Rektorun oğlanları Munir və Samir Vəliyev həbs olunacaq...
Təsəvvür edirsiniz, bir müddət əvvəl Qarabağ qazisi polkovnik Şahmurad Məmmədov kredit borcuna görə stress keçirdi və ürəyi partlayaraq dünyasını dəyişdi. Döyüşlərdə ölməyən qazinin ürəyi Əhməd Vəliyevin oğlanlarının və özünün bankının qarşısında partladı.
Belə ki, Şahmurad Məmmədovun Əhməd Vəliyevin ailəsinə məxsus "Muğanbank”a 11 min manat kredit borcu olub. Məhkəmə və bank kredit borcunu Qarabağ qazisinin pensiya kartına yönəldib. Və Şahmurad Məmmədovun kartı bloklanıb. Ailəsinin adicə çörək tələbatını ödəməkdə çətinlik çəkən, pensiya ala bilməyən Qarabağ qazisi bu boyda ədalətsizliyə dayana bilməyərək dünyasını dəyişib.
İndi gəlin görək, “Muğanbank” kimindir..? Hamıya bəlli olduğu kimi “Muğanbank” Odlar Yurdu Universitetinin rektoru Əhməd Vəliyevə məxsusdur. Ortaya sual çıxır ki, rektor kimdir ki, 137,5 milyon manata bank təsis edir..? Bəli, bütün bu pulların hamısı saxta yolla universitetə qəbul olunan tələbələrin valideynlərindən rüşvət kimi alınıb.
Onu da qeyd edək ki, rektor Əhməd Vəliyev həmişə PA-nın sabiq rəhbəri Ramiz Mehdiyevin sağ əli, “kassiri” hesab olunub. Az-çox bank sistemindən başı çıxanlar “Muğanbank”ın səhmdarlar siyahısına baxsa, bankın Əhməd Vəliyevlərin ailə bankı olduğunu görə bilərlər.
İndi gəlin, bir ay öncə mətbuatda yayılan ən son məlumata nəzər salaq: "Əhməd Vəliyev “Muğan Bank”ı övladlarına verdi. "Muğanbank" ASC-yə 2 yeni səhmdar gəldi.. Bunlar, keçmiş deputat, Odlar Yurdu Universitetinin rektoru Əhməd Vəliyevin oğulları - Samir və Munir Vəliyevdir. Onların hər biri Bankda 40% pay əldə etdi, yəni bankın 80 faizi Əhməd Vəliyevin oğlanlarına verildi".
Əhməd Vəliyevin ailə biznesi təkcə “Muğan Bank”la bitmir. Bu millət vəkili, rektor, biznesmen, oliqarx Əhməd Vəliyevin biznesinin sərhədləri Türkiyəyə, Rusiyaya, İngiltərəyə qədər uzanır. Nəhəng oliqarxa çevrilmiş Əhməd Vəliyev və onun oğulları – Samir və Munir Vəliyev geniş ailə biznesi yaradaraq hazırda “JMR” adlandırılan “Jalə-Biznes” MMC, Bülbül prospektində fəaliyyət göstərən “Jalə Plaza”, Odlar Yurdu Universiteti, “Muğanbank” ASC və “Oksigen” klinikasını idarə edirlər. Rektorun oğlu Samir Vəliyev Təhsil Nazirinin Müşaviri olanda ata-bala “diplom biznesi” ilə milyonlar qazandılar.
Məlumat üçün qeyd edək ki, Samir Vəliyev əvvəl Təhsil Nazirinin Müşaviri, sonra peşə təhsili üzrə sektor müdiri, daha sonra Akkreditasiya və Nostrifikasiya İdarəsində rəis səlahiyyətlərini icra edib. Yəni xaricdə təhsil alan şəxslərin diplomlarının tanınması ilə bağlı məsələlərə Samir Vəliyev baxıb və bu yolla milyonlar qazanıb. Təsəvvür edirsiniz, rektor Əhməd Vəliyev oğlunun səlahiyyətlərindən istifadə edərək “Odlar Yurdu”nda xaricdə təhsil alan tələbələr üçün mərkəz yaradıb və saxta diplomların tanınması ilə külli miqdarda pul qazanıb.
Sözün qısası, Əhməd Vəliyevin ailə üzvlərinə, oğlanlarına məxsus olan Londonda, Türkiyədə, Avropanın müxtəlif ölkələrində olan və dəyəri yüz milyonlarla ölçülən mülklərin mənbəyi Korrupsiya Qarşı Mübarizə İdarəsi tərəfindən araşdırılmalıdır.
Redaksiyamıza daxil olan məlumata görə, yaxın zamanda Əhməd Vəliyevin oğlanları Munir və Samir Vəliyevin həbsi gözlənilir. Bizə daxil olan məlumatlarda Əhməd Vəliyev və oğlanları Samir və Munir Vəliyevə məxsus milyardların "Muğan Bank" vasitəsilə necə Azərbaycan - Avropa - Azərbaycan dövriyyəsini edir... Mövzu çox maraqlı və geniş araşdırma tələb etdiyi üçün yaxın zamanlarda Türkiyə müxbirimizin araşdırma yazısını dərc edəcəyik. Bizi izləyin.

