[rating-type-4]
{likes}
{dislikes}
[/rating-type-4]
Co Bayden ABŞ prezidentlərinin mühakimə olunmasına icazə verdi

ABŞ prezidenti Co Bayden dövlət başçılarının mühakimə oluna biləcəyini deyib.

O, bu sözləri keçmiş prezident Donald Trampın 2020-ci il seçkilərinin nəticələrini ləğv etmək cəhdi ilə bağlı toxunulmazlıq tələbləri fonunda deyib.

Bayden qeyd edib ki, prezidentlərə mütləq müdafiənin təmin edilməsi üçün heç bir əsas yoxdur. Trampın vəkilləri “prezident toxunulmazlığı”nın zəruriliyində israr edib, cinayət işinə xitam verilməsi üçün Ali Məhkəməyə müraciət etsələr də, məhkəmə bu mövqeyi rədd edərək, cinayət işinin araşdırılmasını davam etdirir.
Mənbə: Bloomberg
[rating-type-4]
{likes}
{dislikes}
[/rating-type-4]
Tailand hərbçiləri batmaq təhlükəsi ilə üzləşən qayıqdan 73 nəfəri xilas edib

Tailand hərbçiləri Andaman dənizindəki "Bu-Bu" adası yaxınlığında batan sürətli qayıqdan 73 nəfəri xilas edib.

Bu barədə Tailandın Milli Xəbərlər Bürosu məlumat yayıb.

Məlumata görə, yüksək dalğalar gəminin çevrilməsinə səbəb olub və nəticədə gövdədə dəlik yaranıb. Tailand Hərbi Dəniz Qüvvələrinin 491-ci Xüsusi Təyinatlı Eskadrilyasının üzvləri sürətlə qəza yerinə gəlib və sərnişinləri götürüblər. Hadisə nəticəsində 15-ə yaxın sərnişin yüngül bədən xəsarətləri alıb, onlara yaxınlıqdakı tibb müəssisəsində tibbi yardım göstərilib.
[rating-type-4]
{likes}
{dislikes}
[/rating-type-4]
Sədərək gömrüyündə "lotu" peyda olub... İDDİA

Türkiyədən Naxçıvana gələn 5 nəfər Babək rayon sakini Sədərək Keçid Məntəqəsində qanunsuzluğa məruz qaldıqlarını, təhqir və təhdid olunduqlarını bildirirlər. Onlar „Gündəlik Naxçıvan“a deyir ki, dekabrın 22-də gömrük qaydalarına uyğun olaraq şəxsi istifadə üçün gətirdikləri ərzaq məhsulları və geyim əşyaları əllərindən alınıb və anbara vurulub. Bu qanunsuzluğa etiraz etdikdə isə, həmin gün gömrükdə növbə riəisi olan Etibar adlı əməkdaş onları təhqir etməyə başlayıb.
Şikayətçilərdən Babək rayon Nehrəm qəsəbə sakini Müslüm İbrahimov deyir ki, gömrük işçilərini qanuna uyğun davranışa dəvət etdikdə isə, təhdidlə üzləşiblər:
“Gömrük qaydalarına uyğun olaraq ayda hər bir nəfərə bir dəfə Türkiyədən 30 kilo ərzaq məhsulu gətiməyə imkan verilir. Kasıb adamlarıq evə yağ, toyuq, kolbasa və sarə zəruri ərzaq məhsulları almışdıq. Əlimizdən alıb anbara vurdular. Qaydaları xatırladıb,etiraz etdik, mübahisə yarandı. Etibar adlı gömrük məmuru bizimlə kobud rəftar etdi. Ölkə prezdentinin məmurlara vətəndaşlarla normal davranmaq, onlara xidmət göstərmək xəbərdarlığını xatırlatdıq. O, isə bildirdi ki, prezdentin sözləri ona aid deyil. Dedi ki, “mən gömrükdə lotuyam”. Sonra bizi təhdid etməyə başladı”.
Müslüm İbrahimov bildirir ki, növbəti gün baş verən özbaşınalıqla bağlı Naxçıvan Dövlət Gömrük Xidmətinə şikayətə gediblər. Xidmətdən onları mallarını götürmək üçün Sədərək gömrüyünə göndəriblər. Lakin, gömrük əməkdaşları bu dəfə başqa problem yaradıblar:
“Beş nəfərə 100 manata taksi danışaraq 80 kilometr yol qət edib, təkrar gömrüyə getdik, lakin mallarımızı yenə geri ala bilmədik. Mallarımızın əksəriyyətinin tez xarab olan olduğunu gömrükçülərə dəfələrlə xatırlatsaq da, əhəmiyyəti olmadı. Dedilər ki, iki gün sonra, yəni növbəti həftənin birinci günü “Ford Transit” maşını gətirib malları yığarsınız ona, biz maşını möhürləyəcəyik, mallar Naxçıvan şəhərindəki gömrük xidmətinə gedib, orada sənədləşəcək, malların ümumi dəyəri hesblanacaq və 36% rüsum ödənəcək. Bundan başqa ailə-uşaq üçün aldığımız geyim mallarının müsadirə olunacağını da dedilər. Biz kasıb adamlarıq. Fəhləlik edib uşağımıza çörək aparırıq. Bunu da bizə çox görürlər”.
Şikayətçilər Dövlət Gömrük Komitəsindən problemə müdaxilə etməyi, qanunsuzluğun aradan qaldırılmasını tələb edirlər.
Teref. Xocanın Blogu
Səhifəmiz hamının üzünə açıqdır.
[rating-type-4]
{likes}
{dislikes}
[/rating-type-4]
“SpaceX” daha 23 internet peykini orbitə çıxardı

