Rəsmi Bakı Avropa İttifaqı ilə bir sıra birgə layihələri dayandırıb.

Bu barədə Caliber.Az diplomatik mənbələrə istinadla xəbər verib.

Bildirilir ki, söhbət “Twinning” adlanan layihələrdən gedir ki, bu layihə çərçivəsində Avropa rəsmiləri Azərbaycanın dövlət qurumlarına Avropa standartlarına uyğun necə işləmələri barədə “təlimatlar” verirdilər.

Bu sxem belə işləyir: Aİ ölkəsindən “Twinning” üzrə məsləhətçi layihənin bütün icra müddəti üçün benefisiar ölkənin müvafiq dövlət qurumuna 12 aydan 36 aya qədər müddətə göndərilir və onun fəaliyyətini koordinasiya edir. “Twinning” layihəsinin iş planına adətən qısa və orta müddətli ekspert missiyaları, təlim tədbirləri daxildir.

Maraqlıdır ki, bu layihələrin əksəriyyətinin başında Fransadan sonra ən qızğın ermənipərəst və anti-Azərbaycan mövqe nümayiş etdirən dövlət olan Litva dayanırdı. Beləliklə, Azərbaycan Litva ilə hüquq-mühafizə, səhiyyə və sosial təminat sahəsində üç birgə layihəni dayandırıb.

“Bir çox hallarda Litva nümayəndələrinin hökumət fəaliyyətinin bu əsas sahələrində fəallığı və marağı əməkdaşlıq xəttini keçib və şübhə doğurub”, - deyə mənbədən vurğulanıb.
Həmçinin İsveç və Yunanıstanla miqrasiya sahəsində “Twinning” layihə dayandırılıb.

Azərbaycan tərəfindən yeganə istisna Polşa və Finlandiya üçün - bu ölkələrin balanslı mövqeyinə görə olub.

Bu cür layihələr yəqin ki, 90-cı illərdə və 2000-ci illərin əvvəllərində məna kəsb edirdi, lakin Azərbaycanın ayaqları üzərində möhkəm dayandığı 2023-cü ildə Avropa İttifaqı ilə münasibətlərdə müəllim-şagird münasibəti Bakı üçün məqbul deyil. Üstəlik, erməni separatizminin himayədarı Josep Borrel tərəfindən göndərilən “xəbərdarlıqlar” və “aydın siqnallar” fonunda belə əməkdaşlıq mümkün görünmür.

İdarəetmənin keyfiyyətinin yüksəldilməsi üçün xarici ölkələrin dövlət qurumları ilə təcrübə mübadiləsinə gəlincə, xatırlamaq lazımdır ki, dost Avropa ölkələri ilə ikitərəfli əlaqələri heç kim ləğv etməyib. Üstəlik, Asiyanın bəzi yüksəktexnologiyalı ölkələri həm rəqəmsallaşma səviyyəsində, həm də inzibati islahatların səmərəliliyində Aİ-ni çoxdan qabaqlayır. Deməli, rəsmi Bakı tərəfdaşlar tapacaq, lakin daxili idarəetmə məsələlərində Aİ ilə institusional əməkdaşlıq, görünür, məntiqi sonluğa yaxınlaşır.

“Bir neçə gün əvvəl mənim qoruduğum meşə sahəsində ağaclar qərəzli şəkildə kəsilib. Gecə saatlarında ağacları kəsib elə yerində də qoyub gediblər”.

Bu şikayətlə “Qafqazinfo”ya Lerik rayonunun Hücü kənd sakini Alim Rzayev müraciət edib.

