan Ordusunun Kəlbəcər rayonu istiqamətində yerləşən mövqeləri də atəşə tutulub.

Bölmələrimiz tərəfindən qeyd olunan istiqamətlərdə cavab tədbirləri görülüb.