Gəncə şəhərində avtobus sürücüsü sükan arxasında ölüb.

Zamantv.az APA-nın yerli bürosuna istinadən xəbər verir ki, hadisə bu gün axşam saatlarında Şah İsmayıl Xətai prospektində qeydə alınıb.

9 nömrəli xətt üzrə hərəkət edən marşrut avtobusunun sürücüsü, 64 yaşlı Orucov İlqar özünü narahat hiss etdiyindən avtobusu saxlayıb.
Sonradan onun sükan arxasında öldüyü məlum olub.

İlkin məlumata görə sürücü infarkt (ürək tutmasından) keçirib.

Faktla bağlı araşdırma aparılır.

Əfqanstanın paytaxtı Kabildə məsciddə partlayış olub.

Zamantv.az “Reuters“ə istinadən xəbər verir ki, hadisə nəticəsində 50-dək insan ölüb.
Taliban hərəkatının yaratdığı müvəqqəti hökumət partlayışı pisləyib.

Qeyd olunub ki, müqəddəs Ramazan ayında bu cür hadisənin baş verməsi yolverilməzdir.

Əfqanıstan mətbuatının verdiyi məlumata görə, partlayış Dar-ül-Aman küçəsi yaxınlığındakı Xəlifə Sahib məscidində namazdan sonra baş verib.

Goranboyda zəhərlənmə qeydə alınıb.

Zamantv.az APA-nın yerli bürosuna istinadla xəbər verir ki, hadisə rayonun Veyisli kəndində baş verib.

Orta yaşlı qadın dərman zəhərlənməsi ilə xəstəxanaya yerləşdirilib.
Dərhal qadına tibbi yardım göstərilib,vəziyyətinin kafi olduğu bildirilir.

Qadının hansı səbəbdən dərman içməsi məlum deyil.

“Azərbaycan Hava Yolları” QSC (AZAL) 2021-ci ildə 2 milyon 519 min 347 manat məbləğində 22 tender keçirib.

Zamantv.az FED.az-a istinadla xəbər verir ki, ən böyük tenderin qalibi "İdeal Motors" MMC olub. Belə ki, şirkət Azərbaycan Hava Yolları” QSC-nin Hava Limanlarının İstismarı Baş İdarəsinin Xüsusi Avtomobil Nəqliyyatı İdarəsinin istismarında olan avtonəqliyyat vasitələrinə texniki servis xidmətinin satınalınması üzrə 604 min 650 manatlıq tenderi qazanıb. Bu isə ümumi tenderlərin 24 %-ni təşkil edir.

Zamantv.az 2021-ci ildə “Azərbaycan Hava Yolları” QSC-nin keçirtdiyi tenderləri təqdim edir:

"Biz Ukraynanın və digər bütün ölkələrin ərazi bütövlüyünü dəstəkləyirik və bunu açıq şəkildə edirik. Böyük ağacların arxasında gizlənmirik".

Zamantv.az xəbər verir ki, bu fikri Azərbaycan Prezidenti İlham Əliyev aprelin 29-da ADA Universitetində keçirilən “Cənubi Qafqaz: İnkişaf və əməkdaşlıq” mövzusunda beynəlxalq konfransda çıxışında deyib.

Dövlət başçısı bildirib ki, Azərbaycanın Rusiya ilə yaxşı münasibətləri var: “Amma bizim Ukrayna ilə də yaxşı münasibətlərimiz var. Beynəlxalq hüququn prinsipləri isə siyasi üstünlüklərə əsaslanaraq şərh edilməməlidir. Bizə qarşı həmişə bu mövqedən yanaşıblar. Çünki Ukrayna hadisələrindən əvvəl də, beynəlxalq ictimaiyyət tərəfindən həmişə və çox açıq şəkildə Gürcüstanla Moldovanın ərazi bütövlüyünə dəstək ifadə olunurdu. Bizə gələndə isə həmişə mesaj verilirdi ki, gedin sülh yolu ilə razılaşın. Lakin ərazinizi tərk etmək istəməyən təcavüzkarla sülh yolu ilə necə razılaşmaq olar?!
Biz çalışdıq, mən 17 ilə yaxın çalışdım, amma gördük ki, bu, mümkün deyil və gördük ki, biz bunu sülh yolu ilə etmək istədikcə, təcavüzkar daha da təkəbbürlü olur və aqressivləşir. Onlar artıq bizi yeni ərazilər uğrunda yeni müharibə ilə qorxutmağa, “Qarabağ Ermənistandır” deyə fikirlər söyləməyə başladılar. Amma indi nə deyirlər? İndi deyirlər “Qarabağ Azərbaycandır!” 2019-cu ildə “Qarabağ Ermənistandır” deyən adamlar dedi bu sözü. Biz öz əlimizlə, canımızla yeni reallıq yaratdıq. Deməli, biz bunu yaşadıq və hesab edirəm ki, ləyaqət, ərazi bütövlüyü və ədalət hər bir ölkə üçün vacibdir”.

