Beylıqan rayon sakini Quliyev Elxan Şəmil oğlu tərəfindən Hurriyyet.az saytının redaksiyasına şikayət məktubu daxil olub. O, iddia edir ki, rəsmi qurumlara ünvanladığı müraciətinə baxılmır:

“Mən, Quliyev Elxan Şəmil oğlu, yazaraq sizdən xahiş edirəm ki, problemimi işıqlandırasınız.

Şikayətim “AED MMC” şirkətindəndir. 2022-ci ilin aprel ayında “AED MMC” şirkətinə işə girmişəm. 1200 manat əmək haqqı alırdım. 2023-cü ilin fevral ayında gördüyüm iş başa çatdığından, işdən çıxmışam.

İşdən çıxarkən, şirkət son 3 aylıq əmək haqqımı verəcəyini demişdi. Bir müddət sonra Əmək Müfəttişliyinə müraciət etdim, məlum oldu ki, mənim adıma kart açılıb və oradan 1092 manat çəkilib.

Şikayət etməyimə baxmayaraq işimə baxılmır, heç bir köməklik etmirlər. Nə polis, nə də şirkət araşdırmır ki, mənim adıma açılan hesabdan kim, necə pul çəkib?!

Mən əziyyətimin haqqını tələb edirəm. Xahiş edirəm, mənə köməklik göstərin.

Məsələ ilə bağlı dəfələrlə Beyləqan rayon polisinə müraciət etsəm də, heç bir nəticə yoxdur. Hər dəfə bildirirlər ki, narahat olmayın, köməklik ediləcək. Amma ortada heç bir nəticə yoxdur”.

Qeyd edək ki, vətəndaşın müraciəti ilə bağlı Daxili İşlər Nazirliyinə məlumat verilib.

Səbail rayonu, Bayıl qəsəbəsində yerləşən 49 saylı orta məktəbin rəhbərliyindən Hurriyyet.az saytının redaksiyasına şikayət məktubu gəlib. Şikayətçilər iddia edirlər ki, baxımsız halda olan məktəbin rəhbərliyi tərəfindən şəhid ailələrinə hörmət qoyulmur:
"Yazaraq bildiririk ki, 49 saylı orta məktəbi milliyyəti bilinməyən insanlar idarə edir. Belə qənaətə gəlməyimizə səbəb məktəbin sanitar qovşağında məktəbə aid olan əşyalardır.

Qeyd edək ki, bu, şəhidin adına olan bir məktəbdir. Çox təəssüflə bildiririk ki, Azərbaycanın tanınmış ictimai xadimlərinin və şəhidlərinin fotoları sanitar qovşaqda saxlanılır. Belə biabırçılıq heç yerdə yoxdur. Biz belə başa düşürük ki, bu məktəbdə ümumiyyətlə Azərbaycanı və onun tarixini sevən bir müəllim belə, yoxdur. Bu halda, həmin idarəyə necə təhsil ocağı demək olar?!

Məktəbdə başqa qanunsuzluqlar da baş alıb gedir. Amma, əlbəttə, ən vacibi yuxarıda qeyd etdiyimizdir. Məktəbdə həmçinin texniki işçilərdən hər ay pul toplanılır. Bu pulların hansı səbəblə yığıldığı isə heç kəsə məlum deyil.
Yaxın zamanda məktəblə bağlı başqa qanunsuzluqları da sizlərə təqdim edəcəyik.
“Təhsil millətin gələcəyidir!” deyirik. Keşkə bütün təhsil sahəsində olan müəllim və müəllimələr bundan agah olardı. İndiki zəmanədə uşaq evdə "müəllim" deyəndə ancaq ağla gəlir ki, görəsən, nə qədər pul yığırlar?"
Məsələ ilə bağlı Elm və Təhsil Nazirliyi ilə əlaqə saxlamağa çalışsaq da, zənglərimiz cavabsız qaldı.

