“Üç aydır ki, dayımoğlu ilə birgə səhər tezdən axşama qədər üç istixanada çalışırıq. Günə 15-20 manatdan hesablayanda, 10 min şitilə çəkdiyimiz xərci və üç ay da dolanışıq xərci ilə birgə 20 min ziyan etmişik. Ağır xəstəm var, tək ümidimiz bura idi. Gəlir yox, bunlar da çörəyimizə bais olur, özləri qazanır. Pomidor şitilini Kürdəxanıdan gətirmişdik. İndi deyirik ki, gəlin baxın. Deyirlər, yetişdirə biməmisiniz, biz nə edək? Axı tək biz deyilik, eyni toxum hər kənddə keyfiyyətsiz çıxıb”.

Göyçayın Mırtı kənd sakini, 28 yaşlı Elcan Əliyev Meydan TV-yə belə deyir.

O, 10 yaşından istixana əkdiyini, ailənin dolanışığını bununla təmin etdiyini bildirir.

Dediyinə görə, yaxın qohumu Elməddin İsayevlə birlikdə əkdiyi 10 min “Fantastina” adlı pomidor şitilinin keyfiyyətsiz çıxması onların əziyyətini və çəkdiyi xərci puç edib.

Əlavə əkdiyi “Motril” hibrid toxumundan alınan şitillər isə normal məhsul verib.

“Keyfiyyətsiz toxumla əkini məhv etdilər”

Həmkəndlisi Samir İsayev də 10 min manat ziyan edənlərdəndir. O, bu il eyni toxum pomidor şitilindən 5 min ədəd əkib və əkdiyinə də, çəkdiyi zəhmətə də peşmandır:

“Hər il eyni toxum şitilini əkirdim və keyfiyyətin bildiyimdən “Fantastina” toxumu sifariş verdim. İki ay yarım əziyyət, zülm çək və indi iki istixanada iki metrəlik yaşıl pomidor ağacı, yarpaqları var, üstündə məhsul yox. 100 ağacın üstündə 10 kiloqram məhsul belə yoxdur. Ötən il bu vaxt satışa başlayırdım, indi isə çıxarıb çölə tökürəm. 5 minə 1600 manat, 2000 manat da pestisid və gübrələrinə pul ödəməliyəm, ancaq keyfiyyətsiz toxumla əkini məhv etdilər. Vasitəçi şəxslərə deyirik, amma məsuliyyətdən yayınıb günahı bizim boynumuza atırlar”.

“Sahibkarlar həm cibimizə girir, həm də zəhmətimizi puç edirlər”

Payızlıq əkin üçün minlərlə eyni pomidor şitili sifarişini verən Ləkçıplaq kənd sakinləri də eyni problemlə üzləşiblər. Onlar deyirlər ki, külli miqdarda ziyan dəyməklə yanaşı, 40-50 dərəcə istidə çəkdikləri “cəhənnəm əzabı” da hədər gedib.

Əkdiyi 4 min pomidor şitilinin məhsul vermədiyini deyən Elnur Həmidov artıq bir neçə gündür ki, borcunu ödəmək üçün Bakıda fəhləliyə başlayıb.

Deyir ki, keyfiyyətsiz toxumlardan alınan şitillərdən təkrar götürülmə toxumlar “Kürdəxanı Şitil” MMC adlı mərkəzdə yetişdirilir və hibrid toxum adı ilə hər mövsümdə kəndlilərə satılır. Kəndlilərin isə bu maxinasiyadan xəbəri olmur və nəticədə belə xoşagəlməz hal yaşanır:

“4 min şitili Qarağıdır kəndindən Azər adlı şəxsdən aldım. O da Kürdəxanıdan gətirir və kəndlilərə satır. Deyirik ki, vəziyyət budur. Deyir, narahat olmayın, hava sərinləsin, düzələcək. Üstündə məhsul yoxdur nə düzələcək? İki dəfə məhsul yığmışam. Dörd qutu məhsul satmışam, özü də 40 qəpiyə. İndi gəl dolan. 1300 manat həmin şəxsə tək şitil pulu ödəmişəm. Ümumilikdə 4 min manat ziyana düşmüşəm. Hesablamışdım ki, bu payız 9 min qazanacağam, 4-5 ayımın dolanışığı üçün yetərli idi, amma nəticə acınacaqlı oldu. Bu gedişlə heç 1000 manat pul çıxmaz. Köhnə, keyfiyyətsiz toxuma görə əziyyət də, xərc də batıb”.

“Kəndi tərk edib Bakıya fəhləliyə gəlmişəm ki, borcları verim. Bu “Fantastina” hibrid toxumu deyil, bəlli olmayan köhnə sortdur. Etibarlı adamlar deyir ki, həmin bu toxumlar kəndlərdə ev şəraitində götürülür və sonra sahibkarlar aparıb Kürdəxanıya təhvil verirlər. Onlar da həmin ucuz toxumları yetişdirib hibrid sort adı ilə yenidən sifarişçilərə satırlar. Çox qazanc üçün sahibkarlar həm cibimizə girir, həm də zəhmətimizi heç edirlər”, – belə deyir Elnur Həmidov.

“Ağacların yarpaqları coddur, bilinir ki, köhnə sortdur”

Kəndin digər sakini Ülvi Cəlilov isə 2200 pomidor şitili yetişdirib. Üstəlik, qardaşı ilə birgə digər qohum, qonşular 30 minə yaxın pomidor şitili əkib, amma məhsul yoxdur:

“Bir pomidor ağacından 6-7 salxım saxlamışam ki, üstündə ən yaxşı halda 4-5 ədəd pomidor olur. Yaxşı sort kimi “Fantastina”nı məsləhət bildilər. Hamımıza Bakıdan gətirildi. İndi zəng edib deyirik ki, bu nə şitillərdi, ağac inkişaf edib üstündə məhsul yoxdur? Deyirlər ki, torpağınızda problem var. Hər il payızda “Fantastina” sortu əkmişəm, normal da məhsulu olub. Ötən illərə qədər bir ağacından 4-5 kq məhsul götürürdüm, indi 2200 şitildən 50 kq məhsul satmamışam. Torpaq hər il yetişdirirdi, bu il yetişdirmədi? 640 manat şitilin özünün pulu, dərmanına 500 manat, gübrə və pestisidlərlə birgə üç min öz xərcidir”.

