Bu ilin I rübündə Azərbaycan hökuməti işğaldan azad olunmuş ərazilərin yenidən qurulmasına və bərpasına 1 milyard 067 milyon manat vəsait yönəldib.

Oxu.Az bu barədə Maliyyə Nazirliyinə istinadən xəbər verir.

Məlumata görə, bu, 2023-cü ilin dövlət büdcəsində sözügedən məqsədlə nəzərdə tutulmuş 3 milyard manat vəsaitin 35,5 %-i deməkdir. Həmin vəsait sifarişçi təşkilatların müvafiq layihələr üzrə təqdim etdiyi kassa sifariş sənədləri əsasında istifadə olunub.
Rüblük xərcləmələrin 1 milyard 042,5 milyon manatı avtomobil yollarının layihələndirilməsi və tikilməsi üçün Azərbaycan Avtomobil Yolları Dövlət Agentliyinin, 13 milyon manatı işğaldan azad olunmuş ərazilərdə suvarma sistemlərinin yaradılması məqsədilə “Azərbaycan Meliorasiya və Su Təsərüffatı” ASC-nin, 6 milyon manatı işğaldan azad olunmuş ərazilərin minalardan təmizlənməsi məqsədilə Minatəmizləmə Agentliyinin, 5,5 milyon manatı isə digər zəruri infrastrukturun yaradılması məqsədilə müvafiq icraçıların payına düşüb.

Hesabat dövründə sifarişçi təşkilatların müvafiq layihələr üzrə təqdim etdiyi kassa sifariş sənədləri əsasında dövlət büdcəsində dövlət əsaslı vəsait qoyuluşu üçün nəzərdə tutulan vəsaitin (2 milyard 650,4 milyon manat) 10,2 %-i və yaxud 269,2 milyon manatı xərc edilib.

75 ildir xidmət edən Lənkəran rayonunun Girdəni kənd həkim məntəqəsi hazırda qəzalı vəziyyətdədir.

İş o yerə çatıb ki, həkimlər özləri də burada işləməkdən ehtiyat edirlər.

Girdəni kənd həkim məntəqəsi 1948-ci ildə tikilib, 1964-cü ildən kənd xəstəxanası kimi fəaliyyət göstərib. 2010-cu ildə isə xəstəxana ləğv olunub, yenidən həkim məntəqəsi kimi fəaliyyətini davam etdirir.
Sakinlər deyir ki, məntəqənin binası təhlükəli vəziyyətdədir. Hazırda onun əsaslı şəkildə təmir edilməsinə və ya yerində müasir binanın tikilməsinə ehtiyac var.

"Putinın mayın 18-dən sonra “taxıl müqaviləsi”ndən çıxmaq qərarı çox real görünür. Çünki, Rusiya ABŞ qarşısında Rosselxozbank-ın SWIFT sisteminə yenidən qoşulması, kənd təsərrüfatı texnikasının logistikasının - ehtiyat hissələrinin və servis xidmətinin bərpası, limanlara giriş qadağasının aradan qaldırılması məsələlərini tələb kimi qoyub. Lakin Amerikanın bu tələbləri qəbul etməsi real görünmür. “Taxıl müqaviləsi”ndən çıxmaq isə hər iki tərəf üçün problemlər yarada bilər. Eyni zamanda taxılla bağlı problemlər yaransa, bu zaman Moskva Vaşinqtonun digər təzyiqləri ilə üzləşəcək. Ona görə də kompramisə gəlinə bilər. Məsələn, Rosselxozbank-ın SWIFT sisteminə yenidən qoşulması və limanlara giriş qadağası saxlanıla, amma kənd təsərrüfatı texnikasının logistikasının - ehtiyat hissələrinin və servis xidmətinin bərpası mümkün ola bilər".

DİA.AZ publika.az-a istinadla xəbər verir ki, bu sözləri iqtisadçı Eldəniz Əmirov deyib.

Onun sözlərinə görə, bu halda qiymətlərdə artımlar ola bilər: əgər kompromis əldə edilməsə və Rusiya taxıl sazişindən çıxaraq ABŞ-ın hayfını yavan çörəyə göz dikən xalqlardan çıxarsa, bunu özünə şərəf bilərsə,o zaman qiymətlərdə bir müddət böyük artımlar ola bilər".

Bəs, bu Rusiyanın idxalda yarada biləcəyi problemlər Azərbaycanda çörək qıtlığı və ya bahalaşması kimi hansı nəticəyə səbəb ola bilər.