Zərdab rayonunun -2 ci Alıcanlı kəndinin bir qrup sakinləri çarəsiz vəziyyətdə qaldıqlarını bildirir. Dia-az.info-nun məlumatına görə, kənd sakinləri deyir ki, kənddə zavod, fabrik yoxdur, yeganə gəlir yerləri maldarlıqdır.
Onların iddiasına görə, kənd Bələdiyyəsinin sədri Əsədov Habil icra hakimiyyət ilə əlbir olub, onlara dövlət tərəfindən ayırılmış örüş torpaqlarını qanunsuz olaraq ayrı-ayrı şəxslərə satıb.
Sakinlər deyir ki, bununla bağlı dəfələrlə Bələdiyyə və İcra hakimiyyətinə müraciət etsələr də, nəticəsi olmayıb. Kənd sakinləri mal-qaraların otarmağa yerləri olmadığı üçün, kənddən baş götürüb getmək istədiklərini bildirirlər.
Şikayətçilər deyir ki, Bələdiyyə sədri Habil Əsədoun və icra hakimiyyətinin özbaşnalığı barədə hara müraciət etək bilmirik. Pul müqabilində torpaqlarının satıldığını iddia edən kənd sakinləri bu məsəlınin araşdırılmasını, onların arxasında kimin durduğunun aşkara çıxararaq, torpaqlarının geri qaytarılmasında onlara yardım edilməsini xahiş edirlər.

"Niaqara" restoranı insanların istirahətinə haram qatır -Gecə saatlarında analoqu olmayan söyüşlər eşidirik
Redaksiyamıza müraciət edən Nərimanov rayon Səməd Vurğun küçəsi 175 ünvanda yaşayan sakinlər bildirir ki, onların yaşadığı ərazinin bir neçə metrliyində fəaliyyət göstərən "Niaqara" şadlıq sarayı illərdir sözün əsil mənasında onların istirahətinə haram qatıb. Xüsusən də gecə saatlarında bu hal baş verir.
Sakinlər iddia edir ki, son vaxtlar bu analoji hal daha da şiddətlənib. Belə ki, şadlıq sarayında toy və ya hansısa məclis təşkili zamanı gələn qo
naqların maşınların "parkinq" etməyə yer yoxdu. Məcburiyyətdən şadlıq sarayının qarşısında maşınlar "parkinq" edilir ki, bu da süni sıxlıq yaradır, maşınların səs-küyündən evdə nəyinki oturmaq, yatmaq belə olmur.
Bundan əlavə şadlıq sarayına gələn qonaqlar dincəlib əyləndikdən sonra gecə saat 10-11 arası şadlıq sarayının qarşısında tez-tez dava-dalaş söyüşlər, eşidilir bu da şadlıq evi ilə üz-üzə cəmi 15-20 metirliydə yerləşən bina sakinlərini narahat edir. Hətta bununla bağlı saytımıza video-çəkiliş də göndəriblər.
Sakinlər iddia edir ki, evdə yaşlı nəsil uşaqlar var , bəzən olur söyüşdən insan evinin içində olan uşaqdan qız gəlindən utanır, onlar əlac yonunu məsələni ictmayiləşdirməkdə görürlər xahış edirik ictimailəşdirin, bəlkə bu çarəsizliyə əlac tapılar- deyə sakinlər bildirir.
Kütləvi İnformasıya Vasitələrində səsləndirilən iddialara görə sözügedən şadlıq sarayı dünyasını dəyişən keçmiş Müdafiə Sənayesi naziri olmuş Yavər Camalov məxsusdur.(Azerbaycanreallığı)
Səsləndirilən iddialarla bağlı qarşı tərəfin mövqeyini dərc etməyə hazırıq.

Bakı sakini Dadaşov Abbas Eldar oğlu Əmlak Məsələləri Dövlət Xidmətinin rəis müavini Rüstəm Şahbazovun qardaşı Teymur Şahbazovdan şikayətçidir.