gundelik baki.com

Bu yaxınlarda Elm və Təhsil Nazirliyinin rəhbər vəzifəli şəxsləri tərəfindən vətəndaşların qəbulu cədvəli açıqlanıb. (BAX: https://edu.gov.az/az/graphic/page)

“AzPolitika.info” xəbər verir ki, vətəndaş qəbulu cədvəlində nazir, nazir müavinləri, aparat rəhbəri, şöbə müdirləri, agentliklərin idarə heyyətinin üzvləri, eləcə də Elm və Təhsil Nazirliyinin tabeliyindəki Regional Təhsil İdarələrinin qəbul günləri və saatları qeyd olunub.

Qeyd edək ki, sözügedən cədvəldə tabeliyində yüzlərlə ümumtəhsil müəssisəsi olan Regional Təhsil İdarələrinin müdirlərinin vətəndaş qəbulu cədvəli bir xeyli maraq və təəccüb doğurub. Bu cədvəldə 13 regional təhsil idarəsindən yalnız 4-nün (Şərqi Zəngəzur Regional Təhsil İdarəsi, Mil-Muğan Regional Təhsil İdarəsi, Quba-Xaçmaz Regional Təhsil İdarəsi, Dağlıq Şirvan Regional Təhsil İdarəsi) həftədə iki dəfə vətəndaşları qəbul etdiyi məlum olub.

Digər 9 regional təhsil idarəsində (Abşeron-Xızı Regional Təhsil İdarəsi, Bakı Şəhər üzrə Təhsil İdarəsi, Gəncə-Daşkəsən Regional Təhsil İdarəsi, Lənkəran-Astara Regional Təhsil İdarəsi, Mərkəzi Aran Regional Təhsil İdarəsi, Qarabağ Regional Təhsil İdarəsi, Qazax-Tovuz Regional Təhsil İdarəsi, Şəki-Zaqatala Regional Təhsil İdarəsi, Şirvan-Salyan Regional Təhsil İdarəsi) isə vətəndaş qəbulunun həftədə cəmi bir dəfə olmaqla 2- 3 saat müddətində keçirildiyi ortaya çıxıb.

Məlumat üçün qeyd edək ki, Regional Təhsil İdarələri ölkə başçısının müvafiq Sərəncamı ilə rayon və şəhər təhsil şöbələrinin əsasında yaradılıb. 2022-ci ilin 1-ci rübündə müvafiq yerli təhsil şöbə və idarələrin balansındakı dövlət əmlakı Regional Təhsil idarələrinin balansına verilib. Adıçəkilən 13 müəssisə rayonda təhsili idarə edən, regional idarələrin tərkib hissəsi kimi fəaliyyət göstərən qurumlar hesab olunurlar. Bu qurumların yaradılmasında əsas məqsədin sözügedən sahədə vahid idarəçilik siteminə keçid edərək, mərkəzləşmiş şəkildə fəaliyyəti təmin etmək olduğu bildirilirdi.

Həmin vaxt Təhsil naziri Emin Əmrullayev jurnalistlərə açıqlamasında bildirmişdi ki, Regional Təhsil İdarələrinin yaradıldıqdan sonra vətəndaşların müraciətlərinə daha keyfiyyətli şəkildə baxılacaq:”Hər qurumun öz işini düzgün və vaxtında görməsi nəticəsində sistemli və keyfiyyətli təhsil mexanizminə nail ola bilərik. Bu mənada inanıram ki, Regional Təhsil İdarələrinin qurulması yerlərdə vətəndaşların müraciətlərinə keyfiyyətli baxılması, vətəndaşlara xidmət, eyni zamanda da digər yerli məsələlərin həllinə müsbət təsir edəcək”.

