Pakistanın Dini İşlər və Dinlərarası Harmoniya üzrə naziri Əbdül Şakur paytaxt İslamabadda baş verən yol qəzasında dünyasını dəyişib.

İslamabadda avtomobil nazir Şakurun maşınına çırpılıb.

Qəzada ağır yaralanaraq xəstəxanaya çatdırılan Şakuru bütün səylərə baxmayaraq xilas etmək mümkün olmayıb.

Prezident Arif Alvi və Baş nazir Şahbaz Şərif, qəzada həyatını itirən Şakur üçün başsağlığı mesajı dərc edib.

"Unikal"

Ermənistanın baş naziri Nikol Paşinyan Azərbaycan bayrağını yandırdığına görə ölkənin İctimai Televiziyasında çalışan Aram Nikolyanın işdən çıxarılması barədə göstəriş verib.

Bu barədə aysor.am məlumat yayıb.

Xatırladaq ki, A.Nikolyan ağır atletika üzrə Avropa çempionatının açılış mərasimində bayraqların paradı zamanı Azərbaycan bayrağı zala gətirildikdən sonra səhnəyə qaçaraq qızın əlindən milli simvolumuzu götürüb və onu yandırıb, ardınca da zaldan qaçmağa çalışıb. Sonradan məlum olub ki, onun barəsində cinayət işi açılmayacaq.

"Türkiyə vətəndaşı olan dostumla "OMD" adlanan xəstəxanada oldum. Gördüklərim birmənalı olaraq dəhşət idi". DİA.AZ bildirir ki, bu barədə jurnalist Savalan Talıblı "OMD" kimi tanınan K.Fərəcova adına Elmi-Tədqiqat Pediatriya İnstitutunda rastlaşdığı mənzərədən bəhs edərək bildirib.

"Orada çalışan tibb bacıları və xadimələr xəstələrdən beş manat almaqdan ötrü dəridən-qabıqdan çıxırlar" deyə etirazını ifadə edən S.Talıblı yazır:

"Hərəsinin öz qiyməti var. Tibb bacıları 10 manat , xadimələr 5 manat. Bu qiymətləri kim müəyyən edib. Oradakı fırıldağa diqqət yetirin. Xəstənin yanına valideyin buraxılmır.

Tibb bacıları xəstəni özü gətirir və səndən bir dəfə pulu "qapazlayıb alır". Ardınca da xadimə gəlir. O da səni "qapazlayır"... Bu biabırçılığın qabağını alan olacaqmı? Dövlət xəstəxanalarında hələ də bu cür özbaşınalıqlar var".

İddia olunanlarla bağlı dia.az olaraq bütün aidiyyatı qurum və şəxsləri dinləməyə hazırıq...

Ukraynada müharibə davam edir.

Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.

O bildirib ki, Kiyevdə 4 həftəlik fasilədən sonra yenidən hava həyəcan siqnalları verilməyə başlayıb.

Qeyd edilib ki, ötən gecə Ukraynanın şərq və cənub vilayətlərində döyüşlərin şiddəti daha da artıb:
“Təkcə Donetsk vilayətinin Baxmut, Avdiyevka, Marinka və Limansk şəhərlərinə bir gecədə Rusiya Ordusu və “Vaqner” hərbçilərinin 49 hücum cəhdi olub”.

O da bildirilib ki, işğalda olan Donetsk şəhərinin qəsəbələrindən birində separatçı rejimlə azərbaycanlılar arasında insident yaşanıb.

“Separatçı rejim azərbaycanlıları da səfərbərliyə cəlb etmək istəyib. Nəticədə döyüşə getmək istəməyən Şamil Həsənov və Teymur Cumıyev güllələnərək öldürülüblər”, - deyə M.Aslanov əlavə edib.

ABŞ-ın Texas ştatında süd zavodunda partlayış baş verib.

Partlayışdan sonra fabrikdə güclü yanğın başlayıb. Hadisə nəticəsində 18 min inək tələf olub.

Ermənistanın hüquq-mühafizə orqanları Zəngəzur bölgəsinin Qafan rayonunda ermənilərin təxliyə edilməsi haqqında təlimlər keçirəcək.

Bu barədə Ermənistanın Daxili İşlər Nazirliyi açıqlayıb.

Məlumata görə, təlimlər aprelin 14-də baş tutacaq: "Qafanda "Xəbərdarlıq, evakuasiya, sığınacaq" mövzusunda praktiki məşğələlər keçiriləcək. Təlim zamanı həyəcan siqnalı veriləcək".

"Qərb Ərdoğanın əleyhinə olduğunu deyir".

Bu barədə Prezident Rəcəb Tayyib Ərdoğan qatıldığı ortaq canlı yayım proqramında gündəmlə bağlı mühüm açıqlamalar verərkən deyib.

"Mənim millətim bu oyunu mayın 14-də pozacaq. 14 May qırılma nöqtəsi olacaq. Türkiyə bu seçki ilə Qərbə mesaj verəcək"-deyə prezident bildirib.

Türkiyənin ilk yerli elektrik avtomobili olan “Togg” Özbəkistan Prezidenti Şavkat Mirziyoyevə təqdim olunub.

Avtomobili Özbəkistan Prezidentinə Türkiyənin sənaye və texnologiya naziri Mustafa Varank təqdim edib.

Xatırladaq ki, “Togg” bundan öncə Türkiyə və Azərbaycan prezidentlərinə təqdim edilib.

Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində törətdiyi təxribat nəticəsində 4 hərbçisini itirib.

Bu barədə Ermənistan Müdafiə Nazirliyi açıqlayıb.

Məlumata görə, daha 6 erməni hərbçi yaralanıb.

Erməni KİV ölü sayının artacağı barədə açıqlamalar verir: "Meyit və yaralıların bir çoxu ərazidən çıxarılmayıb".

Yaralananlar arasında Ermənistan ordusunun xüsusi təyinatlı korpusunun komandiri Armen Gözəlyan da var.