Türkiyə hazırda İsveçin NATO-ya üzv olmasına hazır deyil.

Bunu Türkiyə Prezidenti Rəcəb Tayyib Ərdoğan “CNN Türk”ə müsahibəsində deyib.

Onun sözlərinə görə, NATO ölkəsi terrorla mübarizəyə gəldikdə qətiyyətli mövqe nümayiş etdirməlidir.
Ərdoğan vurğulayıb ki, İsveç terror qruplaşmalarının Stokholm küçələrində sərbəst dolaşmalarına icazə verməyə davam etdikcə, Türkiyə bu ölkənin NATO üzvlüyünə müsbət baxa bilməz.

Mənbə: CNN

Norveç və Böyük Britaniya birgə Ukraynanı uzunmənzilli reaktiv yaylım atəşi sistemləri və ARTHUR radarları ilə təmin edəcəklər.

"Bu barədə Norveçin müdafiə naziri Byorn Arild Qram bildirib.

Departament rəhbərinin britaniyalı həmkarı Benn Uolleslə görüşün yekunu üzrə bəyanatı Skandinaviya ölkəsi hökumətinin saytında dərc olunub.

Biz Ukraynaya dəstəyimizi davam etdirmək və gücləndirmək barədə razılığa gəldik. Bu gün biz uzaq mənzilli artilleriya və radarların çatdırılmasını təsdiq edirik. Norveç üç ARTHUR artilleriya yerləşdirmə radarını və səkkizə qədər uzun mənzilli MLRS-ni ötürəcək. Qram bildirib ki , ianələr Böyük Britaniya ilə sıx əməkdaşlıq çərçivəsində həyata keçirilir .

Birgə mətbuat konfransı zamanı Norveçdən F-16 qırıcılarının təhvil verilməsinin hazırda müzakirə edilmədiyini də bildirən Qram, gələcək tədarüklər mövzusunda spekulyasiya etmək istəmədiyini bildirib.

Britaniya Müdafiə Nazirliyinin rəhbəri də öz növbəsində Ukrayna ordusunun uzaqmənzilli “Storm Shadow” raketlərindən istifadə etdiyini təsdiqləyib .

.
Naxçıvan şəhəri, Culfa rayonu, Yaycı kənd sakini Allahyarov Tahir Abbas oğlu tərəfindən Hurriyyet.az saytına şikayət məktubu daxil olub. Şikayətçi iddia edir ki, general-polkovnik Kərəm Mustafayev və Naxçıvandakı N saylı hərbi hissənin komandiri onun oğlundan rüşvət istəyiblər:

“Mən, Allahyarov Tahir Abbas oğlu, Culfa rayonunun Yaycı kəndində yaşayıram. Oğlum Allahyarov Röyal Tahir oğlu 2014-ildə N saylı hərbi hissədə isləyirdi. 2022-ci ildə heç bir günahı, səhvi olmadan, Kərəm Mustafayevin göstərişi ilə N saylı hərbi hissəyə göndərildi. Orada oğlumdan pul istəyiblər. O, pulu verə bilmədiyindən onu daha ağır vəziyyətdən olan N saylı hərbi hissəyə göndərdilər. Burada 5 ay işlədikdən sonra, işinə alışmağa başlayırdı. Yaxşı işlədiyinə görə oğluma əlavə olaraq (premiya) maaş yazılmışdı. Amma o pulu vermədilər oğluma. Komandirdən bunun səbəbini soruşanda isə təhqirlə danışıb və deyib ki, “yaxşı etmişəm kəsmişəm”. Oğlum da deyib ki, “yaxşı etmişəm, özüm bilərəm” nədi, belə bir şey olmaz deyib.

Bu sözlərinə görə oğluma 1 gündə 5 cəza veriblər. 3 sutka həbs, töhmət, 156-cı maddənin E bəndi ilə “xidmətə uyğunsuzluq” verilmişdi. Bütün bunlara etiraz olaraq Kərəm Mustafayevin qəbuluna yazıldım. Ata olaraq oğlumun günahsız yerə bu cəzalara layiq görülməsinə ürəyim dözmürdü. Ondan oğlumun nə günahı olduğunu soruşdum, mənə dedi ki, 10 min pulu ödəməyibsən, bu səbəbdən də cəza kəsilib.

Bu məsələ ilə bağlı məhkəməyə müraciət etdim. Kərəm Mustafayev məni çağırtdırıb dedi ki, məhkəmədə qalib gəlsən oğlunun başına oyun açdıracam.

