Yanvarın 10-da Azərbaycan Respublikasının Prezidenti İlham Əliyev yerli televiziya kanallarına müsahibə verir.

Bu barədə Prezidentin Mətbuat Xidməti məlumat yayıb.

Naxçıvan şəhərinin 1 saylı musiqi məktəbinin keçmiş direktoru Ramin Hacıyev MR Mədəniyyət naziri Natəvan Qədimovanın hər musiqi məktəbindən 17000 manat rüşvət aldığı iddiası ilə Naxçıvan MR Prokurorluğuna müraciət edib.

DİA.AZ-ın ovqat.com-a istinadən məlumatına görə, Ramin Hacıyevin şikayət ərizəsi qəbul olunub və araşdırmalara başlanılıb.

İnformasiya mənbəmiz Natəvan xanımın bu “imatahan”dan da “sağ-salamat” çıxa biləcəyini istisna etmir. Onun fikrincə, xanım nazirin bəxtinin yeyinliyi onun ilişməsinə imkan verməz. Təsadüfi deyil ki, Azərbaycanın müvafiq orqanlarının Naxçıvanda başlatdığı yoxlamalar belə Natəvanın xanımın işinə yarayıb. “Xanımın bəxti yaman zirəkdir. Yoxlamalar bir az da geciksəydi, Natəvan xanım müavini Həsən Kərimov onun yerinə gətiriləcəkdi. Çünki Həsən Kərimov xanzadə Seymur Talıbovun sinif yoldaşıdır. Mədəniyyət nazirinin müavini təyin edilərkən, onun nazir təyin olunması planlaşdırılırdı. Lakin Azərbaycan hökuməti Naxçıvanda yoxlamalara başlamaqla Seymur Talıbovun arzusunu gözündə qoydu. Məhz bu səbəbdən də Natəvan xanım öz kreslosunu qoruyub saxlaya bildi”, - məlumatda bildirilir.

Bildirilir ki, Natəvan xanım da öz bəxtinin yeyinliyinin fərqindədir və bu avantajından maksimum istifadə etməyi bacarır. Təsəvvür edin ki, Naxçıvanda həssas dönəm başa çatmamış o, artıq köhnə vərdişlərinə qayıdıb. Yaxın qohumu İradə Qədimovanı 4 saylı musiqi məktəbinə direktor təyin edib. İradə xanıma da halal olsun, işə başlayar-başlamaz, Natəvan Qədimovanın etimadını doğruldub. Bütün müəllimləri yanına çağırıb bildirib ki, Naxçıvanın mədəniyyət sahəsinin “bal ayı” bitdi. Bundan sonra hər kəs alacağı maaşın bir qismini “şirinlik” kimi geri qaytarmalıdır. Çünki bu şirinlik yuxarılara çatmalıdır.

Mənbəmizin iddiasına görə, Natəvan xanımın Ali Məclisin faktiki sədri Azər Zeynalova 400 min manat borcu var və həddi nədir onun qaytarmaya. Belə çıxır ki, bu borc qapanmayana qədər Naxçıvanın mədəniyyət xadimləri öz qazanclarını nazir xanimla bölüşdürməlidirlər.

