«Pirallah-çörək» ASC ləğv edilib.

DİA.AZ FED.az-a istinadla xəbər verir ki, ASC-nin səhmdarlarının növbəti ümumi yığıncağının 26 noyabr 2022-ci il tarixli qərarına əsasən “Pirallah-çörək” ASC ləğv edilib.

Şirkətdən verilən məlumata görə, “Pirallah-çörək” ASC-nin səhmdarlarının sahibi olduqları səhmlərin dəyəri ASC tərəfindən “Azərbaycan Beynəlxalq Bankı” ASC-nin Xətai filialında açılmış hesaba ödənilib. Bu zaman hər səhmə görə, səhmdarlara 1 manat ödəniş edilib.

Səhmdarlar sahibi olduqları səhmlərin dəyərini əldə etmək üçün ləğvetmə komissiyasına müraciət etməlidirlər. Ünvan- Bakı şəhəri, Xətai rayonu, 8 Noyabr prospekti 23, “AMAY” Ticarət Mərkəzi, 3-cü mərtəbə, 10-cu otaq.

Ötən gün müalicə aldığı xəstəxanada vəfat edən millət vəkili Qənirə Paşayeva ilə vida mərasimi keçirilir.

Vida mərasimi Heydər məscidində keçirilir.

Mərhum millət vəkili ilə vida mərasimində deputatlar, dövlət qurumlarının rəsmiləri, ailə yaxınları, dostları iştirak edirlər.

Milli Məclisin Mədəniyyət komitəsinin sədri, Millət vəkili Qənirə Paşayeva vəfat etməsindən öncə, verilişlərin birində ölümlə bağlı təsirli fikirlər söyləyib.

Həmin fikirləri olduğu kimi təqdim edirik:

"Heç birimiz bilmirik 10 gün sonra nə olacaq. 10 gün sonra bəlkə də hər hansı birimiz bu həyatda olmayacağıq. Bəlkə bir il sonra... Biz bu dünyadan gedəndə nə aparacağıq? Hər şeyi burada qoyub gedəcəyik. Ən sevdiklərimiz belə bizi torpağa tapşırıb, geri dönəcəklər. Onlar da bizi tərk edəcəklər. Bizdə nə qalacaq? Bir şey - bir il, iki il, üç il sonra kimsə xatırlayanda deyəcək, adam kimi adam idi. Allahın mənə nə qədər ömür verdiyini bilmirəm. Bəlkə 50 yaşa çatmadım. Sufilərin o düşüncəsini qəbul etmiş insanam. Mənim üçün bu gün və bu an var. Mən onun dəyərini bilərək yaşamaq istəyirəm. Çünki bilmədiyim şey mənim deyil".

Rəvanə İbrahimova Şabran rayon sakinidir. Onun sözlərinə görə 2022-ci ildə ona təyin olunan ünvanlı sosial yardımın vaxtı bitib və yenidən müraciət etsə də, imtina cavabı alıb. Səbəb kimi adına torpaq olduğu göstərilib.

Toplum TV

Daha ətraflı aşağıdakı videoda:

Məşhur tikinti şirkəti "İnşaat Konstruksiyaları" Məhdud Məsuliyyətli Cəmiyyətinin (MMC) sahibi Rauf Əliyevə hökm oxunub.

DİA.AZ-ın qaynarinfo-ya istinadən məlumatına görə, şirkətin direktoru olan Əliyev Rauf Rəhim oğlu Bakı şəhəri Lokal Gəlirlər Baş İdarəsinin şikayəti əsasında saxlanılıb.

Aparılan araşdırma zamanı məlum olub ki, iş adamı Vergi Məcəlləsinin 16.1.1, 16.1.4, 77.3, 78.1, 82, 103, 104.1, 105.1, 196, 201 və 219.3-cü və "Sosial sığorta haqqında” qanunun 1, 2, 6, 9-1,12, 14-cü maddələrinin tələblərini pozaraq, MMC-nin qeydiyyatda olduğu vergi orqanına bəyannamə təqdim etməyib, təqdim etdiyi bəyannamələrə təhrif olunmuş məlumatlar daxil edib, xüsusilə külli miqdar təşkil edən - 398.9644,35 manat məbləğində vergini, 169.718,77 manat məbləğində işsizlikdən sığorta və məcburi dövlət sosial sığorta haqqının dövlət büdcəsinə ödəməkdən yayınıb.