O bildirib ki, 1 saylı regional meşə təsərüfatı mərkəzinin Vizəzəmin meşəbəyliyinin 16a saylı dolayın gözətçisi vəzifəsində işləyir. Kəsilən ağaclar da məhz həmin ərazidə olub: “Noyabrın 14-də gecə vaxtı ağaclar kəsilib. Bunu görənlər də olub. Ağacları kəsənlər mənim qonşularım S.Ş. və onun qardaşı oğlu Y.Ş.dur. Ümumilikdə 11 ağaca zərər dəyib. Onlar daha əvvəl də başqa meşə ərazilərində ağacları kəsiblər. Kəsdikləri ağaclardan həyətlərindəki sexdə bel, balta, külüng sapı emal edirlər. Bir dəfə onların bu qanunsuz hərəkətlərindən şikayətçi oldum. Bu, onlarda mənə qarşı qərəz yaratdı. Buna görə bu dəfə də qanunsuz hərəkətlərini mənə qarşı ediblər”.

Vətəndaşın sözlərinə görə, hadisə ilə bağlı polisə şikayət edib: “Polis gəlib baxış keçirib. Hazırda istintaq gedir”.

Məsələ ilə bağlı Daxili İşlər Nazirliyinə müraciət etdik. DİN-in Mətbuat Xidmətinin Lənkəran regional qrupunun baş inspektoru Məhəmməd Rzayev sorğumuza cavab olaraq bildirdi ki, daxil olmuş həmin müraciət əsasında hazırda Lerik Rayon Polis Şöbəsində araşdırma aparılır. Araşdırmanın nəticəsindən asılı olaraq məsələyə hüquqi qiymət veriləcək.

Ekologiya və Təbii Sərvətlər Nazirliyindən də saytımıza bildirilib ki, məsələ araşdırılır.

Deputatın Azərbaycan Respublikası Milli Məclisinin və onun orqanlarının iclaslarında iştirak etməsi vəzifə kimi müəyyənləşib.

Belə ki, Milli Məclisin Daxili Nizamnamənin 45-ci maddəsinin birinci hissəsinin 3-cü bəndində göstərilən əsasa görə, parlamentin spikeri Milli Məclisin növbəti sessiyasının bütün iclaslarında və ya il ərzində Milli Məclisin 15 iclasında üzrsüz səbəbdən iştirak etməyən Milli Məclisin deputatı barəsində İntizam komissiyasına təqdimatla müraciət edə bilər.

Parlamentdə 1 saylı Şərur-Sədərək seçki dairəsini təmsil edən deputat Vasif Talıbovun iclaslarda iştirak etməməsi də ictimaiyyət tərəfindən müzakirə olunan mövzudur. Belə olan halda deputatın mandatının ləğv olunub-olunmaması gündəmdədir.

Modern.az bununla əlaqədar olaraq Milli Məclisin İntizam komissiyası ilə əlaqə saxlayıb.

Komissiyanın sədr müavini Fəzail Ağamalı saytımıza açıqlamasında bildirib ki, əgər hər hansı deputat Milli Məclisin iclaslarında iştirak etmirsə, deməli, üzrlü səbəbləri var:

“Bunu nəzərə alaraq, Milli Məclisin rəhbərliyi İntizam komissiyasına müraciət etməyib. Vasif Talıbov ilə bağlı isə hər hansı bir söz deyə bilmərəm. Çünki onunla bağlı hər hansı sənəd komissiyamıza daxil olmayıb”.

Qeyd edək ki, Milli Məclisin Daxili Nizamnamənin 45-ci maddəsinin birinci hissəsinin 3-cü bəndində göstərilən əsasa görə, Milli Məclisin Sədri Milli Məclisin növbəti sessiyasının bütün iclaslarında və ya il ərzində Milli Məclisin 15 iclasında üzrsüz səbəbdən iştirak etməyən Milli Məclisin deputatı barəsində İntizam komissiyasına təqdimatla müraciət edir.