“SpaceX” kompaniyasının “Falcon 9” daşıyıcı raketi qlobal internet şəbəkəsinin orbital qruplaşması üçün nəzərdə tutulan daha 23 “Starlink” peykini orbitə çıxarıb.
Kompaniyadan verilən məlumata görə, daşıyıcı raket ABŞ Kosmik Qüvvələrinin Kanaveral burnundakı (Florida ştatı) bazasından start götürüb. Daşıyıcı raketin artıq 19-cu dəfədir istifadə olunan birinci pilləsi Atlantik okeandakı “Just Read the Instructions” platformasına eniş edib.

Bu, 2019-cu ildən bəri internet peyklərinin orbitə çıxarılan sayca 131-ci, cari ildə isə 62-ci qrupudur. “SpaceX” indiyədək kosmik fəzaya ümumilikdə 5,6 mindən çox peyk buraxıb. Onların 5,2 mindən çoxu işlək vəziyyətdədir.
“SpaceX” kompaniyasının layihəsi olan “Starlink” internet şəbəkəsi dünyanın 70 ölkəsində əlçatandır. Pentaqonun məlumatına görə, onun xidmətindən ABŞ hərbçiləri də fəal istifadə edirlər.
Dünyanın ən böyük peyk operatoru olan “SpaceX” orbitə ümumilikdə 12 minə yaxın kosmik aparat çıxarmaq niyyətindədir. Təxminən 10 milyard dollara başa gələcək layihə planetin istənilən guşəsində genişzolaqlı internetə çıxışı təmin etməyə imkan yaradacaq. Kompaniya növbəti mərhələdə orbital qruplaşmadakı kosmik aparatların sayını 30 minə çatdırmağı planlaşdırır.
[rating-type-4]
{likes}
{dislikes}
[/rating-type-4]
Kiyevdə məmur deputatları hərbi xidmətdən yayındırırmış

Ukraynanın Dövlət Təhqiqat Bürosu Kiyev Şəhər Hərbi Administrasiyasının yüksək rütbəli məmuruna Kiyev Şəhər Şurasının deputatlarına hərbi xidmətdən yayınmaqda yardım etdiyinə görə həbs edib.

Bu barədə Ukrayna KİV-ləri məlumat yayıb.

"Dövlət Təhqiqatlar Bürosunun əməkdaşları Kiyev Şəhər Hərbi Administrasiyasının paytaxt deputatlarına hərbi xidmətdən yayınmalarına yardım edən aparat rəhbərini ifşa ediblər”, - məlumatda deyilir.

