[rating-type-4]
{likes}
{dislikes}
[/rating-type-4]
"Avtomobil yolları Dövlət Agentliyi"nin MMC-si bu qaydanı "çeynədi"


"Azərbaycan Avtomobil yolları Dövlət Agentliyi"nin nəzdindəki "3 №-li Magistral Yolların İstismarı" MMC məhkəməlik olub.

Sözügedən MMC barəsində İnzibati Xətalar Məcəlləsinin 347-ci maddəsi ilə (Yol Hərəkəti Qaydalari Əleyhinə Olan Inzibati Xətalar) protokol hazırlanıb.

Hazırlanmış protokol Göygöl rayon Məhkəməsinə təqdim olunub. 32gun.az

[rating-type-4]
{likes}
{dislikes}
[/rating-type-4]
Güney azərbaycanlı boks çempionu qaz partlayışı nəticəsində vəfat etdi


Güney azərbaycanlı boks çempionu qaz partlayışı nəticəsində vəfat edib.

Bu barədə “Azad İran” “Telegram” kanalında məlumat verilib.

Bildirilib ki, Həmədanın Meryanc şəhərində şəxsi mənzildə baş verən partlayış nəticəsində İranın tanınmış azərbaycanlı boks çempionlarından biri olan Sina İnayətizadə həyatını itirib.

Partlayış qaz sızması nəticəsində olub və partlayışdan sonra evin tavanının çökməsi ilə 22 yaşlı azərbaycanlı çempion vəfat edib.
[rating-type-4]
{likes}
{dislikes}
[/rating-type-4]
"Dövlət qurumları, məmurlar qiymətlərə qarışmamalıdır" - Millət vəkili

"Bu Kənd Təsərrüfatı Nazirliyinin və dövlətin siyasətidir”.

Bunu Qaynarinfo-ya açıqlamasında Milli Məclisin deputatı Rüfət Quliyev fevralın 25-26-da Kənd Təsərrüfatı Nazirliyinin təşkilatçılığı ilə Bakıda keçiriləcək "Kənddən şəhərə” yarmarkaları ilə bağlı danışarkən deyib. Deputat yarmarkaların sayının çoxalmasını və çeşidlərin sayının çox olmasını vurğulayıb:

"Mən bununla bağlı ilyarım əvvəl çox ciddi məşğul oldum, fermerləri bir araya topladım və Lənkəranda görüşlər keçirdim. Görüşdə həmin fermerlər kənd təsərrüfatı məhsullarını satışa çıxara bilməmələrini, əziyyət çəkdiklərini bildirdilər. Ondan sonra Kənd Təsərrüfatı Nazirliyində bu işə məsul qurumla danışdım. Məlum oldu ki, yarmarkaralrda fermerlərə bütün şərait yaradılır. Bundan əlavə yarmarka fermerlər üçün pulsuzdur. Məndə olan məlumata görə, orada fermerlərlə bağlı heç bir xərcdən söhbət gedə bilməz. Sadəcə olaraq məhsullarını yarmarkaya çatdırıb, rahat satışını həyata keçirsinlər”.
"Dövlət qurumları, məmurlar qiymətlərə qarışmamalıdır" - Millət vəkili
"Dövlət qurumları, məmurlar qiymətlərə qarışmamalıdır" - Millət vəkili

Deputat belə tədbirləri alqışladığını və dəstəklədiyini vurğulayıb. Rüfət Quliyev qiymət məsələsindən də danışıb:

"Yarmarkanı təşkil edənlər şərt qoyub bildirir ki, məhsulu orta bazar qiymətindən aşağı satmalısınız. Nə qədər bolluq olsa, təklif nə qədər çox olsa, tələbi üstələsə, qiymətlər aşağı enəcək. Bu işlək qanundur. Mən bunu istər iqtisadçı alim, istər vətəndaş, istərsə də təcrübəli bir insan kimi görüb, müşahidə eləmişəm. Birmənalı olaraq həmişə dölət qurumlarının, məmurların bu işə qarışması, istər iaşə obyektlərində, istər kafe və restoranlarında, istər çayxanada, istər otel və hostellərdə qiymətə qarışmasının əleyhinəyəm. Qiymət rəqabət əsasında, tələb-təklif qanunu ilə qurulur və qurulmalıdır".

