Avropa Ağır Atletika Federasiyası (EWF) aprelin 14-də İrəvanda Ağır Atletika üzrə Avropa Çempionatının Açılış Mərasimi zamanı Azərbaycan bayrağının yandırılması ilə bağlı bəyanat yayıb.

Bəyanatda deyilir:

“Avropa Ağır Atletika Federasiyası 2023-cü il aprelin 14-də İrəvanda keçirilən Ağır Atletika üzrə Avropa Çempionatının Açılış Mərasimi zamanı bir nəfərin Azərbaycan bayrağını yandırması ilə nəticələnən hadisəni kəskin şəkildə pisləyir.

EWF bu son dərəcə ciddi və təəssüf doğuran jesti idman dəyərlərinin bütövlüyünə və “Fair Play”-in universal prinsiplərinə hücum hesab edir.

EWF bu hadisəyə dərhal reaksiya verib, Təşkilat Komitəsinə öz qəti mövqeyini bildirib və yarışın bütün iştirakçılarının təhlükəsizliyi üçün əlavə təminat tələb edib. EWF daimi olaraq Azərbaycan Respublikasından olan nümayəndə heyətinin yanında olub, idmançılar, məşqçilər və rəsmi şəxslərlə tam həmrəyliyini və dəstəyini ifadə edib.

EWF hesab edir ki, bu hadisə təcrid olunmuş hadisədir və Təşkilat Komitəsindən təcili olaraq tələb olunan əlavə tədbirlərin həyata keçirilməsinə nəzarət edəcək.

Biz Azərbaycan Respublikasının nümayəndə heyətinin müsabiqəni tərk etməli olmasına təəssüflənirik, eyni zamanda buna hörmətlə yanaşırıq. Nümayəndə heyəti Ermənistanı tərk edənə qədər onun bütün təhlükəsizlik şəraitinin təmin edilməsində birbaşa iştirak etmişik.

EWF hadisəyə baş verənlər kontekstində əlavə tədbirlərin görülməsini nəzərdən keçirəcək.

EWF rəhbərliyi komandalar üçün bütün təhlükəsizlik şərtlərinin yerinə yetirilməsini təmin etmək üçün nümayəndə heyətləri yola düşənə qədər bu Çempionatlar çərçivəsində həyata keçirilən bütün tədbirlərdə iştirak edəcək.

EWF Azərbaycan Komandası və Federasiya ilə həmrəy olaraq qalır”.

Sabah Ramazan ayının 25-ci günüdür.

Qafqaz Müsəlmanları İdarəsinin açıqladığı Ramazan təqviminə əsasən, aprelin 15-də imsak vaxtı saat 04:31-də, iftar vaxtı isə 19:34-dədir.

25-ci günün duası:

İmsak duası:

“Allahumməc-əlni fihi muhibbən li-ovliyaik. Və muadiyən li-ə-daik. Mustənnən bisunnəti xatəmi ənbiyaik. Ya asimə qulubin-nəbiyyin!”

Tərcüməsi:

“İlahi, bu gün məni sənin dostlarını sevənlərdən, sənin düşmənlərinlə düşmən olanlardan qərar ver! Məni sonuncu peyğəmbərinin sünnəsinə əməl edənlərdən qərar ver! Ey peyğəmbərlərin qəlbinin hamisi olan Allah!”
İftar duası:

“Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli!”.

Tərcüməsi:

“İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!”.

Allah orucunuzu qəbul eləsin!

“2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində xaricdə doktorantura təhsili ilə bağlı sənəd qəbulu aprelin 20-si saat 23:59-dək davam edəcək.

Bu barədə Elm və Təhsil Nazirliyindən məlumat verilib. Proqrama müraciət üçün tələb olunan sənədlərin siyahısı, elana dair ətraflı məlumat və qeydiyyat linki nazirliyin saytında müvafiq keçidlərdən əldə oluna bilər.

Əlavə sual yarandığı zaman “Mütəmadi verilən suallar” bölməsinə və ya dpinfo@edu.gov.az ünvanına müraciət etmək olar.

"Ermənistanda Dövlət bayrağımızın yandırılması faktı ilə bağlı cinayət işi başlanıb".

Bu barədə Azərbaycan Baş Prokurorluğunun Mətbuat xidmətindən məlumat verilib.

Qeyd edilib ki, aprelin 14-də Ermənistanın paytaxtı İrəvanda keçirilən ağır atletika üzrə Avropa çempionatının açılış mərasimində milli nifrət və düşmənçiliyin salınmasına yönəlmiş nümayişkəranə hərəkətlərlə Azərbaycan bayrağı yandırılıb.

