Bank sektorunda inhisarçı mövqe tutan bəzi bankların faizləri nə Mərkəzi Bankın uçot stavkasına, nə də əmanətlər üzrə sığorta faizlərinə uyğun gəlir. Həmin banklar öz bildikləri qaydada kredit siyasətini həyata keçirərək vətəndaşları özlərindən asılı hala salırlar yekunda isə sıra bankların fəaliyyətindən şikayətlər çoxalır.

"Azərbaycan Reallığı" xəbər verir ki, son zamanlar cəmiyyətdə özəl bankların fəaliyyəti çox haqlı olaraq bütün səviyyələrdən ciddi şəkildə tənqid olunur.

Bu tənqidin əsas səbəbi, bankların vətəndaşlara bahalı kreditlər verməsi, onları kreditləri milli valyutada deyil, xarici valyutada götürməyə təhrik etmələri, digər tərəfdən, xarici valyutada olan kreditlər üzrə yaranmış məzənnə fərqi məsələsində öz müştərilərinə güzəştə getmək istəməmələridir.

Apardığımız araşdırmalar göstərir ki, bankların fəaliyyətində bunlardan əlavə, cəmiyyəti narahat edə biləcək daha ciddi məqamlar mövcuddur.

Götürək elə Rabitə Bankın Ağsu filialının yarıtmaz fəaliyyətini.

Belə banklar bizə lazımdırmı? Ölkə Prezidenti dəfələrlə onları real sektora üz tutmağa səsləsə də əslində onlar bu gün daha yüngül üsullarla, daha çox qazanmaq uğrunda bir-biri ilə yarışa girdilər.

İndi də sırf lombard donuna bürünüb, küllü qazanc xatirinə əhalini hakimiyyətdən narazı salmaqla məşğuldurlar. Bank fəaliyyətinin bu qədər eybəcər bir formaya düşməsi Azərbaycanda bank sisteminin kökündən sökülüb yenidən qurulmasını zəruri edir.

Buna misal olaraq öz gördüyümizi deyə bilərik ki, yerli bankların birinin hesabına Rabitə Banka gələn pul köçürmələrinə görə vətəndaş günlərlə süründürməçilik görməlidir.

Tutulan yüksək faizlər, xidmət haqqının bahalığı insanları Rabitə Banka qarşı narazılığına səbəb olur.

Hansı ki, xarici banklardan ölkəmizə gələn pul köçürmələrində bu qədər süründürməçilik və baha faizlər yoxdur.

Bildiyiniz kimi bu gün insanların çoxlu faizi kreditlər içində əziyyət çəkir. Məhz bu fürsətdən Rabitə Bank asanlıqla istifadə edir.

Yaşıl, bəzəkli qalstuklu mütəxəssislərin özlərindən razı davranışları bura gələn insanların həmin bankdan üz döndərməyinə səbəb olur.

600 manat pul köçürməsinə 10 manat xidmət haqqı lap biabırçı vəziyyət yaranır.

Belə çıxır ki, Rabitə Bankın insanların bu günki imkansızlığından xəbəri yoxdur.

Get kimə deyirsən de, nə istəyirsən et, biz beləyik!

Qarşı tərəfin mövqeyini tanıyırığ

Gəlin etiraf edək ki, bu günləri Azərbaycan səhiyyə sistemi həftəbecərə çevirilib. Belə ki, Azərbaycan səhiyyəsinin başının ağalarının sayı artıb. Bir tərəfdən TƏBİB, bir tərəfdən səhiyyə nazirliyi özu, bir tərəfdən İcbari Tibb sığorta bizim bu ölkə səhiyyəmizin, necə deyərlər, “başında tırp əkiblər”.

Adı çəkilən qurumlar Əli insanovdan, Oqtay Şirəliyevdən bizə “miras” qalan səhiyyəmizin başına hər ölçûdə, biçidə corab hörməklə məşğuldurlar.

Əslində TƏBİB-in, İcbari Tibb Sığorta agentliyinin yaranmasında məqsəd əvvəldən də naxoş olan səhiyyəmizi müalicə edib xəstə yatağından qaldırmaq idisə, biz bugünləri bunun tam əksini görürîk. Hətta daha da betərini!

Əvvəllər nə qədər olmasa da, tibb müəssisələrimiz xəstə halı ilə qapısından içəri girən vətəndaşlarla qayğılanır, onları müalicə və müayinə edə bilrdi. Bu gûnlərinisə qosqoca səhiyyəmizin özü icbari tibb sığorta hesabına TƏBİB-in ümüdünə qalıb. Bir sözlə, TƏBİB və İcbari Tibb Sığorta səhiyyəmizin dərdinə bir dərman olmadı ki, olmadı.Tam əksinə səhiyyə sistemində ağaların sayı çoxaldıqca, insanların da problemləri artdı, çoxaldı.