Rüfət Quliyev bazar iqtisadiyyatını həyata keçirib, inkişaf etdirməyin vacibliyini qeyd edib:

"Keyfiyyətə nəzarət olmalıdır. İnsanları çəkidə aldatmaq olmaz, tərəzi düzgün olmalıdır. Orada xüsusi tərəzilər olmalıdır, insanlar aldıqları məhsulları həmin tərəzidə çəkməli və çəkinin düzgünlüyünə əmin olmalıdır. Bundan əlavə yarmarkalarla bağlı sosial təbliğat və təşviqat daha güclü aparılmalıdır, fermerləri yarmarkalara cəlb eləmək lazımdır. İstehlakçılar da bilməlidir ki, yarmarkalar şəhərin hansı yerlərində fəaliyyət göstərəcək. Bir də yarmarkaların keyfiyyətinə nəzarət etmək lazımdır. Çıxış yolu budur”.

Qeyd edək ki, 25-26 fevral tarixlərində Kənd Təsərrüfatı Nazirliyi tərəfindən paytaxtda "Kənddən şəhərə” həftəsonu yarmarkaları təşkil olunacaq.
[rating-type-4]
{likes}
{dislikes}
[/rating-type-4]
Əli Həsənov və Vüqar Səfərliyə bağlı olan şirkətlə Tibb Universiteti arasında müqavilə - İLGİNC


Azərbaycan Tibb Universiteti (ATU) "Azərmətbuatyayım” Açıq Səhmdar Cəmiyyəti (ASC) satınalma müqaviləsi imzalayıb.

DİA.AZ Qaynarinfo-ya istinadla xəbər verir ki, maliyyə dəyəri 12 871.32 AZN olan müqavilədə qəzet və jurnalların abunə yazılışı xidmətlərinın satınalınmasınəzərdə tutulur.

"Azərmətbuatyayım” ASC 7 avqust 2007-ci ildə qeydiyyata alınıb. Nizamnamə kapitalı 345 304 AZN olan şirkətin hüquqi ünvanı Nərimanov rayonu, Ceyhun Hacıbəyli küçəsi, ev 30 K-də yerləşir. ASC-nin qanuni təmsilçisi Salmanov Süleyman Əli oğludur. O, həm də ASC-nin İdarə Heyətinin sədridir.

Süleyman Salmanov həm də "Kaspi Mətbuat Yayım” MMC-nin qanuni təmsilçisidir. Bu şirkətin hüquqi ünvanı Səbail rayonu Fikrət Əmirov küçəsi, ev 1-də yerləşir. Prezidentdin keçmiş köməkçisi Əli Həsənovun oğlu Şamxal Həsənli da bu ünvanda qeydiyyatdadır.

Bundan başqa, "Kaspi Mətbuat Yayım” MMC-nin "Azərmətbuatyayım” ASC-nin təsisçisi olduğu bildirilir.

Fi̇krət Əmi̇rov küçəsi, ev 1 ünvanında başqa bir şirkət də qeydiyyatdadır. Bu, "Kaspi Education” MMC-dir. Şirkətin qanuni təmsilçisi Vəliyeva Sona Məhəmməd qızıdır. O, Əli Həsənovun həyat yoldaşıdır.

"Azərmətbuatyayım” ASC-nin İdarə Heyətinin Süleyman Salmanovdan əvvəlki sədri Kütləvi İnformasiya Vasitələrinln İnkişafına Dövlət Dəstəyi Fondunun (KİVDF) keçmiş icraçı direktoru Vüqar Səfərli olub. O, KİVDF-nin rəhbəri təyin olunduqdan sonra ASC-dəki vəzifəsindən istefa verib.
Vüqar Səfərli hazırda həbsədir. O, Cinayət Məcəlləsinin 179.4 (mənimsəmə-xüsusilə külli miqdarda ziyan vurmaqla törədildikdə), 193-1.3.2 (cinayət yolu ilə əldə edilmiş pul vəsaitlərini leqallaşdırma-külli miqdarda törədildikdə), 308.2 (vəzifə səlahiyyətlərindən sui-istifadə etmə-ağır nəticələrə səbəb olduqda), 313 (vəzifə saxtakarlığı) və digər maddələri ilə mühakimə olunub. Məhkəmənin hökmü ilə 10 il 6 ay azadlıqdan məhrum edilib.