Rauf Əliyev şirkəti tərəfindən 2016-cı ildə Bakının Yasamal və Nizami rayonlarında icra başçılarının sərəncamı ilə tikilən binaların tikinti fəaliyyəti ilə məşğul olan şəxslərə görə Bakı şəhəri Lokal Gəlirlər Baş İdarəsinə təqdim etdiyi bəyannamələrə təhrif olunmuş məlumatlar daxil edib, ümumilkdə 3175824,89 manat, 2018-ci ildə Bakı şəhəri Xətai rayon icra başçısının sərəncamı ilə tikilən binaların tikinti fəaliyyəti ilə məşğul olan şəxslərə görə Bakı şəhəri Lokal Gəlirlər Baş İdarəsinə təqdim etdiyi bəyannamədə 2019-cu ilin cəmi 673584,12 manat sadələşdirilmiş vergisini dövlət büdcəsinə ödəməkdən yayınıb.

Bundan başqa, o, cəmiyyətin 2017-ci il üzrə ümumi gəliri 4237288,00 manat, gəlirin əldə edilməsi üçün çəkdiyi xərcləri 3531073,44 manat, vergiyə cəlb edilən ümumi mənfəəti 706214,56 manat, 2016-cı il üzrə cəmiyyətin 5101,75 manat zərəri nəzərə alınmaqla büdcəyə ödənilməli mənfəət vergisi 140222,56 manat olduğu halda, vergi orqanına bəyannamə təqdim etməyərək, 140222,56 manat mənfəət vergisini dövlət büdcəsinə ödəməkdən yayınıb.

Nizami rayonu, M.Abbasov küçəsi, 2038-ci məhəllədə yerləşən ərazidə, mövcud köhnə yaşayış və qeyri-yaşayış binaları sökülərək, yerində 3 girişli, 16 mərtəbə əvəzinə 17 mərtəbə, Yasamal rayonu, A.M.Şərifzadə küçəsi 33 ünvanda inşa edilmiş binanın layihə sənədlərində göstərildiyi 16 mərtəbə əvəzinə 17 mərtəbə (16+mansard), ünvan 8-də inşaa edilmiş binanın layihə sənədlərində göstərildiyi 14 (14+mansard) mərtəbə əvəzinə 17 mərtəbə tikdirib.

Rauf Əliyev müəmmalı yollarla tikdirdiyi binalarda əlavə mərtəbə tikilməsi ilə bağlı FHN əməkdaşlarını da "razı sala" bilib. Fövqəladə Hallar Nazirliyinin əməkdaşları bu binaların dayanıqlılığı ilə bağlı müayinələr aparıb və müvafiq texniki rəy veriblər.

Məhkəmənin qərarı ilə Rauf Əliyev Cinayət Məcəlləsinin 213.3-cü maddəsi ilə nəzərdə tutulan cinayət əməlinin törədilməsində təqsirli bilinib və ona 2 il müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, 5 il müddətinə azadlıqdan məhrumetmə cəzası təyin edilib. Məhrum etmə cəzası Cinayət Məcəlləsinin 70-ci maddəsinə əsasən, şərti olaraq tətbiq edilib və onun üzərində 3 il sınaq müddəti müəyyən olunub. İş üzrə verilmiş mülki iddia qismən təmin edilib. İş adamından 659.152,54 manat tutulub, dövlət büdcəsinə keçirilməsinə qərar verilib və qalan hissədə mülki iddia təmin olunmayıb.

Qeyd edək ki, "İnşaat Konstruksiyaları" MMC-nin qanuni təmsilçisi, Rauf Əliyevin yaxın qohumu Əhmədov Rəsul Süleyman oğludur. "Dərəçiçək” MTK da Rauf Əliyevə məxsusdur. Rəsul Əhmədov KİV-də keçmiş baş prokuror Zakir Qaralovun yaxın adamı kimi təqdim edilsə də, iddia heç vaxt təkzib edilməyib.

"Siyəzən Şəhəri Həmyə kəndindən atası və özü 1 -ci və 2 -ci Qarabağ döyüşçüləri var.Ata kürəyindən oğul da sinəsindən, çənəsindən, kürəyindən qəlpə yarası alıb və həmin oğul indi də vətənə kiçik gizir kimi xidmət edir..." DİA.AZ bildirir ki, bu baarədə Siyəzən rayonundan olan ictimai fəal Zamiq Əliyev açıqlamasında bildirib.

Z.Əliyev daha sonra qeyd edib: "Bu ailəyə 6 sot torpaq sahəsi veriblər, onun da sənədləri zad yoxdur.

Bir dəfə də İcra Hakimiyyəti onlara evi tikmək üçün bir maşın "atsep" və "şebel" verib vəssalam. Adamlar uzun illərdir çətin şəraitdə kirayədə qalırlar.

Bir maşın "atsep" və "şebel"lə ev tikmək olur?

Adamlar can qoyub bunlar üçün... bunların verdiyi dəyər budur! Sonra da bəziləri...."

