[rating-type-4]
{likes}
{dislikes}
[/rating-type-4]
“Tariyel Əkbərov deyir ki, nazirlikdən bizə heç nə göndərmirlər” - NARAZILIQ VAR...

Bakı şəhəri, Nizami rayonu, M.Şərifli küçəsi 123 ünvanında yerləşən “Sağlamlıq imkanları məhdud uşaqlar üçün 3 nömrəli xüsusi internat məktəbi”ndə təhsil alan bir qrup şagirdin valideynləri tərəfindən Hurriyyet.az saytının redaksiyasına şikayət məktubu daxil olub. Şikayətçilər iddia edirlər ki, məktəbin yeni direktoru sağlamlıq imkanları məhdud olan uşaqların haqqını yeyir.

“Yazaraq bildiririk ki, bizim sağlamlıq imkanları məhdud olan övladlarımız var. Övladlarımız sağlamlıq imkanları məhdud uşaqlar üçün 3 saylı xüsusi internat məktəbində təhsil alırlar. Eşitmə əngəllidirlər. Səhhətlərində problemləri var deyə bu uşaqlar təhsilsiz qoyulmalıdır?

Məktəbdə “təhsil” adına heç nə yoxdur. Sadəcə, övladlarımız məktəbə gedib-gəlir. Onların xüsusi dərsliyi də yoxdur. Məktəblilər dövlət tərəfindən tam təminatılıdır, amma təhsil ocağının rəhbərliyi tərəfindən heç bir təminatla təmin olunmurlar.

Keçmiş rəhbərlik barədə Mehriban xanıma şikayət ərizəsi ilə müraciət etdik. Şikayətimizə baxıldı və işdən çıxarıldı. Ondan sonra gələn Tariyel Əkbərov ümumiyyətlə uşaqların haqqını vermir. Sual verəndə də deyir ki, bizə nazirlikdən heç nə göndərmirlər.

Uşaqlara onlara aid dərslik də verilmir. Orta məktəbin dərsliyini verirlər. Halbuki, onların xüsusi dərsliyi olmalıdır. Daha dəqiq desək, 4-cü sinifə qədər xüsusi dərslik var. 4-dən sonra orta məktəbin kitablarını verirlər ki, oxuyun. Uşaqlarda o kitablardan heç nə anlamırlar.

Məsələn, 6-cı sinifdə oxuyan uşağa orta məktəbin 4-cü sinif dərsliyini veriblər. 5-ci sinifdən yuxarı nəşr olunmur.

Övladlarımızın qulaqları eşitmir deyə savadsız da olmalıdırlar?! Hər biri də çox savadlı uşaqlardır, oxumağa həvəslidirlər. Tariyel Əkbərov 1 il 4 aydır müdir təyin olunub, həmin vaxtdan uşaqların geyimləri də verilmir. Bu insanın Azərbaycan Respublikasının qanununlarından da xəbəri yoxdur. Qanundan xəbəri olsa, belə etməzdi.

Çoxyumuz rayondan gəlib, kirayələrdə qalırıq ki, uşağımız təhsilsiz qalmasın, gələcəkdə hansısa bir sahədə çalışsınlar.

Tariyel Əkbərov internata rəhbər gələndən ancaq özünə otaq qurub. Deyəndə ki, siz öz rahatçılığınızı təmin edirsiz, amma uşaqların gələcəyi üçün çalışmırsız, cavab verir ki, bu otağı mənim üçün dövlət qurub. Deyir ki, dövlət uşaqlara heç nə etmir, bunun günahkarı mən deyiləm.

Tariyel Əkbərovdan əvvəlki müdir valideynlərə çox hədə-qorxu gəlirdi deyə indi bir çoxu çəkilib qıraqda oturub. Çünki, gördülər ki, heç nə düzəlmir, əksinə pisə doğru gedir. Valideynlərin əksəriyyəti sağlamlıq imkanları məhdud olan uşaqlarının haqqınə istəyə bilmirlər, qorxurlar.

Bizim istəyimiz odur ki, yoxlama gəlsin, məktəbdə hər şey nəzarətə götürülsün.

Bizim dərdimiz özümüzə bəsdir, imkan versinlər ki, uşaqlarımıza sənət öyrədək. Yoxlama gələn zaman rəhbərliyə öncədən məlumat verilməsə, burada vəziyyətin necə acınacaqlı olduğunu görərlər. 2 il əvvəl tikişi dayandırılmış BTE geyim formalarını uşaqlara layiq görüblər ki, geyinin. Amma çox köhnə olduğu üçün uşaqlar onu geyinmir. Dövlət tərəfindən ayrılan heç nə bizim uşaqlara verilmir”.

