Son zamanlar yerli icra hakimiyyətlərinin fəaliyyəti ciddi tənqid olunur. Nöqsanları ilə gündəmə gələn bəzi icra başçıları işdən çıxarılsa, həbs olunsa belə, yenə vəziyyət dəyişmir. Dəfələrlə adları şikayət və tənqid olunanlar siyahısında hallanan icra başçılarının fəaliyyətində dönüş yaranmır.

DİA.AZ bildirir ki, yerli KİV-də əhalinin ən çox narazı qaldığı icra hakimiyyətləri barədə araşdırma materialı təqdim olunub. Aydın olur ki, narazılığa səbəb olan RİH-lərdən biri də Nizami rayon İcra Hakimiyyətidir.

Araşdırma materialında deyilir:
"Bu rayonun sakinləri yerli icra hakimiyyəti və məmurların süründürməçiliyindən təngə gəldiklərini bildiriblər. İcra hakimiyyətinin fəaliyyətsizliyindən şikayətlənən vətəndaşların bildirdiyinə görə, Nizami rayonu son dövrlər tamamilə diqqətdən kənarda qalıb və burada heç bir şikayətə, müraciətə məhəl qoyulmur.

Yeni icra başçısı Coşqun Cəbrayılov bir ilə yaxındır ki, bu rayona rəhbərlik edir, amma sakinlər indiyə qədər icra başçısı ilə normal görüşüb, ünsiyyətə nail ola bilmədiklərini deyirlər".

Məsələ ilə bağlı dia.az olaraq qarşı tərəfi də dinləməyə hazırıq...

Ağdaş Rayon İcra Hakimiyyəti (RİH) məhkəməyə verilib.

DİA.AZ bildirir ki, İqtisadiyyat.az-ın əldə etdiyi məlumata görə, iş adamı Ağayev Ağa Xəqani oğlu tərəfindən yerli icra hakimimiyyəti orqanı barəsində Şəki Kommersiya Məhkəməsinə müraciət olunub.

RİH-in barəsində məhkəməyə müraciət edilməsi isə müqavilələrdən əmələ gələn öhdəliklər üzrə mübahisələr (alqı-satqı müqaviləsi üzrə mübahisələr) ilə bağlıdır.

Məhkəmə işinə hakim Mübariz Hüseynovun sədrliyi ilə baxılacaq.

Qeyd edək ki, A.Ağayev tikinti şirkəti olan “Simmetriya” MMC-nin qanuni təmsilçisidir. Şirkət 2002-ci ildə 6 manat nizamnamə kapitalı ilə yaradılıb.Şirkət indiyə qədər Ağdaş RİH-in elan etdiyi milyonluq tenderlərin dəfələrlə qalibi olub. Amma sonradan rayon rəhbərliyi ilə aralarında mübahisələr yaranıb.

Xatırladaq ki, Ağdaş Rayon İcra Hakimiyyətinin başçısı Tofiq İbrahimovdur. O, 11 ildən çoxdur ki, bu rayonun başçısı vəzifəsində çalışır.

Bu günlərdə Göyçay rayonunda "COLD KORONA" MMC adı altında təmir tikinti işləri ilə məşqul olan dələduzun toruna düşən sakinlər və həmçinin tikinti materialları satışını həyata keçirən bir çox sahibkarlar çıxılmaz vəziyyətdə qaldıqları barədə hefteaz.com-a video material təqdim ediblər. Apardığımız araşdırmalardan məlum olur ki, bu MMC rəhbərinin ucbatından yerli sakinlərə 150 min manata yaxın ziyan dəyib.