Xahiş edirəm bu məsələni işıqlandırın, tək mən yox, bu şəxslərdən şikayətçi olan bir çox insan var”.

Redaksiyadan: Yazıda adları qeyd olunan şəxslərin mövqeyini dərc etməyə hazırıq. //Hurriyyet.az//

Bu gün Audiovizual Şurasının videoformatda iclası keçirilib.

İclasda Şuranın apardığı monitorinqlər nəticəsində aşkarlanmış “Media FM” radio kanalının efirində “Reklam haqqında” Qanunun, “Space TV” televiziya kanalının efirində isə “Media haqqında” Qanunun tələblərinin pozulması faktları müzakirə olunub.

Belə ki, ümumölkə yerüstü radio yayımçısı olan “Digital Media” MMC-nin “Media FM” radio redaksiyasının efirində 11 may tarixində saat 08.48-də, 15 may 2023-cü il tarixində saat 08.50-də, 09.49-da və 12.50-də “Reklam haqqında” Azərbaycan Respublikası Qanununun 29.5-ci maddəsinin tələbinin (hamiləliyin süni yolla pozulması və süni mayalanma üzrə tibbi xidmətin reklamı qadağandır) pozulması faktları qeydə alınıb.

Bundan başqa, ümumölkə yerüstü televiziya yayımçısı olan “Space Müstəqil Televiziya və Radio Şirkəti” MMC-nin “Space TV” televiziya redaksiyasının efirində 12 may 2023-cü il tarixində “Gəl, danış” proqramının yayımı zamanı (saat 13.01-də) “Media haqqında” Azərbaycan Respublikası Qanununun 14.1.6-cı maddəsinin tələbinin (əxlaqdankənar leksik (söyüş) məzmunlu söz və ifadələrdən, jestlərdən istifadəyə yol verilməməlidir) pozulması faktı aşkarlanıb.
Şura üzvləri aparılan müzakirələrdən sonra hər iki redaksiyaya qarşı yayımın dayandırılması sanksiyasının tətbiq olunmasına yekdilliklə səs veriblər. Beləliklə, Azərbaycan Respublikası Audiovizual Şurasının qəbul etdiyi müvafiq qərarlara əsasən “Media FM” radio redaksiyasının proqramlarının yayımı 21 may 2023-cü il tarixdə 23.00-24.00 arası 1 saatlıq, “Space TV” televiziya redaksiyasının proqramlarının yayımı 21 may 2023-cü il tarixdə 08.00-11.00 arası 3 saatlıq dayandırılacaq.

Mingəçevir şəhər icra hakimiyyətinin başçısı Azərbaycan Respublikasının ərazi bütövlüyü uğrunda döyüş əməliyyatlarında iştirak etmiş müharibə vetranın evinin uçurtmaqla hədələyir.
Bu haqda Dünyanınsəsi.Az saytına Mingəçevir sakini Səlimova Mərziyə tərəfindən göndərilən video-şikayətdə səsləndirilir.
Şikayətçi ana bildirir ki, oğlu Səlimov Orxan İkinci Qarabağ müharibəsi veterandır.Onlarfın yaşadıqları həyət evi su altında qalıb.Bu problemin həll edilməsi ilə bağlı Mingəçevir şəhər icra hakimiyyəti başçısı İlham İsmayılova müraciət edib.Cənab başçının isə veteran anasına vermiş olduğu cavab problemlər içində batıb, boğulan ananı daha da qəzəbləndirib.
Göründüyü kimi, Prezident İlham Əliyevin uğurlu sosial siyasəti ölkə vətəndaşlarının rifah halının yaxşılaşdırılması istiqamətində mühüm addımların atılmasını, sosial inkişafda ciddi irəliləyişləri təmin etdiyi bir dönəmdə Mingəçevirin icra başçısı nədən vətəndaşı dövlətindən narazı salmalıdr?
Veteran ansının video-şikayətini təqdim edirik: //Dünyanınsəsi.Az//

“Orbita MTK” Nizami rayonu Qara Qarayev prospekti Tofiq Abbasov küçəsində təhlükəli sayılacaq hündürmərtəbəli yaşayış binasının tikintisinə start verib.