Məsələ ilə bağlı “Sağlamlıq imkanları məhdud uşaqlar üçün 3 nömrəli Respublika xüsusi internat məktəbi” ilə əlaqə saxlamağa çalışsaq da, zənglərimiz cavabsız qaldı.

Onu da qeyd edək ki, sözügedən məktəblə bağlı dəfələrlə redaksiyamıza şikayətlər daxil olub. Onlardan birini video müraciət şəklində oxucularımıza təqdim edirik:
[rating-type-4]
{likes}
{dislikes}
[/rating-type-4]
Bu gecə ilk Qədr gecəsidir

Bu gecə Azərbaycanda Ramazan ayının ilk Qədr (əhya) gecəsidir.

İlk Qədr gecəsi Ramazan ayının 18-ci gününə, yəni martın 28-dən 29-na keçən gecəyə təsadüf edir.

Ramazan ayının ikinci Qədr gecəsi martın 30-da, üçüncüsü aprelin 1-də və sonuncusu aprelin 5-də olacaq.

Qeyd edək ki, Qədr gecəsi Allahın kitabı Quranın nazil olduğu gecədir. Qurani-Kərim İslam peyğəmbərinə 23 il ərzində hissə-hissə və Qədr gecəsində bütövlükdə nazil olub.

[rating-type-4]
{likes}
{dislikes}
[/rating-type-4]
Ramazanın 19-cu gününün duası - İmsak və iftar vaxtı

Sabah Ramazan ayının 19-cu günüdür.

Sabah imsak vaxtı saat 05:02, iftar isə 19:17-dədir.

İmsak duası:

“Allahummə vəffir fihi həzzi min bərəkatih. Və səhhil səbili ila xeyratih. Və la təhrimni qəbulə həsənatih. Ya hadiyən iləl-həqqil-mubin”.

Tərcüməsi:

“İlahi, bu günün bərəkəti ilə məni bəhrələndir! Xeyirliklərə doğru yolumu hamarla! Bu günün ehsanını qəbul etməkdən məni məhrum etmə! Ey aşkar haqq yolunun hidayətçisi”.

İftar duası:

“Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli!”

Tərcüməsi:

“İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!”

Allah orucunuzu qəbul etsin!
[rating-type-4]
{likes}
{dislikes}
[/rating-type-4]
Sabirabadda dəhşətli "təmizlik" aksiyası - vətəndaş müraciəti

Sosial şəbəkələrdə Sabirabad və Saatlı rayonları arasında yerləşən təbii gölün tullantılarla çirkləndilirilməsiinə dair görüntülər yayaılıb. Gundeminfo.az xəbər verir ki, vətəndaş Əlisa Həsən
ov paylaşdığı videoada qeyd edir ki, Sabirabad Rayon Mənzil Təsərrüfat Birliyinin işçiləri Sa birabad rayonu ərazisində yerləşəmn təbii göl. rayon ərazisindən topladıqıarı zibilləri atırlar.

Əlisa Həsənov iddia edir ki, Sabirbad rayon müvafiq idarəsinin əməkdaşları rayon ərazisindən yığdıqları zibilləri Sabirabad şəhərinin ərazisində yerləşən el arasında "Çökək çala" kimi tanınan əraziyə boşaldırllar.

Hansı bu təbii su hövzəsinin yaxınlığında şəhər əhalisi məskunlaşb. İddialara əsasən Rayon Mənzil Təsərrüfat Birliyinin rəhbərliyi tullanrıları daşıyan nəqliyyat vasitələrinə yetərincə yanacaq vermədiklərinə görə onlar da həmin tullantıları şəhər ərazisində, əhalinin sıx məskunlaşdığı gölə atırlar.

Qeyd edək ki, dəfələrlə bu məsələ ilə bağlı müvafiq dövlət qurumlarına müüraciət edilsə də, heç bir tədbir görülməyib.

Mövzu ilə bağlı araşdırmalarımız davam edəcək.

Qarşı tərəfin də mövqeyini dinləməyə hazırıq.
[rating-type-4]
{likes}
{dislikes}
[/rating-type-4]
Putin seçki üçün 317 milyon pul xərcləyib

Rusiya Prezidenti Vladimir Putin seçki fondu prezidentlik kampaniyasına 317,75 milyon rubl xərcləyib.

Bu barədə Rusiya Federasiyası Mərkəzi Seçki Komissiyasının (MSK) saytında dərc olunan yekun maliyyə hesabatında bildirilib.

Vəsaitin böyük hissəsi - 163 milyon rublu radio və televiziyada seçki kampaniyasına xərclənib.