AFN.az-a göndərdiyi növbəti şikayət məktubunda A.Dadaşov bildirir ki, Teymur Şahbazov qardaşı, 15 ilə yaxındır ki, Əmlak Məsələləri Dövlət Xidmətinin rəis müavini işləyən Rüstəm Şahbazovun onun işini düzəldəcəyinə söz verərək külli miqdarda pulunu mənimsəyib. Şikayətçi bildirir ki, Sumqayıt şəhəri, Koroğlu küçəsi, Əmlak Komitəsinin Sumqayıt şöbəsinin yaxınlığında yerləşən 0.68 ha boş torpaq sahəsini uzun müddətə icarəyə götürmək istəyi haqda əvvəlcədən tanıdığı Şahbazov Teymur Adıgözəl oğluna və onunla birgə olan Allahverdiyev Rövşən Oqtay oğlu adlı şəxsə danışıb: “Onlar mənə bildirdilər ki, bizim Əmlak Komitəsində tanıdığımız şəxs var və bu işi çox asanlıqla həll edə bilər. Bildirdilər ki, bu barədə həmin məsələni həll edəsi şəxslə danışıb səninlə görüşüb, ümumi bir razılığa gələrik. Bir neçə gündən sonra Teymurla görüşdük və o, mənə bildirdi ki, danışmışam 180 min manata torpaq məsələsi həll olunacaq. Mən ondan bu işi kiminlə həll edəcəyini soruşdum. Bildirdi ki, qardaşı Şahbazov Rüstəm uzun müddətdir ki, Əmlak Məsələləri Dövlər Xidmətində müavin vəzifəsində işləyir. Bütün məsələləri Rüstəm həll edir. Dedi ki, arxayın olun, məsələ 100 faiz həll olunacaq. Teymurun söhbətinə mən tam inandım və ona hissə-hissə 236000 manat pul verdim”.

T.Şahbazov verdiyi vədə əməl etmədiyinə görə A.Dadaşov ondan şübhələnib: “Ona bildirdim ki, sən işi yubadırsan, işin yubanmasının səbəbini mənə izah et. Dedi ki, qardaşım Rüstəm ölkədə yoxdur, ona görə də sənədləşmə bir az gecikir. Rüstəm gələn kimi sənədləşmə yekunlaşacaq və sənədləri tam şəkildə sənə verəcəm. O, dedi ki, bütün ölkə üzrə bu məsələlərə qardaşı rəhbərlik edir. Mən arxayın oldum ki, Teymur yalan danışmaz, qardaşı Rüstəm Şahbazovla məsələni həll edəcək. Teymur mənə onu da dedi ki, pulun hamısını qardaşına verib”.

“Sövdələşmə”nin üzərindən bir müddət keçsə də, lazım olan sənədlər A.Dadaşova verilməyib. Şikayətçinin sözlərinə görə, T.Şahbazov və Rövşən Allahverdiyev hər dəfə ona Rüstəm Şahbazovla görüşdüklərini, narahatçılığa əsas olmadığını deyib vaxtı uzadıblar: “Lakin mən artıq Teymurun və Rövşənin yalan danışdıqlarını, mənə qarşı dələduzluq etdiklərini anladım. Bundan sonra Teymura və Rövşənə nə qədər zəng vurdum telefon zənglərimə cavab vermədilər. Artıq mən əmin oldum ki, Teymur Rövşənlə birlikdə məni aldadaraq, Teymurun qardaşı Rüstəmlə qabaqcadan əlbir olub, 236000 manat pulumu ələ keçirib, mənə qarşı dələduzluq etməklə, Azərbaycan Respublikası CM-nin 178-ci maddəsinin 2.1, 2.2, 3.4-cü hissələrində nəzərdə tutulan cinayət əməlini törədiblər”.
Teymur Şahbazov və Rövşən Allahverdiyevin əməlləri bununla bitməyib. Belə ki, şikayəçinin sözlərinə görə, onlar sənəd saxtakarlığına da gediblər: “Mənimlə özəlləşdirilən dövlət müəssisə və obyektlərinin, habelə hüquqi və fiziki şəxslər tərəfindən inşa edilmiş müəssisə və obyektlərin yerləşdiyi dövlət torpaq sahəsinin icarəyə verilməsi haqqında 27 iyul 2022-ci ildə müqavilə bağladılar. Bununla da Teymur Şahbazov məni daha da inandırdı. Sonra mənə məlum oldu ki, tərtib olunan həmin müqavilə də saxtadır. Həmin müqaviləyə görə də Teymur məndən 4-5 ay olmaqla hər ay 7850 manat “icarə haqqı” aldı”.