Vüqar Səfərli Əli Həsənovun ən yaxın adamlarından biri kimi tanınıb.
[rating-type-4]
{likes}
{dislikes}
[/rating-type-4]
"Təhsil sistemindəki hər bir narazılığın günahkarı Elm və Təhsil Nazirliyidir" - Kamran Əsədov


Son zamanlar məktəblərdə direktorlar əleyhinə müxtəlif aksiyalar keçirilir. Bəzən yeni təyin edilən direktorlar məktəbin pedoqoji heyəti və valideynlər tərfindən qəbul edilmir.

Elə bir müddət əvvəl Zaqatala şəhər Ş.Qurbanov adına 3 nömrəli tam orta məktəbdə də belə bir hadisə yaşandı. Məktəbin müəllim və valideynləri fevralın 17-də yeni direktor təyin edilən Məhnurə İsmayılovanın vəzifəsindən azad edilməsi tələbi ilə aksiya keçirdilər. Kollektiv yeni direktorun idarəçiliyindən narazıdır. Bildirirlər ki, vəzifəyə təyin olunandan sonra yeni qadağaların tətbiqinə başlayıb. Məktəbdə hazırda dərs keçirilmir.

Bundan az keçmədi ki, paytaxtın 49 nömrəli “İntellekt” məktəb-liseyinin müəllimlərin valideynlərdən vəsait tələb edilməsinədair səs yazıları yayılıb. Bakı Şəhəri üzrə Təhsil İdarəsi tərəfindən müvafiq araşdırma aparıldıqdan sonra məktəbin direktoru Təhminə Əsədovaya sonuncu xəbərdarlıqla şiddətli töhmət verildi. Məktəb-liseyin təlim-tərbiyə işləri üzrə direktor müavini isə işdən çıxarıldı.

Orta məktəblərdə direktor təyinatlarındakı nöqsanlar istər sosial şəbəkələrdə, istərsə də cəmiyyətdə tanınmış siyasi-ictimai xadimlər tərəfindən tənqid edilir.

Məsələ ilə bağlı Redaktor.az-a danışan təhsil eksperti Kamran Əsədov bildirdi ki, əslində, təhsil sistemində baş verən hər bir narazılığın səbəbkarı, günahkarı Elm və Təhsil Nazirliyidir.

Onun sözlərinə görə, Elm və Təhsil Nazirliyinin təhsilə münasibəti, yanaşması necədirsə, cəmiyyətin də elədir:

"Bu gün təhsilə aidiyyəti olmayan şəxsləri vəzifəyə gətirirb səlahiyyətlər verirlər və yekunda ictimai nüfuz aşağı düşür. Bu gün məktəblərə nəzarət yoxdur. Formal xarakterli görüşlər keçirib, şəkil çəkdirməkdən başqa təhsil fəaliyyəti də yoxdur. Bu baş verənlər, təbii ki, dəhşətli haldır. Təsəvvür edin, bizim 4432 orta ümumtəhsil məktəbimizdə 1.6 milyon şagird oxuyur. Bu, ölkə əhalisinin təxminən 20 faizinin birbaşa orta məktəblərdə təhsil prosesində olmağı deməkdir. Bu gün vatsap vasitəsilə direktorlar, direktor müavinləri, sinif rəhbərləri heç kimdən qorxmadan bu və ya digər məqsədlər üçün pul yığırlar, qanunsuz əməllərini həyata keçirirlər. Kimə arxayındırlar? Direktorlar, direktor müavinləri bu qanunsuz əməllərini Elm və Təhsil Nazirliyində onlara havadarlıq edənlərə arxayın olub edirlər. Bilirlər ki, cəzasızlıq var. Təsəvvür edin, məktəb direktoru açıq-aşkar şagirddən rüşvət istəyir, ciddi bir qayda pozuntusu, mən deyərdim cinayət var, amma töhmət verməklə kifayətlənirlər.

