"İranın nüvə sazişi ölüb, lakin biz bunu elan edə bilmərik"

Bunu ABŞ prezidenti Co Bayden deyib.

Amerika prezidenti açıqlamasında İran İslam Respublikası ilə nüvə razılaşmasının öldüyünü bildirib.

İranın nüvə sazişinin ölümünü niyə elan edə bilməməsilə bağlı Bayden deyib: "Bir çox səbəb var. İranın nüvə anlaşması ölüb, lakin biz bunu elan edə bilmərik, bunun hekayəsi uzundur".

Mingəçevir Dövlət Dram Teatrının aktrisası Elmira İbrahimova vəfat edib.

Bu barədə onun yaxınları məlumat verib.

Bildirilib ki, E. İbrahimova ürək çatışmazlığından dünyasını dəyişib.

Naxçıvan Ali Məclisinin sədri Vasif Talıbov 8 günlük Bakı səfərindən sonra öz məmləkətinə qayıdıb.

DİA.AZ-ın ovqat.com-a istinadən məlumatına görə, "xan" həzrətlərinin bu dəfəki Bakı səfəri istədiyi effekti verməyib.

O, bir həftədən artıq paytaxtda qalsa da, ölkə başçısının qəbuluna düşə bilməyib.

Görünür, "xan"a siyasi iradənin onun barəsində verəcəyi qərarı Naxçıvanda gözləməsi tövsiyə olunub.

O da istisna edilmir ki, Vasif Talıbov Naxçıvanda baş verən siyasi və korrupsiya faktları barədə hesabat vermək üçün Bakıya çağırılmışdı.

Onun geri qayıdarkən pəymürdə halı gözdən yayınmayıb.

"Xan"ın Naxçıvanda ilk qarşılaşdığı sürpriz müşayiətçi polis dəstəsinin onun pişvazına çıxamaması olub. Qeyd edək ki, müşayiətçi polis dəstəsinin qayıdışdan bir gün əvvəl ləğv edildiyi bildirilirdi.

İqtisadiyyat Nazirliyinin “Demirören Holding”lə ikinci “lotereyası” deyəsən, baş tutmadı.

Tribunainfo.az xəbər verir ki, bu barədə araşdırmaçı jurnalist Hafiz Babalı maraqlı məlumat paylaşıb. O bildirib ki, ötən ilin dekabr ayında Mikayıl Cabbarov və Türkiyə holdinqinin rəhbəri Yıldırım Demirören Pirallahı Sənaye Parkında dərman istehsalının birgə təşkilinə dair memorandum imzalamışdılar:

“Layihə İqtisadiyyat Nazirliyinin “Azərbaycan İnvestisiya Şirkəti” ASC ilə birgə icra olunacaqdı və Demirören bu işə 40 milyon dollar sərməyə yatıracağına söz vermişdi. Amma o söz elə söz olaraq qaldı. Əvəzində Azərbaycanda çoxlarının baş ağrısına çevrilən lotereya biznesində “Demirören Holding”in işi pis getmir”.

H.Babalı bildirib ki, Azerlotereya bu holdinqə idarəetməyə verilib. İdarəetmədən nə qazannıldığı isə məlum deyil.

İqtisadçı Nazim Bəydəmirli məsələyə münasibət bildirərkən qeyd edib ki, Azərbaycana investisiya yatıran ancaq reputasiyası normal olmayan şirkətlər olur.

Tribunainfo.az

Masallı rayon, Mololon kənd sakini, şəhid qardaşı Rəhmi Rəsulov tərəfindən “Hürriyyət”in redaksiyasına şikayət məktubu daxil olub. Şikayətçi kənd məktəbinə qardaşının adının verilməsi üçün pul tələb olunduğunu bildirir:

“Qardaşım Teymur Rəsulov kəndimizin yeganə şəhididir. O, 1994-cü ildə Fizulidə - Horadiz əməliyyatında gedən döyüşlərdə qəhrəmancasına şəhid olmuşdur. Qardaşımı torpağa tapşıranda keçmiş icra başcısı bizə söylədi ki, kəndimizin məktəbi Teymur Rəsulovun adına veriləcək.