DİA.AZ Kommersant.az-a istinadən xəbər verir ki, sözügedən ünvandakı binanın daşıyıcı sütunlarında (kolonlarında) 12 millimetr diametrli armaturlardan istifadə olunub. Hətta deyəsən sözügedən şirkət daşıyıcı sütunlarda (kolonlarda) 4 ədəd armaturdan istifadə etməklə gələcəkdə baş verəcək zəlzələ və ya təbii fəlakətdə ilk dağılacaq bina olaraq adını dəftərə yazdırmaq fikrindədir. “Orbita MTK” sözügedən sütunların (kolonların) “apalovkasını” qurduğu üçün sütunlardakı armatur sayını artırmaq mümkün deyil.

Bundan başqa “Orbita MTK” pas atmış köhnə, ucuz və keyfiyyətsiz armaturlardan istifadə etməsi yolverilməzdir və güman edirik ki, aidiyyatı qurumlar bu məsələyə xüsusi diqqət ayıracaq.

Qeyd edək ki, 2019-cu ilin fevral ayında Prezident Administrasiyasının sənədlərlə və vətəndaşların müraciətləri ilə iş şöbəsinin müdiri Süleyman İsmayılovun açıqlamasında “Orbita MTK”-nın ən çox şikayət olunan tikinti şirkəti olduğunu bildirmişdi.

Sonda S.İsmayılov "İnanırıq ki, mərkəzi və yerli icra hakimiyyəti orqanlarında, eləcə də digər qurumlarda vətəndaşların müraciətlərinə, xüsusilə şikayətlərinə daha çox diqqət yetiriləcək və şikayətlərin sayı getdikcə azalacaq" desə də, vətəndaşlar yerli icra orqanının məsələyə baxmadığını deyərək son günlərdə məsələni yenidən gündəmə gətirib.

May ayının 5-də vətəndaşlar evlərini sökən “Orbita MTK” barəsində “Nizami Rayon İcra Hakimiyyətinə” müraciət etsələr də, şikayətlərinə baxmadıqlarını dilə gətiriblər.

Qeyd edək ki, məsələni diqqətdə saxlayacıq. Qarşı tərəfin mövqeyini dərc etməyə hazırıq.

“Ermənistan pulunu ödədiyi silahları Rusiyadan ala bilməyib”.

DİA.AZ KONKRET.az-a istinadla xəbər verir ki, bunu mayın 16-da jurnalistlərə müsahibəsində Ermənistan xarici işlər nazirinin müavini Mnatsakan Safaryan deyib.

“Hazırda Ermənistanın KTMT-dən çıxması məsələsi gündəmdə deyil. Vəziyyət ağırdır, gözləntilərimiz özünü doğrultmasa da, işi davam etdirmək qərarı var.

Biz dəfələrlə bəyan etmişik ki, KTMT Azərbaycan təcavüzü ilə bağlı yaranmış vəziyyətə siyasi qiymət verməlidir.

İrəvan danışıqlarda Qarabağın hüquqları və təhlükəsizliyi üçün beynəlxalq mexanizmin yaradılmasını rəhbər tutur”, – deyə Safaryan bildirib.

O, Rusiyadan alınan silahların Ermənistana çatmadığını təsdiq edib.

“Ermənistan həqiqətən də Rusiyadan silahları almayıb. Hazırda biz bu məsələ üzərində işi davam etdirməyə çalışırıq. Deyə bilmərəm ki, bu, Kremlin siyasətinin nəticəsidir, yaxud silahsızlıqdır. Rusiya tərəfinə nə qədər pul ödənildiyini bilmək üçün Müdafiə Nazirliyi ilə əlaqə saxlamağınız məsləhətdir”, – deyə o vurğulayıb.

Safaryan silahların Ermənistana niyə çatmadığını izah etməyib.

Xarici işlər nazirinin müavininə 5 dəfə Qarabağın Azərbaycan ərazisinin 86,6 min kvadrat kilometrinə daxil olub-olmaması sualı verilib. Safaryan suala dəqiq cavab verə bilməyib və yayınmağa çalışıb.

Ukrayna Ali Radasının sədr müavini Olena Kondratyuk Azərbaycan Milli Məclisinin Ümummilli Lider Heydər Əliyevin 100 illiyinə həsr olunmuş xüsusi iclasında çıxış edib.

O, Rusiyaya aparılmış ukraynalı uşaqların ölkələrinə qaytarılmasına kömək etmək üçün Azərbaycana müraciət edib.