Ekspertin fikrincə, töhmət direktora deyil, birbaşa Elm və Təhsil Nazirliyində o sahəni kurasiya edənlərə verilməlidir:

"Görün nə qədər özbaşınalıqdır ki, insanlar rahatlıqla öz qanunsuz əməllərini həyata keçirə bilirlər. Qarşıdan bayramlar gəlir. Təbii ki, baş verənlər təhsilin idarə edilməsinə və təyinatdakı boşluqlardan irəli gəlir. Yəni hal-hazırkı direktor vəzifəsinə təyinatlar artıq köhnəlib. Dövrün tələblərinə cavab vermir, qaydalar dəyişməlidir. Məktəblərdə hesabatlılıq olmalıdır. Nəticə önəmli olmalıdır, məsuliyyət olmalıdır. Siz axırıncı dəfə nə vaxtsa Elm və Təhsil Nazirliyinin gedib məktəbləri yoxladığını görmüsünüzmü? Xeyr, yalandan gedib iki dənə selfi edib, şəkil çəkdirib gəlirlər. Çünki heç kim qorxmur. Biz məktəbdə olanda deyirdilər nazirlikdən yoxlama gəlir, hamı özünə çəki, düzən verərdi. Gəlib bizdən soruşardılar ki, təhsilin keyfiyyəti nədir, sizi nə qane edir? Bu gün heç nə yoxdur, başları ancaq sosial şəbəkələrdə şəkil paylaşmağa qarışıb. Təbii ki, xoşagələn vəziyyət deyil. Artıq dözülməz bir haldır. Yəni müəllimin, məktəbin, təhsil idarəedilməsinin nüfuzu ciddi şəkildə aşağı düşüb. İnsanlar artıq bir şeydən çəkinməlidirlər. Qorxmalıdırlar ki, bu qanunsuz əməllərini həyata keçirməsinlər. Amma çox təəssüf ki, belə bir qorxacaq yerləri yoxdur".
[rating-type-4]
{likes}
{dislikes}
[/rating-type-4]
Reklam Agentliyinin 613 minlik tenderini “Bakı Media Mərkəzi” uddu


Azərbaycan Dövlət Reklam Agentliyinin Bakı Şəhər Reklam İdarəsi tərəfindən keçirilən tender müsabiqəsinin (Açıq Tender) qalibi məlum olub.

Tender müsabiqəsinin qalibi “Bakı Media Mərkəzi” MMC (VÖEN – 1402552521) olub.
“Bakı Media Mərkəzi” MMC Dövlət Reklam Agentliyinin sifarişi əsasında müxtəlif məzmunlu fotomateriallarla bağlı çap işləri həyata keçirəcək. Görüləcək işlərin qarşılığında “Bakı Media Mərkəzi” MMC Reklam Agentliyindən 631 min 300 manat alacaq.
Məlumat üçün onu da bildirək ki, Dövlət Vergilər Xidmətinin reyester məlumatlarında “Bakı Media Mərkəzi” MMC barədə məlumatlar ictimaiyyət üçün açıq deyil.
Mətbuatda yer alan məlumatlardan belə görünür ki, 2013-cü ildən fəaliyyət göstərən “Bakı Media Mərkəzi” MMC-nin təsisçisi və prezidenti Arzu Əliyevadır.Yeniavaz.com
[rating-type-4]
{likes}
{dislikes}
[/rating-type-4]
"AZZA" barəsində protokol hazırlandı - Görün hansı səbəbə görə


“AZZA” QSC məhkəməyə verilib.

Buna səbəb Gömrük Qaydalari Əleyhinə Olan Inzibati Xətalardır.

“AZZA” QSC barəsində İnzibati Xətalar Məcəlləsinin 505-ci maddəsi ilə protokol tərtib olunub və Nəsimi Rayon Məhkəməsinə təqdim edilib.