İntizam komissiyası 2 həftə müddətində apardığı araşdırma nəticəsində müvafiq əsaslar aşkar etdikdə Milli Məclisin deputatı barəsində deputat səlahiyyətlərinin itirilməsi intizam tədbirinin tətbiq edilməsi haqqında rəy qəbul edir və Milli Məclisin müzakirəsinə çıxarır. Bu məsələyə Milli Məclisin növbəti iclasında səlahiyyətlərinin itirilməsi nəzərdə tutulan deputatın iştirakı ilə baxılır. Həmin deputatın iclasda iştirakı mümkün olmadıqda bu məsələyə onun iştirakı olmadan baxılır. İclasda iştirak edən Milli Məclisin deputatları yalnız deputat səlahiyyətlərinin itirilməsi üçün yetərli əsasların olub-olmamasını aydınlaşdıra, İntizam komissiyasının üzvlərinə suallar verə və deputatın səlahiyyətlərinin itirilməsinin lehinə və ya əleyhinə çıxış edə bilərlər. Milli Məclisin deputatının səlahiyyətlərinin itirilməsi barədə Milli Məclisin qərarı azı 63 səs çoxluğu ilə qəbul edilir.

Xatırladaq ki, 2022-ci ilin dekabrın 21-də Vasif Talıbov Naxçıvan Muxtar Respublikası Ali Məclisinin sədri vəzifəsindən istefa verib. O, 1995-ci ilin dekabrın 16-dan istefa verdiyi günə qədər Naxçıvan Muxtar Respublikası Ali Məclisinin sədri olub.

Azərbaycan Xarici İşlər Nazirliyi ilə Müdafiə Nazirliyinin birgə brifinqi keçirilir.

Brifinq Azərbaycan Respublikasında fəaliyyət göstərən diplomatik korpus və hərbi attaşelər üçün nəzərdə tutulub.

Çıxış edənlər qismində Xarici İşlər Nazirliyinin mətbuat katibi Ayxan Hacızadə və Müdafiə Nazirliyinin Mətbuat Xidmətinin rəisi polkovnik Anar Eyvazovdur.

Bu ev Birinci Qarabağ müharibəsində şəhid olmuş Bəşir Nəcəfovun 30 il öncə tikdiyi evdir. Birotaqlı, baxımsız bu evdə indi Bəşirin bacısı Xalidə Nəcəfova oğlu və nəvələri ilə birgə yaşayır.

Xalidə Nəcəfova danışır ki, evləri olmadığına görə, şəhid ailəsi kimi atası 2000-ci ildə ev növbəsinə yazılıb. O zamandan bəri hər gün atası ilə birgə Yasamal rayon icra hakimiyyətinə gedib, növbələrinin haçan çatacağı günü gözləyiblər.

Mənbə: Toplum TV
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

“Gələcəkdə Yazıçılar Birliyinin sədri kim olacaqsa, o, mütləq deputat olmalıdır. Deputat nüfuzdur, deputat(lıq) imkandır ki, orada öz sözünü desin...” Bunu Yazıçılar Birliyinin(YB) sədri Anar “Reaksiya.tv”-yə müsahibəsində deyib.

Anar həmin müsahibədə hələ 1995-ci ildə “Prezident Aparatının çox məsul bir işçisinin” zəngindən və onun “namizədliyinizi Göyçaydan verməlisiniz” tapşırığından sonra öz namizədliyini verdiyini və deputat olduğunu etiraf edib. Lakin 2005-ci ildə növbəti dəfə deputat ola bilməməsindən gileylənən Anar ona qarşı Göyçayda “oyun qurulduğunu”, səslərinin azaldıldığını iddia edib, hətta göyçaylılardan incikliyini də gizlətməyib. Baxmayaraq ki, əslində, göyçaylıların Anardan deputat kimi inciməyə daha çox haqqı var...

Bütün bunların “bir nəfərin” onun deputat olmasını istəməməsilə əlaqələndirən yazıçı həmin “bir nəfərin” ad çəkmədən Ramiz Mehdiyev olduğuna eyham vurub. Həmçinin baş verənləri özünə qarşı “ədalətsizlik” adlandıran Anar “ədalətin (özünə qarşı-C.M.) bərpa olunması üçün yenə deputat olmaq istəyərəm”, - deyə bildirib.