Bu günləri Azərbaycan səhiyyəsini nəyləsə müqayisə etsək, onu yalnız mamaçası çox olan hamilə qadına bənzətmək olar. Necə ki, mamaça çox olanda uşaq yan gəliş edirsə, hazırda bizim ölkə səhiyyəsinin də vəziyyəti elə, yan gəlişdir. Yəni kəllə – mayallaqdır.Gəlin götürək elə Beyləqan xəstəxanasının son bir neçə aydakı vəziyyətini.

Bildirilir ki, son bir neçə ayda TƏBİB-in tabeliyində fəaliyyət göstərən “Beyləqan Rayon Mərkəzi Xəstəxanası” publik hüquqi şəxs də vəziyyət ruscadır. Əvvəlki illərlə müqayisədə xəstəxana və bəzi isçilər özünü tamamilə “buraxıb”. Ələlxüsus da xəstəxananın qeydiyyat bölməsində mövcud vəziyyət ürəkbulandırıcıdır. Burda vətəndaşlar süründürməçiliyə salınır, onlara münasibətdə insanı davranışlar nümayiş edilmir. Ən dəhşətlisi odur ki, köçkün rayon sakinlərinə, (hansı ki, onlar 30 ildir ki, Beyləqan rayon ərazisində müvəqqəti qeydiyyata olmaqla məskunlaşıb yasayırlar) Beyləqan xəstəxanasında ögey münasibətlər sərgilənir, tibb müayinəyə buraxılmır və əsasıda onlara sağlamlıq haqqında arayış verilmir. Belə ki, köçkün sakinlər sağlamlıq haqqında arayış əldə etmək üçün pasport qeydiyyatı üzrə rayon xəstəxanalarına və poliklinikalara göndərilir. Və yaxud onlardan həqiqətən Beyləqan rayon ərazisində yaşadıqlarını təsdiq edəncək yasayış yeri haqqında arayış, “Qaçqınkom”dan arayış və məcburi köçkün vəsiqəsi tələb olunur. Bu sənədlər olduğu halda onlara sağlamlıq haqqında arayış verilə bilər. Köçkün statuslu sakinlərə qarşı belə bir haqsızlığı, qanunsuz tələbləri həyata keçirən isə xəstəxananın qeydiyyat üzrə starşısı Elnura və qeydiyyaçı işləyən Sevda adlı şəxslərdir. Adıçəkilən bu şəxslərin köckün sakinlərə qarşı süründürməçilik metodu illərlə rayonun inzibati ərazisində müvəqqəti qeydiyyatda olmaqla məskunlaşmış koçkünlər arasında narazılıq yaradıb.

P.s. Qeyd edim ki işğaldan azad olmuş rayonlara koçürülmə prosesi yeni başlayıb. Yalnız bu tələb köçürülən köçkûnlərə şamil edilə bilər, müvəqqəti yasayış yerini tərk etməyən köckün ailələrinə şamil edilə bilməz.

Məsələyə daha geniş və ətraflı şəkildə qayıdacağıq.