Ancaq nazirin qulağa xoş gələn açıqlamaları ilə vətəndaş qəbulu cədvəlindəki məlumatlar arasında ciddi bir qeyri-müəyyənlik var. Çünki ay ərzində təhsil işçilərinə və vətəndaşlara ümumilikdə cəmi 8 saat vaxt ayıran bir qurumun müdiri onların şikayətlərini, üzləşdikləri problemləri hansı səviyyədə həll edə bilər? Burada hansısa “keyfiyyətli” xidmətdən danışmaq mümkündürmü?

Digər tərəfdən, yüzlərlə təhsil müəssisəsinin bir qurumda birləşməsi, təhsil mühitimizin bərbad bir vəziyyətdə olduğu indiki dövrdə saysız-hesabsız vətəndaş müraciəti, şikayəti anlamına gəlir. Belə nəticəyə gəlmək olar ki, həftədə bir dəfə görüş təşkil edən Regional Təhsil İdarələrinin başlıca məqsədi vətəndaşın şikayətini dinləyib, həll etmək yox, sadəcə “yola verib” cari iş həftəsini başa vurmaqdan ibarətdir.

Onu da qeyd edək ki, hazırda 13 Regional Təhsil İdarəsinin tabeliyində ümumilikdə nə az, nə çox düz 4009 ümumtəhsil müəssisəsi fəaliyyət göstərir. Onlardan – Lənkəran-Astara Regional Təhsil İdarəsi tabeliyində ən çox (553) ümumtəhsil müəssisəsi olan qurum olmasına baxmayaraq, həftədə cəmi bir dəfə, 3 saat müdətinə vətəndaş qəbulu keçirir. Ən az ümumtəhsil müəssisəsi isə Abşeron-Xızı Regional Təhsil İdarəsinin tabeliyindədir (99). Burada da qəbul həftədə bir dəfə olmaqla, 2 saat müddətində aparılır.

Bütün Regional Təhsil İdarələrinin tabeliyindəki təhsil müəssisələrini təqdim edirik:

– Abşeron-Xızı Regional Təhsil İdarəsinin – 99 ümumtəhsil müəssisəsi;

– Bakı Şəhər üzrə Təhsil İdarəsi – 312 ümumtəhsil müəssisəsi;

– Dağlıq Şirvan Regional Təhsil İdarəsi – 205 ümumtəhsil müəssisəsi;

– Gəncə-Daşkəsən Regional Təhsil İdarəsi – 248 ümumtəhsil müəssisəsi;

– Lənkəran-Astara Regional Təhsil İdarəsi – 553 ümumtəhsil müəssisəsi;

– Mərkəzi Aran Regional Təhsil İdarəsi – 337 ümumtəhsil müəssisəsi;

– Mil-Muğan Regional Təhsil İdarəsi – 242 ümumtəhsil müəssisəsi;

– Qarabağ Regional Təhsil İdarəsi – 450 ümumtəhsil müəssisəsi;

– Qazax-Tovuz Regional Təhsil İdarəsi – 323 ümumtəhsil müəssisəsi;

– Quba-Xaçmaz Regional Təhsil İdarəsi – 386 ümumtəhsil müəssisəsi;

– Şəki-Zaqatala Regional Təhsil İdarəsi – 362 ümumtəhsil müəssisəsi;

– Şərqi Zəngəzur Regional Təhsil İdarəsi – 303 ümumtəhsil müəssisəsi;

– Şirvan-Salyan Regional Təhsil İdarəsi – 189 ümumtəhsil müəssisəsi;

Bu anlaşılmaz vəziyyətin səbəbini öyrənmək üçün Elm və Təhsil Nazirliyi ilə əlaqə saxladıq. Qurumun mətbuat xidmətindən müraciətimizin qısa zaman ərzində cavablandırlacağı bildirilsə də, yazı hazır olana qədər mövzu ilə bağlı ünvanladığımız suallara cavab gəlmədi.

Bir sıra Regional Təhsil İdarələrinə ünvanladığımız sorğuları isə, ümumiyyətlə, cavablandıracaq şəxs tapılmadı. Belə görünür ki, Elm və Təhsil Nazirliyinin tabeliyindəki Regional Təhsil İdarələri vətəndaş qəbulu ilə yanaşı, media əlaqələrini də bu cədvəl əsasında qurub və yalnız müəyyən edilmiş zaman aralığında xidmət göstərir…

“Azərsu” ASC-nin keçirdiyi tender müsabiqəsinin qalibi “Rapid Services Azerbaijan” MMC olub.

