"Azərbaycan Reallığı"na video şikayət göndərən Daşkəsən rayon Qaraqollar kənd sakini onun şikayətini olduğu kimi ictimailəşdirilməsini xahiş edib, sözü gedən vətəndaşın yazılı ve video şikayətini sizlərə təqdim edirik:


Biz kənd təsərrüfatı ilə məşğul oluruq. Xırda buynuzlu mal-qara saxlayırıq. Qışda qışlağa, yayda yaylağa, yəni Daşkəsən rayon Qaraqollar kəndinin üstünə aparırıq. Bizim dolanışığımız burdandır. Qaraqollar kəndinin məktəb direktoru Mustafayev Vasif bizim sənədlə olan yerə qeyri qanuni sahib çıxmağa çalışır. Ən son bu gün gəlib bizim çobanları söyərək təhqir edib.  


Çobanım da mənə zəng vurdu olanları danışdı. Getdim hadisə yerinə, həqiqətən də Vasif ordadır. Yerimin sənədi ola-ola bildirir ki, yer mənimdir. Yeri gəlmişkən onu da bildirim ki, Vasif Mustafayev həm də direktordu. Halbuki, həmin saatda, yəni 12:00 - da Vasif Mustafayev iş yerində olmalıydı. Deməli,bu adam öz məsuliyyətini dərk etmək əvəzinə gəlib qoçuluq edir.  


VİDEO:

Qarşı tərəfində mövqeyin dərc etməyə hazırıq.


AZƏRBAYCANREALLIĞI.COM  

Hacıqabulda ölümlə nəticələnən yol-nəqliyyat hadisəsi baş verib.

Hadisə Hacıqabul rayonunun Udulu kəndi ərazisində qeydə alınıb.

Qəzada yaralanan kənd sakini, 2003-cü il təvəllüdlü Babayev Məhəmməd İmanverdi oğlu Şirvan xəstəxanasına çatdırılsa da bir neçə dəqiqədən sonra orada ölüb.

Faktla bağlı araşdırma aparılır.

İyunun 21-də saat 22:20-də Dövlət Sərhəd Xidmətinin Sərhəd Qoşunlarının “Lənkəran” sərhəd dəstəsinin xidməti ərazisində sərhəd naryadının sayıqlığı nəticəsində narkotik vasitələrin qaçaqmalçılıq yolu ilə İran İslam Respublikasından Azərbaycan Respublikasına keçirilməsinin qarşısı alınıb.

Bu barədə Dövlət Sərhəd Xidmətinin Mətbuat Mərkəzi məlumat yayıb.

Sərhəd naryadının qanuni tələblərinə məhəl qoymayan sərhəd pozucularına qarşı “Dövlət sərhədi haqqında” Azərbaycan qanununun tələblərinə uyğun olaraq xəbərdarlıq məqsədilə silah tətbiq edilib. Sərhəd pozucuları üzərindəki bağlamaları atıb, relyefin mürəkkəbliyindən istifadə edərək geriyə, İran ərazisinə qaçıblar.

Ərazidə aparılmış sərhəd axtarışı və əməliyyat tədbirləri nəticəsində ümumi çəkisi 12 kq 760 qram narkotik vasitə (10 kq 705 qram marixuana, 2 kq 55 qram tiryək) aşkar olunub.

Fakt üzrə əməliyyat-istintaq tədbirləri davam etdirilir.

Dövlət Təhlükəsizliyi Xidmətində (DTX) aparılmış araşdırmalar nəticəsində Azərbaycan Respublikasının vətəndaşlarından ibarət, ölkə hüdudlarından kənarda terror aktlarının törədilməsi ilə müşayiət olunan, dini düşmənçilik, dini radikalizm və dini fanatizm zəminində aparılan silahlı münaqişələrdə iştirak etmək məqsədilə qeyri-leqal yollarla Suriya Ərəb Respublikasının ərazisinə keçdikdən sonra həmin dövlətin İdlib şəhərində xüsusi hazırlıq düşərgəsində təlimlərə cəlb olunaraq müxtəlif növ odlu silahlardan istifadə qaydalarına yiyələnmiş, “Taifatul Mansura” adlı qanunsuz silahlı dəstənin tərkibində döyüşlərdə iştirak etmiş sabit qrupun üzvləri müəyyən olunub və barələrində beynəlxalq axtarış elan edilib.

Bununla bağlı DTX məlumat yayıb.