Ermənistanda Azərbaycana qarşı etnik zəmində nifrət və düşmənçiliyin təcəssümü olan həmin faktla bağlı Baş Prokurorluğun İstintaq idarəsində Cinayət Məcəlləsinin 12.2, 283.2.1 (zor tətbiq edilməklə milli nifrət və düşmənçiliyin salınması), 12.2, 283.2.2 (qulluq mövqeyindən istifadə etməklə milli nifrət və düşmənçiliyin salınması) və 12.2, 324-cü (Azərbaycan Respublikasının Dövlət bayrağı barədə təhqiredici hərəkətlər) maddələri ilə cinayət işi başlanıb.

Milli nifrət və düşmənçiliyin salınmasına yönəlmiş bu cinayət əməlini törədən Aram Nikolyan və digərlərinin milli və beynəlxalq məhkəmə məsuliyyətinə cəlb edilmələri məqsədilə xarici ölkələrin müvafiq orqanlarına müraciətlərin göndərilməsi və onların cəzalandırılmaları üçün beynəlxalq təşkilatlarla əməkdaşlıq edilməsi təmin olunacaq.

İstintaqın gedişatı və nəticəsi barədə ictimaiyyətə ətraflı məlumatın verilməsi təmin ediləcəkdir.

Azərbaycan Respublikası “İrqi ayrı-seçkiliyin bütün formalarının ləğv edilməsi haqqında” Birləşmiş Millətlər Təşkilatının Baş Assambleyası tərəfindən qəbul olunmuş Beynəlxalq konvensiyayaya və bu qəbildən olan bütün əməllərin cəzalandırılmalı olması ilə bağlı prinsiplərə sadiqliyini bir daha nümayiş etdirir, eləcə də beynəlxalq ictimaiyyəti Ermənistanı kəskin qınamağa, o cümlədən Ermənistan tərəfindən beynəlxalq hüquq və beynəlxalq humanitar hüquq öhdəliklərinə əməl olunmasını təmin etməyə çağırır.

Bu gün işdə olarkən saat 12.05-də tanımadığım nömrədən mənə zəng gəldi. “Ali Attestasiya Komissiyasından sizi narahat edirəm. İşinizlə bağlı bu gün saat 3-də (15.00) AAK-a yaxınlaşa bilərsinizmi?” Soruşdum: “Ekspert şurasınamı?” Cavab: “Xeyr, sadəcə işinizlə əlaqəli gəlməyiniz xahiş olunur”.
Dediyi saatda artıq mən AAK-ın binasına daxil oldum. Bir azdan əlində vərəqlər olan gənc bir xanım mənə yaxınlaşaraq dəhlizdəki stulda əyləşməyimi təklif etdi. Anladım ki, qurumun qəbul otağı yoxdur. Məni nə üçün çağırdıqlarının səbəbini hələ anlamırdım. Xanım əlindəki vərəqlərə baxaraq məramını açıqladı:
“Bilirsiniz ki, 3 nüfuzlu məqalə olmalıdır. Web of science-də olan məqaləniz bazada oturub. Digər bir məqaləniz, Russian Linguistic Bulletendə olan məqaləniz də bazada oturub. Digər iki məqaləniz (məqalə və jurnalları sadalayır) isə bazada oturmayıb”.
Bir anlıq çaşıb qaldım...

Günel Bayramova

Axı 7 ay yarım bundan əvvəl sənədlərimi Komissiyaya təqdim etmişəm, indiyədək hansısa çatışmazlıq haqqında nə mənə, nə də müdafiə etdiyim Şuraya heç bir məlumat daxil olmayıb. Çaşqınlığın səbəbi də məhz xanımın tələbinin heç bir qanuni prosedura uyğun olmaması, qurumun 8 ay susub sonda ölkə Prezidentinin imzaladığı Əsasnamənin tələblərinə tamamilə zidd davranması idi.
Belə çıxır ki, mən aprel ayının 3-də qurumla əlaqə saxlamasaydım, qurum rəhbərliyi öz vəzifə borcuna laqeyd yanaşmaqda davam edəcək, sonra indiki kimi “texniki nöqsanlar” aşkarlayacaqdı?!
Halbuki mənim 2022-ci ilin noyabr ayında nüfuzlu jurnalda növbəti məqaləm də çapdan çıxıb. Deməli, boşuna çağırılmışam…
Belə başa düşdüm ki, mən sıradan Azərbaycan vətəndaşı, sadə fəhlə övladı olduğum üçün sənədlərimə bu günə qədər biganə yanaşılıb. Əksinə, mənimlə eyni müəssisədə, eyni vaxtda və hətta məndən aylar sonra müdafiəsi olmuş akademik zümrənin şanlı övladları qanuna sığmayan heç bir texniki bəhanələrlə qarşılaşmadan artıq çoxdan, təntənəli xorla, hörmət və izzətlə quruma dəvət olunub, bəzisi təcili diplomlaşdırılıb, bəziləri isə ekspertdən keçirilərək sənədləri diplom verilməsi üçün kollegiyaya göndərilib.
Özümə gəldim və əyləşdirildiyim AAK dəhlizində bir daha yəqin etdim ki, qurumun “elmdə yeni mərhələ” nəğmələri hələ də illik hesabat tədbirlərinə rəng qatmaqdan o yana keçməyib. Çox təəssüf!