“Azərsu” ASC-nin daxili vəsaiti hesabına müxtəlif markalı hazır beton qarışığının satın alınmasına görə “Rapid Services Azerbaijan” MMC-yə 450 min 184 manat 16 qəpik ödəyəcək.

Nizamnamə kapitalı 10 manat olan “Rapid Services Azerbaijan” MMC-nin hüquqi ünvanı Bakı şəhəri, Xətai rayonu, Xocalı, ev 55, mən.1145, Ağa Center-də yerləşir. MMC-nin qanuni təmsilçisi Nəcəfov Elnur Ələddin oğludur.Yeniavaz.com

"Koroğlu” MMC-nin prezidenti Tahir Əliyevlə bu şirkətdə direktor müavini işləmiş Emin Babaşov arasında məhkəmə çəkişməsi davam edir.

Emin Babaşov Tahir Əliyev və "Koroğlu ” MMC ilə yanaşı, iş adamının digər şirkətləri - "Konfirom” MMC, "Nur Retail” MMC və "Tikilməkdə olan müəssisə” Kiçik Müəssisəsi barəsində də iddia qaldırıb.
İş hazırda apellyasiya mərhələsindədir.

10 oktyabr 2023-cü il tarixdə məhkəmə baxışı iclası keçiriləcək. İşə Bakı Apellyasiya Məhkəməsində hakim Məhəmməd Rüstəmlinin sədrliyi ilə baxılacaq.

Emin Babaşov 2021-ci ilin mart və aprel aylarında o, "Koroğlu” MMC və digər şirkətlərdəki işindən ayrılıb. Direktor müavininin işdən ayrılmasının səbəbi Tahir Əliyevin qanunsuz tapşırıqlarını icra etmək istəməməsi olub.

Bundan başqa, Tahir Əliyevin oğlu Oruc Əliyev Emin Babaşova qarşı fiziki zor tətbiq edib. Emin Babaşovun hüquq-mühafizə orqanlarına müraciətindən sonra faktla bağlı Cinayət Məcəlləsinin 145.2.5-ci (Qanunsuz azadlıqdan məhrum etmə - zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə törədildikdə) maddəsi ilə cinayət işi başlanıb. Qaynarinfo

Ağcabədi sakini "TikTok" sosial şəbəkəsində qızıl alqı-satqısı ilə məşğul olan səhifə idarəçiləri tərəfindən aldadılıb. Onlayn sifariş zamanı vətəndaşdan ilkin ödəniş tələb edən dələduzlar məhsulu çatdırmaq əvəzinə yoxa çıxıblar.

Bu şikayətlə Bizim.Media-ya Ağcabədinin Aşağı Avşar kənd sakini Aytac Səfiyeva müraciət edib.

“Qayınatam “TikTok” sosial şəbəkəsində kreditlə qızıl satan bir səhifə tapmışdı. Biz də baxdıq və sifariş üçün mesaj yazdıq. Üç gündən sonra bizə cavab yazdılar.

Zənglərə Lalə və İlqar adlı şəxslər cavab verirdi. 1335 manat məbləğində kordinal boyunbağı sifariş etdik. Bildirdilər ki, ilkin ödənişi 185 manat, aylıq ödəniş isə 95 manatdır.

Qayınatamın şəxsiyyət vəsiqəsini və iki əlavə əlaqə nömrəsi istədilər, verdik. Ödənişi etmək üçün kart nömrəsi istədik, dedilər yoxdur. Qayınatamın adı ilə mənim nömrəmə “mpay” açıblar. Mənim də bu proqramdan başım çıxmır.

Dedilər MilliÖn aparatından “mpay” vasitəsilə ödənişi edin. Mən də 185 manat pulu həmin üsulla ödəniş etdim. Pulu ödəyəndən sonra bildirdilər ki, səhər poçt vasitəsilə qızılı götürə bilərsiz.

Səhər saat 12-də müraciət etdik. Telefonu açmadılar. Bu dəfə başqa əlaqə nömrəsi ilə yığdıq, deyəndə ki, niyə cavab vermirsiz zəngimizi əngəllədi. Daha sonra anam öz nömrəsi ilə yığdı, ona isə saat 5-i vəd etdilər. Vaxt çatanda anamın da nömrəsini bloka atdılar. Çarəsiz qalıb tamam yad bir nömrədən yığdım, mənə dedilər ki, qızıl da, pul da yoxdur.