RealMedia.az

Azərbaycanın absurdlar ölkəsi olduğunu bilməyən yoxdur. Ölkədə nazirliklərdəki məmur tayfasından tutmuş səhiyyə, təhsil sektorundakı rəhbərlərə qədər hər kəsin ağzından bir “avaz” gəldiyini də çox yaxşı bilirik.
Əlbəttə, bu “avaz”dan pul iyi gəlir və respublikada rüşvət artıq üfunət qoxuyur. Lakin hər şeyin də bir həddi, əndazəsi var. Elə qayda və qanunlar var ki, burada artıq normanı keçmək olmaz.
Di gəl ki, Abşeron-Xızı Regional Təhsil İdarəsi və onun tabeliyindəki yerli təhsil şöbələri üçün sərhədlər deyilən anlayış yoxdur. Sanki “Nuh” deyir, “peyğəmbər” demirlər.
Söhbət 1-ci sinifə qədəm qoyacaq Babaxanov Əlixan Babaxan oğlunun ağılasığmaz şəkildə təhsildən məhrum edilməsindən gedir. Anaxeber.info-ya müraciət edən ailənin sözlərinə görə, övladları Əlixan bu il sentyabrın 15-dən həmyaşıdları olan hamı kimi məktəbə getməlidir. Onlar Sumqayıtın 1-ci mikrorayon, Sülh küçəsi 3 ünvanındakı 4-cü komissiyadan narazıdırlar. Babaxanovlar ailəsi Xırdalanın Mehdi Hüseynzadə küçəsi, məhəllə 31, ev 59, mənzil 94 ünvanında yaşayır. Valideynləri Əlixanın rusdilli olduğunu, Azərbaycan dilində demək olar ki, bilmədiyini söyləyirlər.
Tragikomediya isə ondan ibarətdir ki, rus dilində necə deyərlər “çırtlayan” Əlixanı Abşeron rayonunda rus bölməsinə qəbul etmirlər. Buna gülünc səbəb kimi onun qabiliyyət imtahanından keçməməsi göstərilib.
Görün nə dərəcədə biabırçı vəziyyətdir ki, Abşeron Təhsil İdarəsi Azərbaycan dilində başa düşməyən və yalnız rusca danışan Əlixanı qabiliyyət imtahanından “keçmədiyi” üçün rus sektoru olan məktəbə qəbul etmir.
Bunun nə dərəcə özbaşına, qanunsuz hərəkət olduğunu sübut etməyə ehtiyac yoxdur. Çünki bir cümlə ilə ifadə etmək olar – Azərbaycanda orta təhsil icbaridir.
Yəni hər bir 6 yaşına çatmış uşaq məktəbə getməli və təhsil almalıdır. Hətta qabiliyyət imtahanında uğurlu olmayan uşaq da şagird adını qazanmağı haqq edir, bu ixtiyarı onun əlindən heç kəs ala bilməz.
Ölkə qanunvericiliyi, “Təhsil haqqında” qanun var və Abşeron ŞTİ rəhbərliyi həmin qanunların üzünü açıb oxusa, başa düşər ki, Əlixanı məktəbdən məhrum etmək cinayətdir. Bu təhsil idarəsinə İlhamə Abdullayeva rəhbərlik edir. O, ötən ilin aprelində vəzifəyə təyin olunub.
Lakin bir il kifayət edib ki, onun təhsil sisteminin, idarəetmə “fəlsəfəsi”nin nədən ibarət olduğunu anlayasan. İlhamə xanım Abdullayeva Abşeron rayon məktəblərində elə bir gestapo rejimi yaradıb ki, ancaq “fitri-istedadı” olanlar şagird adını qazana bilərlər.
Əlixanın ailəsi isə deyir ki, onlar Elm və Təhsil Nazirliyindən, Prezident İlham Əliyevdən, I Vitse-Prezident Mehriban Əliyevadan üzləşdikləri problemin həllinə dair diqqət gözləyirlər.
“Bizim uşağımız rus dilində əla bilir. Əlixan rus sektorunda oxumayacaq, bəs kim oxuyacaq? Hazır kadrdır, ona rus dilini sıfırdan öyrətməyə ehtiyac yoxdur. Amma uşağı məktəbə qoya bilmirik. Artıq dərslərin başlanmasına iki həftə qalıb və bizə heç bir köməklik göstərilmir.
Uşağın qabiliyyət imtahanından hətta keçməməsi də onu təhsil almaq hüququndan məhrum edə bilməz. Bu uşaq Azərbaycan dilində bilmir, bəs Azərbaycan sektorunda necə oxusun?” - deyə şikayətçi valideynlər qeyd edirlər. Onlar Abşeron təhsil idarəsi rəhbərliyindən bu məsələyə reaksiya verilməsini xahiş edirlər.

Anaxeber.info

“İstanbul NS” klinikasında daha bir xəstə həkim səhvindən öldü” sərlövhəli yazı yayınlamışdıq.

Söhbət 82 yaşlı anası Raya Abduləli qızı Əliyevanın klinikada həkim səhlənkarlığı üzündən dünyasını dəyişməsindən gedir. Ümumiyyətlə isə “İstanbul NS” klinikası bu sayaq xəstə ölümlərinə görə mənfi planda çox yaxşı tanınıb, ad çıxarıb. Raya Əliyeva klinikadan nəşi çıxan əksər pasiyentlər kimi ora öz ayağı ilə gedib.

Qızı İlhamə Qəhramanova deyib ki, anamı gülə-gülə əməliyyata salıb, meyitini verdilər, cərrah isə qaçıb getdi.

“Yeni Müsavat”a müraciət edən İlhamə Qəhrəmanova bildirib ki, klinikada baş verən hadisələr, anasına münasibətdə həkimlərin cinayətə bərabər hərəkətlərilə bağlı ölkə rəhbərliyinə, Dövlət Təhlükəsizliyi Xidmətinin rəisi Əli Nağıyevə, baş prokuror Kamran Əliyevə, daxili işlər naziri Vilayət Eyvazova da müraciət ünvanlayıb, məsələnin ciddi şəkildə araşdırılmasını xahiş edib.
“Yeni Müsavat”ın əməkdaşı məsələ ilə bağlı Raya Əliyevanı əməliyyat etmiş həkim Zaur Ramixanovla əlaqə saxlayıb və ona yönəlik iddialara münasibətini öyrənib.