“Planlayırdım ki, rahat 6-7 min pul götürəcəyəm. Heç 500 manat qazancım olmayacaq. İndi də satış qiyməti də 60-70 qəpikdir. Ötən il də başımıza belə bir hadisə gəlmişdi. Onda 800 şitilim yanmışdı, əvəzinə onu verən şirkət yerinə yenisini verdi. “Fantastina”nı kim əkibsə, hamısında eyni problemdir. Elə təsərrüfat var ki, ağaclar da quruyur. On nəfər qonşum da əkib, biri bezib söküb, digərləri əlacsız gözləyir. Ağacların yarpaqları coddur, bilinir ki, köhnə sortdur. Əslində, hibrid toxumlar yumşaq olmalıdır”, – deyə o qeyd edib.

“35 qəpiyə alınan şitil 2 manata başa gəlir”

Ülvinin qardaşı Nurlan Cəlilov da Meydan TV-yə deyir ki, o, sadəcə, vasitəçilik edərək 30 minə yaxın şitili gətirib qohumları ilə birgə əkib.

İndi özü də, qohumları da məhsul üzünə həsrət qalıb:

“Şirkətə demişik ki, bu sortda əvvəl bir ağacdan 50-60 dənə pomidor götürmüşük, indi 5-6 dənə pomidor ola, ya olmaya. Gəlib baxış keçirməlidirlər, gözləyirik. Kəndimizdə 200 min şitil bu gündədir. Bu il rayona 500 min şitil gətirmişdilər, çox ziyan dəyib. 35 qəpiyə alınan şitil 2 manata başa gəlir. 8-9 min ziyandayam. Ötən il 20 min şitilim yandı, amma əvəzinə 4 min şitil verdilər, yəni qismən ödədilər. İndi isə şirkət başqadır və yaxın durmur”.

“Gəlib yoxlasınlar, bizə dəyən ziyanı ödəsinlər”

Elnur İsmayılov adlı kənd sakini də 10 min ziyan edənlərdəndir. Deyir ki, kəndin onlar olan istiqamətində 20 nəfərə 100 min şitil əkiblər. Elə hər şitilin minumum xərci bir manatdan hesablayanda onlara toplam 100 min manat ziyan dəyib:

“Fantastina” adı ilə satıblar, amma götürülmə toxum çıxıb. Kəndimizdən Elçin adlı şəxs gətirib, təşkilatçıdır. Kimin gətirməyindən asılı olmayaraq Kürdəxanıdan götürürlər. Bankdan 4 min manat pul götürüb ödəmişəm, düzəlməyib, inəyimi satmışam. Dərmanı, gübrəsi, qulluğu, suyu, əkini, becərməsi, fəhlə pulu nisyə olmur. Gəlib yoxlasınlar, bizə dəyən ziyan ödənilsin. Şikayətçiyik”.

“Dəyən ziyan ödənilməyəcək”

Şikayətçilərin daha çox adını hallandırdığı təşkilatçı sahibkar Azər Xudaverdiyev isə bu işdə müştərək 10-a yaxın təşkilatçı ilə birgə çalışdığını deyir.

O, Kürdəxanıdan kəndlilərə gətirdiyi üç minə yaxın şitilin məhsul verməməsini isti hava və uyğunsuz torpaq şəraiti ilə əlaqələndirir.

Götürülmə toxumla bağlı ittihamları qəbul etməyən sahibkar deyir ki, kəndlilərə dəyən ziyan ödənilməyəcək:

“Bu toxumlar üçün istixanalarda maksimum 35 dərəcə isti olmalıdır, ancaq istixanada o anomal istilərdə 60-70 dərəcə isti olub. Ona görə də məhsul olmayıb. Çünki istidə çiçək mayalana bilmir. Elə hibrid toxumlar var istiyə dözümü var, elə toxumlar var ki, dözmür. “Fantastina” belə toxumdandır, çiçəyində mayalanma getməyib. Anomallıq da odur ki, iri gövdə kütləsi var, ancaq məhsulu yox. Hibrid toxumlardan əkilən şitillərin toxumundan götürməni şirkətlərə versən, almaz. Götürülmə toxumları almırlar, bu ittiham yalandır. Dəyən ziyanla bağlı heç bir tədbirimiz yoxdur, çünki 70 dərəcə isti ilə nə edə bilərik? Kənd təsərrüfatına ümumiyyətlə təminat yoxdur. Kəndlilərin şikayətini Kürdəxanıya da dedik. Dedilər ki, anomal istilərlə bağlıdır. Heç kim dəyən ziyanı ödəməyəcək. Biz kəndlilərə həmişə deyirik ki, yaylıq əkini ləğv edin. Digər toxumlarda da bu hal yaşanıb, “Fantastina”da daha çoxdur. Yəni bitkinin xüsusiyyətindən asılıdır, bioloqlar, aqronomlar bilər”.

“Kürdəxanı Şitil” MMC-dən isə əvvəlcə bildiriblər ki, problemdən məlumatlıdırlar.

Daha sonra isə deyiblər ki, onlara heç bir şikayət daxil olmayıb: “Bizə heç kim bu faktla bağlı müraciət etməyib. Şikayət varsa, hüquq var, gedib şikayətlərini bildirsinlər”.

“Kürdəxanıdan gələn şitillərdən bir xəstəlik müşahidə etdim”

Sahibkar, aqronom Şahin Yaqubov isə illərdir ki, bu sahədə təcrübəli mütəxəssis kimi çalışdığını deyir.

Onun sözlərinə görə, bu fakt ya toxumun keyfiyyətsizliyi, ya da düzgün aqrotexniki qaydanın olmaması üçün əsas ola bilər:

“Fantastina” toxumu bu il tez bitdi, ehtiyat az idi. Kürdəxanı bilmədim öncə alıb ehtiyatını qoymuşdu, yoxsa əldən götürmədən istifadə etmişdi – bunu dəqiq bilmirəm, yalandan ittiham edə bilmərəm. Toxumun saxtası da ola bilər, ancaq bunun üstü açılır, çünki onlarda virus aşkarlanır. Virus olmasa belə, məhsulu qeyri-standart olur və çəki normalda az olur. Kürdəxanıdan gələn şitillərdə bir xəstəlik müşahidə etdim. Bu, bakterial ləkə xəstəliyi idi, gövdəsində olur. Əgər şitilin boyu iki metr qalxıb, gövdəsi yoğun və üzərində məhsul yoxdursa, adətən, orada azot gübrəsi və peyindən çox istifadə edilir. Belə olanda da bitki məhsul verməyəcək. Yəni ot bitkisi kimi böyüyür, məhsul vermir. Tutan salxımlar da sentyabrda sərin havada az da olsa, tutacaq. Onda da gərək şitilin baş hissəsi vurulsun”.