Bildirilir ki, o, deputatları qanunsuz olaraq Kiyevin hərbi administrasiyasına ezamiyyətə “göndərib”.

Onun üç şəhər deputatı və onların bir köməkçisi üçün “işgüzar səfər” təşkil etdiyi məlum olub. Adı açıqlanmayan məmurun 10 ilə qədər həbs gözləyir.
[rating-type-4]
{likes}
{dislikes}
[/rating-type-4]
"Niyə, Gömrük Komitəsi?" - ETİRAZ

"Niyə, Gömrük Komitəsi?

Praqadan qayıdanda oradan aldığım telefonla əlaqadar hava limanında gömrük bəyannaməsi vermək üçün müvafiq otağa yaxınlaşanda, gömrük işçisi əvvəlcə yol çantalarımın yoxlanılmasını( aparatdan keçirilməsinı)tələb etdi. Əynimdəki gödəkçə, kiçik əl çantam, baqaj aparatdan keçirildi. Özüm isə insanların yoxlanılması üçün nəzərdə tutulmuş aparatdan.Yəni tək mənə yox, uzaq yol gəlmiş bütün sərnişinlərə bu proses tədbiq edilirdi.

Bir telefon görə bəyənnamə vermək üçün niyə belə bir prosedurdan keçməli idim ki? Məqsəd?

Gömrük işçisi isə izah etdi ki, bəlkə baqajınızda gömrükdən keçməmiş başqa mallar da var... Məntiqinizə məntiqsiz cavabınız qurban, gömrük işçisi!.."

Müəllif: Mirvari Qəhrəmanlı, NHMT sədri
Təqdim etdi: DİA-AZ.NET (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...
[rating-type-4]
{likes}
{dislikes}
[/rating-type-4]
Türkiyə ordusu 3 şəhid verdi

İraqın şimalında Türkiyə ordusuna qarşı hücum həyata keçirilib.

Bu barədə Türkiyənin Milli Müdafiə Nazirliyi məlumat yayıb

22 dekabr 2023-cü il tarixində İraqın şimalında PKK terrorçularının hücumu nəticəsində 3 türk əsgəri şəhid olub, 4-ü yaralanıb.

Hücum nəticəsində 3 hərbçi şəhid olub, 4-ü yaralanıb.
[rating-type-4]
{likes}
{dislikes}
[/rating-type-4]
Çexiyada universitetə silahlı hücum edən şəxs daha əvvəl bir körpə və atasını öldürüb - YENİLƏNİB

Çexiya paytaxtı Praqada Karl Universitetinin Fəlsəfə fakültəsində 14 nəfəri güllələyən tələbə, dekabrın 15-də paytaxt yaxınlığında yerləşən parkda 32 yaşlı kişini və onun iki aylıq uşağını qətlə yetirib.

Bu barədə Çexiya polisinin mətbuat xidməti “X” sosial şəbəkə platformasında məlumat verib.

“Aparılan ballistik ekspertiza nəticəsində parkda istifadə edilən silahların universitetdə atışma həyata keçirən şəxsin yaşadığı evdə tapılan silahlarla eyni olduğu məlum olub”, - deyə məlumatda qeyd olunur.

Xatırladaq ki, polisin daha əvvəl verdiyi məlumata görə, dekabrın 15-i günorta saatlarında Klanoviski parkında gəzintiyə çıxan kişi və uşaq arabasındakı iki aylıq qızı odlu silahla qətlə yetirilib. Cinayətin motivləri bəlli deyil. Bununla bağlı Çexiya mediası Karl Universitetində atışma törədən şəxsdə mümkün psixi problemlərin olması ilə bağlı məlumat verib.

Karl Universitetinin Fəlsəfə fakültəsində baş verən atışma nəticəsində 14 nəfər həlak olub. Atışmanı 24 yaşlı tələbə David Kozak həyata keçirib və onun zərərsizləşdirilməsi üçün polis tərəfindən əməliyyat başladıqdan sonra intihar edib. Həmçinin paytaxt xəstəxanalarının məlumatlarına əsasən, hadisə zamanı 27 nəfər xəsarət aldığı barədə də məlumatlar var.