Eks-deputat, AMEA prezidentliyindən istefa verən Ramiz Mehdiyevin kürəkəni İlham Əliyev uzun müddət sonra ilk dəfə görüntülənib.

“Qafqazinfo” xəbər verir ki, o, Bakının məşhur hotellərindən birinin qarşısında 10-YY-040 dövlət qeydiyyat nişanlı “Rolls Royce” avtomobilini idarə edib.

Qeyd edək ki, İlham Əliyevin sürdüyü 10-YY-040 dövlət qeydiyyat nişanlı avtomobil “Kaspian Telekom” MMC-yə məxsusdur. Bu şirkətin qanunu təmsilçisi Orxan Əliyevdir. O.Əliyev isə İlham Əliyevin qardaşı Fikrət Əliyevin oğludur.

Xatırladaq ki, keçmiş deputat İlham Əliyev 2020-ci ildə sərt karantin zamanı övladına toy etməsi ilə gündəmə gəlmişdi. Həmin ilin avqustun 22-də Abşeron Rayon Məhkəməsi İlham Əliyev və qudası Rövşən Mustafayevin 15 sutka müddətinə inzibati qaydada həbs olunması barədə qərar qəbul etmişdi.

Aprelin 29-u saat 14 radələrində Laçın rayonunun işğaldan azad edilmiş Səfiyan kəndi ərazisində 1992-ci il təvəllüdlü Pərvin Salahovun piyada əleyhinə minaya düşməsi ilə bağlı rayon prokurorluğuna məlumat daxil olub.

Laçın rayon prokurorluğundan "Zamantv.az"a verilən məlumata görə, ilkin araşdırmalarla həmin ərazidə təmir tikinti işləri aparılan zaman tikinti şirkətində fəhlə kimi çalışan Pərvin Salahovun minaya düşməsi nəticəsində ağır dərəcəli bədən xəsarətləri alması müəyyən edilib.

Hazırda faktla bağlı Laçın rayon prokurorluğunda araşdırma aparılır.

Zamantv.az - “Dövlət Avtomobil Nəqliyyatı Xidməti və Dövlət Yol Polisinin nəzarətinin zəif olması belə vəziyyətin yaranmasına səbəb olub”.

Bunu Bizim.Media-ya açıqlamasında nəqliyyat eksperti Elməddin Muradlı rayonlara sərnişindaşıma ilə məşğul olan əksər avtobus sürücülərinin hələ də bunu Bakı Avtovağzalından kənar ərazilərdən istifadə etməklə həyata keçirmələrində kimlərin maraqlı olduğuna aydınlıq gətirərkən deyib:

“Təəssüf ki, sərnişindaşıma ilə məşğul olan bir sıra şəxslər hələ də Bakı Avtovağzalından kənar ərazilərdən istifadə etməklə regionlara sərnişin daşınmanı həyata keçirir. Bu isə qanunsuz və nəzarətsiz sərnişindaşıma deməkdir. Belə sürücülərə münasibətdə prosesin bu günə kimi tənzimlənməməsi onlara nəzarət mexanizminin zəif olmasından qaynaqlanır. Avtovağzal ətrafında baş alıb gedən bu xaotik vəziyyətin aradan qaldırılmasına Dövlət Avtomobil Nəqliyyatı Xidməti və Dövlət Yol Polisi nəzarət etməlidir. Deməli, həmin bu iki qurumun nəzarəti zəifdir ki, sözügedən vəziyyət hələ də aradan qaldırılmayıb”.

Həmsöhbətimiz düşünür ki, rayonlara avtovağzaldan kənar yerlərdən istifadə etməklə sərnişin daşımaqla məşğul olan sürücülərin əksəriyyəti narkoman, iş və istirahət rejimi bəlli olmayan sürücülərdir:

“Bir insan sutkada 4 saatdan artıq maşın sürməməlidir. Onlar isə ucqar rayondan belə gəlib bir saat sonra geri qayıdırlar. Gün ərzində az- 12-14 saat sükan arxasında olurlar. Bundan başqa, rayonlara avtovağzaldan kənardan sərnişin daşıyan sürücülər tibbi müayinədən keçmir, idarə etdikləri avtubusun hansı vəziyyətdə olduğu da bəlli olmur. Bu əsasda onlar daşıdıqları insanların həyatını da təhlükəyə atır. Onlara avtovağzal ərazisində qanuni fəaliyyət göstərmələri üçün dəfələrlə xəbərdarlıq edilib. Amma təəssüf ki, yenə də öz bildikləri kimi hərəkət edirlər”.

Mövzunu Bizim.Media bir neçə dəfə Gəncədəki, Mingəçevirdəki problemlərlə birlikdə işıqlandırıb.

İndi ölkədəki bütün avtovağzallarda eyni problem yaşanır, demək olar ki, hamı şikayətçidir. Amma rəsmi tərəf məsələyə hələ də bir aydınlıq gətirməyib və həll yolu da tapa bilməyib.

KİV olaraq bu məsələni axıra kimi davam etdirmək fikrindəyik. Nəhayət ki, bunun bir həll yolu olmalıdır.

Ən azı qardaş Türkiyənin təcrübəsindən istifadə etmək olar. Avtobuslarda mobil elektron sistemin qurulması, sərnişin hərəkətlənməsi ilə bağlı məlumatların hesabatlılığı və bilet satışlarının müxtəlif məntəqələrdə əlçatımlı eləməklə problemin öhdəsindəh gəlmək mümkündür.

Araşdırmamız davam edəcək.

Gəncədə intihar hadisəsi baş verib.

APA-nın yerli bürosunun məlumatına görə, hadisə şəhərin “AQTA 6” adlanan yaşayış massivində qeydə alınıb.

Sözügedən ərazidə yaşayan 1972-ci il təvəllüdlü A.Məhərrəmova yaşadığı evdə özünü asıb. Onun meyiti yaxınları tərəfindən asılmış vəziyyətdə tapılıb.

Hadisə yerinə hüquq-mühafizə orqanlarının əməkdaşları cəlb olunub.

Qadının meyiti müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə verilib.

Məlumata görə, 50 yaşlı qadın əsəb xəstəliyindən əziyyət çəkirmiş.

Faktla bağlı araşdırma aparılır.

Zamantv.az Dövlət tərəfindən jurnalistlər üçün tikilmiş üçüncü binanın şəhid ailələrinə və müharibə əlillərinə paylanması ümün Əmək və Əhalinin Sosial Müdafiəsi Nazirliyinin balansına keçirildiyi barədə xəbərlər yayılıb.

Müxtəlif mənbələrdən qaynaqlanan informasiyalarda qeyd olunur ki, 255 mənzilli binanın aidiyyatı dövlət qurumu tərəfindən müvafiq bölgü əsasında imtiyazlı vətəndaşlara paylanması ilə bağlı hazırlıq işləri görülür.

Qeyd edək ki, iki gün əvvəl sözügedən binanın həyətində Mənzil Kommunal Təsərrüfat Birliyinin işçiləri tərəfindən iməclik aparılıb, torpaq sahəsi bellənib, yeni ağaclar əkilib. Bu da mənzillərin jurnalistlərə verilməyəcəyi barədə xəbərlərin doğru olması barədə informasiyalara inamı daha da gücləndirib.

Məsələyə aydınlıq gətirmək üçün Media Agentliyinin İctimaiyyətlə əlaqələr şöbəsi ilə əlaqə saxladıq. Oradan bildirilidi ki, bu barədə hər hansı informasiyaya malik deyillər.

Əmək və Əhalinin Sosial Müdafiəsi Nazirliyinin şöbə müdiri Fazil Talıblı isə "AzPolitika.info"nun sorğusuna cavab olaraq bildirdi ki, bu barədə xəbərlər doğru deyil. "Bu barədə daha əvvəl də bizdən soruşublar, amma nazirliyin həmin yaşayış binasını balansına götürməsi həqiqətə uyğun deyil",- o vurğulayıb.

Xatırladaq ki, ötən il bir qrup media nümayəndəsinin imzası ilə sözügedən mənzillərin şəhid ailələlərinə və müharibə əlillərinə verilməsi ilə bağlı dövlət qurumlarına müraciət ünvanlamışdı.

Redaksiyamıza daxil olan məlumata görə, qarşıdan gələn 22 iyul Mətbuat Günü ərəfəsində binadakı mənzillərin bir hissəsinin jurnalistlərə paylanacağı gözlənilir.