Türkiyənin xarici işlər naziri Hakan Fidan ABŞ Dövlət katibi Antoni Blinkenlə görüşüb.

Bu barədə Türkiyənin xarici siyasət qurumundan xəbər verilib.

Bildirilir ki, görüş İndoneziyanın paytaxtı Cakartada Cənub-Şərqi Asiya Ölkələri Assosiasiyasının (ASEAN) himayəsi altında keçirilən tədbirdə baş tutub.
Məlumata görə, türkiyəli nazir və amerikalı həmkarı NATO-nun Vilnüs sammitində qəbul edilmiş qərarları və Əfqanıstanda baş verənləri müzakirə ediblər.

Mənbə: “Anadolu” Agentliyi

"Cənab Prezident Baydenlə çox yaxşı görüşümüz oldu. Görüş nəzərdə tutulduğundan ən azı iki dəfə uzun çəkdi və kifayət qədər mənalı oldu".

Bunu Ukrayna Prezidenti Volodimir Zelenski ABŞ Prezidenti Co Baydenlə görüşdən sonra “Twitter“də yazıb.

“Protokol iclası dayandırmasaydı, daha çox danışacaqdıq. Bütün mövzular - uzunmüddətli dəstək, silahlar, siyasət, NATO barədə danışdıq. Biz bu müharibəni ümumi qələbəmizlə necə bitirəcəyimizi aydın görürük”, - o deyib.

18:27

ABŞ və Ukrayna prezidentləri Co Bayden və Volodimir Zelenski arasında görüş başlayıb.

Görüş NATO-nun Vilnüs sammiti çərçivəsində keçirilir.

Görüşdə dövlət başçıları Ukraynaya uzaqmənzilli raketlərin və F-16 qırıcılarının tədarükü perspektivlərinə toxunacaqlar.

"İranın Rusiyanın Ukraynaya qarşı apardığı işğalçılıq müharibəsini dəstəkləməsi Avro-Atlantik təhlükəsizliyə təsir edir".

Bu barədə Vilnüsdə keçirilən NATO Sammiti çərçivəsində Alyansa üzv ölkələrin dövlət və hökumət başçılarının qəbul etdiyi Kommunikedə bildirilib.

"Biz İranı Rusiyaya hərbi dəstəyini, xüsusən də kritik infrastruktura hücum etmək üçün istifadə edilən və mülki əhali arasında geniş tələfatlara səbəb olan pilotsuz uçuş aparatlarının (PUA) verilməsini dayandırmağa çağırırıq. Biz İranın Müttəfiqlər ərazisindəki pis niyyətli fəaliyyətindən ciddi narahatlığımızı ifadə edirik. Biz həmçinin İranı sabitliyi pozan hərəkətlərdən, həmçinin açıq sularda gəmilərin ələ keçirilməsindən çəkinməyə və regional sabitliyin və sülhün təmin edilməsində konstruktiv rol oynamağa çağırırıq", Kommunikedə bildirilib.

Ukrayna prezidenti Volodimir Zelenski türkiyəli həmkarı Rəcəb Tayyib Ərdoğanla danışıqlar aparmaq üçün Türkiyəyə gedib.

Bu barədə o özünü öz Telegram kanalında yazıb.

“Türkiyədə gərgin bir günü başa vururuq. Prezident Rəcəb Tayyib Ərdoğanla danışıqlar aparırıq”, - deyə Ukrayna lideri yazıb.

Zelenski qeyd edib ki, prezidentlər NATO-nun Vilnüsdə keçiriləcək sammitindən əvvəl tərəflərin mövqelərinin əlaqələndirilməsi, Ukrayna üçün təhlükəsizlik təminatları, taxıl müqaviləsi və müəssisələr arasında müdafiə sahəsində əməkdaşlığı müzakirə edəcəklər.

Qeyd edək ki, Türkiyə prezidenti Rəcəb Tayyib Ərdoğan rusiyalı həmkarı Vladimir Putinlə Ukrayna lideri Volodimir Zelenski ilə İstanbulda keçiriləcək danışıqların nəticələrini müzakirə etməyə hazırlaşır . “A Haber”in məlumatına görə, Türkiyə və Rusiya başçılarının təkbətək görüşü gözlənilir. Ərdoğanla Putin arasında mümkün danışıqların tarixləri, eləcə də onların dəqiq yeri hələlik məlum deyil. Eyni zamanda, qəzet əlavə edir ki, Türkiyə prezidenti ilə Zelenski arasında danışıqlar təkbətək dialoqla başlayacaq, daha sonra iki ölkənin nümayəndə heyətləri səviyyəsində ünsiyyətə keçiləcək.

Türkiyə lideri Rəcəb Tayyib Ərdoğanla Ukrayna prezidenti Volodimir Zelenski görüşünün tarixi bəlli olub.

Türkiyə və Ukrayna liderləri iyulun 7-də İstanbulda görüşəcəklər.

Heyətlər arasında təkbətək görüşlərdə Rusiya-Ukrayna müharibəsi və Türkiyə-Ukrayna münasibətləri müzakirə olunacaq.

***16:01

Ukrayna prezidenti Volodimir Zelenski NATO-nun Vilnüs sammiti öncəsi Türkiyə lideri Rəcəb Tayyib Ərdoğanla görüşmək üçün Türkiyəyə səfər etməyi planlaşdırır.

Bu barədə “Sabah” qəzeti məlumat yayıb.

Nəşrin məlumatına görə, onların görüşü İstanbulda keçiriləcək. Lakin görüşün tarixi məlum deyil.