10 il əvvəl ümumi sahəsi 12 min hektar olan Göygöl meşələrində aparılan amansız qırğınlar nəticəsində ərazinin təxminən 40 faizinin, vaxtilə bölgənin əhəmiyyətli turizm məkanlarından olan Hacıkənddə qəsəbə ətrafı meşələrin 70 faizinin qırıldığı barədə məlumat yayılmışdı. Bunun acı nəticələrini ilk hiss edənlər də istilik və dolanışıq məqsədi ilə bu qırğınlarda iştirak edən qəsəbə sakinlərinin özlərinin olduğu, sel, torpaq sürüşmələrinin adi hala çevrildiyi deyilirdi.
Rəsmi rəqəmlərdə artıq 11,5 min hektar göstərilən, 500 hektarının hara qeyb olduğunu heç kəs soruşmayan Göygöl meşə fondunda qırğınlar indi də davam etməkdədir. Göygöl meşələrinin bəzəyi hesab olunan bəzi qiymətli ağac növləri ağac emalı müəssisələri üçün əsil xammal bazasına çevrilib. Meşə sahələrinin ətrafının kol-kosla çəpərlənərək hətta donuz fermalarının saxlanıldığı, ərazinin mühafizəsinə təlim görmüş itlərin də cəlb olunduğu deyilirdi.
Meşələrin sürətlə qırılmasına səbəb olan digər bir amil də səfalı məkanlarda, təbiətin qoynunda istirahət mərkəzləri və iaşə obyektlərinə sahib olmaq istəyənlərin sayının çox olmasıdır. Məlum olduğu kimi, turizm bölgələrində yerləşən ərazilərdə meşəlikdən təmizlənmiş torpaq sahələri kifayət qədər baha qiymətə satılır. Gəncə-Hacıkənd-Göygöl yolu üzərində düzülmüş yüzlərlə ictimai iaşə obyektlərinin sahibləri yanacaq təminatını əi baltalı sahibsiz meşələrimizə hücum çəkib talamaqla ödəyirlər. Təkcə flora deyil, faunan da məhv edilir, hadir heyvan növləri – ayı, cüyür, farel balığı nizamsız surətdə ovlanır. Köşkü kənd sakini, vaxtilə Göygöl ərazisində meşə gözətçisi işləmiş Möysüm Quliyevin KİV-ə verdiyi müsahibələrdə bu məsələlərlə bağlı yetərincə informasiyalar vardır.
Ekofəal Vüqar Qurbanovun redaksiyamıza verdiyi, foto-video materiallarla müşayiət olunan məlumatlardan bəlli olur ki, Zurnabad meşələrində 7 – 8 ağac kömürü istehsalçıları qanunsuz şəkildə ağacları qırmaqla məşğuldurlar. Video-materiallarda aşkar görünür ki, kömürçülər hətta polis sahə məntəqəlkərinin yaxınlığında, hüquq-mühafizə işçilərinin gözü qarşısında belə talançılıqdan çəkinmirlər. Digər foto-video materialda Hacıkənd meşə dolaylarında ağacların kütləvi qırılması faktları ifşa olunur. Vüqar Qurbanovun sözlərinə görə, dəfələrlə parket sexlərinə qırılmış yaş fıstıq ağacları daşıyan yük maşınlarının qarşısını kəsərək rayon prokurorluğuna təhvil verib. Amma təəssüflər olsun ki, hər dəfə polis maşınları və sahiblərini sərbəst buraxıb. Vüqar Qurbanov hesab edir ki, bütün bu neqativ hallara rəvac verənlər nazir müavini Vüqar Kərimov, ETSN-nin Meşələrin İnkişafı Xidmətini rəisi Xalıqverdi Hüseynov, Göygöl Regional Meşə Təsərrüfatı Mərkəzinin rəis əvəzi Vəlyəddin Baxşəliyev, Hacıkəndin baş meşəbəyi Haqverdi Məmmədov və inspektor İsmayıldır.
Yeri gəlmişkən, 10 saylı Gəncə Ərazi Ekologiya və Təbii Sərvətlər Şöbəsinin də yuxarıda qeyd olunan talan aktlarında məsuliyyəti az deyil. Övlət tərəfindən meşə bərpası üçün hər il ayrılan ortalama 50-60 min manat vəsait təyinatı üzrə istifadə olunmur, qarşılığında yetərincə əkin işləri aparılmır.
Bu mövzuda qələmə aldığımnız ötən yazıda bir statistikaya diqqət ayırmışdıq: 2021-ci ildə isə 8 min kub-metrə düşüb. Bir il əvvəl həmin vəzifəyə Xalıqverdi Hüseynov təyin olunandan sonra 2022-ci il üzrə qırma göstəricisi yenidən 50-60 faiz sıçrayaraq 13 min kub-metrə yüksəlib. Təxmin edirik ki, Azərbaycan ekologiyasına Xaliqin verdiyi bəla - Xalıqverdi Hüseynov talançılığa patronajlığını bu templə davam etsə, 2023-cü ildə həmin mənfi göstərici 33 min kubu aşacaq.
Mövzuya qayıdacağıq. //azerinfo.media//

