“Ünvanlı Dövlət Sosial Yardım haqqında Qanun” dövlət başçımız cənab İlham Əliyev tərəfindən 2005-ci ildə imzalanmışdır. Aztəminatlı ailələrin sosial müdafiəsinin gücləndirilməsindən ötrü olan bu qanunda bildirilir ki, ünvanlılıq,ədalətlilik və bərabərlik prinsipləri əsasında Azərbaycan Respublikasında yaşayan hər bir aztəminatlı ailəyə sosial yardım təyin olunmalıdır.
Nəticə etibarı ilə bu Qanun bütün aztəminatlı ailəyə şamil edilir.
Əmək və Əhalinin sosial Müdafiəsi Nazirliyi tərəfindən sosial yardımın verilməsində şəffaflığın təmin olunması üçün bir sıra zəruri tədbirlər görülsə də, lakin sosial yardım üçün müraciət qaydalarında olan boşluqlarla yanaşı Dövlət Sosial Müdafiə Fondunun bəzi regional ərazi filiallarında məqsədyönlü olaraq yaradılan süni maneələr nəticəsində aztəminatlı ailələr sosial yardım almaqdan məhrum olublar. Həmin filialların sosial yardım sektorunda çalışan məsul şəxslər dövlətin qanunlarını özlərinə xas olan və şəxsi maraqlarına xidmət edən qaydalarla əvəz ediblər. Onların qaydalarına əsasən sosial yardım aztəminatlı ailələrin mövcud maddi durumuna görə deyil onların ciblərinə uyğun təyin olunur.
Əhalinin sayı nisbətinə əsasən sosial yardım üçün müraciət etmək hüququndan məhrum edilən aztəminatlı ailələr cənub bölgəsinin Lənkəran rayonunda, əsasən, çoxluq təşkil edir. Həmin ailələrin sosial yardımdan məhrum olmasının əsas səbəbi ailə başçılarının adında payıbəlli torpaq sahəsi və rəsmi iş yeri olmaması səbəbindən məşğulluqlarını təmin edə bilmirlər. Bu səbəbdən də sosial yardım üçün müraciət etmək hüququndan istifadə edə bilmirlər. Bundan öncə payıbəlli torpaq sahəsi və rəsmi iş yerləri olmayan aztəminatlı ailələr vergilər orqanında sadələşdirilmiş vergi ödəyicisi kimi qeydiyyata düşdükdən sonra adına VÖEN açdıqdan sonra məşğulluqları təmin olunurdu. Sosial yardım üçün müraciət etdikdə heç bir əngəllikləri özləşmirdilər.
Aztəminatlı ailələrin paybəlli torpaq sahələrində məşğulluqların təmin olunması ilə bağlı problemlər aradan qaldırılsa da lakin paybəlli torpaq sahəsi və iş yerləri olmayan aztəminatlı ailələrin məşğulluqların təmin olunması bir problem olaraq hələ də öz həllini tapmayıb. Sözü gedən məsələ ilə bağlı nazirlik tərəfindən heç bir tədbir görülməyib.
Lənkəran rayonunun sakinləri bildirirlər ki, hazırki vəziyyətdə aztəminatlı ailələlər sosial yardım üçün müraciət edərək maddi məişət yoxlamaları zamanı onların müraciətlərinə məqsədyönlü olaraq imtina verilir.
Hazırda sözü gedən məsələ ilə bağlı araşdırma aparırıq. Aztəminatlı ailələrin sosial yardım almasına maneə yaradanlar kimlərdir, məqsədləri nədir və onları kimlər himayə edir? Bütün suallar tam əhatəli olaraq cavablandırılacaqdır.
Çoxsaylı şikayət məktublarında və əldə etdiyimiz informasiyalara əsasən deyə bilərik ki, Dövlət Sosial Müdafiə Fondunun ərazi filialında sosial yardım sektorunun məsul şəxsləri rüşvəti harada, necə və hansı qaydada qəbul etdikdən sonra vətəndaşların müraciətlərinə təyinat verirlər. Bəs görəsən Dövlət Sosial Müdafiə Fondunun Lənkəran Regional ərazi filiallarında aztəminatlı ailələrə sosial yardım hansı qaydada verilir, dövlətin qanunları əsasında və ya şəxsi maraqlara xidmət edən qaydalar əsasında? Bütün bu suallar tam əhatəli və dolğun cavablandıracağıq.
Mövzu aktualdır. Mövzuya yenidən qayıdacağıq.
ZTV-nin redaktoru ZAHİD SƏMƏDOV
Zamantv.az