Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borrel Laçın dəhlizinə görə Rusiyanın məsuliyyət daşıdığını bəyan edib.

O, həm Azərbaycan, həm də Ermənistanla sıx əlaqə saxlanıldığını vurğulayıb.

"Aİ-nin Cənubi Qafqaz və Gürcüstandakı böhran üzrə xüsusi nümayəndəsi Toivo Klaarın dəstəyi ilə ali nümayəndə Borrel hər iki tərəflə sıx əlaqə saxlayır. Üçtərəfli bəyanata əsasən, o, sülhməramlı kontingentin nəzarətində olan Laçın dəhlizinə görə Rusiyanın məsuliyyətini qeyd etməlidir. Aİ-nin Ermənistan-Azərbaycan münasibətlərində problemin nəticələrinin aradan qaldırılması üçün ayırdığı humanitar maliyyə vəsaiti 2022-ci il üçün 3.6 milyon avro təşkil edib. Vəsait yerdə fəaliyyət göstərməyə qadir olan yeganə beynəlxalq humanitar təşkilat olan Beynəlxalq Qızıl Xaç Komitəsi üçün tam səfərbər edilib", - deyə məlumatda bildirilib.

Fevralın 17-də Münxendə Azərbaycan Respublikasının Prezidenti İlham Əliyevin İsrail Dövlətinin müdafiə naziri Yoav Qallant ilə görüşü olub.

Bu barədə Azərbaycan Prezidentinin Mətbuat Xidməti məlumat yayıb.

İqtisadi İslahatların Təhlili və Kommunikasiya Mərkəzinin Müşahidə Şurasının iclası keçirilib

Baş nazir Əli Əsədovun sədrliyi ilə keçirilən iclasın gündəliyində Azərbaycan Respublikası Prezidentinin 22 iyul 2022-ci il tarixində “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın və 16 noyabr 2022-ci il tarixli “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın təsdiq edilməsi haqqında Sərəncamlarından Nazirlər Kabinetinə həvalə olunan tapşırıqların icrası, İqtisadi İslahatların Təhlili və Kommunikasiya Mərkəzinin fəalliyyət planının əsas istiqamətləri və nəticələri, təşkilati-struktur məsələləri geniş müzakirə olunub.

İclasda İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlının təqdimatı dinlənilib.

İclasın yekununda “Strategiyada və Böyük Qayıdışa dair I Dövlət Proqramında” nəzərdə tutulmuş tədbirlərin icrasının monitorinqi və qiymətləndirilməsi ilə bağlı İqtisadi İslahatların Təhlili və Kommunikasiya Mərkəzinə müvafiq tapşırıqlar verilib.

Cahid Şahbazov ilk yayılan xəbərin mətnini necə dəyişdi?

Matəmin 3-cü günü mətbuatda "Türkiyədən Bakıya gələn oftolmoloqlardan rəzillik" başlıqlı xəbər yayıldı. Xəbərdə bildirilirdi ki, bütün dünya Türkiyədə baş verən zəlzələyə qan ağlayarkən, türk həkimlər Bakıda özlərini rəzil duruma salıblar.

Azərbaycanda ilk dəfə baş tutan Qara Dəniz Oftalmologiya Cəmiyyəti (BSOS) konqresinə təşrif buyurmuş türk həkimlər konfrans keçiriblər, daha sonra da məclis təşkil edib, mahnılar oxuyub, qədəhlər toqquşdurub, çalıb-oynayıblar.

Dünyanın müxtəlif ölkələrindən gələn oftalmoloqları bir yerə yığan və onlara əyləncə təşkil edən kimdir?

Konfrans Azərbaycanın tanınmış göz həkimi Xoşqədəm Hidayətqızının pullu reklamları qarşılığında populyarlaşan Cahid Şahbazovun təşkilatçılığı ilə baş tutub.

Bu xəbər yayıldıqdan bir gün sonra isə bütün mətbuat orqanlarından xəbər yığışdırıldı. Hansı maraqlar xatirinə? Onu xəbəri silənlərin vicdanına buraxaq. Əvəzində isə yeni xəbər yayıldı - "Cahid Şahbazov dünyaca məşhur həkimləri bir araya yığıb" başlıqlı xəbərdə bildirildi ki, Azərbaycanda ilk dəfə Qara Dəniz Oftalmologiya Cəmiyyəti (BSOS) konqresi baş tutub. Professor Dr. Mahmut Kaşkaloğlu, Dr. Baha Toyqar və Dr. Cahid Şahbazovun ev sahibliyi ilə keçən 20 illik yubiley tədbiri iki gün davam edib.