Təkrar-təkrar yazmağa məcburuq ki, Azərbaycan səhiyyəsinin üzərində çox zərərli və çirkin eksperiment aparılır. İslahat adı altında Səhiyyə Nazirliyinə alternativ olaraq İcbari Tibbi Sığorta üzrə Dövlət Agentliyi, sonra isə onun nəzdində TƏBİB deyilən ( Tibbi Ərazi Bölmələrini İdarəetmə Birliyi) qurum yaradılır.
Biz bir media olaraq zaman-zaman yazmışıq ki, eyni sahə üzrə pararlel qurumların olması çox zərərlidir. Birincisi, ona gərə ki, vətəndaşlar bu qurumların arasında qalır, o bir teatrda deyilən kimi, şap elə bilir şupdadır, şup elə bilir şapdadır.. Və bu məsələdə vətəndaşlar olmazın əziyyətini çəkirlər. Biz vaxtilə onu da qeyd etmişdik ki, paralel qurumlar həm də dövlət büdcəsinə ziyan vurur. Yeri gəlmişkən, bir neçə gün əvvəl qardaş Özbəkistanda nazirlik və komitələrin sayının 2-3 dəfə azaldılması qərarı verildi. Biz əhalimizin sayına və ərazimizə görə, Özbəkistandan bir neçə dəfə balacayıq.
Biz də bir dövlət olaraq büdcənin BELİNDƏ, BOYNUNDA oturan dövlət qurumlarının sayını azaltmalıyıq. Dövlət aparatını bu boyda şişirtmək olmaz. Lap loru dildə desək, Səhiyyə Nazirliyi varsa, TƏBİB, yaxud əksinə TƏBİB varsa, Səhiyyə Nazirliyi nəyə lazımdır..?
Bunun birini ləğv edin, həm camaatın canı qurtarsın, həm də dövlət büdcəsinin xərci azalsın. Söhbət təkcə səhiyyə sferasından getmir ee... Məsələn, mədəniyyət sahəsini götürək. Bu sahədə rüşvət və korrupsiya dəhşətli həddə çatıb, naziri qoyub 1 il sonra çıxarırlar. Amma buna baxmayaraq hər bir rayonda mədəniyyət şöbəsi olduğu halda, Allah qoymasa, üstəlik 2-3 rayonu birləşdirib Regional Mədəniyyət Mərkəsi yaradırlar, onlara yer, əmək haqqı, xidməti maşınlar verirlər. Bu mədəni formada büdcəni talamaqdır. Axı, Azərbaycan bir quberniya boyda deyil, bu qədər quruma, bu qədər məmura nə ehtiyac var ? Bir misal da çəkib kifayətlənək.
Təsəvvür edirsiniz, Azərbaycanın Mərkəzi bankı üçün tikilən yeni bina Rusiya Federasiyasının bankının binasından az qala 5 dəfə böyükdür. Nə isə əsas mövzudan yayınmayaq. Söhbət Sabunçu rayonundakı 3 saylı Tibbi Mərkəzin fəaliyyətindən gedir. Qısa da olsa məlumat verməyə məcburuq ki, TƏBİB rəhbərliyinin apardığı qondarma islahat nəticəsində rayonlarda Ərazi Tibbi Bölmələri yardılıb. Bakının rayonlarında isə rayonun ərazisindəki xəstəxanalar, poliklinikalar birlşdirilərək Tibbi Mərkəzlər yaradılıb.
Təsəvvür edirsiniz Doğum evi ilə Stomatoloji Poliklinika bir mərkəzdə birləşdirilib. Ötən yazılarımızda Nərimanov Rayon Tibb Mərkəzinin və onun direktoru Fazil Alməmmədovun yarıtmaz faəliyyətindən bəhs etmişdik.