Həmin səhifə ünvan olaraq Əhməd Rəcəbli 123-ü qeyd ediblər. Guya onlar o ünvanda fəaliyyət göstərirlər. Amma biz demişdilər ki, ofisləri Xalqlar Dostluğu metrostansiyası yaxınlığındadır. Yenidən başqa nömrə ilə Lalə xanıma yığdım. Telefonda onun zarıyan səsi gəlirdi. Elə anladıq ki, onlar narkomandır”.

Aytac Səfiyevanın sözlərinə görə aldadıldığı ilə bağlı Ağcabədi Rayon Polis Şöbəsinə müraciət edib. Şöbədən ona bildirilib ki, sosial şəbəkələrdə qızıl alqı-satqısı ilə insanları aldadan 3 dəstə aşkar edilib və onların saxlanılması ilə bağlı əməliyyat aparılır. Bu məsələ ilə bağlı da araşdırma başlayıb.

Bizim.Media

İqtisadiyyat Nazirliyi yanında Dövlət Vergi Xidmətinin aparatına daxil olan qurumların sayı 21-dən 24-ə çatdırılıb.

Bu barədə Dövlət Vergi Xidmətinə istinadən xəbər verir.

Yeni struktura görə, DVX-nin aparatına Vergi risklərinin idarə edilməsi baş idarəsi, Vergi ödəyicilərinin qeydiyyatı və uçotu baş idarəsi, Vergi ombudsmanı xidməti baş idarəsi əlavə edilib.

Həmçinin aparata daxil olan İqtisadi təhlil və uçota nəzarət baş idarəsi İqtisadi təhlil və proqnozların icrasına nəzarət baş idarəsinə, Maliyyə baş idarəsi Maliyyə monitorinqi şöbəsinə, Protokol bölməsi isə Protokol şöbəsinə çevrilib.

Bundan başqa, Dövlət Vergi Xidmətinin strukturuna daxil olan qurumların sayı kəskin artırılaraq 9-dan 29-a yüksəldilib. Xidmətin strukturundakı 2 qurum ləğv edilib, 22 yeni qurum yaradılıb.

Dövlət Vergi Xidmətinin strukturunda yaradılan yeni qurumlar 2 saylı Ərazi Vergilər Baş İdarəsi, 3 saylı Ərazi Vergilər İdarəsi, 4 saylı Ərazi Vergilər İdarəsi, 5 saylı Ərazi Vergilər İdarəsi, 6 saylı Ərazi Vergilər Baş İdarəsi, 8 saylı Ərazi Vergilər İdarəsi, 9 saylı Ərazi Vergilər İdarəsi, 10 saylı Ərazi Vergilər İdarəsi, 11 saylı Ərazi Vergilər Baş İdarəsi, 12 saylı Ərazi Vergilər Baş İdarəsi, 13 saylı Ərazi Vergilər İdarəsi, 14 saylı Ərazi Vergilər İdarəsi, Ağdam Rayon Vergilər Şöbəsi, Cəbrayıl Rayon Vergilər Şöbəsi, Zəngilan Rayon Vergilər Şöbəsi, Qubadlı Rayon Vergilər Şöbəsi, Kəlbəcər Rayon Vergilər Şöbəsi, Laçın Rayon Vergilər Şöbəsi, Füzuli Rayon Vergilər Şöbəsi, Şuşa Rayon Vergilər Şöbəsi, Xocalı Rayon Vergilər Şöbəsi, Xocavənd Rayon Vergilər Şöbəsidir.

Vergi Xidməti strukturundakı Ərazi vergilər baş idarələri və idarələri, Rayon vergilər şöbələri isə ləğv edilib.

Azərbaycan Respublikası Prezidentinin köməkçisi − Azərbaycan Respublikası Prezidentinin Administrasiyasının Dövlət nəzarəti məsələləri şöbəsinin müdiri, 1-ci dərəcə dövlət müşaviri Kərəm Həsənovun adı son günlər bir sıra qalmaqallarda hallanmaqdadır.

Bu barədə DİA.AZ-a hökumətdəki mötəbər mənbə informasiya verib və xəbəri verən qaynaq iddia edir ki, məhz köhnə eşalonun soin qalığı kimni görəvini və iqtidardaxili mövqelərini qorumaqda olan Kərəm Həsənova yaxın günlərdə birdəfəlik "əlvida" deyiləcək.