Zaur Ramixanov deyib ki, xəstənin ölümündə onun günahı yoxdur: “Mən xəstəni yerli keyitmə ilə əməliyyat edəcəkdim. Anestezeoloq xəstəni əməliyyata hazırlayanda aşağı təzyiqini nəzərə alıb və mənə deməmiş ümumi anesteziya verib. Mən əməliyyat etmişəm, əməliyyatdan sonra xəstənin ağrıları keçib. Mən xəstəni yerli keyitmə ilə əməliyyat edəcəkdim, anestezioloq isə özbaşına ona ümumi anesteziya verib və nəticədə ölüm baş verib”.

Zaur Ramixanov deyib ki, anestezioloq özü müstəqil qərar verdiyinə görə baş vermiş hadisənin məsuliyyəti də onun üzərindədir.

Anestezeoloq Şahin Manafov isə “Yeni Müsavat”a deyib ki, onun bu məsələdə günahı yoxdur: “Xəstə narkozdan ayılıbsa, mənim işim bitmiş sayılır. Mən özbaşına qərar verməmişəm. Hazırda əlimdə xəstəm var, əlavə nəsə demək istəmirəm”.


İlhamə Qəhramanova isə deyir ki, onları aldadan həkim Zaur Ramixanovdur. O, aldatmaqla anasına narkoz vermədən əməliyyat edəcəyini desə də, faktiki olaraq narkozla əməliyyat edib. Nəticədə də anası ölüb: “Anamı öldürməsəydilər, bu gün də yaşayacaqdı. Nənəm 100 yaşını haqlayıb, gümrahdır, sağ-salamatdır. Yəni Zaur Ramixanov bizi aldadıb anamı əməliyyata salmasaydı, bu gün də yaşayırdı. Həkim Zaur Ramixanov məni və yaxın qohumlarımı aldadaraq, xəstəyə narkoz verilməyəcəyini, 40 dəqiqə müddətində yüksək səviyyədə cərrahi əməliyyat edəcəyini, ölüm və digər təhlükəli hal olmadığını deyib bizi inandıraraq, əməliyyat üçün razılıq alıb istədiyi pulu ödəniş etməyimə nail oldu. Bundan sonra Zaur həkim xəstənin yaşı və keçirdiyi xəstəlikləri nəzərə almadan ona narkoz verib əməliyyata götürdü və nəticədə xəstə vəfat etdi. Xəstənin vəziyyəti pisləşdiyi ərəfədə digər xəstəxanalardan dəvət etdiyim təcrübəli həkimlər xəstəni müayinə edərək, ona verilmiş prafol dərmanından və ya cərrahiyyə alətlərinin natəmizliyindən xəstəyə mikrob düşməsi nəticəsində xəstənin ildırım sürətli sepsis (zəhərlənmə) keçirdiyini, xəstənin əvvəlcədən düzgün müayinə və digər halların nəzərə alınmadığını, ümumiyyətlə, onun əməliyyat olunmasının düzgün olmadığını dedilər. Bütün bunları həkim Zaur Ramixanova irad bildirdilər. Xəstə ildırım surətli sepsis keçirdiyi üçün artıq onu həyata qaytarmaq mümkün olmadı və bu səbəbdən vəfat etdi”.

Şikayətçi deyir ki, “İstanbul NS” Klinikasının həkimi Zaur Ramixanov pul əldə etmək üçün onları aldadıb: “Anamı düzgün cərrahi əməliyyat etmədi və nəticədə onun ölümünə bais oldu. Xahiş edirəm ki, bu fakt ciddi şəkildə araşdırılmaqla məsul şəxslər cəzalandırılsın”.