“Fantastina” toxumundan alınan şitil çox isti hava şəraitini götürmür, 35 dərəcədən sonra bitkinin inkişaf prosesləri pozulur. Əkinçilər kölgələndiricilərdən istifadə etməlidir. Əkinçilər həm də payızda da yazlıq şitil istəyir. Şitilin boyuna görə yetişdirildiyi qabı da uyğun olmalıdır. 150-lik qabda hündür şitil normal deyil. Boy almaq və yoğunlatmaq üçün şirkətlərdə dərmanlardan istifadə olunur. Bu zaman kök sıradan çıxır. Gövdəyə görə kök olmalıdır. Torf məhsullarında qida olmur. Odur ki, əkiləndə kök sala bilmir. Payız şitilləri bir aylıq yox, 20-25 günlük gəlməlidir”, – deyə o qeyd edib.

“Oliqarxlar kəndliləri bu sahədən sıxışdırıb çıxarır”

Aqrar məsələlər üzrə mütəxəssis Vahid Məhərrəmov deyir ki, sahibkarların çoxu kəndlilərin məlumatsızlığından istifadə edir.

Ekspert deyir ki, ölkədə digər sahələrdə olduğu kimi toxumçuluq və əkin sahəsində də monopoliya ciddi əngəldir:

“Bu cür kütləvi ziyanlar kəndlini pomidor istehsalı biznesindən kənarlaşdırmağa hesablana bilər. Toxum məsələsi də monopoliyaya alınıb. Əgər hibrid toxumdan qaynaqlanırsa, bu hal şirkətin problemidir. Oliqarxlar kəndliləri bu sahədən sıxışdırıb çıxarır. Keyfiyyətsiz toxumu kəndliyə satıb onu kütləvi ziyana salmaqda bu məqsəd də ola bilər. 2020-ci ildə kəndlilər 40 milyon dollar ziyana məruz qaldı, əksinə məmurlar qazanc əldə etdi. Ölkənin tələbatı, istehsal olunan məhsuldan azdır. Rusiyada ötən ilə nisbətən pomidor ixracını azaldıb, yavaş-yavaş daxili istehsal hesabına ödəyir”.

“Yüksək vəzifəli məmurlar da iri məbləğdə pomidor istehsalına pul xərcləyir deyə daxili bazarı tam ələ keçirmək istəyirlər. Qışda, yazda Türkiyədən iki dəfə baha məhsul satırlar. Gəlirli sahə olduğu üçün kəndliləri hissə-hissə müəyyən üsullarla sıradan çıxarırlar. Bu zərər də bu üsullardan biri ola bilər. Məsələn, Şəmkirin Düyərli kəndində çox az sayda kəndli pomidor istehsalı ilə məşğul olur, çünki kəndin kəndliləri borc içindədir. Borc içində qalan kəndlinin də növbəti əkinə nə pulu, nə də marağı olur”, – Vahid Məhərrəmli qeyd edib.

“Ciddi müqavilə olmalıdır”

Mütəxəssis indiki halda ciddi problem kimi kəndlilərin sığorta və müqaviləsinin olmadığını əsas gətirir.

O, çıxış yolunu problemi məhkəmədə mühahisələndirməkdə görür.

Bundan əlavə, ekspert ölkədə peşəkar aqronom və hüquqşünas çatışmazlığı probleminin olduğunu da vurğulayır:

“Bu məsələdə ziyana məruz qalanların peşəkar aqronomu, hüquqşünası olmalıdır. Araşdırılmalıdır ki, düzgün aqrotexniki qulluq edilməyibsə, kəndlilər haqsızdır, yox əgər qulluq edib yaxşı nəticə əldə etməyiblərsə, haqlıdırlar. Təəssüf ki, Azərbaycan şəraitində bu elə də asan deyil, çünki bu sahəni peşəkar bilən mütəxəssislər, şərait yoxdur. Yüksək səviyyəli mütəxəssis orada çiçəklənmə, mayalanma prosesini araşdırıb tapmalı, bilməlidir. Müasir laboratoriya şəraitində çiçəklənmə getmədiyini, tozlanma baş vermədiyini, meyvə əmələ gəlmədiyini, hətta hibrid toxum olmadığını müəyyən etmək olur. Hibrid ən yaxşı sortlardan alınan toxumdur. Hibriddən götürülmə ilə yaxşı toxum almaq olmur, çünki keyfiyyəti olmaz. Ümumiyyətlə hər il keyfiyyətli hibrid toxuma birbaşa əlçatanlıq olmalıdır, imkan yaradılmalıdır ki, sahibkarlar, fermerlər özləri hibrid toxumları əldə etsin və özləri şitilləri yetişdirsin. Vətəndaşlar da şitil alarkən həmin sahibkarlardan, təşkilatçılardan müqavilə bağlasın ki, bitkinin vegetasiya, inkişaf, çiçəklənmə, bar vermə dövrlərində problem olsa, şirkət məsuliyyət daşısın. Ciddi müqavilə olmalıdır. Yoxsa yanan da, yaman da kəndli olur. Bu məsələ həm də Kənd Təsərrüfatı Nazirliyi səviyyəsində araşdırılmalı, ora müraciət olunmalıdır. Araşdırıb sahibkarları, şirkəti dəyən zərərə şərik etməlidirlər”.