Başlanılmış cinayət işi üzrə həyata keçirilmiş əməliyyat-istintaq tədbirləri ilə yuxarıda qeyd olunan cinayət əməllərini törətmiş 13 nəfər Azərbaycan Respublikası vətəndaşının - Abdullayev Şəmil Töhüd oğlu, Ağamətov Murad Əlibala oğlu, Quliyev Murad Firudin oğlu, Rüstəmov Fərhad İsə oğlu, Sultanov Sultan İdris oğlu, Hüseynov Nəcməddin Nəzir oğlu, Mahmudov Hikmət Sahib oğlu, Əliyev Mais Telman oğlu, İsmayılov İsmayıl Aydın oğlu, Babayev Şəhriyar Rahim oğlu, Muradov Hacı Arif oğlu, Baxışov Əlövsər Əlisafa oğlu və Əsədov İntiqam Şirin oğlunun xarici ölkə ərazisində gizləndikləri yerlər müəyyənləşdirilmiş və onlar beynəlxalq axtarışa dair qarşılıqlı hüquqi yardım proseduru çərçivəsində müvafiq tədbirlərlə saxlanılaraq Azərbaycan Respublikasına gətiriliblər.
Sözügedən şəxslər Azərbaycan Respublikasının Cinayət Məcəlləsinin 283-1.3-cü (Azərbaycan Respublikasının hüdudlarından kənarda silahlı münaqişələrdə iştirak etmək məqsədilə sabit qruplar yaratma, həmin qruplarda, təlimlərdə və ya silahlı münaqişələrdə iştirak etmə) maddəsi ilə təqsirləndirilən şəxs qismində cinayət məsuliyyətinə cəlb olunaraq, məhkəmənin qərarı ilə barələrində həbs qətimkan tədbiri seçilib.

Hazırda kompleks istintaq-əməliyyat tədbirləri davam etdirilir.

Cəlilabad rayonunda yanğın hadisəsi baş verib, minik avtomobili yanaraq kül olub.

Hadisə rayonun Bəcirəvan kəndində qeydə alınıb.

Hadisə yerinə yanğınsöndürən maşınlar və canlı qüvvə cəlb olunub. Yanğın söndürülüb, ancaq hadisə nəticəsində Misir Tağıyevə məxsus “VAZ” markalı minik avtomobili yanaraq kül olub.

Faktla bağlı araşdırma aparılır.

Report

Türkiyədə maraqlı hadisə baş verib. Boşandığı həyat yoldaşının silikonlarını deşici əşya ilə partladan keçmiş ər saxlanıldıqdan sonra yaralanma ittihamı ilə həbs edilib.

Dursun K. evli olduğu zaman həyat yoldaşının daha gözəl görünməsi üçün sinəsinə silikon taxdırıb. Bir müddət sonra Dursun K. 10 ildir evli olduğu Elif K.-dan aralarında fikir ayrılığı olduğunu əsas gətirərək boşanıb.

Elif K. boşandıqdan sonra ona zəng edən keçmiş həyat yoldaşı Dursun K.-ya "Sevgilim var. İndi mənə zəng vurma", "Sənin düzəltdiyin sinələrə başqası toxunur" sözləri ilə mesajlar göndərib. Bu açıqlamalardan hiddətlənən Dursun K. dəhşətli plan qurub. İyunun 5-də Kağıthanedə keçmiş həyat yoldaşının mənzilinin qarşısında gözləməyə başlayan Dursun K. ağzın Elif K.-ni binaya buraxıb. Elif K.-nın silikonlarını əlindəki deşici əşya ilə partladan Dursun K. daha sonra qaçıb. 112 Təcili Xidmətə zəng edərək kömək istəyən Elif K.-ya xəstəxanada tibbi yardım göstərilib. Silikonları çıxarılan Elif K. keçmiş həyat yoldaşından şikayət edib.

O, törətdiyi cinayəti etiraf edib.

Dövlət Sərhəd Xidmətinin (DSX) hərbçisi özünü güllələyərək öldürüb.

Bu barədə hərbi prokurorun böyük köməkçisi - Hərbi Prokurorluğun Mətbuat xidmətinin rəhbəri, baş ədliyyə müşaviri Firad Əliyev deyib.

O bildirib ki, DSX-nin "N" saylı hərbi hissəsinin hərbi qulluqçusu, kiçik gizir Əhmədov Rahil Rahib oğlunun odlu silahdan atəş açmaqla özünü öldürməsi barədə Qubadlı Hərbi Prokurorluğuna məlumat daxil olub:

"Daxil olan məlumat əsasında Qubadlı Hərbi Prokurorluğunun və Azərbaycan Hərbi Prokurorluğunun Kriminalistika və informasiya texnologiyaları idarəsinin əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən predmetlər maddi sübut kimi götürülüb, izahatlar alınıb və digər hərəkətlər icra edilib.

Fakt üzrə Qubadlı Hərbi Prokurorluğunda Azərbaycan Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılaraq şahidlər dindirilib, müvafiq ekspertizalar təyin edilmiş və təxirəsalınmaz zəruri istintaq hərəkətləri həyata keçirilib".

"Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaqdır", - Hərbi Prokurorluğun rəsmisi vurğulayıb.

İsmayıllı rayonunda məktəb şagirdi intihara cəhd edib.

Hadisə bu gün axşam saat 21:00 radələrində İsmayıllı şəhərində qeydə alınıb. Rayon sakini, 2008-ci il təvəllüdlü Babayeva Nazlı Elsur qızı yaşadığı evdə özünü öldürmək məqsədilə sirkə turşusu içib. Ailə üzvləri hadisədən tez xəbər tutub, kömək üçün dərhal təcili tibbi yardım stansiyasının həkimlərini çağırıblar. Zəhərlənərək halı pisləşən xəstə ambulans avtomobili ilə təcili olaraq İsmayıllı rayon Mərkəzi Xəstəxanasına çatdırılıb. Məktəbin 9-cu sinif şagirdi olan Nazlı Babayevanın özünə qəsd etməsinin səbəbi hələ ki, bilinmir. Hazırda rayonun hüquq-mühafizə orqanlarının əməkdaşları hadisə yerindədir.


Faktla bağlı İsmayıllı rayon Prokurorluğu tərəfindən araşdırma aparılır.

"Unikal"

Milli Məclisin deputatı İqbal Məmmədov oğlunun üzləşdiyi şantaj hadisəsi ilə bağlı açıqlama verib.

Laf TV-yə telefon bağlantısı ilə qoşulan İ.Məmmədov hadisənin 2020-ci ilin yanvar ayında baş verdiyini deyib.

O, deputatlığa namizəd olduğu dövrdə oğlunun ona məxsus olduğu iddia edilən görüntülərlə şantaj edildiyin deyib: “Oğlum mənə dedi ki, ona zənglər edirlər, şantaj edirlər. Mən dedim ki, gəl həmin adamları hüquq-mühafizə orqanlarına verək. Çünki belə bir şey bizim nəslə yaraşmayan bir şeydir. Dərhal hüquq-mühafizə orqanlarına müraciət etdik. Həmin pulu da hüquq-mühafizə orqanlarının istəyi ilə deyilən karta yüklədik ki, onlar izi tapa bilsinlər. 3-4 ay ərzində həmin adam tapıldı, araşdırma aparıldı və işi məhkəməyə göndərdilər. Məhkəmə də ona iş kəsib”.

İ.Məmmədov əlavə edib ki, həmin şəxs qadın deyil, kişidir: “Mən əvvəllər uzun müddət biznes fəaliyyəti ilə məşğul olmuşam. 2010-cu ildə millət vəkili seçiləndən sonra şirkətlərimi ailəmə və qardaşıma dövr etmişəm. Bu şəxs də həmin şirkətlərin birində işləyib, daha əvvəl isə hansısa reket saytlardan birində çalışıb. Qardaşıma məxsus olan şirkətdə işlədiyi vaxt o, işdən qovulub. Bu səbəbdən də belə bir şantaja əl atıb”.

Millət vəkili şantaja əl atmış şəxsin əlində hər hansı ifşaedici foto və ya məlumatın olmadığını bildirib.

“Qafqazinfo”nun apardığı dəqiqləşdirmələrdən sonra məlum olub ki, millət vəkilinin oğlunu şantaj etdiyinə görə həbs edilən şəxs 1992-ci il tarixdə Bakıda anadan olmuş, ailəli, ali təhsilli Xəzər rayonu, Şüvəlan qəsəbəsində yaşayan R.Ə.Quliyevdir. O, qadın (1984-cü il təvəllüdlü Nəzrin Məmmədli) adı ilə saxta profillər açaraq İqbal Məmmədovun oğlu Mirhəmid Nərimanlını şantaj edib.
Hörmətli millət vəkilinin diqqətinə çatdırırıq ki, bu gün “Qafqazinfo”da yayımlanan xəbərdə də Xəzər Rayon Məhkəməsinin hökmü ilə R.Ə.Quliyevin 2022-ci ildə həbs olunduğu, daha sonra şərti cəza ilə azadlığa buraxıldığı qeyd olunmuşdu. Bu ilin may ayının 18-də isə Bakı Apellyasiya Məhkəməsinin qərarı ilə o, yenidən məhkəmə zalındaca həbs edilib.

Belə ki, apellyasiya instansiyası təqsirləndirilən şəxs barəsindəki 3 il həbs hökmünü bərpa edib. R.Ə.Quliyevin 2022-ci ildə bu cinayət işi üzrə həbsdə saxlanıldığı 1 ay 28 gün cəzasından çıxılıb.

“Qafqazinfo”