Bir müddətdən sonra gəlib atamdan pul istədilər ki, kənd məktəbi şəhid Teymur Rəsulovun adına veriləcək. Atamın pulu olmadığı üçün məktəbi şəhidin adına vermədilər. Amma ətraf kəndlərimizin hamısının orta məktəbləri şəhidlərimizin adını daşıyır.

O zamanlar şəhidlərimiz nə orden, nə də medallarla təltif edilirdilər. İndi isə şəhid qardaşımdan medal istəyirlər ki, məktəbi onun adına versinlər.

Mən sizlərdən köməy istəyirəm ki, şəhidin haqqı bərpa olunsun. Çox təəssüf olsun ki, kəndin yeganə şəhidi olan qardaşıma qarşı belə haksızlıq edilir”.
“Hürriyyət”

Dövlət Təhlükəsizlik Ximətinin 2020-ci ilin may və 2022-ci ilin noyabr ayında Mədəniyyət nazirliyində keçirdiyi xüusi əməliyyat zamanı aşkara çıxarılan korrupsiya maxinasiyaları cəmiyyətdə şok effekti yaratdı. İllərdir dövlətin mədəniyyət sahəsinə ayırdığı yüz milyonlarla vəsaitin korrupsioner şəbəkə tərəfindən müxtəlif yollarla mənimsənilməsi faktı o zamankı Mədəniyyət naziri Əbülfəs Qarayevin vəzifəsindən qovulması ilə nəticələndi.

DTX-nin 2022-ci ildə təkrar Mədəniyyət Nazirliyində korrupsiya əməliyyatı keçirməsi zamanı da burada ciddi maxinasiya halları aşkarlandı. Artıq məsələ ilə bağlı xeyli sayda yüksək vəzifəli şəxslər istintaqa da cəlb edilib.

DTX-nin Mədəniyyət Nazirliyində keçirdiyi əməliyyatlardan nəticə çıxarmayan, Mədəniyyət nazirliyinin tabeliyində fəaliyyət göstərən bəzi müəssisələrdə hələ də dövlətin büdcəsini talayan rəhbər şəxslər var.

AzFakt.com xəbər verir ki, sosial şəbəkələrdə yayılan məlumata görə ciddi maxinasiya hallarına yol verən məmurlardan biri də Samux şəhər Uşaq Musiqi Məktəbinin direktoru Ülviyyə Nadirovadır.

Samux şəhər Uşaq Musiqi Məktəbi Ülviyyə Nadirova arxası yuxarılara bağlı olan direktorlardandı. Əldə etdiyimiz məlumata görə Mədəniyyət nazirinin müavini Sevda Məmmədəliyeva ilə xüsusi yaxınlığı olan məktəb direktoru yol verdiyi qanunsuzluqların hamısını məhz nazir müavininə arxalandığına görə edir.

Bəzi məclislərdə nazir müavini Sevda Məmmədəliyeva ilə “podruqa” olduğunu xüsusi vurğulayan Ülviyyə Nadirova 2004-cü ildən Samux şəhər Uşaq Musiqi Məktəbinə rəhbərlik edir.

Bu illər ərzində bir dəfə də olsun məktəbdə ciddi audit aparılmamışdır.

Məlumata görə hazırda məktəbdə xeyli sayda “ölü canlar” var. Belə ki, təsərrüfat, texniki və pedoqoji heyətin bir qismi məktəbə işə gəlmir, onların maaş kartları isə Ülviyyə Nadirovadadır.

Ülviyyə Nadirovanın zamanını Samux şəhər Uşaq Musiqi Məktəbindən daha çox Bakıda keçirir.

İyirmi iki ildir Samux şəhər Uşaq Musiqi Məktəbinin direktoru olan Ülviyyə Nadirovanın bu illər ərzində korrupsiya və rüşvət hesabına yığdığı vəsaitlər heç də DTX-nin korrupsiyaya görə həbs etdiyi icra başçılarının, nazir müavinlərinin topladıqlarından az deyil.

İddialara görə Ülviyyə Nadirova büdcə hesabına əldə etdiyi pulları daha çox daşınmaz əmlaka yatırır.

Hazırda onun Bakıda yeni inşa edilən binalarda dəyəri yüz min manatlarla ölçülən lüks mənzilləri var.

Ülviyyə Nadirovanın Göygöl rayonunun Hacıkənd qəsəbəsində, Gəncə şəhərində və Daşkəsən rayonunda da mülklərinin olduğu bildirilir.