Bildirək ki, "AZZA" QSC-nin rəhbəri Rüstəm Gərəkməzli İsa oğludur. Sözügedən şirkətin nizamnamə kapitalı 7milyon 566 min 98 AZN-dir.32gun.az
[rating-type-4]
{likes}
{dislikes}
[/rating-type-4]
DİQQƏT! “Bank of Baku”da yerləşdirilən əmanətlər - BATACAQ


“Bank of Baku”da əmanəti olan şəxslərin əmanətləri risk altındadır. Bankın əhalidən topladığı əmanətlərə nəzarət Azərbaycan Respublikasının (qısaca – AR) qanunları çərçivəsindən çıxarılıb.
Kommersant.az xəbər verir ki, “Bank of Baku”nun dollarla 2 və 3 illik qəbul etdiyi əmanətləri Əmanətlərin Sığortalanması Fondu (qısaca – ADİF) sığortalamır. Əmanətlərin sığortalanması haqqında qanuna görə 1 iyun 2020-ci il tarixindən etibarən xarici valyutada olan və qorunan əmanətlər üzrə illik faiz dərəcəsinin yuxarı həddi 2,5 faiz olaraq müəyyən edilib.

ELƏCƏDƏ BAX: “Bank of Baku” haqqında bilmədikləriniz - ARAŞDIRMA

“Bank of Baku”da 2 illik yerləşdirilən əmanətlərin faizi aylıq ödənildikdə 2.55 faiz, əmanətin illik faizini müddətin sonunda ödəmək şərti ilə 2.65 faiz olaraq müəyyən edib. Buna görə də yuxarıda qeyd olunan AR qanunlarına görə ADİF tərəfindən həmin əmanətlər sığortalanmır. Bundan başqa “Bank of Baku”nun 3 illik qəbul etdiyi dollar əmanətlərinin də faizləri aylıq ödənildikdə 2.65 faiz, müddətin sonunda ödənildikdə isə 2.75 faiz olaraq müəyyən olunub. Eyni şəkildə bu şərtlər altında banka əmanət yerləşdirən əhalinin vəsaitləri ADİF tərəfindən qorunmur.

Qeyd edək ki, 02 mart 2016-cı il tarixindən etibarən ADİF-ə üzv banklarda qəbul edilən əmanətlər illik faiz dərəcəsinin yuxarı həddi Fondun Himayəçilik Şurasının müəyyən etdiyi faiz dərəcəsi (xarici valyutada 2.5 faiz) çərçivəsində olmaqla 4 il 9 ay müddətində tam sığortalanır və tam kompensassiya olunur. Bu göstəriciləri üstələyən (xarici valyutada 2.5 faizi ötən) əmanətlər isə heç bir halda sığortalanmır.

Kommersant.az
[rating-type-4]
{likes}
{dislikes}
[/rating-type-4]
“Sabunçu” xəstəxanasında OLAY – Anasının həkim laqeydliyindən öldüyünü iddia edən şəxs nələr açıqladı?

Hər kəsin “Sabunçu”xəstəxanası kimi tanıdığı 3 saylı Şəhər Klinik Xəstəxanasından şikayətlərin ardı-arası kəsilmir. Xəstəxanada çalışan tibbi personalın xəstələrə laqeyd münasibətindən və xidmətin keyfiyyətindən gileylənənlər kifayət qədərdir. Öz qanunları ilə fəaliyyət göstərən bu tibb müəssisəsini el arasında “morq” da adlandıranlar var. “Bu xəstəxanaya sağ girib, ölü çıxırsan” deyə fikirlər isə ictimaiyyətin ən məşhur statusuna çevrilib...

DİA.AZ bildirir ki, sözügedən xəstəxana ilə bağlı Bizim.Media-ya bu dəfə Bakı sakini Sara Kərimova şikaytlınib.

Üzləşdiyi problemlərdən danışan şikayətçi yanvarın 30-da 3 saylı Şəhər Klinikasına yerləşdirilən anası 1966-cı il təvəllüdlü Lalə Kərimovanın yanvarın 31-də həkim laqeydliyi və xidmətsizliyi ucbatından vəfat etdiyini iddia edib, ölümə səbəb olanların cəzalandırılmasını tələb edib:

“Yanvarın 30-da anamın vəziyyəti gərginləşdiyi üçün evə təcili yardım çağırdıq. Anamın təzyiqi 240-a çatmışdı. Tibbi müdaxilədən sonra təzyiqi 170-ə düşdü. Sadəcə şəkəri ilə bağlı narahatlığı vardı.