Burada yəqin ki, 85 yaşlı YB sədrini deputat olmaq istədiyinə görə qınayacaq bir şey yoxdur. Anar yaşının çoxluğuna baxmayaraq, hazırda Milli Məclisdəki deputatların heç birindən nə əskikdir, nə də artıq. Parlamentdə Anardan yaşca iki-üç dəfə (!) kiçik olan “lal deputatlar” var. Digər yandan, bu xalq çoxdan parlament institutundan əlini üzüb, Anar orada olsa nə olacaq, olmasa nə...

Lakin məsələ Anarın özünəməxsus “ədalət axtarışına” çıxmasındadır. Deputat “seçilmədiyi” üçün özünə qarşı böyük ədalətsizlik edildiyini bildirən Anarın onu “öz seçiciləri” də daxil olmaqla, bu məmləkətdəki sıravi vətəndaşlara qarşı məmurların, nazirlərin, hüquq-mühafizə orqanlarının və s. aydın, gözlə görünən ədalətsizliklərinə etiraz etdiyini bir dəfə də olsa, görən olubmu?

Elə təkcə YB-dəki son ev bölgüsünə diqqət yetirmək kifayətdir ki, Anarın “ədalət kriteriyaları”nı anlayasan. Öz sürücüsünə, texniki işçilərinə ev payladığı, eləcə də eyni adamlara ikinci dəfə ev verdiyi halda, mənzilə gerçək ehtiyacı olan evsiz-eşiksiz yazıçılar, şairlər kənarda qalıb. Belə bir qısır ədalət anlayışı olan şəxsin yenidən deputat təyin olunmamasını ədalətsizlik kimi qələmə verməsi ikrah hissindən başqa heç nə doğurmur...

Yeri gəlmişkən, jurnalistlərin ev bölgüsündə yol verdiyi əməllərə görə hazırda həbsdə yatan keçmiş KİVDF sədri Vüqar Səfərli Anarla müqayisədə daha “şükürlü” görünür. Hər halda, Səfərlinin siyahısındakı adamların hamısı olmasa da, böyük hissəsi doğrudan da bu mənzillərə layiq olan jurnalistlər idi. İnsafən onu da nəzərə almaq lazımdır ki, jurnalistlər üçün ev bölgüsündə son söz Səfərlidən daha çox Əli Həsənova məxsus idi. Yazıçıların ev bölgüsündə isə Anara Prezident Administrasiyasından kimlərinsə göstəriş verməsi inandırıcı deyil. Deməli, bu “ədalətli bölgü” elə Anarın öz “əsəridir”. Belə bir bölgü və ədalət “prinsipləri” olan adamın deputat mandatsız qaldığına görə gileylənməyə mənəvi haqqı varmı?

Anar müsahibələrinin birində onu da deyib ki, “mənə dünya şöhrətli yazıçı deyəndə ətim tökülür”. Doğrusu, Anarla bağlı səslənən bu ifadədən təkcə onun özü yox, onun oxucuları və onu tanıyanlar da ət tökür. Ən azından ona görə ki, heç bir dünya şöhrətli yazıçı Prezident Administrasiyasının korrupsioner reputasiyalı başçısından gələn zənglə deputat olmağı özünə yaraşdırmazdı...

Təəssüf ki, Yazıçılar Birliyi hər nə qədər ictimai qurum statusu daşısa da, faktiki olaraq onun rəhbərliyi, Anar başda olmaqla, daha çox məmur statusunda görünür. Son və bundan əvvəlki ev bölgüləri, ümumilikdə YB rəhbərliyində baş verənlər, həmin şəxslərin bu və ya digər açıqalmaları onların “məmurlaşdıqlarına” dair qənaəti daha da gücləndirir.

Yaradıcı insan xüsusilə də Azərbaycan kimi ölkələrdə məmura çevriləndə istər-istəməz öz yaradıcılığını, yazıçılığını itirir. Anarın timsalında isə görünür ki, itirilən təkcə yaradıcılıq və yazıçılıq olmur...

Mənbə: Azpolitika.info

Qeyri-etik görüntülərə görə bir müddət mətbuatın, medianın gündəmində olan sabiq deputat, yazıçı-dramaturq Hüseynbala Mirələmovun yeni romanı işıq üzü görəcək.