Qarşı tərəf yazıya mövqe bildirə bilər. //AzFakt.com//

Zərdab rayon Suvarma Sistemləri İdarəsinin müdiri Əhliman Kərimovun rəhbərlik etdiyi idarədə yol verdiyi saxtakarlıqlar, rüşvətxorluq və yeyinti halları barəsində həm "DogruXeber.az" informasiya portalında yazılı, həm də bir neçə dəfə "Kanal14" YouTube kanalında yayımlanan "Kamalın zamanı" proqramında görüntüləri ilə birlikdə ətraflı məlumat vermişdik.

Məlumatlar yayımlandıqdan sonra yayımın, eyni zamanda sosial şəbəkələrdə yayımlanan məlumatların şərh bölməsində Zərdab rayonunun "sinəsi dolu" digər sakinləri də məlumatlarda deyilənləri təsdiq edərək, Əhliman Kərimovun "əlindən cana doyduqları"nı yazdılar.

Ardından redaksiyamıza Zərdab rayon sakini Əhmədov Şəmsi Fazəddin oğlu tərəfindən Əhliman Kərimov fəaliyyətini barəsində eşidəndə şok edəcək daha geniş əlavə məlumatlar göndərildi.
Məlumatları izləmək üçün yayıma sonadək baxın:

Gördüyünüz kimi Şəmsi Əhmədov tender oyunundan tutmuş, "irsi vəzifə vərəsəliyi"nin əsl səbəblərinə qədər bütün detalları aydın şəkildə açıqlayıb. Özü də qeyd edir ki, hələ bu da hamısı deyil.

P.S: Qeyd edək ki, "DogruXeber.az" informasiya agentliyi olaraq, hər zaman daxil olan bütün məlumatlarla bağlı ilk növbədə obyektiv şəkildə qarşı tərəfi arayıb, onun da fikrini öyrənməyə çalışır və aidiyyatı qurumlara rəsmi şəkildə müraciətlər göndəririk.
Bu dəfə də ənənəmizə və qanunlara sadiq olduq. Korrupsiya halları barəsindəki məlumatlarla bağlı Azərbaycan Respublikasının Baş Prokurorluğuna rəsmi müraciət göndərdik.

Baş Prokurorluq da məsələni Zərdab rayon Prokurorluğuna yönləndirib. Zərdab rayon Prokurorluğu da bizə zəng edib, müraciət edənlərin kimlər olduğunu soruşdu və məlumatları onlara da göndərməyimizi xahiş etdilər. Təbii ki, biz verilən məlumatları Zərdab rayon Prokurorluğuna da göndərdik.

Necə araşdırmalar aparılacaq, hansı tədbirlər görüləcək bunu da izləyib görəcəyik, eyni zamanda izləyicilərimizi də məlumatlandıracağıq.
Mövzu diqqətimizdədir.

Redaksiyamız hər kəsin söz haqqını tanıyır.

DogruXeber.az

Şəki rayonu, Fazıl kənd sakini Məmmədov Fərhad Xızır oğlu tərəfindən Hurriyyət.az saytının redaksiyasına şikayət məktubu daxil olub. Fərhad Məmmədov iddia edir ki, Şəki rayon İcra Hakimiyyətinin nümayəndəsi Məmmədov İlqar Əhməd oğlu qanunsuz olaraq onun işinə son verib.

“Bir şəhid qardaşı kimi sizdən xahiş edirəm ki, səsimin cənab Prezidentə və Birinci vitse-prezident Mehriban xanım Əliyevaya çatmasında mənə köməklik göstərəsiniz”, - deyən şikayətçi yazır:

“Mən, Məmmədov Fərhad Xızır oğlu, Şəki rayonunda qanunsuzluqla məşğul olanların əməllərini çəkib dövlət qurumlarına göndərdiyim üçün işimə son verilib.

Məni göndərdiyim videolara və başqa şikayətlərə əsasən, həmin Məmmədov İlqar Əhməd oğluna cinayət işi açılıb. Buna baxmayaraq, məni işimdən etdi və bir sıra qanunsuzluqları yenidən törətməyə də davam edir”.

Şikayətçi çəkdiyi videolardan birini də redaksiyamıza təqdim edib: //Hurriyyət.az//

My Webpage

https://www.facebook.com/hurriyyet.org/videos/548480993850756/?t=0

Azərbaycan Respublikasının Energetika Nazirliyi yanında Bərpa Olunan Enerji Mənbələri Dövlət Agentliyi bu ayın 12 –də ofis icarəsi ilə bağlı "Azəridmanservis”" MMC və "İnzibati binaların istismarı mərkəzi" MMC ilə müqavilələr bağlayıb. Bu müqavilələr üzrə Bərpa Olunan Enerji Mənbələri Dövlət Agentliyi "Azəridmanservis”" MMC-nə 56753 manat, "İnzibati binaların istismarı mərkəzi" MMC –nə isə 23987 manat ödəyəcək.
Olsun, ilk baxışdan qeyri-adi bir nəsnə görünməsə də, Yenixeber.org-a daxil olan məlumatlarda bu əməkdaşlıqların ilginc tərəflərindən bəhs olunur... Məlumata görə Bərpa Olunan Enerji Mənbələri Dövlət Agentliyi hər iki müqaviləni müvafiq satınalama müsabiqələri keçirmədən, birbaşa -bir mənbədən istifadə etməklə bağlayıb(?)

Bu əməkdaşlıq barədə məlumatlar dövlət satınalma portalı vasitəsilə ictimaiyyətə açıqlanıb. Amma,... Bərpa Olunan Enerji Mənbələri Dövlət Agentliyi bu tələbat və satınalmalarda bir mənbədən istifadə edilməsi metodunun səbəbləri barədə məlumat vermir(?)
“Dövlət Satınalmaları Haqqında” qanuna uyğun olaraq müvafiq satınalama sorğusu baş tutmadan, tələbat və satınalmada bir mənbədən istifadə edilməsi metodunun səbəbləri, eləcə də, görüləcək xidmətlər barədə məlumat verilmədən...(?) Bərpa Olunan Enerji Mənbələri Dövlət Agentliyi tərəflərlə toplam 80740 manatlıq müqavilə bağlayıb!
Bərpa Olunan Enerji Mənbələri Dövlət Agentliyi həm də bu əməkdaşlıqların təfərrüatını açıqlamır(?) Maraqlıdır ki, dövlət satınalma portalında da, müqavilənin predmeti, gerçəkləşdiriləcək əməkdaşlıqlarla bağlı heç bir məlumat yoxdur(?) Baxmayaraq ki, dövlət qurumu olaraq şəffaflığı təmin etmək, ölkə ictiamiyyətinə dəqiq, dolğun məlumat vermək Bərpa Olunan Enerji Mənbələri Dövlət Agentliyinin də, vəzifə borclarından biridir...

Xüsusi ilə ölkəmizin indiki məlum, maliyyə-iqtisadi durumunda bu məsələ dövlət yetkililərinin məsuliyyətini birə beş artırmış olmalıdır. Həm də, nə az, nə çox söhbət dövlətin 80740 manatıdan gedir...

***

Azərbaycan Respublikası Prezidentinin 29 yanvar 2002-ci il tarixli, 668 saylı Fərmanı ilə qüvvəyə minmiş “Dövlət satınalmaları haqqında” Azərbaycan Respublikası Qanuna əsasən 5000 manatadək olan satınalmalar müqavilə, 5000-50000 manat arası satınalmalar kotirovka sorğusu metodu, qiyməti 50000 manatdan çox olan işlərin, malların və xidmətlərin satınalınması istisna yoxdursa, açıq tender üsulu ilə həyata keçirilir...