GundemXeber.Az-ın media üzərindən əldə etdiyi məlumata görə 01.08.2023 ci il tarixdə Göyçay Şəhəri Nizami küçəsində ofis icarəyə götürərək fəaliyyətə başlayan COLD KORONA TƏMİR TİKİNTİ MMC sahibi Fərəcov Yalçın Elman oğlu xeyli sayda rayon sakinlərinin evini təmir edəcəyi adı altında külli miqdarda pulunu dələduzluq yolu ilə mənimsəyərək, özü ilə gətirdiyi ustalarla birlikdə aradan çıxıb.
Maraqlı hal odur ki, Yalçın Fərəcov ofisə işə götürdüyü işçilərin əməkhaqlarının 50%-ni ödəsə də qalan hissəsini ödəməmişdir.
Burada dələduzluq halları baş verdiyindən hesa edirik ki, aidiyyatı qurumlar məsələyə münasibət bildirəcək, lazım olan tədbirləri görəcəklər.
Mövzu diqqətimizdədir. //GundemXeber.Az//

Bakı sakini əməkdar müəllim Səlahəddin Kərimov 1960-ci ildən yaşadığı evinə sahiblənə bilmir.
Bu barədə Teref-az-a şikayətçi özü danışıb və məsələ ilə bağlı sənədlər təqdim edib.
Səlahəddin müəllimin dediklərindən və təqdim etdiyi sənədlərdən bəlli olur ki, 2012-cu ildə Yasamal rayonu, İsmayıl Qutqaşınlı küçəsi 27 ünvanda yerləşən fərdi yaşayış evinə çıxarış almaq istəyərkən məlum olub ki, evin başqa mülkiyyətçisidə var.

O deyir: "Məlum oldu ki, mənə məxsus ev Mərdanova Şahnaz Abdulla qızı tərəfindən Mərdanova Xumar Afət qızına bağışlanıb. Məsələ burasındadır ki, bu ev 1959-cu ildən bizim olub. Şahnaz Mərdanovanın bunu hansı əsasla Xumar Mərdanovaya bağışlaması məlum deyil”.
Şikayətçinin sözlərinə görə, bununla bağlı mübahisə yaranıb və o, məhkəməyə müraciət edib. Yasamal Rayon Məhkəməsi bağışlanma ilə bağlı müqavilənin etibarsız hesab edilməsi, mənzil üzərində Saləddin Kərimovun xüsusi mülkiyyət hüququnun tanınması barədə qətnamə çıxarıb. Biz BTİ-dən çıxarış aldıq.Və 2012 -ci ildən sonra bu barədə heç bir söz söhbət olmadı.

Bura qədər hər şey qanunlar çərçivəsində gedir. İlk dəfə bu məhkəmədə tanıdığı xamıla biz məhkəmədən sonra heç görüşmədik.
Lakin 2023-cü ildə "Lux Residense" MMC bu ərazidə mülkləri almağa başladı. Gələcəkdə burda yaşayış bunası tikilməli idi. Bu məsələ ortaya çıxan kimi, 11 ildən sonra baxmayaraq ki, 2012-ci ildə Mərdanova Xumar Afət qızı ilə danışıb razılaşmışdıq, yenədə məhkəmə çəkişmələri başladı. Mərdanova Xumar Afət qızı 11 ildən sonra Yasamal Rayon Məhkəməsinin qərarrından apelyasiya şikayəti verib. Nəinki məhkəmə qərarından sonra keçən 12 ildə, heç bu evdə yaşadığımız 1959 ildən bu xanımı nə görmüşük nədə o bu evlə maraqlanmayıb. Səlahəddin müəllim deyir:
"Qarşı tərəf apellyasiya şikayəti verib. 11 ildən sonra apeilyasiya şikayəti vermək nə deməkdir? Məhkəmə qərar verib, qərar icra olunub, biz halal evimizə çıxarış almışıq və birdən birə apelyasiya şikayəti icraya götürülür... Bu absurd deyilmi? Bəs bu 11 ildə o harda idi?
İndi söküntü məsələsi ortaya çıxıb, pul məsələsi var, qanunları ayaq altına ataraq apelyasiya şikayəti verib. Təbii əgər sadə qanunları o qədərdə bilməyən vətəndaş olsa idi bu başa düşülən olardı. Lakin Apelyasiya Məhkəməsinin hakimi olan bu xanım qəşəng bilir ki, qanun 11 ildən sonra məhkəmə qərarından apelyasiya şikayəti verməyə icazə vermir.Əsas isə bu qərar artıq icraya götürülüb və icra edilibsə. Onun şikayəti təmin olub. Bəs o şikayət verib, niyə məhkəmə bu şikayəti icraya götürüb? Bu da səbəbsiz deyil. Məsələ burasındadır ki, qarşı tərəf, yəni Xumar Mərdanova Bakı Apellyasiya Məhkəməsinin hakimidir. Sizcə Apelyasiya Məhkəməsinin hakiminin işi Apelyasiya Məhkəməsində kimin xeyrinə ola bilər? O, bundan yararlanaraq qətnaməni ləğv etdirib. Eyni zamanda bu məsələ ilə bağlı məhkəmə mübahisələrində səlahiyyətindən istifadə edərək işə obyektiv baxılmasına mane olur”, deyə Saləddin Kərimov vurğulayıb.