Putinin seçki fonduna ümumilikdə 477,38 milyon rubldan çox vəsait daxil olub. Seçki fondundan 128,38 milyon rubl geri qaytarılıb. cümlədən:

Qeyd edək ki, Rusiyada prezident seçkiləri martın 15-17-də keçirilib. Vladimir Putin 87 faizdən çox səs toplayaraq qələbə qazanıb.
[rating-type-4]
{likes}
{dislikes}
[/rating-type-4]
Nağdsız ödənişdən yayınanlar barəsində tədbir görüləcəkmi? - Ekspertlər danışır...

Nağdsız ödəmə adiləşir. İnsanlar pulu ciblərində deyil, plastik kartlarda, eləcə də mobil telefonda (elektron cüzdan) daşımağa üstünlük verirlər. Hesab edirlər ki, nağdsız ödəniş həm təhlükəsiz, həm də sərfəlidir. Amma son vaxtlar Azərbaycanda bəzi müəssisələr-ticarət mərkəzləri, avtoservis müəssisələri, gözəllik mərkəzləri, ictimai iaşə obyektləri və s. müştərinin nağdsız ödəniş həvəs göstərmir, daha doğrusu, hər fürsətdə bundan imtina etməyə çalışırlar. Hətta ödəniş olsa belə, qəbz verməyi “unudurlar”. Vergidən yayınmaq üçün müxtəlif yollara əl atan bu müəssisələr, əlbəttə, qanunsuzluğa yol verir, istehlakçı hüquqlarını kobud şəkildə pozurlar.

Bəs istehlakçılar bu halla rastlaşdıqda nə etməlidir?

Azad İstehlakçılar Birliyinin (AİB) sədri Eyyub Hüseynov Pressklub.az-a açıqlamasında bildirib ki, ticarət və xidmət mərkəzlərində kassa çeki verilmədikdə istehlakçının hüququnu qorumaq olmur.

“Bəzi ticarət mərkəzləri, Sədərək bazarı, eləcə də əksər avtotəmir müəssisələri, klinikalar, restoranlar və s. vergi strukturlarının üz qarasıdır”.

Müsahibimizin sözlərinə görə, bəzi müəssisələrdə, eləcə də meyvə-tərəvəz dükanlarında vətəndaş ödənişi kartla etmək istədikdə satıcı şəxsi kartına ödəmə tələb edir: “Bu da vergidən yayınma ilə yanaşı, dövlət siyasətinin biznes tərəfindən boykot edilməsidir. Təəssüf ki, nə vətəndaşlar bu məsələyə ciddi yanaşır, nə də dövlət orqanları”.

Görəsən, Dövlət Vergi Xidməti (DVX) bu məsələ ilə bağlı lazımi yoxlanışları edib, addımlar atırmı?

Dövlət Vergi Xidmətinin mətbuat katibi Şahin Məmmədov Pressklub.az-a açıqlamasında bildirib ki, vergi qanunvericiliyinə əsasən, nağdsız ödənişdən imtinaya görə ticarət və xidmət müəssisələrinə cərimələr nəzərdə tutulub.

“Vergi Məcəlləsinin 16-cı maddəsinə əsasən nağdsız ödənişlərin aparılması üçün “İstehlakçıların hüquqlarının müdafiəsi haqqında” Azərbaycan Respublikası Qanununun 17-ci maddəsinə uyğun olaraq POS-terminalların quraşdırılmasını təmin etmək vergi ödəyicilərinin vəzifəsi hesab olunur”.

Ş. Məmmədov bildirib ki, Azərbaycan Respublikası Nazirlər Kabinetinin 2012-ci il 4 oktyabr tarixli 219 nömrəli qərarı ilə ölkə ərazisində POS-terminalların quraşdırılması məcburi olan obyektlərin siyahısı müəyyən olunub. Həmin obyektlərə qanundan yayındığı təqdirdə maliyyə sanksiyası tətbiq edilir.

Müsahibimiz deyib ki, istehlakçılar qanunvericiliyin pozulması faktları ilə rastlaşdıqda bu barədə ətraflı məlumatla Dövlət Vergi Xidmətinin saytına (195 – 1), Çağrı Mərkəzinə və ya vergi ödəyicilərinə xidmət mərkəzlərinə müraciət edə bilərlər.

Həmsöhbətimiz bildirib ki, qeyri-anonim şəkildə, yəni rəsmi şikayət edildikdə Dövlət Vergi Xidməti tərəfindən həmin şikayətə baxılır. Daxil olmuş şikayətlər və məlumatlar üzrə operativ vergi nəzarəti tədbirləri görülür: “Ancaq bu tədbirlərin həyata keçirilməsi üçün vətəndaş şikayətləri vacibdir. Çünki DVX operativ nəzarətə çıxanda bəzi obyektlər təyin edilə bilmir. Amma vətəndaşlar konkret obyekti şikayət etdikdə lazımi tədbirlər görülür”.

İnsanların hüquqlarını kobud şəkildə pozan sahibkarların bu qanunsuzluğu etdiyi təqdirdə cərimələnəcəyi məlum oldu. Bəs bu cərimələrin məbləği nədir?

Hüquqşünas Mehman Muradlı Pressklub.az saytına açıqlamasında bildirib ki, Vergi Məcəlləsinə əsasən, POS-terminalların quraşdırılması məcburi olan obyektlərdə quraşdırılmaması və quraşdırılmış obyektlərdə nağdsız ödənişlərdən imtina edilməsinə görə, mərhələli şəkildə cərimə sistemi tətbiq edilir.

“Vergi qanunvericiliyinə əsasən, ticarət və ictimai iaşə obyektləri nağd alışlar zamanı müştərilərə kassa çeki təqdim etməlidirlər. Belə olmazsa, onları cərimələr gözləyir. Kassa çeki verilməyən ictimai iaşə və ticarət obyektləri barədə istehlakçının vergi xidmətinə məlumat vermək hüququ var”.

Hüquqşünas bildirib ki, nəzarət-kassa aparatları və ya ciddi hesabat blankları tətbiq edilmədən əhali ilə pul hesablaşmalarının aparılmasına, alıcıya təqdim edilməli olan çekin verilməməsinə və ya ödənilmiş məbləğdən aşağı məbləğ göstərilməklə verilməsinə görə vergi ödəyicisinə: təqvim ili ərzində belə hallara birinci dəfə yol verildikdə 1.000 manat, ikinci dəfə yol verildikdə 3.000 manat, üç və daha çox dəfə yol verildikdə 6.000 manat məbləğində maliyyə sanksiyası tətbiq edilir.

Düzdür, bu şəxslər aşkarlandıqda məsuliyyətə cəlb olunurlar. Amma təəssüf ki, bəzi insanların məlumatsızlığına görə, onlar məsuliyyətdən boyun qaçırıb, istədikləri qanunsuzluğu edirlər. Amma istehlakçılar bu problemlə rastlaşdıqda lazımi qurumlara şikayətini bildirsə, hüquqlarını qorusa, bu cür qanunsuzluqların qarşısı alınar.
[rating-type-4]
{likes}
{dislikes}
[/rating-type-4]
Gəncə şəhər Şəhidlər Xiyabanı zibil içindədir - VİDEOFAKT


Son zamanlar Gəncə Şəhər İcra Hakimiyyətinin başçısı Niyazi Bayramov şəhər əhalisi ilə görüşlər keçirərək özünü reklam edir. Niyazi Bayramovun yarıtmaz idarəçiliyi göz qabağındadır, Gəncə şəhəri bərbad haldadır. Daş-üstünə daş qoymayan icra başçısı absurd olan tərif yazılarla nə əldə etmək istiyir bilinmir.

Onun oğlunun sosial şəbəkələrdə 904 markalı maşın nömrələri rekord qırdı, amma aidiyyəti qurumlar susdu. Qoy, sussunlar görək nə vaxta kimi susurlar. Onu da qeyd edək ki, Niyazi Bayramovu heç bir məmur Gəncə şəhərində eşitmir, onun görüşlərində yazı-pozudan başqa vətəndaş hüquqlarının heç biri bərpa olunmayıbdır.

Niyazi Bayramovun keçirdiyi vətəndaşlarla görüş, şəkildən başqa bir şey deyil. Adı olur ki, Niyazi Bayramov vətəndaşları qəbul edib, sadəcə belə bir ad, bu da aidiyyəti orqanları aldatmaqdır ki, mən vətəndaş qəbul edib şikayətləri dinliyirəm.

Oxuculardan xahiş edirəm ki, Gəncə şəhər Şəhidlər Xiyabanında zibilliyin, ağac qırıntılarının, quş nəcislərinin xiyabanın metlak deyilən yerdə iz salmalarına diqqət yetirsinlər. Bu tək Gəncə şəhər Şəhidlər Xiyabanına, şəhər əhalisinə yox, həmçinin Azərbaycan xalqına hörmətsizlikdir.

hurriyyet.az


[rating-type-4]
{likes}
{dislikes}
[/rating-type-4]
Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!

Bakının Nərimanov rayonu paytaxtın mərkəzi ərazilərindən olsa da, burada qanunsuz işlər görülməsi başqalarından o qədər də fərqlənmir. Halbuki rayonun icra başçısı dəyişdi, Abdin Fərzəliyev Abşerona göndərildi, Elgün Həbibullayev onun yerinə gətirildi… Amma çi fayda?!
Yeni gələn İH rəhbəri də xələfinə “rəhmət oxutmağa” başladı. Elə götürək Nərimanov rayonu, Faiq Yusifov küçəsi 125-131 ünvanında baş verənləri. Təsəvvür edin ki, bu ünvanda hündürmərtəbəli evin ana divarlarını sökərək obyektə çeviriblər. Və bu tikinti normativlərinin pozulmasından Nərimanov rayon şefi Həbibullayev “bixəbər” imiş.
Tribunainfo.az-a verilən xəbərdə deyilir ki, hadisə təxminən 1 ay əvvəl olub. Rusiyadan bir iş adamına satılan həmin iaşə obyekti kimlərisə babat varlandırıb. Ancaq evin ana divarlarını söküb obyektə çevirməklə pul qazanıldığı halda, doğurdanmı E.Həbibullayev bir icra başçısı kimi məsələdən agah olmayıb, yaxud ona da nəsə çatmayıb? – Sual ritorikdir.
Ümumiyyətlə, qeyd etmək lazımdır ki, Türkiyədə baş verən dəhşətli zəlzələdən və minlərlə insanın ölümündən sonra Bakıda hündürmərtəbəli evlərin 1-ci mərtəbəsinin təyinatının dəyişdirilməsində qadağalar tətbiq olundu. Yəni yaşayış üçün nəzərdə tutulan mərtəbənin təyinatının qeyri- yaşayışa dəyişdirilməsi qadağan olundu.
Daha sadə dildə desək, F.Yusifov küçəsində o evin ana divarlarını sökərək onu qeyri-yaşayış, yəni obyekt kimi istifadə etmək məhz təyinatını dəyişmək, qanunları pozmaq deməkdir. Lakin Nərimanov İH başçısı E.Həbibullayev özünü bu qadağadan xəbərsiz kimi aparmaqdadır.

Yeri gəlmişkən, təxminən bir neçə il əvvəl Prezident İlham Əliyev rayon icra başçılarına xəbərdarlıq xarakterində çıxış etmişdi. Dövlət başçısı məhz bu problemə toxunaraq, məmurların rayonlarda boş yerləri satdığını açıqlamışdı. Görünür ki, Nərimanov İH başçısı ya fikirləşir ki, Prezidentin həmin çıxışının üstündən illər keçib, unudulub, yəni nə istəsən etmək olar, ya da hazırda həbs həyatı yaşayan keçmiş həmkarlarını yada salmaq istəmir.
Üstəlik, məsuliyyəti təkcə Həbibullayev daşımır, həmin obyektin ətrafında çoxillik ağacların məhv olmasına görə cavabdeh olan Bakı şəhər Yaşıllaşdırma Təsərrüfat Birliyi də var. Maraqlıdır, meriyanın tabeliyində olan Yaşıllaşdırma Təsərrüfat Birliyi sözügedən ünvanda yaşıllıqların kəsilməsindən məlumatsızdır, yoxsa bu qurumu ağacların qırılması maraqlandırmır? Ümumiyyətlə, adından da bəlli olduğu kimi, işi yaşıllaşdırma olan Təsərrüfat Birliyi bu müddətdə hara baxırdı? BŞİH rəhbəri bu qurumun və onun rəhbərliyinin fəaliyyətinə diqqət yetirirmi?
Axı şəhərin mərkəzi ərazisində bir tərəfdən evin ana divarları yıxılır, yeri obyektə çevrilir, bəli, buna Nərimanov İH rəhbərliyi məsuliyyət daşıyır, bir yandan isə bu obyektin ətrafındakı ağaclar ekoloji qətliama məruz qalır və Bakı şəhər Yaşıllaşdırma Təsərrüfat Birliyi “tükünü tərpətmir”. Görəsən nə üçün? Bəlkə bu məsələ işbirliyi və ya sövdələşmə var? Hər halda, bütün aidiyyatı orqanlar araşdırmalıdır – Həbibullayevlə Yaşıllaşdırma Təsərrüfat Birliyi rəhbərliyinin bu fakta olan münasibətini…
Bundan əlavə, o da məlumdur ki, Bakıda obyekt və digər tikililərə birbaşa cavabdeh Şəhərsalma və Arxitektura Komitəsidir. Şəhərdə daşı daş üstünə qoyanda gərək adı çəkilən qurumdan icazə alasan. Belə nəticə çıxır ki, komitə məsələdən məlumatsızdır. Hər halda, biz bir media olaraq məsələni ictimailəşdirdik. Onu da xüsusi vurğulamaq yerinə düşər ki, fotodo gördüyünüz obyektin ətrafında çoxillik ağaclar yoxa çıxıb. Bu ekoloji və arxitektur cinayətlərlə bağlı Bakı şəhər İcra Hakimiyyətinin tabeçiliyində olan Yaşıllaşdırma Təsərrüfat Birliyi sorğumuza cavab verməyib. Məsələ ilə bağlı adıçəkilən qurumların mövqeyini dərc etməyə hazırıq.

tribunainfo.az


Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!
Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!
[rating-type-4]
{likes}
{dislikes}
[/rating-type-4]
Bəs Xalid Ələkbərova nə yaxşı SÖZ DEYƏN YOXDUR?.. - Ortada bunca məqamlar varsa...

Paytaxtın Biləcəri qəsəbəsi, Yəhya Hüseynov küçəsində bədbəxt hadisə baş verib.
Belə ki, martın 26-sı səhər saatlarında liftdə köməksiz qalan 44 yaşlı qadın aldığı xəsarətlərdən hadisə yerindəcə dünyasını dəyişib.
Mərhumun qonşusunun sözlərinə görə, qadın yuxarı qalxmaq istəyəndə qapı bağlanmamış lift hərəkət edib. Nəticədə o, liftlə binanın arasında qalıb:
“Bizim lift üç-dörd gündür bu vəziyyətdədir. Əvvəllər də bu cür hadisələr yaşanıb. Çağırırıq, gəlib düzəltmirlər”.
Mərhumun qohumu bildirib ki, anasını xilas etmək istəyəndə oğlu da xəsarət alıb. Onun vəziyyətinin qənaətbəxş olduğu qeyd edilib.
Bakıda binadaxili mühəndis avadanlıqlarına aid lift qurğularının müntəzəm texniki xidmətinin və təmirinin təşkili ilə bağlı lift təsərrüfatının, xüsusi Bakı şəhərində daha çoxluq təşkil etdiyini nəzərə alaraq, “Lifttəmir”İstehsalat Birliyi yaradılmışdır. 19.06.2017-ci il tarixli 274 nömrəli Sərəncama əsasən Bakı Şəhər İcra Hakimiyyətinin struktur vahididir.
“Lifttəmir” İB Bakı şəhərinin 11 rayonunda yerləşən və Dövlət Mənzil Fondundakı Mənzil Kommunal Birliklərinin balansında olan binalarda quraşdırılmış beş mindən artıq lift qurğusuna xidmət göstərir. Bu xidmətlər isə, İB-nin tərkibinə daxil olan 6 idarə – “Bakılift-1”, “Bakılift-2”, “Bakılift-3”, “Bakmənzilavtomat”, “Funikulyor” və TEMP dövlət müəssisələri tərəfindən göstərilir.
“Lifttəmir” İB-nin sabiq rəisi Qüdrət Şükürovun gözqamaşdıran sərvəti, korruptiv əməlləri, ermənilərlə işbirliyi qurması yalnız övladına ikinci dəfə 400 minlik qalmaqallı toy mərasimi təşkil edəndən sonra araşdırılmağa başladı. Bəs görəsən, Qüdrət Şükürovu rəhbər vəzifədə Xalid Ələkbərov əvəzləyəndən sonra "Lifttəmir” İstehsalat Birliyində nə dəyişib? Göz qabağında olan Funikulyorun təmirini, lift işçilərinin boynuna qalstuk taxılmasını istisna etsək, demək olar ki, ümumilikdə götürəndə müsbət istiqamətdə əhəmiyyətli dəyişikliklər müşahidə olunmur. Xüsusilə də köhnə binalarda lift sarıdan sakinlərin narazılıqları çoxalmaqdadır. Köhnə liftlərin yeniləri ilə əvəz olunması prosesi yubanır, yeni lifti quraşdıranlar səriştəsizlik göstərir. Mətbuat yazır ki, binalarda liftin qapısını söküb yerinə heç bir təhlükəsizlik nişanı, xəbərdarlıq lenti, təhlükəsizlik lenti, təhlükəsizlik məhəccəri quraşdırmırlar. Ona görə ki, işlər ixtisaslaşmış şirkətlərə deyil, qabaqcadan razılaşdırılmış şəkildə yetərincə bazası olmayan firmalara verilir. “Satınalmalar haqqında” AR Qanununa zidd olaraq, tenderlərdə təcrübəsiz, maliyyə imkanları məhdud, vergi borcları olan təsadüfi firmalar qalib çıxarılır.
Vətəndaşlar şikayətlənirlər ki, “Lifttəmir” İstehsalat Birliyinin səlahiyyət sahiblərinin günlərlə xidməti telefonlarına düşmək olmur, sınaqdan keçməmiş, qəbul aktı olmayan liftlər əhalinin istismarına verilir və s.
Maraqlıdır, görəsən, adı çəkilən idarəyə vaxtaşırı olaraq Bakı Şəhər İcra Hakimiyyətindən ayrılan vəsaitin, lift istifadəçilərinin özlərinin ödədikləri abunə haqqı hara gedir. Bakı ŞİH-nin başçısı hörmətli cənab Eldar Əzizov Xalid Ələkbərovun nöqsanlarına qiymət vermək üçün nəyi gözləyir? Allah Xalid bəyə övlad toyu görmək qismət eləsin, bəlkə cənab başçı o günü gözləyir ki, Ələkbərov da səsi-sorağı uzaqlara gedib çıxan, dilə-dişə düşən yarım milyonluq toy-büsat qursun, ondan sonra hərəkətə gəlib bir tədbir görsün?