Bu barədə Yenisabah.az-a Mirələmov özü məlumat verib. O, hazırda Behbud Xan Cavanşir haqda roman yazdığını, artıq tədqiqat işlərini bitirdiyini deyib:

“Əsər yazmaqla məşğul oluram, bu yaxınlarda yeni romanım çıxdı. "Bəyaz buludlar üstdə" adlı romanım burada çap olunan kimi Türkiyədə də çap edildi. Miniatür roman idi.

Hazırda yeni əsər üzərində işləyirəm. Behbud Xan Cavanşir haqda yazıram. O, Azərbaycan Cümhuriyyətinin Daxili İşlər naziri, çox böyük şəxsiyyət olub. Onun həyatını araşdırıram. Demək olar ki, tədqiqat işlərini bitirmişəm. Behbud xan Cavanşiri ermənilər İstanbulda qətlə yetirib. O faciəvi şəkildə dünyasını dəyişmiş böyük azərbaycanlılardan biridir, böyük şəxsiyyət olub”.

Onun sözlərinə görə, bu gün Behbud Xan Cavanşiri çox az adam tanıyır və romanı yazmaqda əsas məqsəd onu gənclərə tanıtmaqdır:

“Bu gün küçəyə çıxıb insanlara sual versəniz ki, Behbud Xan Cavanşir kimdir, sizi inandırım ki, 100 nəfərdən bəlkə də bir nəfər onu tanımaz. Buna çox təəssüf edirəm, amma Behbud Xan böyük şəxsiyyət olub.

Mən böyük şəxsiyyətlərimizi gənclərə tanıtmaq üçün qərara gəldim ki, onun haqqında roman yazım. İnşallah, texniki işlər də bitdikdən sonra təqribən 3-4 aya kitab çap olunacaq. Behbud Xan Cavanşir həm də Pənahəli xanın kökündəndir. Biz yazıçıların əsas vəzifəsi böyük insanları gənclərə, cəmiyyətə tanıtmaq olmalıdır”.

H.Mirələmov artıq siyasi fəaliyyətinə davam etmədiyi, bundan sonra da etməyi düşünmədiyini qeyd edib:

“Artıq siyasi fəaliyyətlə məşğul olmuram, təqaüddəyəm. Bundan sonra da yalnız bədii yaradıcılıqla və nəvələrimin dərsləri ilə məşğul olmağı düşünürəm”.

“Mənim evimi sələmiçi ələ keçirib iki azyaşlı uşaqla zirzəmidə qalmışam”.

Göyçay rayonu Potu kənd sakini Abdullayev Elşad Arif oğlu tərəfindən Ovqat.com vasitəsilə Prezident İlham Əliyevə və Birinci Vitse-prezident Mehriban xanım Əliyevaya ünvanlanan müraciətdə belə deyilir.

Müraciəti olduğu kimi, dərc edirik:

“MÜRACİƏT

Azərbaycan Respublikaısnın Prezidenti cənab İlham Əliyevə və Birinci vitse-prezident Mehriban xanım Əliyevaya müraciət edirəm.

Mənim evimi sələmiçi ələ keçirib iki azyaşlı uşaqla zirzəmidə qalmışam.

Belə ki, mənə pul lazım oldu, deyə 2020-ci il tarixdə Göyçay rayon sakini Famil Xurşud oğlu Həmidovdan 10.000 manat sələminə pul götürdüm. Famil mənə bildirdi ki, bir ilə 10 min əvəzinə 20 min manat verəcəksən. Həmidov Famil evimi alqı-satqı yolu ilə həyat yoldaşının adına keçirib 10 min manatı sələmi ilə mənə verdi.

Bir ildən sonra pulu qaytarıb evimin sənədlərini öz adıma keçirmək istədikdə Famil mənə bildirdi ki, 50 min manat verməlisən ki, evini sənin adına sənədləşdirim.