İndiki yazının mövzusu isə Sabunçu Rayon 3 saylı Tibbi Mərkəzdir. Məlumat üçün qeyd edək ki, Sabunçu rayonu ərazisində 246 min insan yaşayır, bu rayonda 18 tibb müəssisəsi var, bu tibb ocaqlarında 751 həkim, 1730 orta tibb işçisi fəaliyyət göstərir və çarpayı sayı 1254-dür. Sabunçu ƏRAZİ TİBB BÖLMƏSİNƏ aşağıdakı xəstəxanalar daxildir: 8 nömrəli Birləşmiş Şəhər Xəstəxanası 5 nömrəli Uşaq Yoluxucu Xəstəxanası 21 nömrəli Birləşmiş Şəhər Xəstəxanası 4 nömrəli Vərəm Əleyhinə Dispanser 3 nömrəli Uşaq Stomatoloji Poliklinikası 11 nömrəli Şəhər Poliklinikası 22 nömrəli Uşaq Poliklinikası 2 nömrəli Doğum Evi 22 nömrəli Şəhər Poliklinikası 28 nömrəli Birləşmiş Şəhər Xəstəxanası Kürdəxanı Sağlamlıq Mərkəzi 12 nömrəli Şəhər Poliklinikası 36 nömrəli Şəhər Poliklinikası Həkimlərin Təkmilləşdirmə İnstitutunun Cərrahiyyə Klinikası 3 nömrəli Şəhər Klinik Xəstəxanası 7 nömrəli Birləşmiş Şəhər Xəstəxanası Zabrat Müalicə Diaqnostika Mərkəzi 21 nömrəli Şəhər Poliklinikası İndi isə bu xəstəxanalrın bir hissəsini birləşdirib 3 saylı Tibb Mərkəz yaradıblar. Və Mərkəzə 2 nömrəli Sabunçu Doğum Evini, Maştağa Ruhi Dispanserini və digər tibb müəssisələrini tabe ediblər. Mərkəzin direktoru isə Fikrət Zeynalovdur. Bizim Fikrət Zeynalovla, onun mərkəzdə çalışan qohumları, yaxınları, doğmaları ilə işimiz yoxdur. Bizim iradımız odur ki, Mərkəzin həkimləri əmək məzuliyyətində olduğu halda nə üçün hər gün işə gəlib-gedirlər ?
Onların məqsədi nədir..?
Mərkəzin şöbə müdirləri Qaracayev İlqar, Quliyev Heyran, Abdullayev Ədalət necə olur ki, hər dəfə yoxlamadan quru çıxırlar..?
Nə üçün bu şəxslər qanunsuz əməllərinə görə, həbs olunmurlar..?
Təsəvvür edirsiniz 3 saylı Tibb Mərkəzdə bir çox vətəndaşlar hərbi qulluqdan yayınmaq üçün külli miqdarda pul verib arayış alırlar. Sonra 3 saylı Tibbi Mərkəzdə narkotik xəstələri ilə bağlı baş verən cinayət əməlləri də diqqətdən yayınmır. Bütün bunlar və digər cinayət əməlləri ilə bağlı növbəti araşdırma yazısında bəhs edəcəyik.
Növbəti sayımızda 3 saylı Tibbi Mərkəzdə, Nevrologiyadakı xəbər daşıyan Zema xanımın, Baş həkimin köməkçisi Firdovsinin, xəstəxananın yeməkxanasından oğurlanan ərzaq məhsullarının Kürdəxanıda satılmaq üçün hansı marketə boşaldılmasından, xəstəxananın yeməkxanasının yeni müdiri Aynur kişinin iş fəaliyyətindən, Mahirlə İlqarın və Xəqaninin xəstəyə sağlam arayışı verməsindən və arada olan narazılıqdan bəhs edəcək yazı dərc edəcəyik. Hətta Baş həkimin qohumlarının kimliyi və ya aptekin müdiri Müşviqə xanımın, Şövkət xanımın, Aynurun, Mürsəlin, (Gərayın dayısı oğlu) Sədaqətin, anbardar Yaqutun, kirvə Zəminənin, parkovşik Farizin, böyük tibb bacısı Sevil xanımın, lor Arzunun, Əsmərin, Kəmalənin, rəfiqə Vəfanın, rengen Heyranın və başqalarının qohumluq münasibətlərinə aydınlıq gətirəcəyik.
P.S. Xatırlatma: Bir nəfərin kürəkənindən xahiş edirik ki, işimizə müdaxilə etməsin, əks halda rəhbərlyinizə məlumat veriləcək. //gundelik-baku.com//

