Eks-deputat Hacı Salayev “Yeni Müsavat”ı məhkəməyə verib 1 milyon manat təzminat tələb etdiyi bir vaxtda belə aydın olur ki, onun özünün dövlətə yarım milyon manat vergi borcu var.

Bu haqda sosoial şəbəkədəki hesabında Bəxtiyar İmanov adlı istifadəçi məlumat yayıb.

Statusu təqdim edirik: “Bir neçə il öncə marketim var idi, qondarma cərmələr yazmaqla axrına çıxdılar. Amma özləri büdcəyə bir qəpik ödəmirlər. Kəmaləddin Heydərovun yaxın adamı olan bu sabiq deputat Hacı Salayevin 500 min manata yaxın vergi borcu var”.

Belə görünür ki, eks deputat dövlətə olan borcunun yarısını “Yeni Müsavat”ın hesabına ödəmək sevdasına düşüb. Xətai Rayon Məhkəməsinə təqdim etdiyi iddia ərizəsində Hacı Baba oğlu Salayev ərz edir ki, “Yeni Müsavat”da barəsində yazılanlar işgüzar nüfuzuna, şərəf və ləyaqətə toxunub, odur ki, müdafiəsinə qalxıb və dövlətdən hər il dotasiya alan bir mətbuat orqanından nə az, nə çox - 1 milyon manat tələb edir. Eks-deputatın arşını da, iştahası da pis deyil. Xatırlatmışdıq, bir də Azərbaycanda milyonlar sahibinə çevrilən, milyonlarını da xaricə daşıyan Hacı Salayevin diqqətinə çatdıraq. Bəlkə Hacı Salayev iddiası ilə bağlı bir də götür-qoy eləsin.

“Yeni Müsavat”a qarşı milyonluq tələblərlə hazırda həbsdə olan “Baku Steel Company” MMC-nin (poladəritmə zavodu) Müşahidə Şurasının keçmiş sədri Rasim Məmmədov, başının dəstəsi - 9 generalla bərabər eks-müdafiə naziri Səfər Əbiyev, keçmiş nəqliyyat naziri Ziya Məmmədov, sabiq PA rəhbəri Ramiz Mehdiyev, onlardan əvvəl mərhum akademik Cəlal Əliyev çıxış etmişdilər. Hətta zamanında məhkəmələr onların istəyinə uyğun qərarlar vermişdi. Amma bu adamlar milyon əvəzinə nə aldılar? Azərbaycan cəmiyyətinin sərt təpkisini. Yemədilər və getdilər. Hacı Salayev isə iştahlı görünür, iştahını da pozmasın, bir qəzetdən hələ ki, bunca məbləği alan olmayıb.

Hacı Salayev də bu iddiası ilə özünü mətbuata, bu gün düşmənlə üz-üzə dayanan, informasiya müharibəsində ön sırada olan bir media quruluşuna qarşı müharibə cığırına çıxıb. Qeyd edək ki, Hacı Salayev “Yeni Müsavat”la yanaşı Media Qrupuna daxil olan Minval.info saytında 7 iyul 2023-cü il tarixli “Eks-deputatın hotelində gizli qumar təşkil olunur - SENSASİON İDDİA” başlıqlı məqaləyə görə işgüzar nüfuzunun pozulduğunu iddia edir. Buna görə Hacı Salayev hətta Minval.info və “Yeni Müsavat” qəzetindən hərəsindən 500 min olmaqla, ümumilikdə 1 milyon manat təzminat tələb edib. Hazırda iş Xətai Rayon Məhkəməsinin hakimi Aygün Həsənovanın icraatındadır. İlk hazırlıq iclası sentyabr ayının 19-da keçiriləcək.

ANONS ƏVƏZİ: İstəmədən qoşulduğumuz bir davanın qarşı tərəfi olan Hacı Salayev barədə araşdırmalarımız davam edir. Belə bir çirkli keçmişi və indisi olan birinin hansısa qəzetlə müharibə aparması gerçəkdən, axmaqlıqdır. Bu adamın istər öz keçmişi, istərsə də ailə durumu, biznesi, münasibətləri, şəxsi həyatı - hər bir fraqmenti manşet başlıqlı, ifşa xarakterli xəbərdir!

Məsələn, onun ailəsində baş verən faciənin - 1-ci həyat yoldaşının özünü Qız qalasından atmasının səbəbləri heyrət doğurur. Bu faciədə F. Əliyev adlı bir gəncin (məşhur nazirin oğlu) oynadığı rol, ... Hacı Salayevin şəxsi həyatının başqa şok gizlinləri, hətta atası şofer Hacıbabanın evlilik macərasına qədər, hər şeyi araşdırıb, su üzünə çıxartmışıq. Daha doğrusu, bu adamı araşdırarkən, bütün detallar bir şəkildə bizi gəlib tapıb...

Hacı Salayevin ortaqlarından birini də araşdırıb, tapmışıq. Bu, SOCAR-ın keçmiş vitse-prezidenti Mikayıl İsmayılovdur. Onların qarşılıqlı əlaqəsi, ‘’milli’’ ortaqlığı və Hacı Salayevin bu qədər ərköyünlüyündə M. İsmayılovun rolu və iştirakı barədə də ayrıca yazılar dərc olunacaq.