Mənbə: TASS

21:27
Çexiya polisi Praqada Karl Universitetinin Fəlsəfə fakültəsində silahlı hücum təşkil edən tələbənin hərəkətlərinə haqq qazandıran dörd nəfəri saxlayıb. Saxlananlar arasında həmçinin 14 yaşlı məktəbli də olub.

Bu barədə jurnalistlərə respublika polisinin rəhbəri Martin Vondraşek məlumat verib.

Məlumata görə, Olomouski diyarında (respublikanın şimal-şərqində) orta məktəblərdən birinin şagirdi olan 14 yaşlı oğlan təhsil aldığı məktəbdə kütləvi atışma törədəcəyini bəyan edib. Tələbə yetkinlik yaşına çatmadığına görə onu cinayət məsuliyyətinə cəlb etmək mümkün deyil.

Vondraşekin sözlərinə görə, polis Praqada atışma törədən tələbənin ailəsini təhdid edənlərə qarşı da tədbirlər görür.

Xatırladaq ki, atışmada intihar edən cinayətkar da daxil olmaqla ümumilikdə 15 nəfər ölüb.

Mənbə: TASS
[rating-type-4]
{likes}
{dislikes}
[/rating-type-4]
Kreml qorxur və qorxudur: - “Rusiya dağılacaq”


Rusiya Prezidenti Vladimir Putin “Rossiya 1” kanalına müsahibəsi zamanı Qərbin Rusiyanı hissələrə bölmək, özünə tabe etdirmək və resurslarından istifadə etməklə onu məhv etmək istəyində olduğunu deyib. Bildirib ki, Qərbin son illərdə yürütdüyü siyasət bu məqsədə xidmət edir.

“Ən yaxşısı Rusiyanı ABŞ-ın məşhur siyasətçisi Bjezinskinin təklif etdiyi kimi, beş yerə bölmək, bu hissələri ayrıca tabe etmək və resurslardan istifadə etməkdir. Ancaq sonradan mənə bu anlayış gəldi ki, hər şeyin ayrı-ayrılıqda müstəqil çəkisi, müstəqil səsi olmayacaq və milli maraqları vahid Rusiya dövləti kimi müdafiə etməyəcək. Və ilkin yanaşma kifayət qədər sadəlövh idi. Əgər 2000-ci ilə qayıtmaq fürsəti olsaydı, o, özünü Qərbə qarşı çox sadəlövh və inandırıcı olmaqdan çəkindirərdi”, – deyə Putin söyləyib.

Qeyd edək ki, 2022-ci ilin fevral ayının 24-də Rusiyanın Ukraynaya hücumu nəticəsində başlayan müharibə tam şiddəti ilə davam edir. Milyonlarla insan bu müharibənin qurbanı olub ki, onların arasında yüzminlərlə rus hərbçisi də var. Bu xüsusda Rusiya ilə Qərb arasında münasibətlər kəskin mərhələyə qədəm qoyub. Rusiyaya qarşı çovektorlu sanksiyalar tətbiq edən Qərb Ukraynanı silahlandırır, bütün mənalarda şimal qonşumuzu zəfilətməyə çalışır.

Bəzi ekspertlər Ukraynanın Qərbin dəstəyi ilə Rusiyanı məğlub edəcəyini, nəticədə Rusiyanın parçalanacağını düşünsələr də, əks qənaətdə olanlar, bu müharibədən Moskvanın qalib çıxacağını iddia edənlər də var.

Qərb doğrudanmı Rusiyanı parçalamaq niyyətindədir və Putinin də söylədiyi kimi, hissələrə bölə biləcəkmi?

Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin üzvü, Azərbaycan Demokratik İslahatlar Partiyasının (ADİP) sədri Asim Mollazadə AYNA-ya açıqlamasında xatırladıb ki, tarixdə imperiyaların parçalanması halları olub: “Lakin Rusiyanın bunun qarşısını almaq üçün şansları var. Əgər şimal qonşumuz parçalanma təhlükəsindən yayınmaq istəyirsə, ilk növbədə sərt idarəetmə modelindən imtina etməlidir. Muxtariyyətlərə müəyyən səlahiyyətlər verməlidir. Bunları etməsə, təbii ki, Rusiya da digər imperiyalar kimi parçalana bilər”.