Dünyanın müxtəlif guşələrindən olan mütəxəssislərlə əlaqə saxlamaq, fikir mübadiləsi aparmaq və tibb texnologiyasında yeni nailiyyətlərin potensialını araşdırmaq üçün ideal platforma olan konqresə bir çox elmi sessiyalarda iştirak edən 25 məruzəçi qatılıb".

Beləliklə, Cahid Şahbazov təşkilatçılıq etdiyi, Türkiyənin ağır günündə bir yerə yığıb yedirib-içirdiyi, çalıb-oynadığı və özü də bunun hansı nəticəni verəcəyini düşünmədən paylaşdığı, buna görə rəzil duruma düşənləri rəzillikdən qurtarıb, hadisələrə əzizlik donu geyindirsə də alınmadı.

Cahid Şahbazov unutdu ki, mətbuat vasitəsilə hər kəsi aldada bilər, amma onu kənardan izləyən, yaxşı-yaxşı müşahidə edən jurnalistləri yox!

Qeyd edim ki, özünə hörmət edən həkimlər matəm səbəbilə o məclisə qatılmayıb.

AZƏRBAYCANREALLIĞI.COM

Naxçıvan Muxtar Respublikası (MR), Babək rayonu, Nehrəm kənd sakini Muradov Hikmət Baxşəli oğlu tərəfindən Hurriyyet.az saytının redaksiyasına şikayət məktubu daxil olub. Həmin məktubu olduğu kimi dərc edirik:

“Mən, Muradov Hikmət Baxşəli oğlu, Babək rayon, Nehrəm kənd sakiniyəm. Hal-hazırda Babək rayonunun Araz kəndində yaşayıram.

2011-ci ilin aprel ayının 18-də Naxçıvan Muxtar Respublikasının “Aqrolizinq” səhimdar təşkilatı tərəfindən İran İslam Respublikasından gətirilmiş iribuynuzlu inəklərdən ailə təsərüffatını inkişaf elətdirmək üçün lizinq yolu ilə 2 baş inək götürdüm. Aprel ayında götürdüyüm inəklər 2011-ci ilin oktyabır ayının 16-da tələf oldu.

İnəklərdən biri xəstə olduğu müddətdə mən Baytarlıq İdarəsinin baş həkiminə müraciət etdim. Həkimlər inəyə baxış keçirdi. Nehrəm və Babək rayon baytarlıq idarəsinin baş həkimi 1 həftəlik müalicədən sonra (onu da qeyd edim ki, müalicə üçün müəyyən miqdarda pul xərcləmişəm) həkimlər müalicənin nəticə vermədiyini gördü və nəticədə inək tələf oldu. Respublika Baş Baytarlıq İdarəsinin baş həkimi Kamil müəllimi dəvət edərək, inəyi yarıb, laboratoriya analizi götürdülər. Nəticədə inəyin qarşısıalınmaz “KATARAL İSİTMƏ” xəstəliyi nəticəsində öldüyünü bildirdilər.

Bundan sonra müqavilənin şərtlərinə uyğun olaraq komissiya təşkil olundu və inəyin mənim üstümdən silinməsi üçün akt tərtib olundu.

Bu hadisələrdən sonra dəfələrlə “Aqrolizinq”in rəhbəri Vasim Məmmədova müraciət etməyimə baxmayaraq, inəyin ödənişi mənim üstümdən götürülmədi.

2015-ci ilin may ayında Babək rayon prokuroru İsrafil müəllim məni yanına çağırtdıraraq, faktla üzərimdən silinməsinə baxmayaraq, tələf olmuş inəyin pulunu məndən tələb etdi. Bildirmək istəyirəm ki, inəyin bir ədədinin qiyməti 3300 manatdır. İlkin olaraq məndən 660 manat alınmışdı. Mən İsrafil müəllimə müqaviləni göstərərək, onun şərtində “mübahisəli məsələlər məhkəmə yolu ilə həll edilməlidir”, - deyə bildirsəm də, o, məni təhqir edərək, hədə-qorxu gələrək geri qalan məbləğin günün sonunadək ödənilməsini, ödənilmədiyi təqdirdə məni şərliyərək tutduracağını bildirdi.

Mən də məcburiyyət qarşısında qalaraq həyat yoldaşıma aid olan nişan üzüyünü və digər zinət əşyalarını dəyərindən çox aşağı qiymətə sataraq (800 manata), əlavə də 200 manat borc alaraq Babək rayon prokuroru İsrafil müəllimə 1000 manat verdim. O, 1000 manatın az oluğunu bildirərək, məni prokurorluqda saxladı və “Naxçıvan Bank” ASC-dən əlavə olaraq kredit götürüb ona verməyimi tələb etdi.