Musavat.com

Prezident İlham Əliyev İlqar Akif oğlu Mahmudovun Quba Rayon İcra Hakimiyyətinin başçısı təyin edilməsi barədə Sərəncam imzalayıb. Bildirək ki, İlqar Mahmudov bu təyinatadək Azərbaycan Respublikası Elm və Təhsil Nazirliyinin Daxili Nəzarət Şöbəsinin müdiri işləyib. Bir müddət Azərbaycan Dövlət Mədəniyyət və İncəsənət Universitetinin nəzdindəki Bakı Humanitar Kollecin direktoru vəzifəsində çalışıb.
İlqar mahmudovla bağlı cumhuriyyet.az olaraq media üzərindən apardığımız araşdırmalar nəticəsində ilginc məlumatlar ortaya çıxıb. İlqar Mahmudovun saysız-hesabsız obyektləri, paytaxtın müxtəlif yerlərində mənzilləri, bağları və lüks avtomobillərinin olduğu barədə məlumatlar var. Heç şübhəsiz ki, o, bütün bunları halal pulu ilə deyil, rüşvət və dövlətin vəsaitlərini mənimsəyərək əldə edib. Bu arada mediada yer alan məlumata görə, bir neçə il öncə İlqar Mahmudovun bağ evindən 250.000 min manat pul oğurlanıb. Oğruluq edən şəxsin ailəyə yaxın olduğu deyilir. Elə buna görə də İlqar Mahmudov baş verən hadisə barədə hüquq mühafizə orqanlarına müraciət etmədiyi bildirilir. Ancaq başqa bir məsələ də ola bilər ki, o, qorxduğu üçün həmin oğurluq hadisəsi barədə hüquq mühafizə orqanlarına məlumat verməyib. Çünki sorğu-sual oluna bilərdi ki, sən bu qədər vəsaiti necə əldə etmisən, İlqar Mahmudov?

O, hələ gənc yaşlarında sabiq nazir Misir Mərdanovun köməkçisi, daha sonra bir neçə il Bakı Humanitar Kollecin direktoru olub. Bununla bağlı cumhuriyyet.az ölkə mediasında yer alan məlumatlara istinadən bildirir ki, İlqar Mahmudov direktor olduğu illərdə təhsil ocağında rüşvət və korrupsiya ayaq açıb yeriyirmiş. Gəl ki, buna görə heç kim İlqar Mahmudova “gözün üstə qaşın var” deyə bilmirmiş. Çünki onun havadarları yüksək postlarda təmsil olunurmuş. İlqar Mahmudov həmçinin özünü sabiq MTN şefi Eldar Mahmudov yaxın qohumu kimi də təqdim edirmiş. Beləliklə məsuliyyətdən kənarda qalan İlqar Mahmudovun hazırda Elm və Təhsil Nazirliyində yüksək vəzifəyə təyinat ala bilib. Az qala “nazirlik içində nazirlik” funksiyasını oynayan DNŞ müxtəlif vasitələrlə rayon təhsil şöbələrinə,məktəb direktorlarına təzyiqlər edir, əvəzində onlardan alınan yüklü miqdarda rüşvət müqabilində rahat buraxılırlar. İlqar Mahmudov rüşvəti və korrupsiyanı rəhbərlik etdiyi şöbənin iş prinsipinə çevirib. Ümumiyyətlə onun təhsil sistemində çox unudulmaz bir keçmişi var. Daha çox “200 minlik kollec” əməliyyatı ilə yadda qalan İ.Mahmudov bütün fəaliyyəti dövründə rüşvətxorluğu özünün fəaliyyət prinsipinə çevirib. Zamanında kollec rəhbəri işlədiyi dövrdə iftixarla “200 min verib bu vəzifəyə gəlmişəm,pulumu çıxardıram” deyən Mahmudov ümumiyyətlə təhsil sistemini “pulçıxartma” vasitəsi hesab edir. Bunun həqiqət olduğunu görmək üçün elə indiki fəaliyyətinə azacıq nəzər salmaq kifayətdir. Nazirliyin daxili nəzarət şöbəsini daxili işlər nazirliyinə çevirən,özünü və komandasını isə polis statusunda görən İ.Mahmudov təhsil ictimayətini qorxu içərisində saxlamaqla şəxsi ambisiyalarını təmin edir. Demək olar ki, bütün rayon təhsil şöbələri,məktəb direktorları aylığa otuzdurulublar. Narazılıq pik həddədir,sadəcə cürət edib səsini çıxardan yoxdur. Daxili nəzarət şöbəsi adı altında təhsil sistemində böyük rəzalət yaşanır. Belə bir tərcümüyi hala malik şəxsin Quba rayonuna necə rəhbərlik edib, hansı əməllərə imza atacağını isə zaman göstərəcək. //cumhuriyyet.net//

Azərbaycan hökuməti 2023 il üçün nəzərdə tutduğu inflyasiya proqnozunu artırıb. Belə ki, ilin əvvəlində orta iliik inflyasiya proqnozu 6,9 % nəzərdə tutulurdusa, bu rəqəm artaraq 10,4 % səviyyəsinə qaldırılıb. Bu hesablama bütün istehlak məhsullarını əhatə edir. Bəs əhalinin əsas xərclərini təşkil edən qida məhsullarında qiymət artımı nə qədərdir?