Şikayətçi onu da qeyd edib ki, bu “üçlük” tək onu yox, bir neçə adamı aldadaraq pullarını ələ keçirib. A.Dadaşov Şahbazov Teymur Adıgözəl oğlunun və qardaşı Şahbazov Rüstəm Adıgözəl oğlunun, həmçinin Allahverdiyev Rövşən Oqtay oğlunun cinayət məsuliyyətinə cəlb olunması və ona dəymiş 236000 manatın ödənilməsi üçün aidiyyəti üzrə göstəriş verilməsini xahiş edir. O, müvafiq müraciətini aidiyyatı hüquq-mühafizə orqanlarına da göndərib.

"Hazırda Rövşən Allahverdiyevlə bağlı Daxili İşlər Naziliyinin Kibercinayətkarlıqla Mübarizə Baş İdarəsində cinayət işi açılıb. Təxminən 6 aydan çoxdur ki, axtarışa verilib. Amma rahatca şəhərdə gəzir, maraqlıdır ki, heç kim onu saxlamır. Barəsində Cinayət Məcəlləsinin 178-ci maddə ilə cinayət işi açılıb. Bir neçə nəfər zərərçəkmiş var, biri də mənəm. Mənə 1 milyona yaxın zərər vurub. Onun həbs edilməsini, cinayət işinin araşdırılmasını istəyirəm" - deyə A.Dadaşov saytımız vasitəsilə ölkə rəhbərliyinə, hüquq-mühafizə orqanlarına, daxili işlər naziri, general-palkovnik Vilayət Eyvazova ünvanladığı müraciətdə qeyd edib.

Qeyd edək ki, qeyd edilənlərlə bağlı Əmlak Məsələləri Dövlət Xidmətinin rəis müavini Rüstəm Şahbazovdan mövqe almaq cəhdlərimiz boşa çıxdı. Belə ki, Xidmətin mətbuat xidmətinə ünvanladığımız sorğuya cavab olaraq bildirildi ki, məsələyə hüquq-mühafizə orqanları baxır, ona görə mövqe vermək məqsədəuyğun deyil. R.Şahbazova məxsus votsap nömrəsinə göndərdiyimiz müraciət də cavabsız qaldı. Hər bir halda, qarşı tərəfin mövqeyini verməyə hazırıq.

AFN.az, Araşdırma qrupu

Martın 29-da Elm və Ali Təhsil üzrə Dövlət Agentliyi tərəfindən növbəti monitorinq keçirilib.

Gununsesi.info xəbər verir ki, Agentliyin nümayəndələri Tovuz Dövlət Sosial-İqtisadi Kollecində olublar.

Monitorinq zamanı tədris sənədlərinə baxış keçirilərək müvafiq təhlillər aparılıb. Nəticədə Elm və Ali Təhsil üzrə Dövlət Agentliyinin 4 aprel 2024-cü il tarixli əmri ilə Kollecin direktoru Rizvan Qənbərovla bağlanmış əmək müqaviləsinə xitam verilib.

Tovuz Dövlət Sosial-İqtisadi Kolleci 26 avqust 2002-ci ildə Nazirlər Kabinetinin qərarına əsasən Tovuz Kənd Təsərrüfatı Texnikumunun bazasında yaradılıb.

Kollecdə texnologiya müəllimliyi, mühasibat uçotu, vergi və vergitutma, yol hərəkətinin təşkili, aqronomluq və yerquruluşu torpaq müfəttişliyi ixtisasları üzrə tədris aparılır.

Rayondakı mənbələrdən saytımıza daxil olan məlumata görə, sözügedən kollec uzun illər ərzində korrupsiya və rüşvət yuvası kimi fəaliyyət göstərib. Tələbələr istisnasız olaraq rüşvətlə qəbul edilib, imtahanlar da eyni qaydada Kollec rəhbərliyinə, şöbə müdirlərinə bəlli məbləğlər ödənilməsi hesabına verilib.