“Azərbaycana müraciət edirəm ki, Rusiyaya aparılmış ukraynalı uşaqların ölkəmizə qaytarılmasına kömək etsin. Ukraynanın suverenliyinə dəstəyə görə Azərbaycana təşəkkür edirəm. 20 min ukraynalı uşaq Rusiyaya zorla deportasiya edilib. Bu cinayət sənədləşdirilib və Beynəlxalq Cinayət Məhkəməsi cinayətkarların həbsinə order verib. Ona görə də Azərbaycana müraciət edirəm ki, bütün ukraynalı uşaqları evlərinə qaytarmaqda bizə kömək etsinlər”, - deyə Olena Kondratyuk vurğulayıb.

"Putinın mayın 18-dən sonra “taxıl müqaviləsi”ndən çıxmaq qərarı çox real görünür. Çünki, Rusiya ABŞ qarşısında Rosselxozbank-ın SWIFT sisteminə yenidən qoşulması, kənd təsərrüfatı texnikasının logistikasının - ehtiyat hissələrinin və servis xidmətinin bərpası, limanlara giriş qadağasının aradan qaldırılması məsələlərini tələb kimi qoyub. Lakin Amerikanın bu tələbləri qəbul etməsi real görünmür. “Taxıl müqaviləsi”ndən çıxmaq isə hər iki tərəf üçün problemlər yarada bilər. Eyni zamanda taxılla bağlı problemlər yaransa, bu zaman Moskva Vaşinqtonun digər təzyiqləri ilə üzləşəcək. Ona görə də kompramisə gəlinə bilər. Məsələn, Rosselxozbank-ın SWIFT sisteminə yenidən qoşulması və limanlara giriş qadağası saxlanıla, amma kənd təsərrüfatı texnikasının logistikasının - ehtiyat hissələrinin və servis xidmətinin bərpası mümkün ola bilər".

DİA.AZ publika.az-a istinadla xəbər verir ki, bu sözləri iqtisadçı Eldəniz Əmirov deyib.

Onun sözlərinə görə, bu halda qiymətlərdə artımlar ola bilər: əgər kompromis əldə edilməsə və Rusiya taxıl sazişindən çıxaraq ABŞ-ın hayfını yavan çörəyə göz dikən xalqlardan çıxarsa, bunu özünə şərəf bilərsə,o zaman qiymətlərdə bir müddət böyük artımlar ola bilər".

Bəs, bu Rusiyanın idxalda yarada biləcəyi problemlər Azərbaycanda çörək qıtlığı və ya bahalaşması kimi hansı nəticəyə səbəb ola bilər.

İqtisadçı bildirib ki, Rusiya bunu davamlı saxlaya bilməz.

"Bəzi ölkələrdən olan dəstələrini də itirə bilər. Bu müəyyən zaman kəsiyində davam edə bilər. Bu müddət ərzində isə Azərbaycan üçün hər hansı ciddi nəticə gözlənilmir. Qeyd edilməlidir ki, Azərbaycan hökümətinin strateji hədəflərə nail olmaq baxımındən 2 strateji istiqaməti diğərlərindən daha uğurlu olur. Biri "Hərbi strategiya", digəri "Buğda Strategiyası"dır. "Buğda strategiyası" isə ərzaq təhlükəsizliyi strategiyasının onurğa sütunudur. Bu ilin 3 ayında ötən ilin eyni dövrü ilə müqayisədə 95% buğda idxal olunub. Daha dəqiq desək, cari ilin yanvar-mart aylarında Azərbaycana 108 mln. 758 min dollar dəyərində 356 min 147 ton buğda idxal edilib. Bu da əvvəlkindən 4,2 milyon ton, pul baxımdan isə 46,4 milyon çoxdur. Hələ nəzərə alaq ki 2022-ci ilin yanvarında da buğda idxalı 2021 ilin eyni dövrü ilə müqayisədə 4,2 dəfə çox olmuşdu. Eyni zamanda idxal istiqamətində liderlikdə daha etibarlı hesab edilən ölkəyə doğru dəymişdi. Buğdanın 50,1 faizi Qazaxıstandan, 49,9 faizi isə Rusiyadan idxal olunmuşdur", - o deyib.

E.Əmirov son olaraq vurğulayıb ki, hazırkı qiymətlərlə Azərbaycan kifayət qədər buğda ehtiyatı toplayıb. Buna görə də buğda qiymətləri bir neçə ay bahalaşsa da, ölkədə çörəyin qiymətini stabil saxlamağa imkanları var.