İqtisadçı Fərid Mehralızadə deyir ki, rəsmi rəqəmlərə görə son 20 aydır inflyasiya ikirəqəmli həddədir. Bu, qiymət artımının kəskin olduğunun göstəricisidir.

Qiymət artımında yüksək pay ərzaq məhsullarının üzərinə düşür. İqtisadçı qida məhsullarında 40%-ə qədər bahalaşma olduğunu deyir. Bazarda isə bahalaşma alıcılarla satıcıları üz-üzə qoyub. Hər iki tərəf qiymət artımından əziyyət çəkir. Marketlərin qiymətlərindən narazı olan müştərilər alış-veriş üçün bazar-bazar gəzməli olurlar.

İqtisadçı Fərid Mehralızadə hesab edir ki, qiymət artımının səbəblərindən biri Azərbaycanın idxaldan asılı bir ölkə olmasıdır. Digər tərəfdən, Dünya Ticarət Təşkilatının hesabatına görə, Azərbaycan regionda ən yüksək orta gömrük tarifinə malikdir.

Baş nazir Əli Əsədov iyulun 17-də inflyasiya və qiymətlər üzrə monitorinqin gücləndirilməsi üçün İşçi qrup yaradılması ilə bağlı sərəncam imzalayıb. İşçi qrupunun məqsədi ölkədə inflyasiyanın iqtisadi artım üçün məqbul səviyyəyə endirməkdir. //meydanTV//

"Bura keçmiş nəqliyyat naziri Ziya Məmmədovun oğlunun Bakının mərkəzindəki ("Fəvvarələr meydanı" yaxınlığındakı) binasıdır". DİA.AZ bildirir ki, bunu özünün "facebook" shifəsində tanınmış araşdırmaçı jurnalist Cavanşir Həsənli qeyd edib.

Xatırladaaq ki, C.Həsənli keçən günlərdə də Anar Məmmədova "diqqət ayırmışdı"...

İndi isə jurnalist açıqlamasında daha sonra vurğulayır:

"Anar Məmmədov iki brendi bir araya gətirib.

Deyilənə görə "Pizza Hut un pizzaları asfalt dadı verir. Amma ingilislər üçün nə fərqi, onlara görə pulun heç iyi də olmur..."

Məsələ ilə bağl olaraq qarşı tərəfi də dinləməyə hazırıq...

Zərdab rayon Otmanoba kənd sakin Kiçikağa Əliyev Mikayıl oğlu rayonun Şahüseynli kəndinin ərazi nümayəndəsi Abubəkir İsayevdən şikayətçidir.
Bu barədə Bakupost.az –a müraciət edən şəhid qardaşı olan Kiçikağa Əliyev iddia edir ki, Abubəkir İsayev ona, ailəsinə qarşı nalayiq ifadələr işlədib:

“İşləri bitirib, öz kəndimizə qayıdarkən A. İsayev məni saxlatdı. Dedi ki, “hara gedirsən?”, dedim, öz kəndimizə taxıl biçiminə gedirəm. O da getməyimə icazə vermədi. Özü ilə bir neçə adam da gətirmişdi. Onlara dedi ki, bunun əl-ayağını bağlayıb, atın kanala. Mənim özümə, ailəmə söyməyə başladı. Gördüm üstümə cumular, ərazidən qaçdım. Bütün bunları qardaşı, müdirim Həmzə İsayevə dedim. Onun oğlu da mənə zəng edib dedi ki, şikayətçi olsan heç nə sübut edə bilməzsən, şahidin yoxdur. Mən də aidiyyəti orqanlara müraciət etməyi qərara aldım. Polisə şikayət etdim, polis dedi, sübut yoxdu, məhkəməyə müraciət et. Bundan sonra məni ölümlə hədələməyə başladılar. Rayonda icra başçısının qəbulunda da oldum. Dedi, verin məhkəməyə əlimizdə heç bir sübut yoxdur. Sənəd aldıqdan sonra işə baxmaq olar. Sübutu hardan tapım? Sübutum yoxdursa, şəhid qardaşımı söyən şəxs cəzasız qalmalıdır? Prezidentən, aidiyyəti qurumlardan xahiş edirəm, mənim səsimi eşitsinlər. Mən oların təhqirlərini həzm edə bilmirəm…“
Məsələ ilə bağlı Zərdab rayonu, Şahüseynli kəndinin ərazi nümayəndəsi Abubəkir İsayevlə əlaqə saxladıq.
A.İsayev Bakupost.az –a deyilənlərin əsassız olduğunu bildirdi:
“Mən illərlə işləyən adamam. 7 şəhidin abidəsini ucaltmışam. Şəhidlərin qarşısında baş əyirəm. Atam özü Böyük Vətən müharibəsi iştirakçısı olub. Əlil idi, ona baxıb, qulluq etmişəm. Axı, mən necə şəhidi təhqir edə bilərəm?!
O, camaatı aldatdı, taxılı biçmədi. Arpa deyə-deyə buğdanı biçdi. Bir dəfə dedim ki, məsləhət belədir ki, arpa qurtarandan sonra buğda biçilməlidir. Dedi, sabah o əraziyə girəcəyəm. Sabahkı gün oraya getmədi, qaçdı ərazidən.
Əlimizlə işarə etdik, saxlamadı. Qarşıdan gələn texnika işarə edəndə saxladı. Çıxdım, dedim, Kiçikağa, qardaş sən nə edirsən? Neçə gündür işləri atıb getmisən. Elə həmin an kombayna necə qaz verdisə qaldım kombaynın altında. Yarım saata güclə özümə gəlmişəm.
Uşaqlar təklif etdi ki, aktlaşdır ver şöbəyə. Aktlaşdırdım şöbəyə verdim. Amma 2-3 gündən sonra eşitdim ki, şəhid ailəsidir. Qardaşının adından istifadə edir, ona görə məsələnin başını buraxdım - şikayətçi olmadım. Onun şəhid ailəsi olduğunu bilmirdim. Orada mənim ona qarşı heç bir nalayiq ifadəm olmayıb. Şahidlərimiz var.
Həmçinin, məndən Prezident İlham Əliyevə, Mehriban xanım Əliyevaya, Daxili İşlər Nazirliyinə müraciət edib. Araşdırma aparıldı. 7 nəfər şahid var idi. Gəldilər, bir-bir hamısının ifadəsini aldılar”.
Qeyd edək ki, Kiçikağa Əliyev Birinci Qarabağ müharibəsi şəhidi Mail Əliyev Mikayıl oğlunun qardaşıdır. O, 1994-cü ilin yanvar ayının 26-da Füzuli rayonunun Aşağı Əbdürrəhmanlı kəndi uğurunda gedən qeyri-bərabər döyüşdə qəhrəmancasına həlak olaraq Şəhidlik zirvəsinə yüksəlib.
BakuPost

 İctimai Siyasi Proseslər Beynəlxalq Araşdırmalar Mərkəzinin sədri Samir Adgözəlli QHT sektorundakı neqativlərin - əslində isə, hər biri bir cinayət əməli əhəmiyyətində olan faktların İFŞASINI davam etdirir. DİA.AZ S.Adıgözəllinin növbəti açıqlamasını olduğu kimi təqdim edir:

"QHT Agentliyinin 2023 il qrant müsabiqəsi ətrafında apardığım araşdırmaları davam etdirirəm.
Bugün təqdim etdiyim tək bir faktla , keçirilən müsabiqədə boşluqlar, uyğunsuz qərarlar göz önündədir .
"Qaçqın və Deportasiya olunmuşlara" dayaq ictimai birliyi.
Bu təşkilatın həyata keçirəcəyi lahiyənin adı Narkomaniya ilə mübarizə istiqamətində tədbirlərin təşkilidir. Ayrılan qrant vəsaiti isə 7000 manat.
Gəlin diqqət edək qrant ayrılmış təşkilatın adına və həyata keçirəcəyi lahiyəyə...
Göründüyü kimi ictimai birliyin adından da məlum oldugu qədər birliyin fəaliyyət istiqamətləri ilə təqdim etdiyi lahiyə arasinda böyük uyğunsuzluq mövcuddur. Təkcə bu fakt kifayət edirki, QHT agentliyinin lahiyələrin qiymətləndirilməsi istiqamətində hansı nöqsanlara yol verdiyinin şahidi olaq.
Agentlik rəhbərliyi bildirir ki, xüsusi ekspertlər tərəfindən lahiyələr analiz olunaraq, şəffaf qiymətləndirmə həyata kecirilib.
İndi mənə agentlik rəhbərliyi izah etsin görək ki, yuxarida qeyd etdiyim təşkilata hansı meyarlar çərçivəsində qrant ayırıbdir .
QHT agentliyi konkret olaraq 2023 cü il qrant müsabiqəsi ilə bağlı (Heydər Əliyev, Qərbi Azərbaycan və kicik) lahiyələrin ekspertlər tərəfindən qiymətləndirilməsi , müşahidə şurasının üzvləri tərəfindən verilən balları şəffaf şəkildə butun ictimaiyyətə aciqlasinlar .
Müsabiqədə iştirak edən hər bir təşkilat lahiyələrinə verilən rəylər haqqında açıq şəkildə tanış olsunlar.
Vətəndaş cəmiyyətində hər bir fəaliyyət şəffaf və açıq olmalidir.
QHT agentliyi bu şəffaflığı təmin etməkdə bilavasitə borcludur.
Yuxarda adını qeyd etdiyim təskilati yaxından vəya uzaqdan tanımıram. Ola bilər ki, deportasiya və qaçqın məsələlərində bəlli bir təcrübəsi olsun.
Lakin agentlik tərəfindən dəstəklənən, ictimai birliyin fəaliyyət istiqamətlərilə uygunsuzluq təşkil edən lahiyənin ugurla həyata keçirilməsi sual altındadır. Bu məsələdə də yenə məsuliyyət ünvanı QHT Agentliyidir.
Bu günkü təqdim etdiyim araşdırmanın sonunda QHT Agentliyi müşahidə şurasının üzvlərinə müraciət edirəm.
Şuranın sədri Azay Quliyev və icraçı direktor Aygün Əliyeva dönə-dönə bəyan edirlər ki, müsabiqə ilə bagli qərarlar, istiqamətlər üzrə siz müşahidə şurasının üzvləri tərəfindən verilib. Bu məsələyə sizin münasibət bildirməməyiniz ictimaiyyətdə haqlı narahatçılıq yaratmaqdadır".