Mənbənin iddia etdikləri: "Yaxın günlərdə Kərəm Həsənov vəzifədən alınacaq. Bu, həm də o deməkdir ki, 30-dan artıq nüfuzlu vəzifə sahibi - hansıklar ki hələ də Kərəm Həsənovun himayəsi altındadırlar - onların da sonu yaxınlaşır".

Mənbə iddia edir ki, eyni zamanda Kərəm Həsənovun deputat qardaşı Malik Həsənovun da növbəti seçkilərdə mandat almayacağı qətiləşib. Xatırladaq ki, bu barədə bir neçə gün əvvəl yerli KİV-də səslənən iddialarda da eyni fikir yürüdülürdü və qeyd olunurdu ki, gözlənilən növbədənkənar seçkilərdə Malik Həsənovun yenidən mandat alacağı gözlənilmir.

DİA.AZ bildirir ki, Kərəm Əvəz oğlu Həsənov 2 avqust 1969-cu il tarixindəı Cəlilabad rayonuda anadan olub və bu səbəbdən onun kadrlarının demək olar ki, hamısı eyni rayondan və az qala eyni kənddəndir...

Əlavə bilgilərimiz olacaq. İddia olunanlarla bağlı olaraü bütün maraqlı tərəfləri dinləməyə hazırıq...

Yasamal rayonunda - 20 Yanvar metrosundan bir qədər yuxarıda, "2-ci Alatava" deyilən yerdə yerləşən bu tikilinin qarşısından keçəndə, nədənsə özümü məşhur Əfqanıstan əsilli yazıçı Xalid Hüseyninin "Çərpələng uçuran" adlı romanında hiss edirəm. Düşünürəm ki, illər sonra ölkəmə qayıtmışam və indi müharibənin gətirdiyi fəlakətlərin tablosu ilə üz-üzəyəm. Bu binanın yerləşdiyi yer isə əvvəlcə "Şurəvi"lərin, daha sonra isə Talibanın bombaladığı yaşayış binalarından biridir. Daha sonra bu düşüncədən ayrılıram və anlayıram ki, bəli, biz də əfqan xalqı kimi müharibə aparmış, çoxlu itkilər vermiş bir ölkəyik. Ancaq əfqanlardan fərqli olaraq, biz bu müharibədən qalib çıxmışıq axı. Yaxşı, elə isə bu bina nədir belə? Nəyə görə qalib bir xalqın, müzəffər bir ölkənin sakinləri hələ də üzərində "döyüş izləri" daşıyan bu binada yaşayırlar? Onlar kiminlə, hansı ordu ilə döyüşüb, belə "ayaqüstə" qala biliblər?
Binanı müşahidə edərkən, Əfqanıstandan Azərbaycana qayıtdım. İki ölkə arasında dağlar qədər fərq olsa da, bənzərlikləri də yox deyildi. Məsələn, Əfqanıstanı xaricdən gələn işğalçılar o kökə salmışdılar, daxildə etnik və dini parçalanma yaradıb, vətəndaş müharibəsi çıxarmışdılar. Daha sonra da "yeyin, bir-birinizi" deyib, çıxıb getmişdilər. Azərbaycanda isə bunu adətən yerli icra hakimiyyətləri edir. Yasamal İcra Hakimiyyəti salınan hər qapının, tikilən hər obyektin qoxusunu az qala, elə Əfqanıstandan alsın. Ancaq bu binadan "xəbərləri yoxdur". Məsələn, bu binanın fotoda da göründüyü kimi aşağı mərtəbəsində yeni tikilmiş aptek, onun yanında da bir təndirxana və paltar mağazası fəaliyyət göstərir. Bu sıra aşağıdan sola doğru getdikcə uzanır və sıra ilə açılan obyektlər elə sıra ilə də kasıblaşır. Altında yeni tikilmiş və ya təmir olunub istifadəyə verilmiş obyektlər varkən, yuxarıda içindəki insanlarla birgə çürüməyə tərk edilmiş beşmərtəbəli yaşayış binası görürük. Fonda isə hündürmərtəbəli, yeni tikilən, inşaat halında olan göydələnlər görünür.