Təcili yardım həkimləri onun 3 saylı Şəhər Klinik Xəstəxanasına yerləşdirilməsini məsləhət bildilər. Əslində anamın “Sabunçu” xəstəxanasına aparılmasını istəmirdik. Çünki o tibb müəssisəsi barədə çoxsaylı neqativlər eşitmişdik. Nə yazıq ki, real şahidi olduq.

Xəstəxanaya yerləşdiriləndən sonra anamın özəl xəstəxanalardan birinə köçürülməsini istəsək də, həkimlər “tərpətmək olmaz” dedilər. Razılaşıb, gözlədik. 1 saat 40 dəqiaədən çox vaxt keçdi, anamı müayinə etmək üçün həkim tapılmadı.

Elə anam da o halı ilə dəhlizdəcə gözləməli oldu. Xeyli müddət keçəndən sonra bir həkim aqressiv şəkildə yaxınlaşaraq “mən tək, xəstə çox” deyə deyinməyə başladı. Çox çətinliklə və “hörmət” qarşılığında anamı palataya yerləşdirə bildik.

Orada vəziyyəti daha da pisləşdi, şəkər və yüksək təzyiqə görə insult keçirdi. Dəfələrlə həkim tələb etdik, reaksiya verən olmadı. Arada tibb bacısı yaxınlaşaraq sidikqovucu dərman verib gedirdi. Həkim isə ümumiyyətlə gözə dəymədi”.

Şikayətçinin sözlərinə görə xahişləri ilə xəstə reanimasiya şöbəsinə yerləşdirilib. Amma anaya orada da laqeyd münasibət göstərilib:

“Təsəvvür edin, anamı reanimasiya şöbəsinə aparmaq üçün tibbi personal yoxdur. Onu özümüz daşıdıq. Reanimasiyaya yerləşdiriləndən sonra şöbə müdiri Anar həkim içəridə xəstələrin kamera nəzarətində olduğunu deyərək, bizə gözləməyə icazə vermədi.

Reanimasiya həkimi Gülayə Əbilova isə anamın müalicəsi üçün 200 manatlıq resepti əlimizə verib, “bu dərmanları “Elite” aptekdən alıb gətirin. Başqa aptekdən almayın, mən yazdığım dərmanlar yalnız oradadır” deyə bildirdi.

Həkimə anama yaxşı baxması üçün “hörmət” edib, xəstəxanadan çıxdıq. Saatlarla həkimin dediyi aptekləri axtardıq. İş vaxtı bitdiyi üçün həmin aptelin bütün filialları bağlanmışdı. Həkimə zəng etdik ki, “Elite” apteklər bağlıdır. Təkid etdi ki, “mütləq oradan almalısınız.

Yaxşı gözləyin, səhər alarsıznız” dedi. Gözümüzə həmin günü yuxu getmədi. Anamın vəziyyətindən çox narahat idik. Bir neçə dəfə xəstəxanaya zəng etdik ki, durumu öyrənək, götürən olmadı. Gecə saat 4-də həkim zəng edib anamı ürək aparatına qoşduqlarını məlumat verdi.

Özümüzü xəstəxanaya çatdıranda həkim “ananız çoxdan keçinib, sadəcə özüm demirdim. Zatən ananızı reanimasiyaya gətirəndə bilirdim ki, o keçinəcək” dedi. Sual yaranır, əgər anamın ölümünü həkim əvvəlcədən bilirdisə, əlimizə dərman siyahısı niyə vermişdi? Dövlət məgər xəstəxanaları dərmanla təchiz etmir? Şəkəri ölçmək üçün lazımi avadanlıqlar niyə xəstəxanada olmasın ki? Heç kimi günahlandırmıram, ola bilər ki, anamın taleyi o yaşa qədər yazılıb. Amma dəqiq əminəm ki, anamı ölümünə məhz həkim laqeydliyi, məsuliyyətsizliyi, xəstəxana özbaşınalığı və tibbi xidmətsizlik səbəb oldu. Dediyimdə yalnışamsa, əksini sübut etsinlər”.