Şikayətçi onu da qeyd edib ki, evinin yerləşdiyi ərazidə söküntü işləri aparılır. "Lux Residence” MMC köhnə evləri sökərək yerində yeni binalar inşa etmək istəyir. Xumar Mərdanovanın ərizəsi əsasında ( heç bir məhkəmə prosesi gedməyə gedməyə) mənim evimlə bağlı hər hansı addımın atılmasına qadağa qoyulub”, deyə Saləddin Kərimov vurğulayıb.
O, məsələ ilə bağlı yuxarı instansiyalara da şikayət etmək niyyətindədir.

Teref.az məsələ ilə bağlı Xumar Mərdanovanın vəkili Vasif Hüseynovla əlaqə saxlayıb onların mövqeyini öyrəndi.
Vasif müəllimin sözlərinə görə onlar bu 11 ildə məhkəmə qərarından xəbərləri olmayıb. Və 11 ildən sonra xəbər tutduqlarına görə apelyasiya müddətini bərpa ediblər.
Hörmətli Məhkəmə Hüquq Şura sədri cənab İnam Kərimovun bu məsələni nəzarətə götürməsini xahiş edirik. //teref.az//

Xocavənd rayonunun Hadrut qəsəbəsinin işğaldan azad edilməsindən 3 il ötür.

Azərbaycan Ordusunun sentyabrın 27-də başladığı əks-hücum əməliyyatları nəticəsində Hadrut qəsəbəsi oktyabrın 9-da erməni işğalçılarından azad edilib.

Hadrut qəsəbəsinin və daha 8 yaşayış məntəqəsinin işğaldan azad edildiyini Azərbaycan Prezidenti, Ali Baş Komandan İlham Əliyev 2020-ci il oktyabrın 9-da xalqa müraciətində elan edib.

Dövlət başçısı aparılan uğurlu əməliyyatla Cəbrayıl rayonunun Qışlaq, Qaracallı, Əfəndilər, Süleymanlı, Füzuli rayonunun Yuxarı Güzlək, Gorazıllı, Tərtər rayonunun Çaylı, Xocavənd rayonunun Sor kəndlərinin və Hadrut qəsəbəsinin işğaldan azad edildiyini bildirib.

Hadrutun azad edilməsi 44 günlük müharibənin əsas dönüş nöqtələrindən hesab olunur.

"Şikayətim "Qala sığorta"dandır". DİA.AZ bildirir ki, bu barədə "Müştərinin Səsi" sosial qrupundakı paylaşımında Vasif Hacıyev adlı istifadəçi giley edir.

Narazı vətəndaş daha sonra yazır: "Mənim maşınımda hər iki farayuyan qəza hadisəsi zamanı qırılmışdı. Onu isə ölkəmizzdə tək servis gətirir. Bir ədədini qapaq ilə birgə 205 manata, ikisinin isə 410 manat etdiyi halda mənə cəmi 60 manat pul ayrıldı "Qala Sığorta"dan.

Eiraz edəndə sığorta işcisi mənə deyir ki, get Çindən "zakaz" elə... Heç Çindən belə alsam, o qiymət eləmir..."