12 iyun 2015-ci il tarixdə son çarə olaraq həyat yoldaşımın adına “Naxçıvan Bank”a müraciət etdim, onlar bizə 2000 manat dəyərində kredit verdi. 2000 manatı da İsrafil müəllimə verdikdən sonra bildirdim ki, məhkəməyə müraciət edəcəm.

Sonra mən Naxçıvan Muxtar Respublikasının Vəkillər Kollegiyasına müraciət edərək, özümə vəkil tutdum və başıma gələn hadisəni vəkilə danışdım. Vəkil Hakim müəllimin köməyi ilə İqtisadiyyat Məhkəməsinə müraciət etdim. Bunu eşidən İsrafil müəllim məni yanına çağıraraq, yenidən hədə-qorxu gəldi, şikayəti geri götürməsəm başımın ağrıyacağını bildirdi. Mən də məcburiyyət qarşısında qalaraq şikayətimi geri götürdüm.

Hörmətli redaksiya!

Sizdən xahiş edirəm ki, mənim yazdıqlarımı saytınız vasitəsilə işıqlandırasınız və mənim səsimi Azərbaycan Respublikası Prezidenti cənab İlham Əliyevə, Baş prokuror Kamran Əliyevə, DTX rəisi Əli Nağıyevə çatdırasınız.

Onu da nəzərinizə çatdırım ki, İsrafil müəllim hal-hazırda Naxçıvan Respublika Prokurorluğunda işləyir.

Redaksiyadan: Yazıda adları qeyd olunan şəxslərin mövqeyini dərc etməyə hazırıq. //Hurriyyet.az/

Fevralın 17-də Münxendə Azərbaycan Respublikasının Prezidenti İlham Əliyevin Avropa İttifaqı Şurasının Prezidenti Şarl Mişel ilə görüşü olub.

Bu barədə Azərbaycan Prezidentinin Mətbuat Xidməti məlumat yayıb

Xudat şəhərində yol qəzası baş verib, ölənlər və xəsarət alanlar var.

"Unikal" report-a istinadən xəbər verir ki, Gəndab-Yalama yolunun Xudatdan keçən hissəsində “Mercedes” və “Hyundai” markalı avtomobillər toqquşub.

Qəza nəticəsində 1986-cı il təvəllüdlü Babayev Araz Rzaqulu oğlu, 1972-ci il təvəllüdlü Əliyev Cabir Əlirza oglu, 1987-ci il təvəlludlü Səlimov Maqsud Vidadi oğlu və 1989-cu il təvəllüdlu İdrisov Rəfail Ramiz oğlu muxtəlif dərəcəli bədən xəsarətləri ilə Xaçmaz rayon mərkəzi xəstəxanasına çatdırılıblar.

İlkin məlumata görə, hadisə nəticəsində üç nəfər də ölüb, onların kimliyi dəqiqləşdirilir.

Ötən gün Azərbaycan vətəndaşı, biznesmen Xəyyam Səfərli Dubay hava limanında saxlanılıb.

“Qafqazinfo” “Haqqin.az”a istinadən xəbər verir ki, iş adamı saxlanılmazdan bir qədər sonra məsələ ilə bağlı öz instaqram hesabında paylaşım edib.

Məlumata görə, X.Səfərli hər hansı səbəb olmadan saxlanılıb, onun iş vizası isə ləğv olunub.

Sayt yazır ki, Birləşmiş Ərəb Əmirliklərində yüzlərlə digər Azərbaycan vətəndaşına qarşı da oxşar addımlar atılır. Azərbaycanın BƏƏ-dəki səfirliyindən sayta verilən məlumata görə, diplomatik nümayəndəlik Xəyyam Səfərli ilə bağlı yaranmış insidentlə əlaqədar BƏƏ-nin Xarici İşlər Nazirliyinə nota göndərib.

***

Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə “Qafqazinfo”nun sorğusuna cavab olaraq bildirib ki, hazırda bu məsələ ilə bağlı araşdırma aparılır, ictimaiyyətə məlumat veriləcək.

Fövqəladə Hallar Nazirliyindəki (FHN) xidməti otağında intim videolar çəkərək yaymaqda ittiham olunan polkovnik Zaur Mirzəyevə qarşı mülki iddia qaldırılıb.

Bakı Ağır Cinayətlər Məhkəməsində keçirilən sonuncu iclasda zərərçəkmiş qismində tanınan qadınlardan biri ona dəymiş maddi və mənəvi zərərin əvəzi olaraq Z.Mirzəyevdən 192 min manat tələb edib. Bu barədə zərərçəkmişin vəkili məhkəmədə mülki iddia qaldırıb.


Zərərçəkmişin sözlərinə görə, Mirzəyevin hərəkətləri nəticəsində onun həyatı darmadağın olub – işini itirib, ailəsi dağılıb, uşaqları əlindən alınıb, sığınacaqda yaşamaq məcburiyyətində qalıb və s.