Sara Kərimova qeyd edib ki, dəfələrlə reanimasiya şöbəsinin müdirindən anasının ölüm anı ilə bağlı kamera görüntüsünü tələb etsə də, qarşı tərəf nala-mıxa vuraraq, bu görüntüləri ailədən gizlədib:

“Anamı dəfn edəndən sonra Anar həkimin qəbuluna getdim. Bildirdim ki, reanimasiya qarşısında gözləməyə məhz kamera görüntüsünə görə icazə vermədiz. İndi bizə bu görüntüləri təqdim edin, əmin olaq ki, anama orada xidmət göstərilib. Anar həkim isə “bizdə kameralar yoxdur” deyib. Yəni əvvəl dediyi sözü təkzib edib.

Məsələ ilə bağlı polisə müraciət edəcəyimi deyib xəstəxanadan çıxdım. Bir ay keçəndən sonra Anar həkim mənə zəng edərək, “gəlin görüntülərə baxın” dedi. Çox güman ki, polisə müraciıtimdən ehtiyatlanmışdı. Getdim, 2 dəqiqəlik videoda anama aid heç nə görmədim. Çarpayıdakı xəstənin anam olduğunu sübut edəcək fakt təqdim olunmadı.

Bəlkə də başqa xəstəyə aid kəsilib hazırlanmış kiçik bir videogörüntülər idi. İndi də tələbim odur. Anamın reanimasiya şöbəsində olduğu müddətin bütün görüntülərinə aydın şəkildə baxmaq istəyirəm. O zaman xidmət barədə rəy verəcəyəm. Bunu mənə təqdim etsinlər, başqa heç nə istəmirəm”, - deyə şikayətçi əlavə edib.

Qeyd edək ki, Sara Kərimova məsələ ilə bağlı Sabunçu Rayon Polis Şöbəsinə və Sabunçu Rayon Prokurorluğuna müraciət edib. Rayon Prokurorluğundan şikayətçiyə cinayət faktı baş vermədiyi üçün müraciətin əsassız olduğu bildirilib. Şikayətçi tələbi ilə bağlı fevralın 27-də Tibbi Ərazi Bölmələri İdarəetməsi Birliyinə (TƏBİB) də müraciət edəcəyini də vurğulayıb.

3 saylı Şəhər Klinik Xəstəxanasının reanimasiya həkimi Gülayə Əbilova barəsindəki ittihamlara isə belə cavab verib:

“Mən növbədəydim. Lalə Kərimovanı saat 1-də Nevrologiya şöbəsinə yerləşdirmişdilər. Mənə məlumat gəldi ki, xəstə orada pisləşib. Onu təcili baş-beyin qan dövranının ilkin diaqnozu ilə reanimasiya şöbəsinə köçürdük. Xəstə yaxınlarına heç bir dərman-filan aldırmamışıq.

Hər şey şöbədən olunub. Xəstənin kürəkəni Arifə tez-tez məlumat vermişəm və Lalə Kərimovanın vəziyyətinin ağır olduğunu, hətta telefonu 2-3 saat ərzində “açıq qoyun” demişəm. Mən 16 ilin işçisiyəm və xəstəyə baxanda bilirəm ki, durumu nə yerdədir. Xəstə bizə koma vəziyyətində qusaraq daxil olub.

Mən xəstəni süni tənəffüs aparatına belə qoşmuşam və o da bizim kameralarda öz əksini tapıb. Onlarla heç bir konfliktim olmayıb və heç bir dərman alınmayıb. Mən öz işimi yüksək səviyyədə və protokola uyğun şəkildə yerinə yetirmişəm. Bütün xəstələrə necə lazımdırsa, baxılır”.

Gülayə Əbilova reseptlə bağlı məsələyə də münüasibət bildirib. O, xəstə yaxınlarının ona şər-böhtan atdığını deyib:

“Ağ yalan danışırlar. "MediSmart Diabet" şəkər ölçən aparatı da başqa xəstədən götürmüşəm. Bizdə “MediSmart” yoxdur. Gətirsinlər o resepti mənə göstərsinlər. Yalana və şantaja görə mən də onları məhkəməyə verəcəyəm. Bu qədər ağ eləməsinlər. Hər şeyimiz var. Bir dərman belə alıb verməyiblər”, - deyə həkim özündən çıxıb.

TƏBİB-dən saytımıza isə məsələ ilə bağlı araşdırma aparıldığı bildirilib.