“Beynəlxalq münasibətlər sistemi kifayət qədər gərgindir və Rusiya anti-Qərb blokunun önündə gedən ölkələrdəndir. Belə olduğu təqdirdə Qərbin ona qarşı təzyiqləri də təbiidir. İki cinah döyüşür və tərəflərdən biri digərinə qalib gəlməyə çalışır. Putinin Rusiyanın beş yerə bölünəcəyi ilə bağlı açıqlaması da Kremldə mövcud olan narahatlıqdan qaynaqlanır. Hesab edirəm ki, daxildə islahatlar yolu ilə bundan yayına bilərlər”, - deyə deputat vurğulayıb.

Mollazadə Rusiya-Ukrayna müharibəsinin yekunlaşacağı tarixlə bağlı konkret fikir bildirməyə tələsmir: “Rusiya Ukraynaya qarşı işğalçılıq siyasəti yürüdür. Ukrayna da ərazi bütövlüyünü və suverenliyini qorumağa çalışır. Moskva diqtə ritorikasından əl çəkə bilmir və Ukraynanın da onun dediyi ilə oturub-durmasını, diktəsi ilə hərəkət etməsini istəyir. Onlar isə bunu qəbul etmirlər. Müharibə də məhz buna görə davam edir. Heç bir tərəf qəti üstünlük qazanmadığına görə müharibə bir müddət davam edəcək. Danışıqlar masası üçün tərəflərin müəyyən üstünlükləri olmalıdır”.

Putinin açıqlamasını AYNA-ya şərh edən politoloq Zərdüşt Əlizadənin sözlərinə görə, hazırda geopolitik durum “soyuq müharibə” dövründən daha təhlükəlidir: “Rusiyanın dağılması ilə əlaqədar müzakirələr uzun müddətdir davam edir. Hətta bununla bağlı öncəgörmələr də var. Rusiyanın başında elə bir şəxs dayanıb ki, faktiki olaraq nəhəng ölkəsini dağıdır. Bunun başqa adı yoxdur. Ukraynanı xaraba qoyublar. Yüzminlərlə rus hərbçisi ölüb. Bütün dünyanı Rusiya ilə düşmən edib. Ancaq imperalist maraqlarından əl çəkə bilmir. Putin ölkəsinin separatizm kartından istifadə etməkdə israrlı olduğuna dəfələrlə eyham vurub. Bu gün də ənənəvi siyasətini davam etdirir”.

“Təbii ki, bu yolun sonu yoxdur. Bu müharibələr, dağıdıcı cəhdlər yekunda Rusiyanın özünün dağılmasına gətirib çıxaracaq. İki ilə yaxındır ki, Kreml Ukraynada təcavüzkar siyasətini davam etdirir. Qərb də Ukraynaya lazımi səviyyədə dəstək vermir. Buna baxmayaraq, yenə də üstünlük qazana bilmir. Müəyyən inzibati resurslar hesabına daxildə böhranın, sosial-iqtisadi fəlakətin qarşısını alırlar. Lakin bu, sonsuza qədər belə davam edə bilməz”, - deyə müsahibimiz diqqətə çatdırıb.

Əlizadə əmindir ki, Rusiyanı qarşıda ağır günlər gözləyir: “Bunu Kremldə də bilirlər. Putin narahatdır və buna görə də dünyanı hədələyir. Ukraynaya təcavüzdən qabaq Qərbdən təhlükəsizliyinə təcili təminat istəyirdi. Ala bildimi? Təbii ki, yox. Kimdir bu təminatı verən? Rusiya ölkələrin müstəqil, suveren yaşamalarına imkan vermək istəmir. İstəyir ki, hər şey onun nəzarətində olsun. SSRİ rəhbərliyi də bu siyasəti yürüdürdü. Nəticə nə oldu? İmperiya dağıldı. Rusiya da dağılacaq”.