Mənbə bildirir ki, tələbələrin çoxunun adı kollecə yazılsa da onlar ümumiyyətlə dərs, auditoriya üzü görməyib. İşə gəlməyən müəllimlərin, texniki işçilərin, tələbələrin təqaüd kartları direktor müavini, şöbə müdiri tərəfindən saxlanılır, onlar hər ay “Kapital Bank”ın hesabından vəsaitləri çıxararaq bir qismini rəhbərliyə çatdırıb, qalanını da özlərinin şəxsi ehtiyaclarına sərf ediblər.

Məlumatda qeyd olunur ki, pul üztündə tez tez direkorla rəhbər işçilər arasında narazılıq, hətta dava-dalaş olub.

Qeyd edək ki, yerli media bu kollecdə baş verən korrupsiya cinayətləri barədə silsilə yazılar dərc olunub, amma aidiyyatı qurumlar tərəfindən heç bir tədbir görülməyib.

Elm və Ali Təhsil üzrə Dövlət Agentliyinin yaydığı məlumatda aparılan monitorinqlərin nəticələri, qanunsuzluq faktları barədə də heç bir informasiya verilmir.

Əslində Kollecdə baş verən qanunsuzluqlar Baş Prokuror yanında Korrupsiyaya qarşı Mübarizə Baş İdarəsinin araşdırma predmeti olmalıdır. Direktoru işdən qovmaq problemin həlli deyil.

Brüssel Azərbaycan və Ermənistan arasında dövlət sərhədinin delimitasiyası və demarkasiyasının beynəlxalq hüquqa uyğun aparılmasına çalışır.

Qeyd edək ki, Avropa İttifaqının (Aİ) Ermənistandakı müşahidə missiyası artıq İcevan-Voskepar yolundan istifadə etmirlər. Voskeparda olan “Demokratik Birlik” partiyasının sədri Suren Petrosyan “Facebook” səhifəsində yazıb ki, Aİ-nin Ermənistandakı missiyasının müşahidəçiləri İcevan-Voskepar yolunu Azərbaycanın ərazisi hesab edirlər.

Bildirib ki, Aİ missiyasının müşahidəçiləri İcəvandan Voskepara Azərbaycanın işğal altında olan ərazilərindən keçən yol ilə yox, alternativ yolla gəliblər.

“Bir müddət əvvəl Avropa İttifaqı missiyasının müşahidəçiləri Voskeparda olublar və kənd sakinləri ilə söhbət zamanı məlum olub ki, onlar Voskepara çatmaq üçün 30 deyil, məhz 200 km məsafəni qət ediblər. Onlara sual verdim ki, Voskepara gəlmək üçün niyə bu qədər uzun yol qət ediblər? Bildirdilər ki, həmin qısa yol Azərbaycana məxsusdur və mübahisəli ərazidir.

Müşahidəçilər bununla izah ediblər ki, onlar qaydalar çərçivəsində fəaliyyət göstərirlər və Azərbaycanı heç bir şəkildə təxribata çəkmək istəmirlər. Bu təxribatın qarşısını almaq üçün onlar İcevandan Vanadzor vasitəsilə Voskepara gedirlər”, - deyə S.Petrosiyan vurğulayıb.

Partiya sədri qeyd edib ki, missiya Ermənistanın suveren ərazisini şübhə altına alır və Azərbaycan xəritələrini rəhbər tutur.

Maraqlıdır, Aİ missiyasının müşahidəçiləri artıq bölgədəki vəziyyəti real qiymətləndirməyə başlayıb?

İlk növbədə onu qeyd etmək lazımdır ki, Aİ-nin Ermənistandakı mülki missiyasının müşahidəçiləri Brüsselin təlimatları əsasında hərəkət edirlər və addımlarını onun qərarlarına uyğun atırlar.

Missiyanın son addımı, yəni İcevandan Voskepara getmək üçün qısa yol əvəzinə uzun yoldan istifadə etməsi məhz Aİ-nın rəhbər şəxslərinin birbaşa təlimatıdır.

Çünki Brüssel anlayır ki, Ermənistanın çıxarlarına oynamaq bölgədə hərbi-siyasi vəziyyəti daha da gərginləşdirir. Bu da Azərbaycanın adevkat addımlar atmasına səbəb ola bilər. Onu da vurğulayaq ki, Brüssel işğal altında olan səkkiz kəndin Azərbaycana qaytarılmasının tərəfdarıdır.