İddia olunanlarla bağlı olaraq bütün maraqlı tərəfləri dinləməyə hazırıq...

Prezident, Müzəffər Ali Baş Komandan İlham Əliyev cənablarının rəhbərliyi altında aparılan 44 günlük Vətən müharibəsində əldə edilən şanlı qələbədən sonra işğaldan zad olunan torpaqlarımızda tikinti işləri vüsət almaqdadır.

Düşmən tapdağından azad edilən ərazilərimizdə hazırda genişmiqyaslı infrastruktur işləri aparılır.

DİA.AZ Qlobal.az-a istinadla xəbər verir ki, işğaldan azad edilən torpaqlarımızda aparılan tikinti işlərinin bir hissəsini Körpü Bina Tikinti şirkəti aparır.

Lakin Azərbaycanda uzun illərdir tikinti sahəsində fəaliyyət göstərən Körpü Bina Tikinti şirkəti nədənsə Qarabağda inşa etdiyi bəzi obyektləri müasir standartlardan kənar aparır.

Belə ki, sözügedən şirkət konkret olaraq Bərdə-Ağdam magistralı üzrədində inşa edilən yerüstü piyada keçidlərinin inşası zamanı bir çox qüsurlara yol verib.

Məsələn, “Dördyol-1” qəsəbəsində inşa eidlən yerüstü piyada keçidində əlil arabaları üçün hərəkət zolağının düzgün aparılmadığı bildirilir.

Həmçinin bu keçiddə lift də yoxdur.

Beklə olan təqdirdə Qarabağ müharibəsi veteranlarının daha çox yaşadığı qəsəbədə əlillərin bu keçiddən hansı formada istifadə edəcəyi ciddi suallar yaradır.

Digər bir məqam isə inşa edilən yerüstü piyada keçidində havalandırma sisteminin və nəfəsliklərin olmamasıdır.

Yüksək tempraturlu günlərdə uzunluğu 50 metrlik havalanması olmayan piyada keçidində insanların necə hərəkət etmələri də sual yaradan amillərdəndir.

Daha vacib məqam isə bu keçidin tikintisində istifadə olunan əsas materialın – alkopan üzlüklərinin keyfiyyəti ilə bağlıdır. Yanğına davamsızlığına və güclü radioasiya şüalanması yaratdığına görə bir çox inkişaf etmiş ölkələrdə qadağan edilən alkopan materialının bu keçidlərdə istifadə edilməsi görülən digər yaxşı işlərə kölgə salır.

Əldə etdiyimiz məlumatda isə bu örtüklərin Çində istehsal olunduğu, ancaq “türk malı” adı altında keçidlərdə istifadə edildiyi vurğulanır.

Qeyd edək ki, “Körpü-Bina-Tikinti” MMC (“KBT” MMC ) 2001-ci ildə təsis edilib.

Üç yüz min manat nizamnamə kapitalı olan “Körpü-Bina-Tikinti” MMC-nin qanuni təmsilçisi Göyüşov Xaliq Avdıl oğludur.

“Körpü-Bina-Tikinti” MMC-nin tikinti maqnatı Xəlil Göyüşova aid olduğu bildirilir.

Məsələ ilə bağlı “Körpü-Bina-Tikinti” MMC-dən mövqe öyrənə bilmədik.