Hacı Salayevin qardaşı, atasının ikinci adının daşıyıcısı, FHN Akademiyasının rəisi Baba Salayev barədə də heç istəmədən bir sıra materiallar əlimizə keçib. Əslində qolu qandallanaraq, həbsxanaya atılmalı olan Baba Salayevin cinayət əməlləri barədə də yazılar hazırlanır.

Hacı Salayevin Abbas Abbasovla - Azərbaycana etdiyi xəyanətlərinə görə ölkəmizi buraxılmayan bir mafiozla əlaqələri və xain ‘’Milyarderlər İttifaqı’’ layihəsində iştirakı haqqında da hələlik tam olmayan məlumatlar gəlməkdədir...

Bir sözlə, istəmədən, gözləmədən qatıldığımız müharibədə ‘’hücuma keçən’’ Hacı Salayev və onun yaxın çevrəsi, ortaqları, zəif nöqtələri, biznesi və s haqda ciddi məlumatlar əldə etmişik. Sadəcə, bu adamın mahiyyəti ona baş qoşmağa dəyməz, bu səbəbdən də zamanımıza heyfimiz gəlir. Lakin savaşın öz qaydaları vardır. Üzərinə hücum varsa, o obyekti sıradan çıxartmaq, neytrallaşdırmaq üçün bütün vasitələr mübahdır!
“Yeni Müsavat”

Mənzil Tikinti-Kooperativləri (MTK) ilə bağlı problemlər neçə ildir ki, bitib-tükənmək bilmir. Əksinə, bu problemlər günü-gündən daha da dərinləşir, cəmiyyətdə böyük narazılıq yaradır. Təsəvvür edirsiniz, bir müddət əvvəl Gədəbəyin Söyüdlü kəndindəki narazılıq cəmiyyətdə böyük rezonans yaratdı, hətta məsələyə Cənab Prezident səviyyəsində münasibət bildirilərək hadisələrdə günahı olanlar kəskin tənqid olundu.
Bu bir kənddə və kənd miqyasında baş verən problem idi. İndi təsəvvür edin ki, MTK-ların yaratdığı problemlər az qala ölkənin yarısını, paytaxt Bakını, böyük şəhərləri və ən əsası 100 minlərlə insanı əhatə edir. Təsəvvür etdinizmi, hansı miqyasda narazılıqdan söhbət gedir.
Yeri gəlmişkən, bu yaxınlarda Nizami rayonu, Qara Qarayev metrosuna yaxın yaşayan bir tanışımın xəstə-əhval-ruhiyyəsini görəndə narahat oldum və soruşdum ki, səhhətində problem var..? İlahi, tanışım nələr danışdı...O, dedi ki, ailəmlə yaşadığım binanın yaxınında MTK 15 mərtəbəli bina tikir, nə gecəmiz var, nə gündüzümüz, nə səhərimiz var, nə axşamınız, gecələr tikintidəki hay-küydən yata bilmirik, hamımız xəstə-nevroz olmuşuq...
İndi təsəvvür etdinizmi, bu MTK-lar insanların başına hansı oyunları açırlar..? Bu ölkədə MTK-lar bir mənzili neçə nəfərə satar..? Binanın fundamenti-özülü qoyulanda, Allah qoymasa, 5-10 ilə tikiləcək binanın mənzilləri satılır, özü də bir mənzil bir neçə nəfərə... Biz bir media olaraq MTK məsələsini tam araşdırmışıq və ötən yazılarımızın birində təklif etdik ki, barı Rusiyadan nümunə götürün. Belə ki, Rusiya parlamenti qərar verib ki, binanın tikintisi başa çatmadan, hətta bina dövlət qurumlarına təhvil-təslim edilmədən vətəndaşlara mənzil satıla bilməz. Bu qanunu qəbul etmək, görəsən, bizim deputatlar üçün niyə çətindir...?
Görəsən, Milli Məclisdə kimlər MTK-lara lobbiçilik edir..? Belə qanunsuzluq edən MTK-lardan biri də “Bizim Ev” MTK-dır. Dəfələrlə yazmışıq ki, “Bizim Ev” MTK Yasamal rayonu, Zərdabi küçəsində “Məhsul” stadionunun ərazisni, hətta idmançıların soyunub-geyinmə otağını, Mədəniyyət Nazirliyinin balansında olan fabrikin yerini zəbt edərək bina tikir. Apardığımız araşdırma zamanı məlum oldu ki, bu stadionun qanuni sahibi olan Azərbaycan Həmkarlar İttifaqları Konfederasiyası ( sədri, millət vəkili Səttar Möhbalıyevdir ) deyir ki, tikintidən xəbərimiz yoxdur. Sənin balansında olan stadionun ərazisində, az qala, 20 mərtəbəli bina tikilir, necə bundan xəbərin olmaya bilər, cənab millət vəkili..? Möhbalıyevdən soruşan lazımdır ki, Azərbaycan Həmkarlar İttifaqlarının İdman Təşkilatları Assosiasiyasının keçmiş sədri Nadir Əliyevi və “Yasamal” idman-sağlamlıq klubunun sabiq direktoru Alik Həsənovu tanımırsan..? Bunların həbs olunmasından da bəlkə xəbərin yoxdur..? Həmin idman stadionunun 5.5 milyona satılmasından söhbət gedir, cənab Möhbalıyev...
Yuxarıda adı keçən iki şəxs də həbs olunub və onlar sizin məhkəmədə dindirilməyinizi istəmişdirlər, amma məhkəməyə gəlmədin..? Bəlkə bunlar yalandır..? Hələ bu harasıdır..? “Bizim Ev” MTK Mədəniyyət Nazirlriyinin balansında olan fabrikin də ərazisini zəbt edərək bina tikir... “Bizim Ev” MTK təkcə bina tikmir ee, ətrafda yaşayan sakinlərin başına gecə-gündüz toz-torpaq, qum-çınqıl ələyir... Məhəllə daxilindəki yolları məhv eləyib, valideynlər qorxusundan uşaqlarını həyətə buraxa bilmir və daha nələr... O gün həmin həyətdən reportaj hazırlayanda gördüm bir nəfər çox nalayiq söyüşlərlə kimlərisə söyür. Hətta bildirir ki, mənim maşınımın üzərinə beton qırıntıları tökənin və gəlib-aparıb maşınımı düzəltməyənin arvad-uşağı, qızı-gəlini... Mən isə tanımadığım həmin şəxsdən soruşanda ki, niyə məhkəməyə müraciət etmirsən? Cavabı o oldu ki, bu binadan vəzifəli adamların hamısına ev paylayıblar... Heç kim ona heç nə demir... Elə biz də fikirləşdik ki, yazıq kişinin, deyəsən, söyməkdən başqa əlindən heç nə gəlmir...
Təsəvvür edirsiniz, 5-6 il əvvəl rayonda dana otaran Mürşüd adlı birisi, paytaxt Bakıda 20 mərtəbəli bina tikir... İndi Bakının gələcəyini təsəvvür edin. Yaxşı, bütün bunlar öz yerində, bəs dövlət qurumları hara baxır..? Nə üçün Həbib adlı bu binanı tikəni həbs etmir? Bu tikinti zamanı yüzlərlə ağac kəsilib, yaşılıq məhv edilib...Hara baxırsınız, cənab Ekologiya Naziri Muxtar Babayev...? Tikintidə Təhlükəsizlik qaydalarına görə məsuliyyət daşıyan FHN hara baxır..? Bəs bu boyda paytaxtın, sonra Yasamal Rayon İcra Hakimiyyətləri niyə bu fəlakəti görmür..? Gözünüzü açın cənablar, bir azdan gec olacaq... Bizim vəzifəmiz yazmaq, demək və dövlətə çatdırmaqdır.
P. S. Əlbəttə ki, kimsə tikinti tikərək öz mənafeyini güdürsə, ətrafdakı qonşuları nəzərə almayaraq onların mülkiyyətlərini dağıdırsa, nəinki yuxarıda söyülən söyüşlər, ondan da betəri ziyan vuranın ölüsünə-dirisinə, yaxınlarına, hər şeyinə getsin... //gundelik-baku.com//