İddia olunanlarla bağlı olaraq qarşı tərəfi də dinləməyə hazırıq...Dia.az

Gəncə şəhər 1 sayli məktəbin direktoru Dubaya getdiyi üçün işdən azad edildi, lakin Samux rayonu o böyüklükdəTəhsil Sektorunun müdiri Nurlana Həsənova Gəncə-Daşkəsən Regional Təhsil İdarəsini aldadaraq Samux rayon metodkabinetin işçisi Ismayılova Məsumə Arzuman qızı xaricdə ola – ola onun adina May ayında ərizə yazılaraq Samux rayon Təhsil Sektorunda Gəncə-Daşkəsən Regional Təhsil İdarəsinə köçürülüb. Nurlana Həsənova isə ona May, Iyun ve s. 2023cu il tarixlərində iş tabeli verərək əməkhaqqı yazıbdır.Və bu işin üstü açılanda isə onun adına yenidən saxta ərizə yazılaraq işdən azad ediblər.
Burdan belə bir sual qaynaqlanır görəsən Məsumə xaricde ola-ola necə ərizə yazıb həm də əməkhaqqı alıb?
Bundan başqa Əhmədbəyli məktəbində 2021-ci il tarixədə azyaşlı şagird Bayramova Jalə necə ailə quraraq Şəmkir rayonuna köçüb?
Buna baxmayaraq sektor müdiri həmin şagirdə qiyməy yazdırraq ona Şəhadətnamə verdirib.Ən maraqlısı isə odur ki, şagird şəhadətnamə alan ay həm də övlad dünyaya gətirib.
Bu boyda həngamədən sonra belə qənatə gəlirsən ki, görəsən bu əjdaha sektor müdirinin arxasında kim durur ki, bu cür qanunsuzluqlara imza atır.
Hətta rayonda deyirlər ki, ona rayonun icra başçısı Alı Qocayevin də gücü çatmır Samux rayon məktəblərinin təhsil səviyyəsinin aşağı düşməsində Alı Qocayev ilk bilik günündə şagird və valideyinlərin qarşısında çıxış edərəkən Sektor müdirəsi Nurlana Həsənovun yatrıtmaz fəaliyyətini də tənqid etmişdir.Cənab başçı həm də ictimaiyyət qarşısnda çıxışı zamanı bildirmişdir ki, onu bu təhsil sektorundan uzaqlaşdıracaqdır.Amma nə olsun Alı müəllimin də ona gücü çatmadı.

Nurlana Həsənova bəzi məktəblərdən başqa (Cobanabdalli, Istixana, Ehmedbeyli, Weher 3, Weher 1, Qarayeri 1 sayli mekteblerinden bawqa ) digər məktəblərin direktorlarını özü təyin etdirib.Ən əsas da işləyən məktəb direktorları xanım sektor müdirəsi tərəfindən tənqid olunmaqla yanaşı həm də onları töhmət verəcəyi ilə hədələyir.
Bu Nurlana Həsənovanın birinci əməli deyil. Indidə işçilərin işə götürülməyini ona tapşırıblar deyə kimi istəyir işə goturur, kimi istəyir götürmür. Şəhid ailəsi neçə il gozlemededir ki, onu işə qəbul etsinlər.Faktlara əsaslansaq Tagiyev Elgün Fikrət oglu şəhid övladı 2 ildən artıqdır ki,işsizdir.
Beləki,Nurlana Həsənovanın kimdən xoşu gəlmirsə dərhal onu işdən azad edir yerinə də yenisin qoyur.Bu hal samux təhsilində dəfələrlə baş versədə əksəriyyəti məhkəmələr vasitəsi ilə öz işinə qayıda bilib.
Amma nə olsun ki, Samux Təhsilində nə qədər ki, “Dərə xəlvət , tülkü bəydir”sə bu təhsil ocağıda o batlıqdan çıxa bilməyəcək.
Səsləndirlən iddialarla bağlı qarşı tərəfində mövqeyini dərc edə bilərik.