...Əvvəl düşündüm ki, görəsən, bu qədər yeni tikilinin arasında belə bir çirkin görüntünün yaranmasına necə icazə verilib? Necə olur ki, əlil birinin öz evinə qapı qoymasına qətiyyətlə dirənib, buna imkan verməmək üçün hər yola, hər varianta əl atan icra hakimiyyəti bu boyda binanın hər gün dağılıb getməsinə, içindəki sakinləri ilə birgə çürüməsinə göz yumur?

Daha sonra öz sualıma elə özüm də bir cavab tapdım. Deməli, "göz yummaq" adlı bir "uzaqgörən" strategiya var. Məsələn, yaşadığın bina eynilə bu şəkildədir və dağılıb gedir. Onu heç kim görməyəcək. Ta ki, sən o binada yerləşən evində balkonu təmir edənə, yaxud o binanın birinci mərtəbəsində özünə obyekt açana qədər. Bu vaxt görəcəksən ki, qarnı özünü qabaqlayan bir icra nümayəndəsi təşvişlə maşından aşağı düşür və qaçaraq yanına gəlib, səndən icazə kağızının olub-olmadığını soruşur. Sən də deyirsən ki, yoxdur. Bu, sadəcə fraqmentdir. Film elə bundan sonra başlayır. "Mumiya" filmindəki çürümüş bədheybəti xatırladan o boyda bina qalır bir kənarda, bütün qayda-qanun sənin təmir etmək istədiyin yoxa çıxmış balkonunda, yaxud kiçik ticarət obyektinin başında cəmləşir. Heç kim o binanın altındakı obyektlərin hansı qanuni əsaslarla tikilməsini, fəaliyyətini sorğulamayacaq, hətta onları görməyəcək də. Ta ki sən bu adamları "görənə" kimi...

Ötən günün axşam saatlarında bəzi rayonlarda beş bal gücündə zəlzələ baş verdi. Xoşbəxtlikdən dağıntı və tələfat olmadı. Bəlkə də bu zəlzələ Bakının "Taliban"ına - Yasamal İcra Hakimiyyətinə bir siqnal idi. Maraqlıdır, o zəlzələdən biri də Bakıda olsa, bu və bunun kimi binaların aqibəti necə olacaq?

Ev adı altında tikilib satılan hündürmərtəbəli və ya darvazalı "məzarlıq"da sağ qalsaq, nəticəni görəcəyik...
Bizimyol.info