Xatırladaq ki, aprelin 5-də Brüsseldə keçirilən son üçtərəfli görüşdə ABŞ Dövlət katibi Entoni Blinken və Avropa Komissiyasının Prezidenti Ursula fon der Lyayen Ermənistan Baş naziri Nikol Paşinyana ciddi təlimatlar veriblər. Şübhəsiz ki, həmin təlimatlara Qazaxa bitişik dörd kənd – Bağanıs-Ayrım, Aşağı Əskipara, Xeyrimli və Qızıl Hacılı kəndlərinin dərhal boşadılması, digər dörd anklav kəndin müqəddaratının delimitasiya prosesi çərçivəsində həll olunması, o cümlədən ölkə Konstitusiyası və Müstəqillik Bəyannaməsində Azərbaycan və Türkiyəyə qarşı ərazi iddialarını nəzərdə tutan müddəaların ləvğ olunması üçün referendumun keçirilməsi kimi məsələlər daxildir.

Bu istiqamətdə mühüm nailiyyətlər əldə edildikdən sonra Azərbaycanla Ermənistan arasında tez bir zamanda sülh sazişinin imzalanmasına yol açılacaq. Bu baxımdan ABŞ və Aİ-nin Ermənistanı Azərbaycana qarşı təxribatlar törətməyə sövq etməsi ilə bağlı səsləndirilən iddialar əsassızdır. Həm Vaşinqtonda, həm də Brüsseldə çox yaxşı başa düşürlər ki, Ermənistanın Azərbaycanla növbəti hərbi qarşıdurmaya təhrik edilməsi onların Cənubi Qafqazla bağlı planlarını alt-üst edə bilər.

Hər kəsə aydındır ki, Ermənistan növbəti qarşıdurmada da ağır şəkildə məğlub olacaq.Bütün bunları nəzərə alan Vaşinqton və Brüssel anlayırlar ki, hər hansı şəkildə irrasional siyasətin yürüdülməsi Paşinyan hakimiyyətinin mövcudluğuna ciddi təhlükə yaradacaq, həmçinin Azərbaycanı Qərbdən uzaqlaşdıracaq. Bu səbəbdən Avropa İttifaqı və ABŞ Cənubi Qafqazda daimi sülh, sabitlik və təhlükəsizliyin bərqərar olunmasında maraqlıdır. Yalnız bu, Qərbin regionda geosiyasi təsir imkanlarının artmasına münasib şərait yaradacaq.

Son zamanlar Azərbaycan-Ermənistan sərhəd ərazilərində hərbi-siyasi vəziyyətin gərginləşməsinə gəlincə, bəli, sərhədin Qazax, Tovuz, Kəlbəcər, Laçın və Naxçıvan istiqamətində erməni hərbçiləri Azərbaycan Ordusunun mövqelərini atəş təzyiqi altında saxlayırlar. Son beş-altı gündür ki, bu təxribatlar intensiv hal alıb. Bununla yanaşı, erməni tərəfi ölkəmizin sərhədinə yaxın ərazilərdə xeyli sayda canlı qüvvə və hərbi texnika toplayıb.

İki ölkə arasında sülh prosesinin intensivləşdiyi bir zamanda bölgədə bu kimi hadisələrin yaşanması təsadüfü ola bilməz. Sözsüz ki, iki ölkənin sərhəd ərazilərində vəziyyətin gərginləşməsinə yönələn addımlar və cəhdlər bir mərkəz tərəfdən koordinasiya olunur. Bu mərkəz də birbaşa Kremldir.

Nəzərə alaq ki, Ermənistanın hərbi elitasında və erməni ordusunda Rusiya rəhbərliyinə tabe olan və Rusiyanın kəşfiyyat qurumlarına xidmət edən ünsülər kifayət qədərdir. Eyni hal qeyri-qanuni erməni silahlı birləşmələri – “Voma”, “Yerkrapah” “Sasna Tsrer” və “Döyüş Qardaşlığı” kimi qruplaşmalarda müşahidə olunur. Hər iki tərəfdəki ünsürlər məhz Rusiyanın hərbi-siyasi dairələrinin təlimatlar əsasında hərəkət edirlər.