Bir müddət əvvəl Kənd Təsərrüfatı Nazirliyinə tabe "Aqroservis" ASC-də narazılıqlar yaşanırdı.
İşdən çıxarılan şəxslərdən bir neçəsi əllərində olan mənimsəmə faktlarını əks etdirən rəsmi sənədlərlə Prezident Administrasiyasına getməyi planlaşdırırdılar.Bir neçə gün sonra nədənsə bundan imtina edildi.Hazırda isə qrumun bölgələrdə yerləşən bölmələrindən edilən şikayətlər şoxluq təşkil edir,saytların elektron poçtuna məlumatlar göndərilir.

Faktinfo.az xəbər verir ki, narazılıqlar artıq "Aqroservis" ASC-nin regional idarələrinə də sirayət edib,idarəçilik demək olar ki,itib.Bu qrumdan ölkə rəhbərliyinə ünvanlanan şikayət məktublarının sayı da durmadan artır. "Aqroservis" ASC-nin Qazax bölməsin mühasibinin qanunsuz işdən çıxardılması,Ağstafa bölməsinin mühəndis-mexanikinin şərlənərək vəzifəsindən kənarlaşdırılması, "Aqroservis" ASC-nin Şəmkir Regional İdarəsi rəisinin sıxışdırılması kimi onlarla hallar çoxlarını qələmə "sarılmağa" vadar edib.Yevlax,Kürdəmir,Ucar bir sözlə Aran bölgəsi daxil olmaqla bu qrumdan olunan şikayətlərin sayı-hesabı yoxdur.

"Hərə öz başına çarə qılsın" prinsipini əsas götürən regional idarələrin rəisləri, regional idarələrə tabe rayon bölmə müdirləri imkanlarından yararlanmağa çalışırlar.Bu isə təşkilatlarda iş ahəngini pozur. Rəhbər şəxslər idarələrin balansında olan texnikalardan,gübrə və digər ləvazimatlardan istifadə edərək, insanların əkə bilmədiyi 50 hektarlarla torpaqları əkib,gəlir götürürlər.

Gübrə oğurluğu fikrnə düşənlər də var.Məsələn,danışılan fikirlərə əsasən,Ağstafa bölməsində pul qazanmağın "orjinal" variantının tətbiqinə yol verilməyib.1500 gübrə kisəsinin hər birindən 2 kiloqram götürülməsi fikiri gülüş obyektinə çevrilib.Təssüf doğuran odur ki,belə "kreaktiv" fikirli şəxs nazirlik,"Aqroservis" ASC tərəfindən himayə olunur.Və yaxud,digər rayon bölməsində kartof çıxaran mexanizim satılır,başqasına aid gübrə satışı tutulur vəs. Bərbad idarəçiliyin ört-basdırı isə "gözədən pərdə asmaq üçün" "Aqroservis" ASC-nin Şəmkir Regional İdarəsinin rəisi Azər Əliyevə verilən töhmətlə yekunlaşır.

O ki, qaldı 2023-cü ilin bir sıra təxminlərinə və maliyyə təftişinə Kənd Təsərrüfatı nazirliyində,eləcə də "Aqroservis" ASC-kimi strukturlarında müəyyən təlatümlərin olacağı gözlənilir."Aqroservis" ASC-nin sədri Elmin Rəhimova gəlincə,o da bunları təxmin etməmiş deyil.

Bu sıralamaya gübrə satışından,maşın və mexanizmlərin icarə müqaviləsi əsasında verilməsindən gələn mənfəətin vəs. inzibati binaların icarəsinə,mexanizmilərin ehtiyyat hissələrinin alınmasına və digər xərclərə istifadə edərkən səmərəli istifadə olunub-olunmaması da aiddir.
ARDI VAR
FAKTİNFO.AZ

Azərbaycanda küçələrin açıq qumarxanalara çevrildiyi məsələsi zaman-zaman gündəmə gəlir. “Azərlotereya” ASC-nin hər küçənin tinində açdığı piştaxtaların önünü görəndə, insanlarımızın “şans” urğunda apardığı mübarizəyə baxanda həqiqətən də ürək ağrıyır.

"Azərbaycan Reallığı" xəbər verir ki , şirkət aşkar formada və sadə yolla insanları bu oyunlara sürükləyir; küçələrdə, məhəllələrdə, metro çıxışlarında, bazarlarda, dayanacaqlarda, az qala hər tin başında, o cümlədən rayonlarda “Poz, qazan” oyunları təşkil edir.

Böyük rus şairinin məşhur bir sözü var. ”Alışqanlıq cənnətin yerinə keçər, xoşbəxtliyin yerini alar”.Bəs bizi cənnətdən edən nədir? Yerimizi kim tutub? Çox maraqlı cavabı var.

Gələcək aylarda artıq 1 il olar ki, cəmiyyətimiz bu alışqanlıqdan əziyyət çəkir. Söhbət bizə böyük “xoşbəxtlik” gətirəcək “Azərlotereya” ASC inin mədəni qumar lahiyələrindən gedir.

Dünyanın hər yerində mədəni qumar mövcüddür.Lakin sərvəti ilə dünyanı bürüyən Azərbaycan kimi yox.

Bakı hal hazırda insanların “uduş” mərkəzinə çevrilib. Bəs qazananlar var? Cavab şübhə altındadır. Son bir ildə “Azərlotereya”-nın verdiyi məlumata əsasən 1000 manata yaxın pul udulub. Çox gülünc vəziyyət yaranır.

24 minlik maşınını və evlərini “Azərloterya” nın mədəni qumar lahiyələrinə qurban verilər. Görünən odur ki, birmənalı olaraq “Azərloterya” bizi tam şəkildə ələ salır. İndi bir sualda ortaya çıxır, insanlarımızı buna alışdıran nədir?

Təbiiki bəzilərimiz, daha doğrusu çoxumuz artıq gündəlik həyat tərzimizi “Azərlotereya”– nın Bakı küçələrindəki mədəni qumar oyununa həsr edirik. Çox təssüf k, insanlar qeyri-reallığı real kimi qəbul edirlər.Cəmiyyət lahiyəçilərin öz hazıladığı müştərilərinə tuş gəlirlər. Daha bir gülməli, həmdə ağlamlı olayla rastlaşırıq. Allahın bəndəsi 1 ni sildi, 2 ni sildi, 3 də uddu. Bəli o çox sevindi ki, qazanmışam. Nə qədər 1 manat. Bəs özün nə qədər verdin 3 manat.

Belə bir vaxtda yenidən rus ədəbiyyatına müraciət etmək yerinə düşər.