Elə isə sual olunur: Bərpa Olunan Enerji Mənbələri Dövlət Agentliyi nədən bu qanunu “unudub” və müvafiq satınalam sorğusu baş tutmadan hansısa şirkətlərlə birbaşa müqavilə bağlayıb? Hansı işlərin görüləcəyi haqqında da, heç bir məlumat açıqlamadan(?) Niyə nəzərdə tutulan əməkdaşlığın detalları açıqlanmır? Burada hansı bir istisna mümkündür ki? Və s.
Amma suallar bununla bitmir...Biz Yenixeber.org olaraq bu və digər suallara aydınlıq gətirmək məqsədi ilə tərəflərlə əlaqə yaratmağa çalışdıq.
Bu ayın 12 -də Bərpa Olunan Enerji Mənbələri Dövlət Agentliyinin direktoru cənab Cavid Abdullayevə elektron sorğu ünvanladıq. 4 gün sonra qarşı tərəfdən cavab gəldi: Nəzərinizə çatdırırıq ki, Bərpa Olunan Enerji Mənbələri Dövlət Agentliyinin "AZƏRİDMANSERVİS" MMC ilə aktiv müqaviləsi yoxdur.
Buna nə dərəcədə cavab demək mümkündürsə,... Əvvəla, təkrar qeyd edək ki, Bərpa Olunan Enerji Mənbələri Dövlət Agentliyinin ofis icarəsi ilə bağlı "Azəridmanservis”" MMC ilə 12.12.2022 –ci il tarixdə 56753 manatlıq müqavilə bağlaması haqqında Dövlət satınalmalarının vahid internet portalında da bir mənbədən istifadə edilməsi ilə bağlı məlumat yerləşdirilib. Digər tərəfdən, bizim cavab almaq istədiyimiz suallar bugünədək niyə cavabsız qalır?
Hörmətli Cavid müəllim bizimlə telefonla danışsa da, suallarımızdan yayındı... Sonda online deyil, rəsmi sorğu ünvanlamağımızı təklif etdi. Müasir jurnalistikanın operativliyini, online sorğunun da məlum qayda və prinsiplərə uyğun olduğunu xatırlatsaq da nəticə olmadı... Önəmli olanı sualların hansı formada ünvanlanması deyil, cavab vermək istəyi, toplanmasında bizim ödənişlərimizin də yer aldığı dövlətin pulunun necə xərclənməsinə aydınlıq gətirməkdir!

***

Paralellik aparmaq niyyətində olmasaq da, xatırladaq ki, bir il əvvəl həbsə atılan Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sabiq rəhbəri Vüqar Səfərliyə qarşı korrupsiya ittihamlarında biri də ofis icarəsi ilə bağlı idi... Məlum olmuşdur ki, Vüqar Səfərli digər şəxslərlə qabaqcadan əlbir olaraq qurumun fəaliyyətinin təşkili üçün inzibati bina üzrə münasib yerin ayrılması və ya qeyri-yaşayış sahəsinin aşağı qiymətlərlə icarəyə verilməsi üçün Nazirlər Kabinetinin qərarları ilə müəyyən edilən qanuni prosedurlara qəsdən əməl etmədən, həmin Fondun maliyyələşməsinin həyata keçirildiyi dövlət büdcəsindən ayrılmış vəsait üzrə icarə xərclərinin özünün əvvəllər sədri olduğu, sonradan isə özünə yaxın şəxslərin fəaliyyətlərinə faktiki nəzarəti həyata keçirməkdə davam etdiyi şirkətlərə, habelə yaxın münasibətdə olduğu digər şəxslərə gəlir qismində verilməsinə nail olmaqdan ötrü həmin şəxslərin xüsusi mülkiyyətində olan Bakı şəhəri, Yasamal rayonu, Mətbuat prospekti, 23L ünvanında yerləşən müəssisə binasının 3-cü mərtəbəsinin Fondun inzibati istifadəsinə verilməsi məqsədilə maddi baxımdan Fond üçün daha ağır şərtlərlə icarəyə götürülməsinə dair müqavilələr bağlayıb, 2011-2019-cu illər ərzində cəmi 812 min manat məbləğində pul vəsaitini icarə haqqı adı ilə köçürməklə dövlət büdcəsinə külli miqdarda ziyan vurub.

***

Digər tərəflər - "Azəridmanservis”" MMC və "İnzibati binaların istismarı mərkəzi" MMC ilə isə heç bir əlaqə yaratmaq mümkün olmadı. Heç də az olmayan dövlət vəsaitinə iddialı bu qurumlarla bağlı internet üzərindən əldə etdiyimiz vasitələrlə əlaqə yarada bilmədik...
(Mövzunun davamı olacaq.)
Yazıda adları yer alan tərəflərin cavab haqqını tanıyırıq.
//Yenixeber.org//

Azərbaycan Respublikasının Prezidenti İlham Əliyev dekabrın 26-da Rusiyaya səfər edəcək.

Dövlət baçısı dekabrın 26-27-də Sankt-Peterburqda MDB-yə üzv dövlətlərin liderlərinin qeyri-rəsmi sammitində iştirak edəcək.