"Şikayətim "Umico" marketdəndir. Əvvəllər çox yaxşı rahat idi, amma son neçə aylardır ki..." DİA.AZ bildirir ki, bu barədə "Müştərinin Səsi" ssial qrupundakı paylaşımında Xəyal Balayev adlı istifdəçi giley edir.

Narazı vətəndaş daha sonra qeyd edir: "Bərbad xidmət göstərirlər, həm operatorlar, həm məntəqə cəhətdən, həm də "Watsapp"larındakı operatorlar... Təsəvvür edin, nəm "salfetka"lar sifariş edirəm, 30 ədəd (taksitlərə bölünür) qəbul edirlər. 2 gün keçir ki, məntəqəyə yerləşdirə bilmirik və səbəb "yer yoxdur"... Deyirəm, ay operator, şəhər içində 1 kvadrat yer götürmüsünüz, təbii ki yerləşdirə bilmərsiz də.

Məntəqəyə gedirəm kimsə süpürgə, pol taxtası, vedrəsi ilə... Bunlar nətər yerləşirdi, "salfetka" yerləşmir. Hətta gülünc bilirsiz nədir, 200 ml şampun sifariş etmişəm, zəng edir ki, yer yoxdur qoymağa... O şampun kurtkanın cibinə yerləşir ee...

Şikayət edirsən, xidmətin vəkili 3-5 gündən sonra yığır. Gör nə qədər şikayət var ki dərhal zəng etmirlər... həm də deyirlər ki kuryer ilə göndərək. Başa sala bilmirəm ki, işimlə əlaqədar alınmır görüşmək. Ağızlarına yaxşı söz düşüb, üzr istəyirik... Neynəyirəm üzrünü ki mənim işimi həll edə bilmirsən... Neçə adamlardan maraqlanmış ki, onlardada bu hal yaşanıb, demək son zamanlar çox bərbad xidmət aparır..."

İddia olunanlarla bağlı olaraq qarşı tərəfi də dinləməyə hazırıq...

