Rayon İcra Hakimiyyətinin başçısı Ağarx kəndində vətəndaşları qəbul edib

Ağsu rayon icra hakimiyyətinin başçısı Ənvər Seyidəliyev əlaqədar idarə və təşkilat rəhbərlərinin iştirakı ilə Ağarx kəndində sakinləri qəbul edib.
Səyyar qəbulda vətəndaşlar kəndin əkin sahələrinin suvarma suyu ilə təminatının yaxşılaşdırılması, kənd ərazisindəki transformator yarımstansiyasının yenisi ilə əvəz edilməsi, elektrik enerjisi verilişi zamanı yaranan qısa müddətli fasilələrin aradan qaldırılması, zəlzələ nəticəsində ziyan dəymiş fərdi evin bərpası və digər yerli əhəmiyyətli sosial problemlərlə əlaqədar təkliflər səsləndiriblər.
Sakinlərin müraciət və təklifləri araşdırılaraq nəzarətə götürülüb və onların icrası ilə bağlı aidiyyəti vəzifəli şəxslərə müvafiq tapşırıqlar verilib.

Zamantv.az