Günel Bayramova - İtalyanşünas alim
"Paralel.az"

Yeni tikili binalarda bir mənzilin bir neçə nəfərə satılması halı artıq illərdir davam edir.

DİA.AZ bildirir ki, belə bir problemlə üz-üzə qalanlardan biri olan Muxtar Əhmədov evin ilkin ödənişini edəndən sonra duyuq düşüb ki, evin başqa sahibləri də varmış, nə az, nə çox 5 nəfər.

Daha ətraflı aşağıdakı videoda:

Məsələ ilə bağlı dia.az olaraq qarşı tərəfi də dinləməə hazırıq...

Ermənistanın baş naziri Nikol Paşinyan Azərbaycan bayrağını yandırdığına görə ölkənin İctimai Televiziyasında çalışan Aram Nikolyanın işdən çıxarılması barədə göstəriş verib.

Bu barədə aysor.am məlumat yayıb.

Xatırladaq ki, A.Nikolyan ağır atletika üzrə Avropa çempionatının açılış mərasimində bayraqların paradı zamanı Azərbaycan bayrağı zala gətirildikdən sonra səhnəyə qaçaraq qızın əlindən milli simvolumuzu götürüb və onu yandırıb, ardınca da zaldan qaçmağa çalışıb. Sonradan məlum olub ki, onun barəsində cinayət işi açılmayacaq.

İkinci Qarabağ Müharibəsinin iştirakçıları Tacəddin Cəfərov və Elnur Rüstəmov pensiya tələbi ilə etiraz ediblər.

Tacəddin Cəfərov Nizami metrostansiyasının qarşısında oturaq vəziyyətdə dilənərək dolanışığının acınacaqlı olduğuna diqqət çəkməyə çalışıb. Onların hər ikisi də müharibədən sonra psixoloji və fiziki problemləri olduğundan işləyə bilmədiklərini deyib, pensiya təyin edilməsini tələb ediblər.

Polislər etirazçıları Əmək və əhalinin sosial müdafiəsi nazirliyinin qəbul şöbəsinə aparıblar.

Nazirlikdən Toplum Tv-yə verilən məlumata görə, Tovuz rayon sakini Tacəddin Cəfərov əlilliyinin qiymətləndirilməsi ilə bağlı ötən il iyunun 7-si və bu ilin yanvarın 17-də Dövlət Tibbi-Sosial Ekspertiza və Reabilitasiya Agentliyində əyani müayinə edilib.

Bildirilir ki, Agentliyin həkim-ekspertlərinin hər iki əyani müayinəsi zamanı xəstənin hazırki sağlamlıq vəziyyətində əlillik təyinatına əsas verən pozuntular müşahidə edilməyib. Buna görə də əlillik təyin edilməyib.

Astara rayon sakini Elnur Rüstəmova gəlincə, nazirlikdən deyilir ki, ona 2022-ci ilin əvvəlindən müharibə veteranı adı verilərək təqaüd təyin olunub. Amma ötən il müxtəlif vaxtlarda o, üç dəfə Dövlət Tibbi-Sosial Ekspertiza və Reabilitasiya Agentliyində əyani müayinədə iştirak edib. Hər üç müayinənin nəticəsinə əsasən vətəndaşın əlil olmadığı müəyyən edilib.

Hər iki müharibə iştirakçısı qəbuldan çıxdıqdan sonra aldıqları cavabdan narazı olduqlarından yenidən küçədə dilənməyə başlayıblar. Polis müdaxiləsi zamanı Elnur Rüstəmov bədəninə xətər yetirib. Amma bununla belə onlar ərazidən uzaqlaşdırılıblar.

Toplum TV

Azərbaycanın Aran rayonlarında yaşayanlar susuzluqdan əziyyət çəkirlər, Lənkəranın Vilvan kəndinin camaatı isə Veravul çayının suyunun qabağını ala bilməməkdən.

Getdikcə məcrasını genişləndirən çay əkinə yararlı torpaqları yuyub aparır, kənd sakinləri deyirlər.

Videonu BBC News Azərbaycanca üçün Şəhla Kərim çəkib.