Ötün gün Beyləqan rayon Fəxrəddin Quliyev adına Eyvazallar kənd tam orta məktəbin drektoru Günel Cavadlının əri Rüfət Ələkbərlinin uzun müddət axtarışda olmasından sonra həbs edilməsi barədə məlumat vermişdik.
Qeyd etmişdik ki, hələ bir müddət əvvəl Rüfət Ələkbərliyə qarşı Qarabağ qazisinə 28.000(iyirmi səkkiz min) manatlıq dələduzluq etməsi faktına görə Azərbaycan Respublikası CM-nin 178.2.4 və 342-ci (hərbi hissəni özbaşına tərk etmə)maddələri ilə barəsində cinayət işi açılaraq, həbsli axtarış verilmişdir. RealMedia.az olaraq xatırladaq ki, Rüfət Ələkbərlinin barəsində açılmış cinayət işi ilə bağlı əvvəlki illərdə ictimaiyyətə məlumat vermişik.
Əgər xatırlayırsınızsa, bir neçə ay əvvəl məktəb direktoru Günel Cavadlının özünün qanunsuz əməlləri barədə redaksiyamıza verilən məlumatlar əsasında “Əri dələduzluqla həbs edilən məktəb direktoru şəhidlərin fotolarını alver predmetinə çevirib” başlıqlı yazı da dərc etmişdik. Həmin vaxt redaksiyamıza daxil olan məlumatlarda Beyləqan rayon F.Quliyev adına Eyvazallar kənd tam orta məktəbin drektoru Günel Cavadlının məktəbdə şagirdlərə 44 günlük Vətən müharibəsi şəhidlərinin fotolarını satdığı vurğulanırdı.
İddialara görə, Günel Cavadlı Beyləqan şəhidlərinin fotolarını xüsusi çərçivəyə saldırmaqla, bayraqla birlikdə 20 (iyirmi), bayrağsız isə 19 (on doqquz) manata şagirdlərə satırmış. Bu iyrənc alverin təşəbbüskarı və “ideya müəllifi” xanım direktorun özünün olduğu da bildirilirdi.
Yəqin ki, xanım direktor bu yolla pul yığaraq ərini dəmir barmqalıqlar arxasından qorumağa, həbsxanaya düşməkdən xilas etməyə çalışırmış. Hər halda da Günel xanım ərinin 28.000 min manat dələduzluq əməlindən xəbərsiz olmayıb. Yəqin etmək olar ki, onlar həmin pulu bir yerdə “səmərəli yerə” xərcləyiblər də.
Bu dəfə də RealMedia.az-a olduğca maraqlı və ilginc məlumatlar daxil olub. Nədir o maraqlı və ilginc olan məlumatlar?…
Bildirilir ki, Günel Cavadlı direktor təyin edilərkən Elm və Təhsil nazirliyini və Mil-Muğan Regional Təhsil İdarəsini də “məharətlə” aldadıb.
Sən demə, Günel Cavadlı əri Rüfət Ələkbərli barəsində 28.000(iyirmi səkkiz min) manatlıq dələduzluq etməsi faktına görə Azərbaycan Respublikası CM-nin 178.2.4 və 342-ci (hərbi hissəni özbaşına tərk etmə)maddələri ilə açılmış cinayət işini gizlədib. O bu barədə aidiyyəti qurumlara (Elm və təhsil nazirlyinə, Mil-Muğan Regional Təhisl idarəsinə) doğru, dürüst məlumat verməyib.
Məlumdur ki, əvvəllər-sovet dövründə də elə indinin özündə də hansısa bir şəxs (və ya şəxslər) rəhbər vəzifəyə təyin olunmazdan əvvəl işə götürən qurum və nazirlik həmin şəxsin özünün, eləcə də ailə üzvlərinin barəsində məhkumluğun olub olmamasını, barələrində cinayət işi üzrə istintaq hərəkətlərinin gedib getmədiyini araşdırdıqdan sonra həmin şəxsi vəzifəyə təyin edir. Ola bilsin ki, bu barədə vəzifəyə gedən şəxsin özü “şəxsi delo”suna ləkə düşməsin deyə, özü və ailə üzvlərinin məhkumluğunu və barəsindəki mövcud cinayət işini gizlətsin. Bəs yaxşı, işə götürən qurumun özü niyə aidiyyəti qurumlara soğru verib zəruri sənədləri ədə etmir? Ən azından Elm və Təhsil nazirliyi işə qəbul edib (müsabiqə yolu ilə və yaxud müsabiqədən kənar müqavilə əsasında) götürdüyü şəxsin ailə üzvlərinin məhkumluğunu və ya onların üzərində cinayət işinin olub olmadığını Azərbaycan Respublikası Daxili İşlər Nazirliyinin Baş Əməliyyat və Statistik İnformasiya İdarəsinə sorğu verməklə öyrənə bilər. Ən azından Elm və Təhsil nazirliyi işə qəbul etdiyi (direktor) şəxsin özünün barəsində təqdim etdiyi siyahıya DİN arayışını, yəni özünün və ailə üzvlərinin məhkumluğunun olub olmamasını təsdiq edən araşıyı da əlavə etsə yaxşı olar. Artıq bundan keçib.
Bəs yaxşı, bundan sonra Elm və Təhsil Naziri Emin Əmrullayev hansı addımı atacaq? Əri həbs olunan, özü isə məktəbdə şəhidlərimizin şəkillərini alver peridmentinə çevirən məktəb direktorunu işdə çıxaracaq, yoxsa daha yüksək vəzifəyə təyin edəcək? Əldə etdiyimiz məlumata görə, Günel xanım Mil-Muğan Regional Təhsil İdarəsinə yüksək vəzifəyə getmək ərəfəsindədir.
RealMedia.az-a verilən məlumatlara görə, 28.000 min manat dələduzluq faktına görə həbs olunan Rüfət Ələkbərli həmin pulu məhz həyat yoldaşının dirketor olması üçün ortalıqda xərcləyib.

Qarşı tərəfin mövqeyini dinləməyə və dərc etməyə hazırıq. //RealMedia.az//

Fövqəladə Hallar Nazirliyinin Bakı Regional Mərkəzinin rəis müavini, general-mayor Kamil Əlibala oğlu Bağırov təqaüdə göndərilib.

Bu barədə fövqəladə hallar naziri, general-polkovnik Kəmaləddin Heydərov əmr imzalayıb.

Nazirin digər əmri ilə daxili xidmət mayoru Məmmədzadə Vüsal Nazim oğlu Bakı Regional Mərkəzinin rəis müavini təyin edilib.Qaynarinfo