Aydın Talıbov, sən Xəzərin sahilini deyil, mühasibatlığındakı QARA HESABATLARI təmizlə... Cəmi bir gün öncə, yəni dünən 28.08.2023- cü il tarixdə, saat 10:58-də, az qala, bütün ölkə mediasında bəh-bəhlə yayılan bu xəbər bizdə xeyli təəccüb doğurdu: “Araz” 6 hektar ərazini tullantılardan təmizlədi - Veysəloğlu Şirkətlər Qrupuna (VŞQ) daxil olan “Araz” supermarketlər şəbəkəsi “Təbiəti qorumaq mənim əlimdədir!” şüarı ilə müxtəlif ekoloji layihələrə dəstək göstərməkdə davam edir.
Bu istiqamətdə “Araz” supermarketlər şəbəkəsi Ekologiya və Təbii Sərvətlər Nazirliyinin “Təmiz ölkəm” aksiyasına qoşulub. Aksiyada Ekologiya və Təbii Sərvətlər Naziri Muxtar Babayev, “Araz” supermarketlər şəbəkəsinin İdarə Heyətinin sədri Rəşad İbrahimov iştirak edib. Aksiya çərçivəsində Ekologiya və Təbii Sərvətlər Nazirliyinin, “Araz” supermarketlər şəbəkəsinin, “Təmiz Şəhər” ASC-nin əməkdaşlarının, Pirallahı Rayon İcra Hakimiyyətinin, yerli bələdiyyə nümayəndələrinin, ekokönüllülərin iştirakı ilə Zirə qəsəbəsinin Xəzər dənizi sahilində 6 hektar ərazi tullantılardan təmizlənib.
Ümumilikdə 150 nəfərin iştirak etdiyi aksiya zamanı 1,5 ton tullantı yığılaraq “Təmiz Şəhər”ə təhvil verilib. Təmizlik aksiyalarının keçirilməsində məqsəd ərazilərin təmiz saxlanılmasına və tullantıların düzgün idarə olunmasına yönələn maarifləndirici çağırışlar etmək, təmizliyə riayət etmək vərdişlərini vətəndaşlara təlqin etməkdir. Bu uzun girişi yazmaqda məqsədimiz nədir..?
Azərbaycanda son illərdə çox yersiz, mənasız, hətta ziyanlı bir tendensiya yaranıb. Özünün bir başa məsul olduğu sahədə dövlətə və cəmiyyətə milyonlarla ziyan vurur, vətəndaşların hüquqlarını pozur və daha nələr. Amma söhbət Qarabağdan düşən kimi bunun qeyrət damarı şişir, müharibəyə yardımdan-filandan danışır...
Belələrinə deyən yoxdur ki, ay adam, məsul olduğun sahədə hansı bir ədalətli addım atmısan, cəmiyyətimizə xidmət etmisən ki, yeri gəldi-gəlmədi vətəndən-torpaqdan danışırsan..? Bax, biz də bir media olaraq buradan üz tuturuq birbaşa “Veysəloğlu” Şirkətlər Qrupunun sahibi Veysəlin oğlu Aydın Talıbova və deyirik: Aydın Talıbov, sən özün müsahibələrində deyirsən ki, hər gün yüz minlərlə alıcı-müştəri sənin ticarət şəbəkənə müraciət edir, alış - veriş edir, sənə xeyir verir. Onların içərisində narazı olanlar da var. Siz də deyirsiniz ki, bizdən heç kim narazı deyil, hamı bizdən razıdır. Mətbuat bizim haqqımızda qərəzli yazılar yazır. Mətbuat da yazır ki, yalan deyənin ölüsünə - dirisinə lənət. Yoxsa Veysəloğlu Şirkətlər Qrupunun alıcılarına vaxtı keçmiş mal satanın, kiflənmiş məhsullar satanın və satdıranın, bizi bu marketlərdə qiymətdə aldadanların ölüsünə - dirisinə, qızına - gəlininə - başı ləçəklilərinə, arvadına - uşağına lənət olsun. Hətta həmin müştərilər deyirlər ki, Aydın Talıbovun “Araz” marketlərində kiflənmiş pendir, vaxtı keçmiş ərzaq və qida məhsulları satılır.
Belə olan halda, Aydın Talıbov, sən, Xəzərin sahilini tullantıdan təmizləmək əvəzinə yaxşı olar ki, öz marketlərini kiflənmiş məhsullardan təmizləyəsən. Xəzərin sahilinin təmizliyinə məsul olan İcra Hakimiyyəti var, bələdiyyə var, Ekologiya Nazirliyi var. Sənin orada TAMAŞA göstərməyinə, ARTİSTLİK etməyinə qəti ehtiyac yoxdur. Aydın Talıbov, Xəzərin sahilini təmizləməyinə ehtiyac yoxdur, sən yaxşı olar ki, öz tərcümeyi-halındakı Fətullah Gülən- FETÖ ləkəsini təmizləyəsən...Sənin Xəzərin sahillərində nə işin var... Aydın Talıbov, özün deyirsən ki, 20 mindən artıq işçim var. Yenə gözəl. Bəs o 20 min işçinin neçə mini qanuni əmək müqaviləsi olmadan 10-12 saat çalışır..? Neçə min işçin qanuni maaş almaq əvəzinə NAĞD şəkildə maaş alır, yəni hər ay neçə milyonları vergidən, DSMF-dan gizlədirsən..?
Aydın Talıbov, sənin bu boyda şəbəkən QARA MÜHASİBATLIQ (BUXQALTERİYA) üzərində qurulub. Yaxşı olar ki, sən gedib həmin QARA MÜHASİBATLIĞI AĞARDASAN, düz yola gələsən, dövlət büdcəsinə milyonlar atmayasan və s. Aydın Talıbov, Xəzər bir təbii akvatoriya olaraq özü-özünü təmizləyə bilir. Sənin cinayət əməllərindən təmizlənməyə, tövbə etməyə ciddi ehtiyacın var...Xəzər sənlik deyil, get, öz işinlə məşğul ol... Aydın Talıbov, marketlərin yolu, küçələri zəbt edib, hətta körpə məktəb uşaqlarının yolunu da kəsmisən. İndi özün de sənin təbiətsevər olmağına hansı ağılsız inanar..? Guya, Xəzərin qeydinə qalırsan...?
Yeri gəlmişkən, onu da qeyd edək ki, Araz marketlərinin obyektlərinin çoxu ev kimi tikilib, sonradan təyinatı dəyişmədən market kimi istifadə edilir. Binəqədidə, Yasamalda, Sumqayıtdakı Araz marketlərinin çoxunun qanuni sənədi yoxdur. Aydın Talıbov, get zəbt etdiyin yolları, küçələri, məktəblərin qarşısını təmizlə...
P. S. On gün bundan qabaq eşitdik ki, Veysəlin oğlu Aydını tutublar. Atalar deyiblər ki, söz çıxdısa, olur. Nə pis yerdə axşamladın əəəəə... //gundelik-baku.com//