Məsələ ilə bağlı olaraq bütün əlaqədar qurum və şəxsləri dinləməyə hazırıq...Dia.az

Azərbaycan hökumətinin quru sərhədləri bu dəfə də bağlı saxlaması təyyarə biletlərinin qiyməti ilə bağlı müzakirələri yenidən aktuallaşdırıb.

Vətəndaşların baha qiymətlə bilet narazılıqlarına Milli Məclisin bir çox üzvləri də dəstək verib.

DİA.AZ-ın məlumatına görə, parlamentin komitə sədri Musa Quliyev Gununsesi.info-ya açıqlamasında bildirib ki, Azərbaycan Hava Yolları Dövlət Konserninin (AZAL) hazırki rəhbəri Samir Rzayevin bir qrup deputatla görüşündə bu məsələ müzakirə olunub:

“Təyyarə biletləri mövzusunu dəfələrlə müzakirə etmişik. Eyni zamanda AZAL-ın yeni rəhbərliyi ilə Milli Məclisin bir qrup deputatları ilə görüş oldu. Görüşdə bu məsələlər müzakirə olunub. Samir Rzayev söz verib ki, bu barədə qısa müddət ərzində bir çox məsələlər üzərində tədbirlər görüləcək. Dedi ki, aşağı kateqoriya qiymətli reyslərin təmin olunması, başqa şirkətlərin dəvət olunması və qiymət optimallaşdırılması bağlı proqram hazırlayırlar. Çox güman ki, qısa müddət ərzində bunlar həyata keçiriləcək. O cümlədən, regionlarda olan hava limanlarında xidmətlərin genişləndirilməsi istiqamətində də işlər görüləcək. . Həyata keçirmək istədikləri böyük proqramları var. Bu proqramlarla tanış olduq, tənqid və təkliflərimizi bildirdik. Qeyd edək ki, bütüb bu məsələlər ilə bağlı qısa müddətə ictimaiyyətə məlumat veriləcək”.

"Pasiyentimiz Qənirə Paşayevanın müalicəsi ümumi reanimasiya və intensiv terapiya şöbəsində davam etdirilir".

Bu barədə Mərkəzi Klinikadan məlumat verilib.

Bildirilib ki, kompleks müayinə və müalicə tədbirləri aparılır: "Ümumi vəziyyəti ağır olaraq qiymətləndirilir".

Bakıda fəaliyyət göstərən "Adress Baku” restoranı ilə keçmiş işçisi Nurlana Qasımova arasında qalmaqal yaşanır.

Nurlana Qasımova baş verənlərin təfərrüatları barədə Qaynarinfo-ya danışarkən bildirib ki, restoranın rəhbərliyi onun əmək hüquqlarını pozub.

"Mən bu ilin yanvar ayında "Adress Baku” restoranında işə düzəlmişəm. Amma mart ayında qeydiyyata alıblar. Yəni, mənimlə əmək müqaviləsi 2 ay sonra imzalanıb. Birinci qanunsuzluq burdan başlayır”, deyə Nurlana Qasımova bildirib.

Onun sözlərinə görə, restoranda bir neçə nəfərin işini görüb. Amma aldığı əmək haqqı gördüyü işin müqabilində çox az olub:

"Ona görə də bir neçə ay sonra işdən çıxmaq istədiyimi restoran rəhbərliyinə bildirdim. Dedim ki, burada bir neçə nəfərin işini görürəm, bunun müqabilində isə az maaş alıram. Məni işdən çıxmağa qoymadılar. Göndərdilər "Sea Breez”ə. Amma orada da eyni vəziyyətlə üzləşdim. Yəni, yenə də artıq işlər və az maaş. Bu dəfə işdən çıxmaq barədə təkid etdim. Amma yenə dedilər ki, çıxma. Yenidən "Adress Baku”ya qaytardılar və dedilər ki, maaşın da artacaq, əlavə işlər də görməyəcəksən. Vədlərinə əməl etmədilər. Əvəzində məndən xəbərsiz müqaviləyə xitam verib, işdən çıxardılar”.

O baş verənlərlə bağlı Dövlət Əmək Müfəttişliyinə müraciət etsə də, nəticəsiz qalıb:

"Oradan mənə cavab gəldi ki, müqavilənizin vaxtı bitib. Bu aydındır. Bəs müraciətimdə sadaladığımı qanunsuzluqlar necə olsun? Əmək haqqımı kəsiblər. Əlavə işlərin pulunu verməyiblər”.

Nurlana Qasımova Azərbaycan Qida Təhlüküəsizliyi Agentliyinə də müraciət edib. "Restorandakı qidalarla bağlı müraciət etmişəm. Antisanitariya olur, qidaların keyfiyyəti aşağıdır və s. Bütün bunları müraciətimdə qeyd etmişəm”, deyə "Adress Baku”nun keçmiş işçisi bildirib.