XƏBƏR LENTİ

14:27

"ZAKİR HƏSƏNOV AİLƏ ÜZVLƏRİMƏ DEYİB Kİ, ONUN GÜNAHI YOXDUR..." - "General olduğum üçün məni qurban seçdilər..."

13:58

Naxçıvan Nazirlər Kabinetinə yeni Aparat rəhbəri təyin edilib - Ceyhun Cəlilovun İLK Sərəncamı

13:34

"43 sot pay torpağımız var, onu da əkib-becərə bilmirik..." - NARAZILIQ VAR...

12:30

FƏRİD ƏHMƏDOV BU PROBLEMİ YOLUNA QOYA BİLƏCƏKMİ? - Yeni nazirin etməli olduğu yenilik

12:03

Nərimanovda “zibil dağları” yaradılıb... - İH və “JEK” hara baxır?

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

10:51

Yeni Klinikada TƏFTİŞ: Saxlanılan var - DETALLAR

10:12

İmişlidə fermer başçıdan NARAZIDIR... - başçı isə...

10:12

İmişlidə fermer başçıdan NARAZIDIR... - başçı isə...

09:41

İki naziri yola salan Heydər Yaqubov... – Direktor öz gücünü kimdən alır?

09:15

Məmur ciblərinə SU KİMİ AXAN büdcə pulları... - Nə bir soran var... nə də soruşduran...

19:06

Türkiyə kəşfiyyatı Suriyada əməliyyat keçirib, PKK-nın iki rəhbər şəxsi tutulub

18:47

Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –VİDEO

16:32

Xətaidəki "xətalara göz yumanlar" - Qanunsuz tikintilərə qanunların "razılığı" hansı əsaslarla alınır? /VİDEO+FOTOLAR

15:59

İlham Əliyev və onun şərikləri ölkə mədəniyyətini tarmar edirlər - FOTO/VİDEO

15:18

“Azərşin” ASC rəhbərliyinin qanunsuzluğundan şikayət var -“Bizə güllə atırlar, başımıza oyun açırlar”

14:45

"LC Waikiki" və "Penti"yə qoyulan 3,8 milyonluq maya geri götürüldü - NƏ BAŞ VERİR?

14:17

Namiq Yusifov 6 saylı Ekologiya idarəsinin ərazilərində ekoloji terroru davam etdirir - ARAŞDIRMA

13:50

Rusiya XİN: Azərbaycan və Ermənistanın sərhədlərin delimitasiyası üzrə bütün səylərini dəstəkləyirik

12:22

Astara illərdir eyni problemləri yaşayır... - Başçı nə günə orda oturub ki?..

11:50

Məleykə Abbaszadə ilə Emin Əmirullayevin QOVĞASI - zərbə kimə dəyir?

10:58

Gəncə xəstəxanasında MÜBHƏM ÖLÜM... - niyə ört-basdır edilir?

10:21

Naxçıvan müəllimləri 3 ildə 2 dəfə imtahan verməyə məcbur edilir – BU AYRI-SEÇKİLİYİN SƏBƏBİ NƏDİR?

09:48

Neftçilərin xaotik yerdəyişməsi KİMİN MARAĞINDADIR? - BU NƏDİ BELƏ?!

09:25

Fransada içməli suda təhlükəli bakteriyalar aşkarlanıb

21:13

Bakıda çoxmərtəbəli yaşayış binasında yanğın olub

21:03

Prezident İlham Əliyevin adından Sadır Japarovun şərəfinə dövlət ziyafəti verilib - YENİLƏNİB

19:51

Azərbaycanda yeni kollec yaradıldı

19:00

Qırğızıstan Prezidenti Bakıda şəhidlərin xatirəsini andı

18:38

İraqın şimalında PKK-nın 6 terrorçusu zərərsizləşdirildi

16:46

Məşhur pediatrın intihar səbəbi bu imiş

16:21

Bayden növbəti dəfə “erməni soyqırımı” ifadəsini işlətdi

15:53

"Oğlum xəstə ola-ola əsgər aparıblar" - Cəlilabad sakinindən şikayət - FOTO