Meydan TV-nin Kənd Təsərrüfatı Nazirliyinə göndərdiyi yazılı sorğuya isə cavab verilməyib. //meydanTV//

Sovet dönəmində Sabirabad Azərbaycanın ən varlı rayonlarından biri olub və Sabirabadı “çörəkli rayon” adandırıblar. Pambıq yarışında Bərdə ilə dabanqırma gedirdi. Hətta rayon ağsaqqalları deyirlər ki, bu səbəbdən də Sabirabadda katib, prokuror, polis rəisi və digər vəzifələrdə işləmək istəyənlərin sayı həddən artıq çox olub. O vaxtlar rayonda iki növbəli işləyən beton zavod, trestlər, “Sokzavod”, pambıq zavodu və digər müəsissələr fəaliyyət göstərib. “Sokzavod”un məhsulları o qədər keyfiyyətli olub ki, digər postsovet ölkələrinə də ixrac olunurdu və bu məhsullara təlabat böyük idi. Rayonda nəinki işsiz var idi, hətta insanlar iki növbəli işləyərək ailələrini normal təmin edirdilər.

Amma indi Sabirabad problemlərin çox olmasına, iqtisadi durumun ağırlığına, işsizliyin səviyyəsinə görə az qala rayonlar arasında liderdir. Bu gün rayonda bir müəssisə, zavod, fabrik belə yoxdur. Ara-sıra “filan zavod fəaliyyətini bərpa etdi” xəbəri yayılsa da, sonradan yalan çıxır. Ailələr yaşlı üzvünün pensiyasına, sosial yardım ümidinə qalıblar. Pensiyaçı, müavinət alan stutusu qazanmağa da hər adamın gücü, məmurlara tələb olunan rüşvəti verməyə gücü çatmır. Yenə kənd yerlərində yaşayanlar əkin-biçinlə, mal-heyvan, toyuq-cücə saxlamaqla birtəhər başlarını dolandırırlar. Rayon mərkəzində də icra strukturları, təhsil və səhiyyə qurumlarındakı məhdud sayda yerlərdə işləyənlər çörək tapırlar. Lakin çox sayda vətəndaş işsizdir. Oğurluq, dələduzluq, narkotik alveri, fahişəlik halları artır.

Rayonun Qalaqayın kəndində “beton zavodu” deyilən ərazidə (keçmiş Dəmir-Beton Zavodunun həndəvərində) yerləşən köhnə tikili ikimərtəbəli binalarda yaşayan sakinlərin isə vəziyyəti birmənalı olaraq ağırdır. Bu ünvanda yaşayırsansa, demək güzəranın kasıblıq səviyyəsindən də aşağıdır. Evlər özü qəzalı vəziyyətdədir. Az hiss olunan yaraltı təkanlar belə oradakı mənzillərin divarlarına çat salıb. Ailələrin gəlirləri yoxdur deyə mənzillərini təmir etdirə bilmirlər. Bəzi mənzillər tərk edilib, boş olsalar belə pis vəziyyətdə olduqlarından məskunlaşan yoxdur. Hər tərəfi zir-zibil, kol-kos basıb.
Həmsöhbət oilduğumuz sakinlərdən Zəhra Məmmədova, Kərim Həsənov, Raifə Qurbanova və başqaları deyirlər ki, kanalizasiya xətti yoxdur, sakinlər özləri torpağı qazıb çirkli suyu yerin altına axıdırlar. Bu da bir müddətdən sonra dolur, başqa yerdən qazmalı olurlar. Ətrafı pis qoxu bürüyür. Yayda üfunətdən, ağcaqanaddan, qışda palçıqdan, istiliyin olmamasından yaşamaq qeyri-mümkündür. Uşaqların oynaması üçün bir park, əyləncə yeri yoxdur. Əraziyə zibil yeşikləri, konteynerılər qoyulmur. Zibilliklərdə ilan-çiyan, küçə itləri dolaşdığından uşaqları həyətə buraxmağa qorxurlar. Elektrik sayğaclarının qutu qapaqları yoxdur, naqillər sallanıb təhlükə törədir.

Kərim Həsənov: “Yaşayış yerindən arayış istəyirsən, pul istəyirlər. Amma bu evlərin abadlığı, infrastrukturu ilə maraqlanan yoxdur. Bələdiyyə sədri deyir ki, məscidlərə getməyə benzini maşına nisyə alıram. Deyirəm sənin işin bəyəm məscidləri gəzməkdir? İcra nümayəndəsi müharibə veteranıdır, təcrübəsizdir, vəzifəni sanki imtiyaz kimi alıb. Mənzil fondunun təmiri-abadlıq işləri adı altında yazıb-pozub basıb yeyirlər. Yalnız rayonun mərkəzini bəzəyirlər. Rayonun keçmiş memarı Ağarəhim qaçdı, yerinə təyin etdikləri Müşfiq də korrupsiya üstündə həbs olundu”.
İsmayılova Səidə Ağasalah qızı mənzilin olmayan döşəməsini göstərib deyir: “Torpağın içində yaşayıram. İşıq idarəsi gəlib sayğacımı söküb aparıb. İndi də deüyirlər itirmişik. Müraciətlərimizə əhəmiyyət vermirlər. İcra başçısının müavini Həsən müəllimin qəbuluna düşmüşdüm. Mənə nə desə yaxşıdı?: “Bas bayıra! Get, necə pul qazanırsan-qazan, evini təmir elətdir”.
Sakinlərin şikayətlərinin qeydə alındığı videogörüntüləri təqdim edirik.
İbrahim Hümbətov //azerinfo.info//