İqtisadçı bildirib ki, Rusiya bunu davamlı saxlaya bilməz.

"Bəzi ölkələrdən olan dəstələrini də itirə bilər. Bu müəyyən zaman kəsiyində davam edə bilər. Bu müddət ərzində isə Azərbaycan üçün hər hansı ciddi nəticə gözlənilmir. Qeyd edilməlidir ki, Azərbaycan hökümətinin strateji hədəflərə nail olmaq baxımındən 2 strateji istiqaməti diğərlərindən daha uğurlu olur. Biri "Hərbi strategiya", digəri "Buğda Strategiyası"dır. "Buğda strategiyası" isə ərzaq təhlükəsizliyi strategiyasının onurğa sütunudur. Bu ilin 3 ayında ötən ilin eyni dövrü ilə müqayisədə 95% buğda idxal olunub. Daha dəqiq desək, cari ilin yanvar-mart aylarında Azərbaycana 108 mln. 758 min dollar dəyərində 356 min 147 ton buğda idxal edilib. Bu da əvvəlkindən 4,2 milyon ton, pul baxımdan isə 46,4 milyon çoxdur. Hələ nəzərə alaq ki 2022-ci ilin yanvarında da buğda idxalı 2021 ilin eyni dövrü ilə müqayisədə 4,2 dəfə çox olmuşdu. Eyni zamanda idxal istiqamətində liderlikdə daha etibarlı hesab edilən ölkəyə doğru dəymişdi. Buğdanın 50,1 faizi Qazaxıstandan, 49,9 faizi isə Rusiyadan idxal olunmuşdur", - o deyib.

E.Əmirov son olaraq vurğulayıb ki, hazırkı qiymətlərlə Azərbaycan kifayət qədər buğda ehtiyatı toplayıb. Buna görə də buğda qiymətləri bir neçə ay bahalaşsa da, ölkədə çörəyin qiymətini stabil saxlamağa imkanları var.

Bakıda tələbələr arasında dava olub, xuliqanlıq hərəkətləri törədilib.

DİN-in Mətbuat xidmətindən "Qafqazinfo"nun sorğusuna cavab olaraq bildirilib ki, bu gün 2003-cü il təvəllüdlü tələbəyə kəsici-deşici alətlə müxtəlif bədən xəsarətləri yetirilməsi b

Azərbaycanda nizamnamə kapitalı 100 000 manat olan “Uklon Azərbaycan” MMC (VÖEN – 1406338961) adlı şirkət dövlət qeydiyyatına alınıb.

Yeniavaz.com xəbər verir ki, “Uklon Azərbaycan” MMC Ukraynanın aparıcı taksi şirkətlərindən olan “Uklon taksi”nin
Azərbaycandakı tərəfdaşı olacaq. MMC-nin qanuni təmsilçisi Məmmədov Xaqani Rüstəm oğludur.

Məlumat üçün bildirək ki, “Uklon Azərbaycan” MMC-nin hüquqi ünvanı Nəsimi rayonu, Neftçilər prospekti, 153 ünvanında yerləşir. Ölkənin ən böyük özəl şirkətlərindən biri olan “Paşa Holdinq” də bu ünvanda yerləşir.

Cəlilabad rayonunun Qarakazımlı kəndinin yolları bərbad vəziyyətə düşüb.

DİA.AZ bildirir ki, bu barədə "Report"un Muğan bürosuna kənd sakinləri məlumat verib.

Onların sözlərinə görə, kəndin yolları uzun illər təmir olunmadığından yararsız vəziyyətə düşüb.

Sakinlər deyib ki, Qarakazımlı kəndinin yolundan qonşu Moranlı, Dələli və digər kəndlərin də sakinləri istifadə edir.

Kənd camaatı bildirib ki, bir qədər yağış yağan kimi yolda palçıq yaranır və burada hərəkət etmək çətinləşir.

Məsələ ilə bağlı Cəlilabad rayon Bələdiyyələri Əlaqələndirmə Şurasından "Report"un yerli bürosuna bildirilib ki, kənd sakinlərinin bələdiyyəyə vergi borcları yığılıb.

Qeyd edilib ki, həmin vergi borcları ödənildikdən sonra problem öz həllini tapacaq.

Qeyd edək ki, Qarakazımlı kəndi rayon mərkəzindən təxminən 30 km aralıda yerləşir.

Keçən həftə nazir postuna təyin olunaan Məcnun Məmmədovun kənd təsərrüfatı sistemindəki müdaxiləsi təhsildən başlaya bilər. Bu barədə DİA.AZ-a nazirlikdəki mənbə informasiya verib.