Buna görə Famil Həmidov mənim öz evimdən çıxarılmağım üçün məhkəməyə müraciət edib pul gücünə ailəmlə birlikdə evdən çıxarılmağıma dair qərar çıxartdıra bildi.

Mən məhkəmələrdə tam subut etdim ki, Famil Həmidov 10 min manat pulu mənə sələmə verib deyə evi onun həyat yoldaşının adına keçirmişəm. Çünki hamı bilir ki, Göyçay rayonunun Potu kəndində belə yeni inşa edilmiş 20 sot torpağın içində hər il gəlir gətirən meyvə bağı olan evi 10 min manata qətiyyən almaq olmaz.

Təkcə hər il mövsümdə həyətimdəki bağdakı xurma meyvəsindən 5-6 min manat pul gəlir əldə edilib

Mənə 2020-ci il tarixdə əlimyandı ilə pul lazım olduğu üçün Famil Həmidovdan 10 min manat sələmə pul götürüb evi alqı-satqı yolu ilə onun həyat yoldaşının adına sənədləşdirmişəm. Şərtimiz bir ilə 20 min manat qaytarmaq olub.

Mən əgər həmin evi 2020-ci il tarixdə Famil Həmidova satmışdımsa, nəyə görə 3 il orada ailəmlə birlikdə yaşamışam, 20 gün əvvəl evimdən çıxarılmışam hazırda ailəmlə iki azyaşlı uşağımla birlikdə zirzəmidə yaşayırıq. Bunu subut edən komunal ödəniş qəbzləri, qonşular və digər subutlar var.Həmçinin Famil Həmidovun sələmi pul verməklə məşğul olmasına dairdə konkret subutlar var. Hətta məndən başqa bir nəfərində torpaq sahəsini oxşar qaydada əlindən alaraq özününküləşdirib. Bütün bunlar məhkəməyə təqdim edilsədə pul hesabına onların xeyrinə qərar çıxarıldı.

İndi mənim evimi Həmidov Famil 60 min manata satışa çıxarıb. Hüquq mühafizə orqanları Famil Həmidovun sələmiçiliklə məşğul olmasını çox asan aşkar edə bilərlər. Dövlət qanunlarında da, İslam dinində də sələmçiliklə məşğul olmaq qadağan edilib. Hazırda ailəmiz gözü yaşlı ürəyi dərdli zirzəmidə yaşayır.

Mən mətbuat vasitəsilə Azərbaycan Respublikaısnın Prezidenti cənab İlham Əliyevə və Birinci vitse-prezident Mehriban xanım Əliyevaya müraciət ünvanlayıb çox-çox xahiş edirəm qanunsuz sələmiçiliklə məşğul olub evimizi ələ keçirmiş Həmidov Famil Xurşud oğlunun barəsində tədbir görülməsinə və bizim evimizin geri qaytarılmasına köməklik göstərəsiniz. Xahiş edirəm, imkan verməyin iki azyaşlı uşağım zirzəmidə acınacaqlı vəziyyətdə məhv olsun.

Əlaqə telefonum: 050 797 -83 -23
[media=www.youtube.com/watch?v=tV-b7XmUfNc]
Təqdim etdi: DİA-AZ.COM (Ərsoyun Bloqu)

Səhifəmiz bütün maraqlı tərəflərin rəyləri üçün açıqdır...

Ceyhun Hüseynov bu ilin iyul ayında 1 saylı Lənkəran Regional Ekologiya və Təbii Sərvətlər İdarəsinə rəis təyin olunandan sonra İdarənin nəzarət etdiyi ərazidə - Astara, Lerik, Lənkəran, Masallı, Yardımlı və Cəlilabad rayonlarında qanunsuzluq faktları intensiv şəkildə artması barədə çox deyilib, çox yazılıb. O, bu vəzifəyə qədər Dövlət Ekoloji Təhlükəsizlik Xidmətinin rəhbərliyində təmsil olunub, 10 saylı Regional Ekologiya və Təbii Sərvətlər İdarəsinin rəisi olub. Əvvəlki fəaliyyətində yetərincə qanunsuzluqlara yol verib.