Sentyabrın 1-də AZAL-ın prezidenti vəzifəsindən çıxarılan Cahangir Əsgərov 27 il AZAL-a rəhbərlik edib. Belə ki, o, 1996-cı ildən AZAL-ın direktoru, 2008-ci ildən isə QSC-nin prezidenti vəzifəsini tutub. Beləliklə, Cahangir Əsgərov 12 il direktor, 15 il də prezident vəzifəsini tutub.
Ümumiyyətlə Azərbaycanda vəzifəyə gətirilən məmurların fəaliyyəti əsasən uzun ömürlü olur. Onlardan bəziləri daha sonra müxtəlif vəzifələrə təyin olunsalar da, bu təyinatları qısa müddətli oldu. Lakin aralarında hələ də təyin olunduqları vəzifələrdə çalışanlar da var. 
Valyuta.az həmin məmurlardan bir neçəsinin siyahısını təqdim edir:
Ramiz Mehdiyev – 24 il Azərbaycan Respublikası Prezidentinin Administrasiyasının rəhbəri işləmiş Ramiz Mehdiyev bu vəzifəyə 23 oktyabr 2019-cu ildə gətirilib, 14 fevral 2022-ci ildə Prezident İlham Əliyevin sərəncamı azad edilib. Həmin vəzifə 2009-cu ildə Azərbaycan Respublikası Konstitusiyasına edilmiş dəyişikliklərlə əlaqədar qəbul edilmiş Referendum Aktına qədər Azərbaycan Respublikası Prezidentinin İcra Aparatının rəhbəri adlanırdı. Ramiz Mehdiyev Prezident Administrasiyasının rəhbəri vəzifəsindən sonra Azərbaycan Prezidenti yanında Təhlükəsizlik Şurasının üzvü təyin edilib. Ramiz Mehdiyev 23 oktyabr 2019 – 14 fevral 2022-ci ilə qədər isə Milli Elmlər Akademiyasının (AMEA) prezidenti olub.
Vasif Talıbov – Bir zamanlar Naxçıvan Muxtar Respublikası Ali Məclisinin sədri olan Vasif Talıbov bu vəzifəyə 16 dekabr 1995-ci ildə təyin olunub. Naxçıvan Muxtar Respublikasına 27 il rəhbərlik edən Vasif Talıbov 21 dekabr 2022-ci ildə vəzifəsindən çıxarılıb. 
Elman Rüstəmov – Ölkənin baş bankiri olan Elman Rüstəmov 13 yanvar 1995-ci ildə Mərkəzi Bankın rəhbəri təyin olunub. O, da Vaisf Talıbov kimi 27 il vəzifədə qalıb və müddətdə ölkənin əsas bankına rəhbərlik edib. 12 aprel 2022-ci ildə bu vəzifədən azad edilib. Daha sonra baş nazirin müşaviri təyin olunub.
Hacıbala Abutalıbov – Hər zaman insanların yaddaşında maraqlı çıxışları ilə qalan Hacıbala Abutalıbov 17 il bakı Şəhər İcra Hakimiyyətinə rəhbərlik edib. Keçmiş Bakı meri 30 yanvar 2001-ci ildən 21 aprel 2018-ci ilə qədər bu postda əyləşib. 1995-2000-ci illərdə Suraxanı rayonuna rəhbərlik edən Hacıbala Abutalıbov Bakı meri vəzifəsindən azad olunduqdan sonra – 21 aprel 2018-ci ildə Baş nazirin müavini təyin edilib və 21 okryabr 2019-cu ilə qədər bu vəzifəni tutub.
Artur Rasizadə – Azərbaycan Respublikasının 6-cı baş naziri Artur Rasizadə 15 il Nazirlər Kabinetinə 22 il rəhbərlik edib. O, ilk dəfə 26 noyabr 1996-cı ildə bu vəzifəyə təyin edilib və 4 avqust 2003-cü ildə postundan ayrılıb. Həmin ilin 31 oktyabrında yenidən baş nazir təyin olunub və fəaliyyətinə 21 aprel 2018-ci ilə qədər davam edib.
Tağı Əhmədov – Vəzifədə işlədiyi dövrdə ölkənin ən qalmaqallı məmurlarından biri kimi adı hallanan Tağı Əhmədov düz 16 il – 1998-2014-cü illər ərzində Bakı Metropoliteninə rəhbərlik edib. 
Misir Mərdanov – 15 il təhsil naziri olan Misir Mərdanov bu vəzifəyə 25 mart 1998-ci ildə təyin edilib. Misir Mərdanov nazir postunda 19 aprel 2013-cü ilə qədər işləyib. 19 aprel 2013-cü ildə AMEA Riyaziyyat və Mexanika İnstitutunun direktoru təyin olunub. Hələ də vəzifədədir. 
Əbülfəz Qarayev – İki nazirlikdə 26 il vəzifədə olan Əbülfəz Qarayev ilk dəfə 26 iyul 1994-cü ildə nazir postuna gətirilib. 18 aprel 2001-ci ilə qədər gənclər və i̇dman naziri, 18 aprel 2001 – 30 yanvar 2006-cı illərdə gənclər, i̇dman və turizm naziri, 30 yanvar 2006 – 20 aprel 2018-ci illərdə mədəniyyət və turizm naziri, 23 aprel 2018-ci ildən 21 may 2020-ci ilə, yəni vəzifədən çıxarılana qədər mədəniyyət naziri olub.
Kəmaləddin Heydərov – Hazırda fövqəladə nallar naziri olan Kəmaləddin Heydərov 17 yanvar 1995 – 6 fevral 2006-cı illərdə Gömrük Komitəsinin rəhbəri olub. O, bu vəzifədə 11 il işləyib. 2006-ci ilin 6 fevralından bu günə qədər Fövqəladə Hallar Nazirliyinə rəhbərlik edir. 
Polad Bülbüloğlu – Hazırda Azərbaycan Respublikasının Rusiya Federasiyasında fövqəladə və səlahiyyətli səfiri olan Polad Bülbüloğlu 5 fevral 1991-ci ildən 30 yanvar 2006-cı ilə qədər mədəniyyət naziri olub. O, bu vəzifədə 15 il işləyib. 