Sələm dedikdə gəlir əldə etmək məqsədi ilə pulun bir şəxs tərəfindən başqasına qazanc əldə etmək məqsədilə borc müqabilində faizlə verilməsi başa düşülür. Qanunvericiliklə vətəndaşlar faizə pul vermək və bu barədə müqavilə bağlamaq səlahiyyəti yoxdur. Verilən pula görə borc alandan faiz tələb etmək qanunvericiliklə məsuliyyət yaradır.

Bu cür fəaliyyət yalnız xüsusi lisenziya əsasında həyata keçirilə bilər. Azərbaycan Respublikası qanunvericiliyi ilə faziə pul vermək xüsusi lisenziya alınmaqla banklar, bank olmayan kredit təşkilatları və lombardlar tərəfindən həyata keçirilə bilən fəaliyyət hesab edilir. Xüsusi lisenziyası olmayan şəxslərin bu cür fəaliyyətlə məşğul olması qanunvericiliklə məsuliyyət yaradır.

Dövlət qeydiyyatına (vergi uçotuna) alınmadan və ya sahibkarlıq fəaliyyətinin həyata keçirilməsi üçün lisenziya tələb olunduğu hallarda belə lisenziya almadan sahibkarlıq fəaliyyəti ilə məşğul olmaq, yaxud lisenziyada nəzərdə tutulmuş şərtlərin pozulması ilə sahibkarlıq fəaliyyətinin həyata keçirilməsi – qanunsuz sahibkarlıq fəaliyyəti ilə məşğul olma hesab edilir.

Qanunsuz sahibkarlıq fəaliyyəti ilə məşğul olmağa görə inzibati məsuliyyətə cəlb edilən şəxs inzibati xəta nəticəsində vurulmuş ziyanın (əldə edilmiş gəlirin) iki mislindən dörd mislinədək miqdarda cərimə edilir. Azərbaycan Respublikasının Qanunvericiliyinə əsasən, vətəndaşın sələmə pul vermək hüququ yoxdur. Sələm dedikdə, gəlir əldə etmək məqsədi ilə pulun birbaşa faizə verilməsi başa düşülür. Bu da ancaq bank olmayan kredit təşkilatları, banklar, və lombardlar tərəfindən müqavilə əsasında həyata keçirilir.

Vətəndaşların isə faizə pul verib, müqavilə bağlamaq səlahiyyətləri yoxdur. Verilən sələmə görə faiz tələb etmək cinayət məsuliyyətinə səbəb ola bilər: "Verilən sələmə görə sələm alandan nəinki faiz tələb etmək, əksinə, dövlət qeydiyyatına alınmadan və ya xüsusi razılıq tələb olunduğu halda belə razılıq almadan bu cür qanunsuz fəaliyyət göstərdiyinə görə qanunvericiliklə müəyyən edilmiş qaydada inzibati və cinayət məsuliyyətə cəlb oluna bilərlər”. Sələm verməklə və insanların evini yıxmaqla məşğuı olam Lətafət adlı şəxslə bağlı "Azərbaycan Reallığı"na çoxsaylı şilayətlər daxil olmaqdadır.

Daxil olan məlumata görə, özünü makler kimi qələmə verən əslində isə dələduzluqla məşğul olaraq, insanların pulunu, evlərini, obyektini ələ keçirən Lətafət adlı şəxsin daha bir nəfər qurbanına çevrilib. Belə ki, Lətafət adlı sələmçi Könül Abbasovaya 5000 min manat atıb və geri qaytarmır. Hər dəfə onun ailə üzvlərinə yalan vədlər verərək, pulu geri qaytarmaqdan boyun qaçırır.

Xüsusilə qeyd edək ki, Lətafət adlı şəxsin adı ölkə mətbuatında daim qalmaqallarda hallanıb. Belə ki, bir müddət öncə adının açıqlançasını istəməyən xanım şəxsi işi ilə bağlı aylar öncə Nihad Əliyev adlı şəxslə tanış olur. Onun xaricdən satış məqsədi üçün avtomobil gətirəcəyinə söz verib etibarın qazanır, daha sonra isə Yasamalda olan 140-150 min manata dəyərində olan evi ələ keçirir, mülkiyyət ələ keçəndə isə loru dildə desək işə digər dələduzlar cəlb olnur.