Təzə rəisin son aylarda qol qoyduğu, göz yumduğu qanunsuzluqlar sırasından bir çoxunu (meşələrdə biletsiz ağac kəsintilərini, çay məcralarının istismarını, Qzılağac Milli Parkında baş verənlər və s.) biz qeydə almışıq. Bu mövzuda qələmə aldığımız axırıncı tənqidi məqalə belə adlanırdı: “Ceyhun Hüseynov 1 saylı Regional Ekologiya və Təbii Sərvətlər İdarəsini necə “gözüyumulu” idarə edir”.
Bu günlərdə Astara rayonundakı informatorlarımızdan biri dəniz kənarına maşınla gələrək sintetik tor qurub balıq tutmaqla məşğul olan brokanyerin video-görüntülərini redaksiyamıza göndərib.

Görüntülərdən məlum olur ki, brokanyer əsla ehtiyatlanmır, ətrafa göz gəzdirmir, bir sözlə, əməlinə görə təqib olunmayacağına, məsuliyyətə cəlb edilməyəcəyinə tam əmindir. Buradan o qənaətə gəlmək olar ki, o və onun kimi çox olduqları deyilən başqa brokanyerlər qanunçuluğun təmininə nəzarət etmək vəzifəsi daşıyan şəxslərlə, o cümlədən, “quyruğu suda olan” Ceyhun Hüseynovla iş birliyindədirlər, onların təmənnalarını qarşılayırlar.
Ceyhunh Hüseynovun təkcə dəniz və çay balığı biznesindən deyil, balıqqulağı biznesindən də faydalandığı məlumdur. Bunlar bir yana, məlum olub ki, adam zibildən də pul çıxarır. Lənkəran şəhərindəki pioliqona zibil daşıyan yerli icra nümayəndəliklərin, bələdiyyələrin sədrləri Ceyhun Hüseynov tərəfindən “tasa oturdulub”.

Həmin zibillər yandırılır ki, bunun da nəticəsində yayılan zəhərli tüstü ətraf mühitə, yaxınlıqda yaşayan sakinlərin səhhətinə ciddi ziyan vurur. Təəssüf ki, Ceyhun Hüseynov özünü həm də “iybilməzliyə” vurub.
Maraqlıdır, görəsən Ceyhun Hüseynova nəyə görə “dur” deyən yoxdur? Bəlkə daha yuxarıdakı havadarının “qələminin qrılmasını” gözləyirlər?

Azerinfo.info

İkinci Qarabağ müharibəsinin iştirakçısı, qazi Həsən Mehdiyevin ayağını amputasiya etdirmək üçün xalqdan yardım istəməsi və aidiyyatı qurumları tənqid etməsi sosial şəbəkələrdə ciddi müzakirələrə və hökumətin tənqidinə səbəb olub.

Xatırladaq ki, Həsən Mehdiyevin hər iki ayağı dizinə qədər amputasiya olunub. Özünün deydiyinə görə, indi ayağının birində çürümə getdiyi üçün dizdən yuxarı hissə də kəsilməlidir.

Onun sözlərinə görə, cərrahiyyə əməliyyatını İsraildən olan həkimlər edəcək.

Həsən Mehdiyev deyib ki, onun əhəmiyyatı üçün 23 min manat çatmır və ona görə bu vəsaiti xalqdan toplamaq qərarına gəlib.

Gununsesi.info-ya açıqlamasında Həsən Mehdiyev bildirib ki, xalqa müraciətinin ictimailəşməsindən sonra Əmək və əhalinin sosial müdafiəsi naziri Sahil Babayev ona zəng edib:

“Nazir mənə şəxsən telefon açdı. Bildirdi ki, məlum video müraciətimi sosial şəbəkələrdən silərəmsə, o mənə kömək edəcək. Ancaq mən ona “inciməyin, siləsi deyiləm, bu günə qədər bütün müraciətlərimə laqeyid qalmısınız” dedim”.