Valyuta.az

Azərbaycanın absurdlar ölkəsi olduğunu bilməyən yoxdur. Ölkədə nazirliklərdəki məmur tayfasından tutmuş səhiyyə, təhsil sektorundakı rəhbərlərə qədər hər kəsin ağzından bir “avaz” gəldiyini də çox yaxşı bilirik.
Əlbəttə, bu “avaz”dan pul iyi gəlir və respublikada rüşvət artıq üfunət qoxuyur. Lakin hər şeyin də bir həddi, əndazəsi var. Elə qayda və qanunlar var ki, burada artıq normanı keçmək olmaz.
Di gəl ki, Abşeron-Xızı Regional Təhsil İdarəsi və onun tabeliyindəki yerli təhsil şöbələri üçün sərhədlər deyilən anlayış yoxdur. Sanki “Nuh” deyir, “peyğəmbər” demirlər.
Söhbət 1-ci sinifə qədəm qoyacaq Babaxanov Əlixan Babaxan oğlunun ağılasığmaz şəkildə təhsildən məhrum edilməsindən gedir. Anaxeber.info-ya müraciət edən ailənin sözlərinə görə, övladları Əlixan bu il sentyabrın 15-dən həmyaşıdları olan hamı kimi məktəbə getməlidir. Onlar Sumqayıtın 1-ci mikrorayon, Sülh küçəsi 3 ünvanındakı 4-cü komissiyadan narazıdırlar. Babaxanovlar ailəsi Xırdalanın Mehdi Hüseynzadə küçəsi, məhəllə 31, ev 59, mənzil 94 ünvanında yaşayır. Valideynləri Əlixanın rusdilli olduğunu, Azərbaycan dilində demək olar ki, bilmədiyini söyləyirlər.
Tragikomediya isə ondan ibarətdir ki, rus dilində necə deyərlər “çırtlayan” Əlixanı Abşeron rayonunda rus bölməsinə qəbul etmirlər. Buna gülünc səbəb kimi onun qabiliyyət imtahanından keçməməsi göstərilib.
Görün nə dərəcədə biabırçı vəziyyətdir ki, Abşeron Təhsil İdarəsi Azərbaycan dilində başa düşməyən və yalnız rusca danışan Əlixanı qabiliyyət imtahanından “keçmədiyi” üçün rus sektoru olan məktəbə qəbul etmir.
Bunun nə dərəcə özbaşına, qanunsuz hərəkət olduğunu sübut etməyə ehtiyac yoxdur. Çünki bir cümlə ilə ifadə etmək olar – Azərbaycanda orta təhsil icbaridir.
Yəni hər bir 6 yaşına çatmış uşaq məktəbə getməli və təhsil almalıdır. Hətta qabiliyyət imtahanında uğurlu olmayan uşaq da şagird adını qazanmağı haqq edir, bu ixtiyarı onun əlindən heç kəs ala bilməz.
Ölkə qanunvericiliyi, “Təhsil haqqında” qanun var və Abşeron ŞTİ rəhbərliyi həmin qanunların üzünü açıb oxusa, başa düşər ki, Əlixanı məktəbdən məhrum etmək cinayətdir. Bu təhsil idarəsinə İlhamə Abdullayeva rəhbərlik edir. O, ötən ilin aprelində vəzifəyə təyin olunub.
Lakin bir il kifayət edib ki, onun təhsil sisteminin, idarəetmə “fəlsəfəsi”nin nədən ibarət olduğunu anlayasan. İlhamə xanım Abdullayeva Abşeron rayon məktəblərində elə bir gestapo rejimi yaradıb ki, ancaq “fitri-istedadı” olanlar şagird adını qazana bilərlər.
Əlixanın ailəsi isə deyir ki, onlar Elm və Təhsil Nazirliyindən, Prezident İlham Əliyevdən, I Vitse-Prezident Mehriban Əliyevadan üzləşdikləri problemin həllinə dair diqqət gözləyirlər.
“Bizim uşağımız rus dilində əla bilir. Əlixan rus sektorunda oxumayacaq, bəs kim oxuyacaq? Hazır kadrdır, ona rus dilini sıfırdan öyrətməyə ehtiyac yoxdur. Amma uşağı məktəbə qoya bilmirik. Artıq dərslərin başlanmasına iki həftə qalıb və bizə heç bir köməklik göstərilmir.
Uşağın qabiliyyət imtahanından hətta keçməməsi də onu təhsil almaq hüququndan məhrum edə bilməz. Bu uşaq Azərbaycan dilində bilmir, bəs Azərbaycan sektorunda necə oxusun?” - deyə şikayətçi valideynlər qeyd edirlər. Onlar Abşeron təhsil idarəsi rəhbərliyindən bu məsələyə reaksiya verilməsini xahiş edirlər.
Anaxeber.info

Belə bir əhvalat olub: Sovet dövründə bir fakültədə məzun diploma ip bağlayıb, universitetin dəhlizlərindən sürümüşdü. "5 il mən bu diplomun dalınca sürünmüşəm, indi heç olmasa 5 dəqiqə də o, mənim dalımca sürünsün".
Cahangir Əsgərovdan danışacam. Ötən həftənin sonlarına qədər "Azərbaycan Hava Yolları" Qapalı Səhmdar Cəmiyyətinin prezidenti idi. İstefaya göndərildi.

Diplomu sürüyən o məzunu səbəbsiz xatırlamadım. Diplom onu öz arxasınca 5 il süründürmüşdü. Cahangir Əsgərov isə AZAL-ı öz dalınca 15 il sürüdü. O əsnada normal qiymətə səyahət xəyalı quranları 15 il süründürdü. Ona görədir ki, istər "vəzifə sağlığında", istərsə də, vəzifəsinin... yoxluğunda əli qələm tutan hər kəs onu hər zaman yıxdı-sürüdü. Hələ də mediada və sosial şəbəkələrdə sürüyürlər o bığlı-bığsız oliqarxı.

Ancaq... Quru sərhəddi bağlı olan ölkənin gözüyaşlı vətəndaşları "aviaCahangir"in vəzifədən təktərəfli "uçuşuna" bilmir sevinsin, yoxsa... Niyə "yoxsa"?!

Çünki bu gün Cahangir yoxsa, əvəzində başqa Cahangir var. Yəni varsa! Çünki bizim ölkədə bir məmur vəzifəyə gələndə çox keçmədən gedənin dünyadan gedənlərinə rəhmət oxutdurur. Təzə gələn çıxıb gedən (çıxarılıb gedən) məmurdan daha betər olur. Sanki adam təzədir, amma bir baxırsan, köhnədən də çox köhnəlmiş olur. Fikirləşirsən, fikirləşirsən: bu cür fiziki cavan adamlar ruhən "qocalmağa" nə zaman zaman tapa bildilər?! Zahirən belə təzə olan daxilən nə tez köhnəldi. Görünüşü ümid verir, əvvəlkindən fərqlənməyən təfəkkürü məyus edir - qurduğun xəyalları qırıb tökür.