“Oyun bitəndə şahda, piyadada eyni qutuya qoyulur“

Millətin pulu bitəndə “xoşbəxtlik” gətirən kağız parçasıda, piyadasıda qutuda toz içində yatır.

Belə ağlamlı vəziyyət içində “Azərloterya” insanları “soyundurmaq” lahiyəsini uğurla davam etdirir. Həmdə böyük muzdlu müştəriləri ilə.

Qurum niyə bu işlə məşğuldur?

Hətta bu yaxınlarda rəhbər Zafer Reisoğlunun mediyaya verdiyi müsahibəsidə ciddi marağa səbəb olub.

Reisoğlu hələ lotereyaların “uğurlarından” danışır.

Həmçinin mətbuata verdiyi müsahibəsində yeni “iş yerlərinin açılması “məsələsinə toxunub. Mədəni qumarla hansı iş yeri açıla bilər ki. Yəqin Zafer müəllim tin, dalanlarda, ayaqaltılarda qurulan piştaxtaları iş yeri adlandırır. Sonrada millətə “məsuliyyətli oyna” deyir. Reisoğlu şans oyununda “məsuliyyətdən” danışır.

Hamımıza bəlli olmalıdır ki, bu lahiyələr milləti acınacaqlı vəziyyətə gətirməkdən başqa bir şey deyil. Hələ “Azərlotereya” haçan insaflı olacaq o da, şübhə altındadır. Çünki onlar milləti ələ salmağa öyrəşiblər. Bu onların hobbisinə çevirilib. Necədə “xoşbəxt” insanlarıq ki, barmağımızı oynadaraq, kağız parçasının üstündəki “cənnətə aparan yola” keçmək üçün mübarizə aparırıq.

Yanlız bunu demək yerinə düşər ki, insanlarımız yaxşı olardı ki, mədəni qumar yox, halal çörək qazansınlar. Bizə böyük “xoşbəxtlik” aşılayan “cənnət rəmzi” “Azərloterya” nıda insaflı olmağa dəlalət etmək ən doğrusdur.

"Azərbaycan Reallığı"

“Volodimir Zelenski amerikalı aktyorlarla müsahibəsi, videomüraciətləri və ABŞ-yə səfərindən sonra Hollivudda günün qəhrəmanına çevrilib”.

Bu barədə “The Guardian”ın köşə yazarı İzabel Koşiv yazıb.

“Zelenskinin kommunikasiya fəaliyyətini izləyənlərin fikrincə, məhz o, Hollivudu Ukrayna məsələsinə cəlb etməyə davam edib”, - deyə jurnalist bildirib.

Məqalədə Hollivud Tənqidçiləri Assosiasiyasının prezidenti Nikki Faulerdən də sitat gətirilir. Faulerin fikrincə, Zelenskinin səfərini həyatı təqlid edən sənət adlandırmaq olar. “Və bu, təkcə Hollivuda deyil, bütün ABŞ-yə aiddir. Düşünürəm ki, bu bir çox məşhurlarda əks-səda doğurdu”, - deyə o vurğulayıb.

Məqalə müəllifi belə nəticəyə gəlib ki, həmçinin keçmiş aktyor və komediya ustası olan Zelenski “Hollivudda əfsanəvi status” qazanıb.

Zelenskinin keçmiş mətbuat katibi Yuliya Mendel bildirib ki, keçmiş aktyor kimi Zelenski xüsusilə Hollivuddan olan aktyorların gücünü yüksək qiymətləndirir.

Qeyd edək ki, noyabrın əvvəlində amerikalı aktyor Şon Penn Zelenskiyə “Oskar” heykəlciyi hədiyyə etmişdi. Bundan əlavə, digər Hollivud məşhurları, xüsusilə Ancelina Coli, Ben Stiller və Cessika Çesteyn müharibənin başlanmasından sonra Ukraynaya səfər ediblər.

Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədovun müşaviri Şahin İbadovun rəhbərlik etdiyi “Bakı Tikinti Kosntruksiya” Qapalı Səhmdar Cəmiyyətini (QSC) ilə bağlı araşdırma aparılır.
Qaynarinfo-nun əldə etdiyi məlumata görə, araşdırma “Biznesmen məmur BTK-da qanunsuz tikintiləri necə aparır? – İcarə haqları da vergidən yayındırılır…” (LİNK) və “Saleh Məmmədovun biznesmen müşaviri: Milyonluq mülklər, şirkətlər necə əldə edilib?” (LİNK) başlığı ilə dərc olunan yazılardan sonra başlayıb.
Amma nədənsə müvafiq dövlət qurumları “Bakı Tikinti Kosntruksiya” QSC-də baş verən hadisələrlə bağlı rəsmi açıqlama vermək istəmirlər. Yazılanlarla bağlı QSC-nin özü də rəsmi mövqeyini bildirməyib.
Şahin İbadovun rəhbəri olduğu QSC-də qeyri-qanuni tikililərin mövcudluğu ilə bağlı Fövqəladə Hallar Nazirliyi, Nərimanov rayon İcra Hakimiyyəti, Dövlət Şəhərsalma və Arxitektura Komitəsinə sorğu ünvanlasaq da, bu barədə nədənsə hələ rəsmi mövqe bildirilməyib. Görünür, sözügedən qurumlar ya açıqlama verməkdə maraqlı deyil, ya da tələsmirlər.
Nərimanov rayon İcra Hakimiyyətinə 27 dekabr tarixində rəsmi mail@narimanov-ih.gov.az ünvanına göndərdiyimiz sorğuya isə belə cavab verilib: “Salam. Zəhmət olmasa bu linkdən müraciət edin: http://narimanov-ih.gov.az/feedback.html”.

Qeyd edək ki, iddialara görə, “Bakı Tikinti Kosntruksiya” QSC-nin ərazisində heç bir rəsmi dövlət orqanı tərəfindən razılaşdırılmadan qeyri-qanuni soyuducu anbarlar tikdirilib. Bu azmış kimi, sözügedən anbarlar sahibkarlara yüksək məbləğdə icarəyə verilir. İcarədən yığılan vəsaitin çox cüzi hissəsi isə vergi və digər dövlət rüsumlarına yönəldirilir.
Ərazidə yerləşən anbarlar, üstəlik buradan yığılan icarə haqqı qeyri-qanunidir, rəsmi bəyan olunan hissəsi çox cuzidir və realıqdan fərqlənir.
Nəticədə bu BTK-nın gəlirlərin gizlədilməsinə, birbaşa vergi və digər dövlət rüsumlarının ödənişlərindən yayındırılmasına gətirib çıxarır.
Məlumata görə, bir il öncə ərazidə növbəti qeyri-qanuni tikinti aparılıb. Nərimanov rayon İcra Hakimiyyəti və Əmlak Məsələləri üzrə Dövlət Xidməti tərəfindən tikinti işləri dayandırılıb. Hətta tikinti işləri sonuncu dəfə polisin müdaxiləsindən sonra dayandırılıb.

Məlumat verən mənbə qeyd edir ki, bu ilin sentyabr ayından başlayaraq, FHN-nin və digər dövlət qurumlarının rəsmi razılığı olmadan QSC-nin ərazisində yenidən qanunsuz əsaslı tikinti işləri davam etdirilib.
06.09.2002-ci ildə yaradılan, nizamnamə kapitalı 205092 manat olan, Nərimanov rayonu, Dərnəgül S/Zonası, 507-ci küçə, ev 2096-da qeydiyyatda olan “Bakı Tikinti Kosntruksiya” QSC-nin hər hansı bir veb-saytı, ünvanı və əlaqə nömrəsi ictimaiyyətə təqdim edilməyib.

Qaynarinfo