AQTA-dan gələn cavabda qeyd edilib ki, müraciət əsasında restoranda yoxlama aparılıb və qida təhlükəsizliyi baxımından texniki normativ hüquqi aktların tələblərinin pozulması faktları aşkar edilib və pozuntularla bağlı obyektin rəhbəri inzibati məsuliyyətə cəlb edilib.

Qaynarinfo Nurlana Qasımovun iddiaları ilə bağlı restoranla əlaqə saxlayıb. Restoranın Orxan adlı mühasibi onun iddialarını əsassız sayıb:
"Həmin şəxsin müqavilə müddəti bitib və biz də işə xitam vermişik. Burada hər hansı qanunsuzluq yoxdur. O adam Dövlət Əmək Müfəttişliyinə də müraciət edib. Amma qurumdan bizə heç bir irad bildirilməyib. Çünki qanunsuz iş görməmişik. Ona da bildirilib ki, müqavilənin müddəti bitib. Əmək haqqı məsələsinə gəlincə, onun maaşı tam olaraq verilib. Bu xanım əvvəl də başqa bir restoranda işləyib. Orada da bu cür qalmaqal yaradıb”.

"Adress Baku” restoranının "Azərbaycan Xəzər Dəniz Gəmiçiliyi” Qapalı Səhmdar Cəmiyyətinin (QSC) sədri Rauf Vəliyevə məxsus olduğu iddia edilir. Qaynarinfo bu iddia ilə də maraqlanıb. Restoranın mühasibi əvvəlcə onun kimə məxsus olması barədə məlumatsız olduğunu desə də, sonradan zəng vuraraq obyektin sahibinin Kamran adlı şəxs olduğunu bildirib. Lakin bu şəxsin restoranın sahibi deyil, icarədarı olduğu barədə iddialar var.

Bu ilin aprelində yaranan “TAKT-1” MMC 5 ay ərzində Gəncə Birləşmiş Şəhər Xəstəxanasının keçirdiyi 4 satınalma müsabiqəsinin qalibi seçilib.

Qaynarinfo xəbər verir ki, müsabiqələr yeməkxana və mətbəx ləvazimatları, yumşaq inventar, yataq ləvazimatları və xüsusi geyimlər, bərk inventar, maşın, avandanlıq və aksesuarların satın alınması ilə bağlı keçirilib.

Hələlik xəstəxana ilə şirkət arasında iki satınalma müqaviləsi imzalanıb. Müqavilələrdən biri yumşaq inventar, yataq ləvazimatları və xüsusi geyimlərin satın alınması ilə bağlıdır. Müqavilənin maliyyə dəyəri 144 815 AZN-dir.

Maliyyə dəyəri 21 225 AZN təşkil edən digər müqavilə isə yeməkxana və mətbəx ləvazimatlarının satınalması ilə bağlıdır.

Digər 3 tenderə gəlincə, maşın, avandanlıq və aksesusarların satın alınması ilə bağlı imzalanacaq müqavilənin maliyyə dəyəri 488 305,5 AZN, bərk invertarların satın alınması ilə bağlı imzalanacaq müqavilənin maliyyə dəyəri isə 99 605 AZN-dir.

Bu müqavilələr də imzalanacağı təqdirdə “TAKT-1” MMC-nin 5 ayda xəstəxanadan aldığı sifarişin dəyəri 753 950, 5 AZN olacaq.

“TAKT-1” MMC 28 aprel 2023-cü ildə qeydiyyata alınıb. Nizamnamə kapitalı 10 AZN-dir. Şirkətin hüquqi ünvanı Şəmkir rayonu, Dəllər Cəyir kəndində yerləşir, qanuni təmsilçisi İsmayılov Eşqin Qalib oğludur.

Açıq mənbələrdə şirkət və qanuni təmsilçisi haqqında heç bir məlumata rast gəlinmir. 5 aydır fəaliyyət göstərən şirkətin maddi-texniki bazasının hansı səviyyədə olduğu məlum deyil.

“Dövlət satınalmaları haqqında” Qanunun 6.2.1-ci maddəsinə görə satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanlarının, işçi qüvvəsinin, idarəetmə səriştəsinin və etibarlığın olması əsas şərtlərdən biridir.
Adına heç yerdə rast gəlinməyən, yeni yaranan şirkətin bu tələblərə cavab verdiyi inandırıcı görünmür.

Gəncə Şəhər Birləşmiş Xəstəxanasının direktoru İlkin İsmayılovdur. İlkin İsmayılov bu ilin fevralında direktor təyin edilib.