Nyus.Az


[rating-type-4]
{likes}
{dislikes}
[/rating-type-4]
İşçinin taleyi əgər Qağaməlinin ümidinə qaldısa.... - VAY HALINA...


Məlum olduğu kimi, bir neç gün əvvəl 1-ci Qarabağ müharibəsi veteranı, "Siyəzənneft"in işçisi Elnur Bayramov dünyasını dəyişib. Dia-az.info xatırladır ki, erməni əsirliyində olmuş Elnur Bayramov vətənə qayıtdıqdan sonra üç dəfə infarkt keçirmiş, bir müddət əvvəl isə xərçəng xəstəliyinə düçar olmuşdu.

Neftçi yanvar ayında maddi yardım üçün SOCAR-a - daha dəqiqi Neft-Qaz Təmir Tikinti Trestininin rəhbərliyinə, konkret olaraq isə Qağaməli Seyfullayev müraciət etsə də, ona rədd cavabı verildi. Nəhayətdə bəlkə də ömrünü bir neçə günlük və həm də ağrısız uzadılması mümkün olan bir vətəndaşımız ağrı-acılar və ehtiyac içində dünyasını dəyişdi. Qeyd edək ki, mərhum ağrikəsən iynə dərmanlar almaq üçün müraciət etmişdi. Lakin Qağaməli kimi məmurlar ona rədd cavabı verib.... Və bu olay da neftçilər tərəfindən etirazla qarşılanmaqdadır..

Dia-az.info xatırladır ki, SOCAR sistemində çalışdığı müddətdə Seyfullayev əbəs yerə çirkli qüvvələrin “qara kassası” sayılmayıb, ölçüyəgəlməz kapitala yiyələnib və sözün əsl mənasında oliqarxa çevrilib. Məlumatlarda həmin nəhəng sərvətin bir qismi sadalanır:

- Bakı şəhərində və doğulduğu Biləsuvar rayonunda çoxlu sayda evləri, dəbdəbəli villaları vardır. Nəinki özünün, arvadının və uşaqlarının da sürücüləri vardır. Qağaməlinin sürdüyü “Maybach” markalı, 900 dövlət nömrə nişanlı avtomobilin qiyməti isə 500000 (beş yüz min) manat civarındadır. Təkcə həmin maşını almaq üçün yetəcək gəlirin deklorasiyası tələb olunsa, Q.Seyfullayev çətin ki, şəffaf mənbə bəyan edə bilsin.

Hər halda, bunca sərvət və imkan - həm də dövlət hesabına əldə olunan imtiyazlar qarşısında bir xəstə SOCAR əməkdaşına - məhz qanunun ttələblərinə uyğun olaraq əl uzatmaq mümkün idi...

Qanunlarsa belə deyir...

Aşağıda göstərilən və qüvvədə olan, bu normativ hüquq aktlar əsas verir ki, işçi və digər şəxslər heç bir xərc çəkmədən tibbi müalicə ala bilsinlər:
1. AR-sı Əmək Məcəlləsinin 12.-ci maddəsi: işçilərin əmək, maddi, sosial və digər məişət şəraitinin, onların ailəsinin rifah halının yaxşılaşdırılması üçün müəssisə əsasnaməsi və nizamnaməsinə və kollektiv müqaviləyə müvafiq olaraq zəruri tədbirlər görmək - işəgötürənin əsas vəzifələrindən biridir.
2. Hər il Dövlət büdcəsindən səhiyyəyə və tibbə ayrılan maliyyə vəsaitləri.
3. İdarə və müəssisələrdə işçilərin tibbi sığorta olunması.
4. İşçilərin: idarə və müəssisələrdə bədbəxt hadisələrdən icbari tibbi sığortası.
5. Az istifadə olunsada könüllü tibbi sığorta
6. Müxtəlif maliyyə və ya xeyriyyə yardımları
7. Əmək müqaviləsi ilə işləyən işçilərdən 4 faiz olmaqla tutulan icbari tibbi sığorta haqları.
8. Mülki müqavilə ilə işləyən şəxslərdən hər ay 14 manat məbləğində icbari tibbi sığorta tutulması.
Hesabat ilində səhiyyə xidmətlərinə çıxışın yaxşılaşdırılması məqsədilə əhalinin icbari tibbi sığortalanması üzrə dövlət büdcəsinin payına düşən vəsait 1 milyard 264 milyon manat təşkil edib (artım 12,6%). Bunu Baş nazir Əli Əsədov Milli Məclisdə AR-n Nazirlər Kabinetinin 2023-cü ildə fəaliyyəti haqqında hesabatın müzakirəsi zaman deyib.
Sual olunur, qanunlarla bu qədər dövlət təminatı olan işçilər nədən, o cümlədən də ağır xəstəlikdən əziyyət çəkən işçilər pulsuz müalicə olmamalıdlr?