Görüşün əsas mövzularından birinin müddəti iyulun 17-də başa çatacaq taxıl müqaviləsi ətrafında vəziyyətin olacağı gözlənilir.

Qeyd edək ki, NATO-nun Vilnüs sammiti iyulun 11-12-də keçiriləcək.

“SOCAR-AQŞ”​ MMC-nin sabiq baş direktoru Ramin İsayev həbs edilib.

DİA.AZ bildirir ki, “Qafqazinfo”nun əldə etdiyi xəbərə görə, Ramin İsayev barəsində Baş Prokuror Yanında Korrupsiyaya qarşı Mübarizə Baş İdarəsində Cinayət Məcəlləsinin 179.4-cü (mənimsəmə-xüsusilə külli miqdarda) maddəsi ilə cinayət işi başlanılıb. O, 16 milyon manat mənimsəmədə ittiham edilir.

Binəqədi Rayon Məhkəməsinin qərarı ilə onun barəsində istintaq müddəti üçün 4 ay müddətinə həbs qətimkan tədbiri seçilib.

Qeyd edək ki, Ramin İsayev 2020-ci ildə “SOCAR-AQŞ” MMC-nin baş direktoru vəzifəsindən azad edilib.

Xatırladaq ki, “SOCAR AQŞ” MMC 2007-ci ildə yaradılıb. MMC Azərbaycan Dövlət Neft Şirkəti (SOCAR), Nobel Energy və Abşeron Qazma MMC (AQŞ) tərəfindən təsis edilmiş kompleks qazma və quyu xidmətlərinin idarə edilməsi ilə məşğul olur.

Səhər saatlarında redaksiyamıza daxil olan məlumatda bildirilirdi ki, Sabunçu Tibb Mərkəzinə direktor təyin olundu. Hətta direktorun adının da kimliyi açıqlanmışdı. Nurəngiz Bəşirovanın Sabunçu Tibb Mərkəzində ilk iş gününün olacağı məlumatda əksini tapmışdır.
Bir neçə saat öncə, bildirildi ki, Nurəngiz Bəşirova orada işləyəcəyi müddətdə bəzi şəxslər tərəfindən təzyiqlərə məruz qalacağını hiss edərək, vəzifədən imtina edib.
Bu saatlarda redaksiyamıza daxil olan məlumatda bildirilldi ki, əvvəllər Sabunçu Tibb Mərkəzində direktor müavini, sonradan isə direktorun səlahiyyətlərini icra edən Cahangir Həsənov TƏBİB-ə çağırılıb və müqaviləsinin uzadılması təklif olunub. Cahangir Həsənovun isə bu təklifi qəbul edib etmədiyini telefon vasitəsilə soruşmaq istəsək də, cəhdlərimiz baş tutmadı. Düşünürük ki, böyük Tibb müəssisəsinin direktorsuz qalması normal qəbul olunmur.
Sabahnews.az

“Moskva Qarabağda atəşkəs rejiminin tez-tez pozulmasından narahatdır. Biz tərəfləri məsələlərin sülh və diplomatik yolla həllinə çağırırıq”.

Bunu brifinq zamanı Rusiya Xarici İşlər Nazirliyinin rəsmi nümayəndəsi Mariya Zaxarova deyib.

Diplomat qeyd edib ki, Rusiya Federasiyası sülhməramlıları ilə birlikdə tərəfləri təmkinli olmağa və mübahisəli məsələlərin dinc, siyasi və diplomatik yolla həllinə çağırır:
“Rusiyanın rolu sənədləşdirilmişdir, bunda Ermənistan və Azərbaycanın imzası var. Bunu Rusiya tərəfi də təsdiqləyib”.

2022-ci ilin dekabr ayından bəri Laçın yolu vasitəsi ilə təxliyə olunan ermənilərin sayı açıqlanıb.

Bu barədə Modern.az-ın sorğusuna cavab olaraq BQXK-nin Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova məlumat verib.

Bildirilir ki, "Qırmızı Xaç" ötən ilin sonundan bəri 520-dən çox erməni pasientə kömək edib.

"Eyni zamanda 600-ə yaxın insanın ailələri ilə qovuşmasına dəstək verilib, tibb müəssisələri üçün uşaq qidaları, ərzaq bağlamaları və dərman ləvazimatları da çatdırılıb", - açıqlamada qeyd olunur.

Rusiya generalı Surovikinin “Vaqner” ÖHŞ-nin rəhbəri Priqojinin qiyamından əvvəlcədən xəbəri olub.

Musavat.com xarici agentliklərə istinadən xəbər verir ki, bu barədə “The New York Times” qəzeti məlumat yayıb.

“The New York Times”in ABŞ kəşfiyyatına istinadən verdiyi informasiyaya əsasən “Vaqnerçilərin” başçısının general Surovikinlə ittifaqı bir sıra faktlarla sübuta yetirilib.

Analitiklər Yevgeni Priqojinin Rostovu maneəsiz ələ keçirməsini və Moskvaya doğru sağ-salamat yürüşünü məhz bu faktorla izah edirlər. Kəşfiyyat qaynaqlarına görə, digər rus generalları da “Vaqner” ÖHŞ-nin qiyamından xəbərdar olublar və Priqojinin onların dəstəyi olmadan belə bir hərəkata başlaması mümkün deyildi.

Xatırladaq ki, Sergey Surovikin Ukrayna savaşında Rusiyanın ordu qurplaşmasının komandanı olub. 2023-cü ilin əvvəlində onu bu vəzifədə Baş Qərargah rəisi Gerasimov əvəzləyib.