Xəbəri verən qaynaq iddia edir ki, artıq bunun ilk söhbəti də gedib və "yuxarılar" da belə bir qərara etimad göstərir: "Barəsində yetərincə şikayətlər olan Azərbaycan Dövlət Aqrar Universitetinin rəhbərliyinin məsələsi hələ keçmiş KTN şefi İnam Kərimovun dövründə aktual idi və indi də aktualdır. Zəfər Qurbanov ADAU rəhbərliyinə məhz İnam Kərimovun sayəsində gəlib... İndi isə tam müdafiəsizdir və İnam Kərimov onu yox, digər KTN-nin mühüm postlarındakı kadrlarından muğayat olduğundan ADAU rektoru İLK QURBAN kimi ən gözəl namizdə hesab olunur".

Əlavə bilgimiz olacaq. Məsələ ilə bağlı bütün maraqlı tərəfləri dinləməyə hazırıq...

Ləğv prosesində olan "Zaminbank”la "Elite İnternational Management" MMC arasında kredit müqaviləsinə görə mübahisə yaranıb.

Bank şirkəti müqavilə öhdəliklərinə əməl etməməkdə günahlandırır. Mübahisə məhkəməyə qədər uzanıb. Lakin birinci instansiya bankın iddiasını təmin etməyib.

İş hazırda apellyasiya mərhələsindədir. Bankın şikayəti Bakı Apellyasiya Məhkəməsində Raqib Qurbanovun sədrlik etdiyi hakimlər kollegiyası tərəfindən araşdıralacaq.

"Elite İntenrnational Managment” MMC fövqəladə hallar naziri Kəmaləddin Heydərovun şirkəti hesab edilir. Nazirin biznes strukturları ilə bağlı mediada dərc edilən araşdırma materiallarında da "Elite İnternational Managment” MMC-nin adına rast gəlinir.

Şirkət əvvəl iş adamı Ali Evsenə məxsus "Elite Group”a daxil olub. Ali Evsen Qafqaz Qafqaz Müsəlmanları İdarəsinin sədri Allahşükür Paşazadənin qudasıdır.

Bir neçə il əvvəl isə yayılan məlumatlardan aydın olub ki, "Evsen Group” şirkətini Kəmaləddin Heydərov alıb. Bu fakt İspaniya məhkəməsinin sanskisyası əsasında "Evsen Group” şirkətinin bank hesablarının dondurulmasından sonra üzə çıxıb. Həmin vaxt məhkəməyə təqdim edilən sənədlərdən məlum olub ki, "Evsen Group” artıq Ali Evsenə məxsus deyil.Qaynarinfo

Şamaxı Astrofizika Rəsədxanasının Qafqaz Müsəlmanları İdarəsinin sorğusuna əsasən təqdim etdiyi təqvimə görə, aprelin 21-də Azərbaycanda Ramazan bayramının olacağı gözlənilir.

Bunu APA-ya açıqlamasında Qafqaz Müsəlmanları İdarəsinin sədr müavini Fuad Nurullayev bildirib. Onun sözlərinə görə, hər il olduğu kimi bayram namazı bəzi məscidlərdə saat 08:00-da, bəzilərində isə saat 09:00-da qılınacaq:

“Aprelin 20-də axşam isə bayram axşamı hesab edilir və fitrə zəkatı verilir. Fitrə zəkatı hər il olduğu kimi minimum 10-15 manat məbləğ tövsiyə olunur. Məscidlərdə namaz vaxtları da hər il olduğu kimi bəzi məscidlərdə saat 08:00-da, bəzi məscidlərdə isə saat 09:00-da qılınacaq”.

Fuad Nurullayev qeyd edib ki, aprelin 19-da Ramazan bayramı ilə əlaqədar Qafqaz Müsəlmanları İdarəsinin Qazılar Şurasının fətvası da yayımlanacaq.
Qeyd edək ki, Azərbaycanda Ramazan ayı martın 23-də başlayıb. Aprelin 9-da (Ramazanın 18-ci günü), 11-də (Ramazanın 20-ci günü), 13-də (Ramazanın 22-ci günü) və 17-də (Ramazanın 26-cı günü) Qədr (Əhya) gecələri olub.

Xatırladaq ki, aprelin 21 və 22-də Azərbaycanda Ramazan bayramı olacaq. Bayramla əlaqədar 4 gün - aprelin 21, 22, 23 və 24-də qeyri-iş günləri olacaq.