Nihad Əliyev sələmçi Lətafət adlı şəxsi dələduzluq qurbanına çevirilən xanımla tanış edir və ona bildirilir ki, evini Abbasov Qabil Yasin oğlu adlı şəxsin adına keçirməklə ondan iş üçün faizə pul götürə bilərlər. Qabil adlı şəxslə tanış olub evini onun adına rəsmiləşdirərək 55 min manat pul götürülüb iş qurmaq üçün pul Nihada verilir.

Pulun faizini Nihad ödəyəcəyini bildirir. Dələduzlar əlbir olduğu üçün faiz ödənmir. Qabil xanımı faiz ödəməyə məcbur edir. Təxminən 3-4 ay pulun faizi Qabil adlı şəxsə faktlarla verilir. Faiz pulunu verə bilmədikdə isə Qabil adlı şəxs xanımın mülkiyyətini satışa çıxarıb dəyər-dəyməzinə satacağını bildirir. Bu məqamda Nihadin atası Raiq Əliyev meydana çıxır. Xanıma evi 10 illik ipotekaya salmağı teklif edir. Guya ipotekanı Rafiq ödəyəcək.

Çarəsiz durumda qalan iki uşaq anası hüquq-muhafizə orqanlarına şikayət edir. İnanırıq ki, Lətafət adlı şəxslə və onunla ortaq olan dələduz dəstə üzvləri ilə bağlı hüquq-mühafizə orqanları lazımi tədbir görəcək. Araşdırmalarımız davam edir. Lətafət adlı şəxsin qurbanına çevrilən şəxslərin redaksoyamız ilə əlaqə saxlamaları xahiş olunur.

Qarşı tərəfin mövqeyini işıqlandırmağa hazırıq.

AZƏRBAYCANREALLIĞI.COM

Hacıqabul rayon İcra Hakimiyyəti sifarişçi olduğu növbəti satınalmaya yekun vurub.

Qlobal.az xəbər verir ki, İcra Hakimiyyətinin “2023-cü ildə Hacıqabul şəhərində abadlıq işləri” lotu üzrə keçirdiyi tenderdə “VİKTORY CONSTRUCTİON GROUP” Məhdud Məsuliyyətli Cəmiyyəti qalib elan edilib.

Tenderin məbləği 142.134 manatdır.

“VİKTORY CONSTRUCTİON GROUP” MMC 2022-ci ilin aprel ayının 11-də təsis edilib.

Şirkətin hüquqi ünvanı Bakı şəhəri, Nərimanov rayonu, Çaykovski küçəsi ev 2, mənzil 11, qanuni təmsilçisi isə Bədəlov Bəhruz Bayram oğludur.

Hacıqabul rayonunda tender müqaviləsinə görə 2023-cü ildə abadlıq işləri aparacaq “VİKTORY CONSTRUCTİON GROUP” MMC-nin fəaliyyət profili, əmək müqaviləsi ilə çalışan işçi qüvvəsi və mühəndis heyəti, maddi-texniki bazası barədə açıq internet resurslarında məlumata rast gəlinmir.

Qlobal.az-ın əldə etdiyi məlumata görə “VİKTORY CONSTRUCTİON GROUP” MMC-nin qanuni təmsilçisi Bəhruz Bədəlov bir neçə il öncə mediada qalmaqallı açıqlaması ilə gündəmə gələn “Şabran-D” Məhdud Məsuliyyətli Cəmiyyətinin qanuni təmsilçisi Cəlal Bədəlovun qardaşıdır. Cəlal Bədəlov həmin qalmaqallı açıqlamasında Şabran rayon İcra Hakimiyyətinin başçısının birinci müavini Mehdi Balabəyovun Şabran rayonunda aparılan quruculuq işlərinin və yeni layihələrin tenderində iştirakına razılıq vermək məqsədi ilə ondan pul istədiyini və onun da bu tenderin uğurlu nəticələrinə və onun yalan vədlərinə inanaraq M.Balabəyova 227000 (iki yüz iyirmi yeddi min) manat pul verdiyini iddia edirdi.

Fəaliyyəti, maddi-texniki bazası və işçi qüvvəsi barədə açıq internet resurslarında heç bir məlumat olmayan “VİKTORY CONSTRUCTİON GROUP” MMC-nin Şabran rayon İcra Hakimiyyətinin sifarişçi olduğu satınalmada hansı meyarlara əsasən qalib elan edilməsi bir sıra suallar yaradır.

Qlobal.az məsələ ilə bağlı Hacıqabul rayon İcra Hakimiyyətindən mövqe öyrənib. Hacıqabul rayon İcra Hakimiyyətinin açıqlamasında deyilir:

“Azərbaycan Respublikasında dövlət satınalmaları “Dövlət Satınalmaları haqqında” Azərbaycan Respublikası Qanununun tələblərinə uyğun olaraq aparılır.Dövlət satınalmalarına nəzarəti İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti həyata keçirir.Satınalmalar elektron portal vasitəsilə, əksər hallarda açıq tender üsulu ilə şəffaf qaydada keçirilir.Tender iştirakçıları portal üzərindən aparılan bütün əməliyyatları, yazışmaları izləyə bilir.Tenderin nəticələri Dövlət Xidməti tərəfindən ciddi araşdırılır, əgər tender komissiyası hansısa xətaya yol veribsə, yaxud nəticələri düzgün qiymətləndirməyibsə, tenderin nəticələri ya ləğv edilir, yaxud da yenidən qiymətləndirmə tövsiyyə olunur. “Dövlət Satınalmaları haqqında” Azərbaycan Respublikası Qanununun 36.7.1-ci maddəsinin tələbinə əsasən ən aşağı qiymət təklifi vermiş ”Viktory Construction Group” MMC tenderin qalibi seçilmişdir. Hazırda yekun protokolu nəzarət qaydasında yoxlanılıb qeydiyyata alınması üçün Antiinhisar və İstehlak Bazarına Nəzarət Dövlət Xidmətinə göndərilmə mərhələsindədir. Yekun protokolu Xidmət tərəfindən qeydiyyata alınarsa MMC ilə satınalma müqaviləsi bağlanacaqdır”.

Xatırladaq ki, Hacıqabul rayon İcra Hakimiyyətinin başçısı Rüstəm Xəlilovdur.

O, 2019-cu ilin dekabr ayının 4-dən Hacıqabul rayonuna rəhbərlik edir.

Qlobal.az

Teref.az yazır ki, İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli daha bir ittihamla çıxış edib.
İSBAM sədri Samir Adıgözəlli Qeyri-Hökumət Təşkilatlarına Dövlət Dəstəyi Agentliyinin sədri Azay Quliyevlə bağölkı yeni bir faktla sosial şəbəkələrdə çıxış edib. Samir bəy yazır:
"QHT Agentliyi nə qədər səxavətli imiş.
Cəmil Həsənlinin vəkilinə də qrant ayırıb. Ölkə rəhbərliyini söyən adamları ( onların ətrafını) maliyyələşdirmək siyasi dönüklük deyilmi hörmətli Azay Quliyev ?

Hər kəsin siyasi fikrinə hörmətlə yanaşıram.
Amma Agentlik rəhbərliyinin ucuz üsulla məni ittiham etdirib, bu kimi dövlətçiliyə qarşı prinsipsizliklərini anlamaq olmur.
Samir Adigozelli"
Teref.az

Lənkəran İcra Hakimiyyəti Lənkəran şəhər və rayon məhəlli ərazilərdə aparılacaq bir sıra işlərin satın alınması ilə bağlı tenderə yekun vurub.

Tenderin qalibi "Xezer-Construction” MMC seçilib. Tərəflər arasında bağlanacaq satınalma müqaviləsinin maliyyə dəyəri 729 425,78 AZN-dir.

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "Xezer-Construction” MMC 26 fevral 2018-ci ildə qeydiyyata alınıb. Nizamnamə kapitalı 200 AZN olan şirkətin hüquqi ünvanı Bakı şəhəri Nizami rayonu, Keşlə qəsəbəsi, Qasım bəy Zakir küçəsi, ev 1130-da yerləşir. MMC-nin qanuni təmsilçisi Binnətov Rəmzi Rüfət oğludur.

20 aprel 2023-cü il tarixdə reystr məlumatlarına dəyişiklik edilib. Bu dəyişikliklə MMC-nin hüquqi ünvanı və qanuni təmsilçisi dəyişib. Bundan əvvəl "Xezer-Construction” MMC-nin hüquqi ünvanı Bakı şəhəri Nizami rayonu, Mətləb Ağayev küçəsi, ev 36, mənzil 1-də yerləşib. Şirkətin qanuni təmsilçisi isə Abışov İslam Məhəmməd oğlu olub.

"Xezer-Construction” MMC barəsində açıq mənbələrdə heç bir məlumata rast gəlinmir. Bununla belə, dövlət qurumları hansısa səbəbdən bir şirkətə iriməbləğli sifarişlər verirlər.

Lənkəran İcra Hakimiyyəti indi bəhs etdiyimiz tender istisna olmaqla 2023-cü ildə abadlıq, quruculuq işləri ilə 3 tender keçirib. Lənkəran şəhər və rayon ərazisindəki küçə, park və xiyabanlarda aparılacaq bir sıra işlərin satın alınması ilə bağlı 699 284,57 manatlıq tenderin qalibi "Mars Construction” MMC seçilib.

Lənkəran şəhər ərazisi üzrə yaşayış sahələrinin fasad və giriş hissələrində aparılacaq bir sıra işlərin satın alınması ilə bağlı 228.861,77 manatlıq tenderin qalibi isə "Topxana Layihə İnşaat” MMC olub.

Bu tenderlərdən əvvəl isə Lənkəran şəhər və rayon ərazisində aparılacaq bir sıra yenidənqurma və təmir-bərpa işləri üzrə layihə-smeta sənədlərinin hazırlanması işlərinin satın alınması ilə bağlı müsabiqə keçirilib. Həmin müsabiqənin qalibi "Global Engineering Management Company” MMC olub. Layihə-smeta sənədlərinin hazırlanması xidmətinə görə şikrətə 46 804,7 manat ödənilməsi nəzərdə tutulub.

Beləliklə, 2023-cü ildə Lənkəranda abadlıq, quruculuq işlərinin xərci toplam olaraq 974 951, 04 manat təşkil edib. "Xezer-Construction” MMC ilə bağlanacaq müqaviləni də bura əlavə etdikdə abadlıq işlərinin xərci milyon yarımdan çox edir.