XƏBƏR LENTİ

14:27

"ZAKİR HƏSƏNOV AİLƏ ÜZVLƏRİMƏ DEYİB Kİ, ONUN GÜNAHI YOXDUR..." - "General olduğum üçün məni qurban seçdilər..."

13:58

Naxçıvan Nazirlər Kabinetinə yeni Aparat rəhbəri təyin edilib - Ceyhun Cəlilovun İLK Sərəncamı

13:34

"43 sot pay torpağımız var, onu da əkib-becərə bilmirik..." - NARAZILIQ VAR...

12:30

FƏRİD ƏHMƏDOV BU PROBLEMİ YOLUNA QOYA BİLƏCƏKMİ? - Yeni nazirin etməli olduğu yenilik

12:03

Nərimanovda “zibil dağları” yaradılıb... - İH və “JEK” hara baxır?

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

11:25

Süfrəmiz ətdən düyüyə qədər xaricdən asılıdırsa.. - HƏQİQƏTƏN DƏ...

10:51

Yeni Klinikada TƏFTİŞ: Saxlanılan var - DETALLAR

10:12

İmişlidə fermer başçıdan NARAZIDIR... - başçı isə...

10:12

İmişlidə fermer başçıdan NARAZIDIR... - başçı isə...

09:41

İki naziri yola salan Heydər Yaqubov... – Direktor öz gücünü kimdən alır?

09:15

Məmur ciblərinə SU KİMİ AXAN büdcə pulları... - Nə bir soran var... nə də soruşduran...

19:06

Türkiyə kəşfiyyatı Suriyada əməliyyat keçirib, PKK-nın iki rəhbər şəxsi tutulub

18:47

Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –VİDEO

16:32

Xətaidəki "xətalara göz yumanlar" - Qanunsuz tikintilərə qanunların "razılığı" hansı əsaslarla alınır? /VİDEO+FOTOLAR

15:59

İlham Əliyev və onun şərikləri ölkə mədəniyyətini tarmar edirlər - FOTO/VİDEO

15:18

“Azərşin” ASC rəhbərliyinin qanunsuzluğundan şikayət var -“Bizə güllə atırlar, başımıza oyun açırlar”

14:45

"LC Waikiki" və "Penti"yə qoyulan 3,8 milyonluq maya geri götürüldü - NƏ BAŞ VERİR?

14:17

Namiq Yusifov 6 saylı Ekologiya idarəsinin ərazilərində ekoloji terroru davam etdirir - ARAŞDIRMA

13:50

Rusiya XİN: Azərbaycan və Ermənistanın sərhədlərin delimitasiyası üzrə bütün səylərini dəstəkləyirik

12:22

Astara illərdir eyni problemləri yaşayır... - Başçı nə günə orda oturub ki?..

11:50

Məleykə Abbaszadə ilə Emin Əmirullayevin QOVĞASI - zərbə kimə dəyir?

10:58

Gəncə xəstəxanasında MÜBHƏM ÖLÜM... - niyə ört-basdır edilir?

10:21

Naxçıvan müəllimləri 3 ildə 2 dəfə imtahan verməyə məcbur edilir – BU AYRI-SEÇKİLİYİN SƏBƏBİ NƏDİR?

09:48

Neftçilərin xaotik yerdəyişməsi KİMİN MARAĞINDADIR? - BU NƏDİ BELƏ?!

09:25

Fransada içməli suda təhlükəli bakteriyalar aşkarlanıb

21:13

Bakıda çoxmərtəbəli yaşayış binasında yanğın olub

21:03

Prezident İlham Əliyevin adından Sadır Japarovun şərəfinə dövlət ziyafəti verilib - YENİLƏNİB

19:51

Azərbaycanda yeni kollec yaradıldı

19:00

Qırğızıstan Prezidenti Bakıda şəhidlərin xatirəsini andı

18:38

İraqın şimalında PKK-nın 6 terrorçusu zərərsizləşdirildi

16:46

Məşhur pediatrın intihar səbəbi bu imiş

16:21

Bayden növbəti dəfə “erməni soyqırımı” ifadəsini işlətdi

15:53

"Oğlum xəstə ola-ola əsgər aparıblar" - Cəlilabad sakinindən şikayət - FOTO