AZAL-a yeni gələn kim olacaq?! Necə olacaq?! AZAL-da korrupsiya azalacaqmı?! Çoxalacaqmı?! Qiymətlər enəcəkmi?! Yoxsa havalara uçacaq?! Bilmirik. Hamımız əlimizi ürəyimizə sıxıb səksəkə içində gözləyirik. Gedənə rəhmət qazandıracaq, yoxsa özünə rəğbət qazanacaq?! Bir şey dəqiqdir: qazanmağa gəlir. Rəğbəti bilmirəm, sərvət qazanmağa...

Yeri gəlmişkən, Naxçıvandan ara-sıra xəbərlər gəlir: rəhmət nidaları! Deyirsən, yəni bu qədər?! Doğrudanmı, Vasif Talıbova da "rəhmət oxutdurmaq" mümkün olarmış?!

Seyid Əhmədli, Bizimyol.info

“Səhliyalı” kiçik müəssisəsinə inzibati protokol yazılıb.

Dövlət Gömrük Komitəsi şirkət barəsində protokolu İnzibati Xətalar Məcəlləsinin 483-cü (Xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmamasına görə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə edilir) maddəsinə əsasən yazıb.

İş Abşeron Rayon Məhkəməsinin hakimi Sevinc Quliyevanın sədrliyi ilə araşdırılacaq.

Qeyd: şirkət “Halal nemət” adı ilə kolbasa və sosis istehsal edir.Pravda.az

"Şəhid anası yalnız qardaşa, ailəyə deyil, dövlətə, millətə də əmanətdir". DİA.AZ bildirir ki, bu xəbərdarlıqla çıxış edən tanınmış hüquq müdafiəçisi, Neftçilərin Hüquqlarının Müdafiəsi Təşkilatının sədri Mirvari Qəhrəmanlı bir neçə gün əvvəl ictimailəşdirdiyi problemin hələ də çözülməməsinə işarə edərək növbəti dəfə narazı vətəndaşın gileyini təqdim edib:

"Çağırdılar, qulaq asdılar və: Azəriqaz Masallı RQİİ ,Yardımlı XS-dən kimsə ölməlidir,yaxud pensiyaya getməlidir ki, səni onun yerinə götürə bilək."Get,kimə istəyirsən şikayət et ". dedilər
Çoxlu sayda qəbul etdiyiniz vəzifə sahiblərini bəyəm ölən, təqaüdə gedən yerinə işə götürmüşdünüz ki (götürürsünüz)?
Şəhid ailəsi yazır
Mən Musayev Rəşad İsmayil oqlu təkrar muraciyət edirəm #socar #azəriqaz rəhbərliyinə mənə ŞƏHİD ailəsi olduquma gorə hec bir koməkliy gosdərmədiz .mənə Yenə Masallida iş təklif eledilər evde maddi durumum olmadiqina yataq xəsdəsi olan anam olduquna gorə təkrar bildirdim Masalli uzaqdi..mənə. Masallinın Yardimliya yaxin kəndini teklif elediler..3 manat masalli iş idarəsinə. ordan elave odeniş edib onlar deyen kende gedmeliyem iş bitennen sora yene yol pulu verib axşam idareye gedmeliyem ordanda. Yardimliya marşurut avtobusu olmadığına görə taksi ilə Şəfəqli kənsinə . Gün ərzində 30.40 manat edir.. Aldiqimi maaş yol pulumu odəməyəcəy bildirsəm də dedilər xoşundu bu ,xoşun deyil ozun bilərsən..."

***
Qeyd edək ki, M.Qəhrəmanlı vətəndaşın gileyi ilə yanaşı, "Azəriqaz" rəhbərliyinə də xitab edib:
"SOCAR və "Azəriqaz" rəhbərliyi, budur sizin Şəhid ailəsinə olan dəstəyiniz, qayğınız? Şəhid ailəsinə siz niyə biganə qaldınız..."

Məsələ diqqətimizdədir. Bütün maraqlı tərəfləri olaraq dinləməyə hazırıq...

Bura Xızının Qarabulaq kəndidir. Kənd rayon mərkəzindən 22 kilometr aralıda yerləşir. Vaxtilə yüzlərlə sakinin yaşadığı kəndin küçələrində indi tək-tük gözə dəyən olur. Əksər evlərin qapıları qıfıllanıb, ya da dağılıb.

Toplum TV

Daha ətraflı aşağıdakı videoda:

“Azərenerji” ASC yeni yaradılmış şirkətə 300 min manatlıq tender verib.

DİA.AZ-ın “Ölkə.Az”a istinadən məlumatına görə, “Azərenerji” ASC müxtəlif növ bitkilərin satın alınması ilə bağlı elan etdiyi açıq tenderə yekun vurub.

Tenderin qalibi “Flora Garden” MMC olub və qalib təşkilatla 308,973 min manat məbləğində satınalıma müqaviuləsi imzalanıb.

Qeyd edək ki, “Flora Garden” MMC 16.03.2023 tarixində dövlət qeydiyyatına alınıb və qanuni təmsilçisi Həsənov Emin Salam oğludur. Şirkətin nizamnamə kapitalı 10 manat, hüquqi ünvanı Bakı şəhəri Xətai rayonu, məh.2942A, ev 79, m. 17-dir.

"Hövsan açıq kanalı "Azərsu" ASC-nin balansında deyil. Bu kanal sovet dövründə çəkilib, neft mədənlərinin lay sularının axıdılması üçündür".
Bu sözləri Sputnik Azərbaycan-a açıqlamasında "Azərsu" ASC-nin ictimaiyyətlə əlaqələr şöbəsinin rəisi Anar Cəbrayıllı Hövsan kanaldan dənizə çirkab suların axıdılmasını şərh edərkən bildirib. Onun sözlərinə görə, neft ərazilərində inşa olunan yeni massivlərdə yaşayan bəzi vətəndaşlar da öz kanalizasiya xətlərini bu kanala qoşublar: "Hövsan kanalı "Azərsu" ASC-nin balansında olmayan xətdir".

Uzun illərdir ki, Xəzər dənizinə çirkab axıdan, camaat arasında "Hövsan kanalı" adlandırılan kanal yenə də fəaliyyətdədir. İllər keçsə də, heç bir qurum dənizə çirkab suları axıdan bu kanal barəsində tədbir görmür.
Sakinlərin dediyinə görə, bura təkcə Hövsan ərazisində inşa olunmuş yeni tikililər deyil, Zabrat-1, Zabrat-2, Sabunçu, Ramanı, Suraxanı və Binə qəsəbələrindən də tullantı suları axıdılır.
Hövsan kanalı sayəsində bu ərazi üfunət iylənir, ətrafı pis qoxu bürüyüb.
Sakinlərin sözlərinə görə, Hövsan kanalı 1902-ci ildə paytaxtın şimal-şərqində qarışıq çirkabı axıtmaq üçün tikilib. Sonradan illər keçib və 1956-cı ildə Neft sənayesinin inkişafı ilə əlaqədar kanal genişləndirilib. Əvvəllər bu kanal Dövlət Neft Şirkətinin balansında olub. İndi kanalın sahibi bilinmir. Əvvəllər kanalın qapalı kanal formasına salınması və dənizə çıxışı qarşısında Bioloji Təmizləyici Qurğunun tikilməsi nəzərdə tutulsa da, bu işlər yarımçıq saxlanılıb. Kanalın dənizə töküldüyü yerdə isə təmizləyici qurğu tikilməyib. Bu o deməkdir ki, tullantı suları təmizlənmədən və zərərsizləşdirilmədən dənizə axıdılır.
Hövsan Qəsəbə Bələdiyyəsinin sədri Elburus Xəlilov Sputnik Azərbaycan-a açıqlamasında bildirib ki, Hövsan kanalına nəzarət "Azərsu" ASC-yə adiddir.
"Biz o kanalı, ətrafını təmizləməkdən yorulmuşuq. Bələdiyyə nə məişət tullantısı toplayandır, nə də kanalizasiya təmizləyən. Hansı ərazilərdə kanalizasiya xətti yoxdursa, biz "Azərsu" qarşısında məsələ qaldırırıq, məktubla müraciət edirik. Bələdiyyə daha nə etməlidir? Dövlət büdcəsindən vəsait ayrıldıqca, mərkəzləşmiş kanalizasiya xətləri çəkilir" - deyə bələdiyyə sədri bildirib.
Qeyd edək ki, Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsinin rəisi Ərəstun Həsənov da dəfələrlə bəyan edib ki, Xəzər dənizi sahilində ən böyük problem "Hövsan kanalı"dır. Kanala iki növ su - neft tərkibli lay suları və təsərrüfat–məişət mənşəli tullantı suları daxil olur. Bu kanal heç bir standartlara cavab vermir. Kanal özü ilə neft və neft məhsulları olan lay suları, eyni zamanda məişət mənşəli tullantıları daşıyaraq dənizə tökür.

"Hövsan açıq kanalı "Azərsu" ASC-nin balansında deyil. Bu kanal sovet dövründə çəkilib, neft mədənlərinin lay sularının axıdılması üçündür".
Bu sözləri Sputnik Azərbaycan-a açıqlamasında "Azərsu" ASC-nin ictimaiyyətlə əlaqələr şöbəsinin rəisi Anar Cəbrayıllı Hövsan kanaldan dənizə çirkab suların axıdılmasını şərh edərkən bildirib. Onun sözlərinə görə, neft ərazilərində inşa olunan yeni massivlərdə yaşayan bəzi vətəndaşlar da öz kanalizasiya xətlərini bu kanala qoşublar: "Hövsan kanalı "Azərsu" ASC-nin balansında olmayan xətdir".

Uzun illərdir ki, Xəzər dənizinə çirkab axıdan, camaat arasında "Hövsan kanalı" adlandırılan kanal yenə də fəaliyyətdədir. İllər keçsə də, heç bir qurum dənizə çirkab suları axıdan bu kanal barəsində tədbir görmür.
Sakinlərin dediyinə görə, bura təkcə Hövsan ərazisində inşa olunmuş yeni tikililər deyil, Zabrat-1, Zabrat-2, Sabunçu, Ramanı, Suraxanı və Binə qəsəbələrindən də tullantı suları axıdılır.
Hövsan kanalı sayəsində bu ərazi üfunət iylənir, ətrafı pis qoxu bürüyüb.
Sakinlərin sözlərinə görə, Hövsan kanalı 1902-ci ildə paytaxtın şimal-şərqində qarışıq çirkabı axıtmaq üçün tikilib. Sonradan illər keçib və 1956-cı ildə Neft sənayesinin inkişafı ilə əlaqədar kanal genişləndirilib. Əvvəllər bu kanal Dövlət Neft Şirkətinin balansında olub. İndi kanalın sahibi bilinmir. Əvvəllər kanalın qapalı kanal formasına salınması və dənizə çıxışı qarşısında Bioloji Təmizləyici Qurğunun tikilməsi nəzərdə tutulsa da, bu işlər yarımçıq saxlanılıb. Kanalın dənizə töküldüyü yerdə isə təmizləyici qurğu tikilməyib. Bu o deməkdir ki, tullantı suları təmizlənmədən və zərərsizləşdirilmədən dənizə axıdılır.
Hövsan Qəsəbə Bələdiyyəsinin sədri Elburus Xəlilov Sputnik Azərbaycan-a açıqlamasında bildirib ki, Hövsan kanalına nəzarət "Azərsu" ASC-yə adiddir.
"Biz o kanalı, ətrafını təmizləməkdən yorulmuşuq. Bələdiyyə nə məişət tullantısı toplayandır, nə də kanalizasiya təmizləyən. Hansı ərazilərdə kanalizasiya xətti yoxdursa, biz "Azərsu" qarşısında məsələ qaldırırıq, məktubla müraciət edirik. Bələdiyyə daha nə etməlidir? Dövlət büdcəsindən vəsait ayrıldıqca, mərkəzləşmiş kanalizasiya xətləri çəkilir" - deyə bələdiyyə sədri bildirib.
Qeyd edək ki, Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsinin rəisi Ərəstun Həsənov da dəfələrlə bəyan edib ki, Xəzər dənizi sahilində ən böyük problem "Hövsan kanalı"dır. Kanala iki növ su - neft tərkibli lay suları və təsərrüfat–məişət mənşəli tullantı suları daxil olur. Bu kanal heç bir standartlara cavab vermir. Kanal özü ilə neft və neft məhsulları olan lay suları, eyni zamanda məişət mənşəli tullantıları daşıyaraq dənizə tökür.

VİDEO BURADA: My Webpage