Lənkəran Rayon İcra Hakimiyyətinin başçısı Taleh Qaraşovdur. O, 2012-ci ildə bu vəzifədədir.

Ümumiyyətlə isə Taleh Qaraşovun icra başçısı kimi karyerası 27 ili əhatə edir. (Qaynarinfo.az)

Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitar-gigiyena və ətraf mühitin mühafizəsi qaydalarının pozulması hallarının qarşısının alınması məqsədilə Lerikdə tədbirlər həyata keçirib.

Tədbirlər zamanı təbii su hövzələrinə çirkab suların axıdılması, su obyektlərinin mühafizəsi qaydalarının pozulması və qanunsuz odun tədarükü faktları aşkar olunub.

DİN-in Mətbuat Xidmətinin Lənkəran regional qrupundan "Azərbaycan Reallığı"na verilən məlumata görə, aşkarlanan faktlarla bağlı İnzibati Xətalar Məcəlləsinin 264.0.1-ci (su obyektlərinin çirklənməsinin, zibillənməsinin və suların zərərli təsirinin qarşısını alan qurğuları və avadanlıqları olmayan müəssisələrin, kommunal və digər obyektlərin istismar edilməsinə) və 252-ci ( Meşəqırma fondundan istifadənin, oduncağın tədarük edilib daşınması qaydasının pozulması) maddələrinin tələblərini pozan ümumilikdə 4 vəzifəli və 1 fiziki şəxs barəsində inzibati tənbeh tədbiri tətbiq olunub. Bu istiqamətdə tədbirlər davam etdirilir.

AZƏRBAYCANREALLIĞI.COM

Bakı şəhəri, Sabunçu rayonu Ruhulla Axundov küçəsində fəaliyyət göstərən, “Park Terrace" restoranında qida təhlükəsizliyi sahəsində normativ hüquqi aktların tələblərinə əməl olunmadığı ilə bağlı "Azərbaycan Reallığı" saytına məlumat daxil olub.

Məlumat verən məndə bildirir ki, sözü gedən məkan Naxçvan Muxtar Respubilkasının Daxili İşlər Naziri hal-hazırda həbsdə olan Əhməd Əhmədova məxsusdur. Restoranı isə onun yaxın qohumları işlədir.

Belə ki, müəssisədə sanitar-gigiyenik qaydalara, texnoloji ardıcıllığa, mal qonşuluğu prinsipinə riayət olunmadığı, xammalın qəbulu və saxlanılması, yeməklərin hazırlanmasının eyni sahədə həyata keçirildiyi, mətbəx sahəsində müvafiq təmizlik işlərinin aparılmadığı daxil olan məlumatda qeyd olunur.

Həmçinin mənşəyi məlum olmayan, üzərində saxlama müddəti göstərilməyən, etiketlənmə tələblərinə cavab verməyən məhsullarının satışının və istifadəsinin həyata keçirildiyi xüsusilə vurğulanır.

Məkanda işləyə işçilərin əmək müqaviləsi olmaması işçilərin əmək haqqlarının verilməməsi buna görədə restoran rəhbərliyinin işçilərlə bəzən narazlıqın pik həddə olması bir sözlə burada mənəm bağdada kor xəlifə pirinsipi ilə işləməsi demək olar ki, məkana gələn müştərilərində haqqlı narazliqına səbəb olur.

Gün ərzində bir çox insanla təmasda olduqlarından qoruyucu vasitələrlə və dezinfeksiyaedici məhlulla təmin olunmalıdırlar. Lakin heç biri yerinə yetirilmir. Vergidən yayınma halı baş alıb gedir.

Belə ki, müştəri hesabı ödəmək istədikdə məkanda posterminalın olmaması ödənişi kartdan-karta göndərilməsi istənilir. Bu azmış kimi restoranında özbaşınalıq hökm sürür, müştəriləri sözün əsil mənasında soymaqla məşğuldurlar! Aydın məsələdir ki, Azərbaycanın çox yerində olduğu kimi, bu restoranlarda da müştərilərin qabağına çıxıb, onları qarşılamırlar.

Müştərilərə oturmaq üçün yer də göstərmək "yadlarından çıxır". Bir masa tapıb arxasında əyləşirsən, handan-hana biri gəlir ki, "nə istəyirsiniz?" İstəyirsən ağzını doldurub deyəsən ki, "kostyum istəyirəm!". Sonra izah etməyə məcbur olursan ki, "a bala, restorana yeməyə gələrlər də..."

Restoranda eybəcər musiqi səsindən qulaq batır! Xidmət səviyyəsi sıfır, yeməklər keyfiyyətsizdir. Yeməkdə sonra adamın ürəyi bulanır! Yeməklərin hansı kefiyyətdə olan yağla bişirilməsi belə məlum deyil sifariş etdiyin yeməklərin qiymətindən 4-5 qat artıq yazırlar Bu, artıq həyasızlıqdır! Bunların hamısı villa tikdirmək, bahalı maşınlar almaq istəyirlər! Bir sözlə restoran rəhbərliyi müştərilərin bədbəxtçliyi üzərindən rahatlıqla öz xoşbəxtliyini qurmaq istəyir.

Ümüdvarıq adiyyəti qurumlar sadaladığmız problemlərlə bağlı tez bir zamanda qanunu tədbir görəcəklər

Qarşı tərəfin mövqeyini işıqlandırmağa hazırıq.