Mövzuya qayıdacağıq.

Dia-az.info

XƏBƏR LENTİ

09:00

“Tariyel Əkbərov deyir ki, nazirlikdən bizə heç nə göndərmirlər” - NARAZILIQ VAR...

22:53

Bu gecə ilk Qədr gecəsidir

22:15

İrəvan Rusiya ilə münasibətləri qəsdən pozur - Moskvadan xəbərdarlıq

21:46

Ramazanın 19-cu gününün duası - İmsak və iftar vaxtı

21:26

Sabirabadda dəhşətli "təmizlik" aksiyası - vətəndaş müraciəti

19:04

Papanın səhhəti yaxşılaşıb

18:42

Putin seçki üçün 317 milyon pul xərcləyib

18:18

Nağdsız ödənişdən yayınanlar barəsində tədbir görüləcəkmi? - Ekspertlər danışır...

17:32

Diplomsuz cərrahları kim qoruyur? - Sabiq nazir müavini rəsmən yalan danışdı

17:06

Gəncə şəhər Şəhidlər Xiyabanı zibil içindədir - VİDEOFAKT

16:38

Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!

15:53

Bəs Xalid Ələkbərova nə yaxşı SÖZ DEYƏN YOXDUR?.. - Ortada bunca məqamlar varsa...

15:24

İşçinin taleyi əgər Qağaməlinin ümidinə qaldısa.... - VAY HALINA...

14:06

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

13:32

Araz Paşayevə məxsus şirkət hansı qurumlarla işbirliyində olub və nə qədər dövlət vəsaiti silib - İLGİNC FAKTLAR

11:32

Rəis 6 saylı məntəqə tipli cəzaçəkmə müəssisəsini "bazar"a çevirib - İTTİHAM VAR...

10:54

Sakinlər problem içində... rəsmi qurumlar isə ancaq vəd verir... - Başçı da ki yox kimidir...

09:59

Gülağa Bağırov 1 milyonu NEYNƏDİ? - Bir soruşan olsa...

09:29

Təhlükəsizlik orqanlarının yaranmasının 105 illiyi

21:37

Ağalarovlardan terror qurbanlarına 100 milyonluq yardım

21:10

İlhamə Abdullayeva Gülnaz Kırimovanı O isə öz vasalının qanundan kənar əməllərini gizlədir - FAKTLAR

20:41

Ramazanın 18-ci gününün DUASI

19:14

Taleh Qaraşov kimi problemli və “klassik” məmur... - NİYƏ GETMƏLİDİR?

18:45

Kamran Əliyev vəzifəsindən azad edilib - ƏMR

16:04

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub

15:29

Parkinq sabotajı:Məmurların pul qazanmaq ehtirası, yoxsa...

14:43

İlham Əliyev BDU-ya rektor TƏYİN ETDİ

14:21

Nərimanov ərazisində yerləşən yanacaqdoldurma məntəqəsi SAXTAKARLIQ EDİR - ETİRAZ

13:08

Təhsil Tələbə Krediti Fondunun İdarə Heyətinin sədrinə ağır ittihamlar:məmur bacı-qardaşlarından ibarət mütəşəkkil dəstə...

12:24

Avropa Oyunları 2027-ci ildə İstanbulda keçiriləcək

11:44

“Gənclik Mall”da autizmli gəncin döyülməsini ört-basdır etməyə çalışıblar? - FOTO

10:38

Ermənistan sərhəddəki kəndi Gürcüstana verir? - “Joğovurd”

09:58

6 ay yataq xəstəsi olduğu üçün işdən çıxarıldı - GİLEY

09:29

Sosial şəbəkələrdə özünü AzTV-nin “prezident müxbiri” kimi təqdim edən şəxs görün hansı əxlaqı göstərir… - VİDEOFAKT