Ali Məhkəmənin, Maliyyə Nazirliyinin, Baş prokurorluğun saytlarından müraciət göndərmək olmur
Texniki inkişafın elə mərhələsindəyik ki, ucqar bir kənddən dünyanın o başı ilə bağlantı yaratmaq, necə deyərlər, su içmək qədər asandır. Müraciət etmək istədiyin ölkənin saytına girirsən, əlaqə bölümünə daxil olub, gərəkən prosedurları edirsən və müraciətini bir düyməni basmaqla göndərirsən. Di gəl, ölkənin öz içində , eyni şəhərin içində dövlət orqanlarının saytlarından yararlanmaq mümkün olmur. Faktlara üz tutaq.
Ali Məhkəmənin son 6 aya kimi çox keyfiyyətli, örnək olan saytı vardı. Asanlıqla bu sayt yolu ilə həm qəbula yazılmaq olurdu, həm də online müraciət etmək. İndi 6 aydır saytı guya yeniləyiblər, amma nə müraciət qəbul olunur, nə qəbula yazılmaq. Bütün prosedurlardan keçib, “göndər” düyməsini basırsan, “fırlanır-fırlanır”, amma “müraciətiniz qəbul olundu” “muştuluğu”na çata bilmir”.
Maliyyə Nazirliyinin saytındakı problem bir ildən də çoxdur və bir qədər ayrıdır. Bu dövlət-hökumət saytında bütün prosedurlardan keçmək olur, bircə “təsdiqləmə kodu”ndan başqa. Ekranda göstərilən kodu yazan kimi, göndərmə düyməsini basmağa belə macal verilmir, “təsdiqlənmə kodu səhvdir” qırmızı xətlə yazılır və nə qədər “səhvi” düzəltsən də, bu “qırmızı bildiriş” səddi , qadağası yox olmur.
Baş prokurorluğun saytının müraciətləri qəbul etməkdən imtinasının yaşı 6 ay olar. 6 aydır saytdan müraciət formasını doldurub, “göndər” düyməsini basan kimi “ 500” yazılışının altında ingiliscə “vay, bizim serverdə nəsə yanlışlıq var” cavabı ilə üzləşirsən, yəni saytın serveri müraciətin qəbuluna qadağa qoyub.
Yanlışlığı, müraciətlərə texniki qadağanı kim aradan qaldırmalıdır? Ən azı, bu barədə fikirləşən var? Axı müraciət hüququ Konstituiyanın 57-ci maddəsi ilə təminat verilən əsas hüquq və azadlıqlardandır.
Məğrur Bədəlsoy
Teref.az

"Fitstar Herbal Producst” şirkətinə məxsus avtomobilin qaçırılması ilə bağlı polis hərəkətə keçib.

Bu barədə şirkətin rəsmisi Firdovsi Əliyev məlumat verib.

Onun sözlərinə görə, baş verənlər barədə daxili işlər naziri Vilayət Eyvazova müraciət edib. Müraciətə operativ reaksiya verilib. Polis əməkdaşlarının keçirdiyi əməliyyat nəticəsində avtomobil müəyyən edilib.

"Əməliyyatı Gəncə Şəhər Baş Polis İdarəsinin əməkdaşları keçirib. Maşın hazırda cərimə meydançasındadır. Təsəvvür edin ki, avtomobil aylar idi ki, Xəyyam Rəhimov adlı şəxsin əlində idi. Maşının ban nömrəsini dəyişdirmişdi. Bu fakt avtomobilə baxış keçirilərkən təsdiqni tapdı. Baxış şahidlərin iştirakı ilə keçirilib”, deyə Firdovsi Əliyev bildirib.

Şirkət rəsmisi əlavə edib ki, maşın saxlanıldıqdan sonra Dövlət Yol Polisindən ona zəng vurulub:

"Dedilər ki, narahat olma. Bu məsələ ciddi şəkildə araşdırılacaq. Ümid edirəm ki, nəhayət haqq-ədalət yerini tutacaq. Bu arada daxili işlər naziri cənab Vilayət Eyvazova, eyni zamanda polis əməkdaşlarına təşəkkür edirəm”.