Z.Mirzəyev isə qadınlarla münasibətlərini gizli şəkildə çəkdiyini təsdiqləsə də, heç kimi heç nəyə məcbur etmədiyini, görüntüləri də özünün yaymadığını bildirib.

Dövlət Yanğından Mühafizə Xidməti rəisinin köməkçisi olmuş Mirzəyevin cinayət işi üzrə gizli şəkildə videosu çəkilən iki qadınla yanaşı, FHN də zərərçəkmiş qismində tanınıb. İttihama görə, polkovnik hərəkətləri ilə nazirliyin nüfuzuna zərbə vurub.

Qeyd edək ki, proses qapalı keçirilir. Buna baxmayaraq, zərərçəkmişlərdən biri məhkəmə prosesinin açıq keçirilməsini, ictimaiyyətin baş verənlərdən xəbər tutmasını istəyirdi.

Xatırladaq ki, sözügedən görüntülər 2022-ci il avqustunda sosial şəbəkələrdə yayılıb. Bundan sonra Zaur Mirzəyev həbs olunub. İttihama əsasən, Z.Mirzəyev iş otağındakı kompüterinə xüsusi proqram vasitəsilə video və foto çəkiliş həyata keçirmək üçün gizli kamera quraşdırıb. 2013- 2019-cu illərdə xidməti otağında tabeliyində olan qadınlarla münasibətlərini lentə alıb. Ona qarşı 3 fərqli maddə ilə ittiham irəli sürülüb

“Qafqazinfo”

Fövqəladə Hallar Nazirliyi (FHN) "Vertical Service” MMC ilə satınalma müqaviləsi imzalayıb.

DİA.AZ Qaynarinfo-ya istinadla xəbər verir ki, maliyyə dəyəri 245 520.57 AZN təşkil edən müqavilədə FHN-nin Yasamal rayonu M.Müşfiq küçəsi, 501-ci məhəllədə yerləşən inzibati və yardımçı binasının fasadın yuyulması, iş otaqları, dəhlizlər və sanitar qovşaqlarına ümumi sanitar-gigiyena tələblərinə əsasən 2023-cü ilin 10 ayı üçün gündəlik təmizlik xidmətlərinin göstərilməsi nəzərdə tutulur.

İqtisadiyat Nazirliyi yanında Dövlət Vergi Xidmətinin reyestr məlumatlarına görə, "Vertical Service” MMC 21 yanvar 2019-cu ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakə şəhəri Nərimanov rayonu, Novruzov Qardaşları küçəsi, ev 1, mənzil-döngə 2-də yerləşir. MMC-nin qanuni təmsilçisi Sadıqov Tariyel Qulam oğludur.

"Vertical Service” MMC "KIT Group” MMC-yə daxil olan şirkətlərdən biridir. Maraqlıdır ki, "KIT Group” MMC-nin rəsmi veb-səhifəsində "Vertical Service” MMC-nin 2015-ci ildən fəaliyyət göstərdiyi qeyd edilib. Belə çıxır ki, şirkət 4 il fəaliyyət göstrədikdən sonra vergidə qeydiyyata alınıb.

"Vertical Service” MMC sənaye alpinizmi sahəsində fəaliyyət göstərir. "KIT Group”un veb-səhifəsində "Vertical Service” MMC-nin hündürlüyü 200 metrdən artıq olan binalarda göstərdiyi xidmətin yüksək keyfiyyətinə görə birinci sırada olduğu qeyd edilib. Həmçinin məlum olur ki, şirkət fasad və sənaye alpinizmi xidmətləri ilə yanaşı, fərdi mühafizə vasitələrinin satışı, dağlarda və yüksəklikdə xilasetmə və təxliyyə, ölkə daxilində və xaricində təşkil olunan zirvə dırmanışları və eko-ektsremal tur xidmətlərini təklif edir.

"Vertical Service” MMC-nin hazırda 379.82 AZN, onun daxil olduğu "KIT Group” MMC-nin isə 72 756 AZN vergi borcu var.

"Dövlət satınalmaları haqqında” Qanun vergi borcu olan şirkətlərin satınalma müsabiqələrində iştirakını qadağan edir. Bu qadağanın "Vertical Service” MMC üçün keçərli olmaması şirkətin yüksək səviyyədə himayə olunması ilə izah edilir. Bəzi iddialara görə, şirkətin, ümumiyyətlə, "KIT Group”un himayədarı föbqəladə hallar naziri Kəmaləddin Heydərovdur.

Bu iddialarla bağlı şirkətdən və FHN-dən mövqe öyrənmək mümkün olmayıb.