Kremlin bu məsələdə məqsədi Ermənistan ilə Azərbaycan arasında genişmiqyaslı hərbi qarşıdurma yaratmaq, Ermənistanı bu qarşıdurmada növbəti dəfə ağır məğlubiyyətə uğratmaq, nəticə etibarı ilə Paşinyan hakimiyyətinin mövcudluğuna təhlükə yaradacaq təlatümlərə yol açmaqdır.

Qərb də bunu bildiyindən Moskvanın planlarından ciddi narahatlıq keçirir. Yəni bölgədə eskalasiyanın kəskinləşməsi Qərbin yox, məhz Rusiyanın maraqlarına xidmət edir. Ona görə ki, Kreml Qərbin hərbi-siyasi güc mərkəzlərini – ABŞ, Aİ, Fransa və Böyük Britaniyanın Cənubi Qafqaza daxil olmasına və bu regionda təsir imkanlarını artırmasına imkan vermək istəmir. Rusiya hələ də Ermənistanı özünün geosiyasi qalası və Cənubi Qafqazı isə öz arxa baxçası hesab edir.

ABŞ və Aİ Ermənistan hakimiyyətini Azərbaycanla dialoqa təşvil etməklə və İrəvana maliyyə dəstəyini artırmaqla gələcək təhlükələrin qarşısını almağa çalışır.(Cebhe)

Birinci vitse-prezident Mehriban Əliyeva sosial şəbəkədə Ramazan bayramı münasibətilə paylaşım edib.

İnstaqramdakı paylaşımda qeyd olunub:

“İnsanların qəlbini və düşüncəsini nurlandıran, onları xoş əməllərə dəvət edən müqəddəs Ramazan ayının başa çatması münasibətilə Azərbaycan xalqını və dünya müsəlmanlarını səmimi-qəlbdən təbrik edirəm! Bu mübarək bayram günlərində xeyirxah niyyətlərinizlə həmrəy olduğumu bildirirəm. Uca Allah etdiyiniz duaları, tutduğunuz orucu qəbul etsin! Ramazan bayramınız mübarək!”.

Azərbaycanda aprelin 10 və 11-i Ramazan bayramı qeyd olunur.

Müqəddəs Ramazan bayramı müsəlmanlar tərəfindən hicri təqviminin ikinci (622-ci il) ilindən qeyd olunmağa başlayıb.

Ramazan ayı insanlara Allahı sevməyi öyrədir, onlara öz iradəsini, dözümünü yoxlamaq imkanı verir, insanları gözüaçıq, təmiz vicdanlı olmağa istiqamətləndirir və bunlar orucla ifadə olunur.

Orucluq öz tarixinə Məhəmməd Peyğəmbər (s.ə.s) tərəfindən Mədinədə bu məqsədlə Ramazan ayı keçiriləndən başlayır. Məhz Ramazan ayının sonuncu 10 gecəsinin birində "Qurani Kərim" nazil edilib. İnanca görə, bu hadisə ayın 23-dən 24-nə, ya da 26-dan 27-nə keçən gecə baş verib.

Azərbaycanda Ramazan bayramı 1993-cü ildən dövlət səviyyəsində qeyd olunur. Bu il isə Ramazan bayramı Azərbaycanın ərazi bütövlüyü və suverenliyinin tamamilə bərpa olunduğu şəraitdə keçirilməsi ilə əlamətdardır.

Bu il Azərbaycanda Ramazan ayı martın 11-də başlayıb. Nazirlər Kabinetinin müvafiq qərarına əsasən, aprelin 10-u və 11-i Azərbaycanda Ramazan bayramı qeyd edilir.

Azərbaycan məscidlərində bayram namazı isə aprelin 10-da saat 8:00 və 9:00-da qılınacaq.

Azərbaycan Prezidenti İlham Əliyev Ramazan bayramı münasibətilə paylaşım edib.

Həmin paylaşımı təqdim edirik: