Bakıdakı “Karaca” mağazalar şəbəkəsi vətəndaşları aldatmaqla məşğuldur.

Vətəndaşların Yenicag.az-a ünvanladıqları şikayətə görə, şirkətin endirim kampaniyası saxtadır.

Belə ki, şirkətin elan etdiyi 70 faiz endirim kampaniyasına aldanıb məhsul seçən müştəri kassaya yaxınlaşdığı zaman tamam fərqli qiymətlə qarşılaşır.

Mağazada məhsulun üzərinə 599 AZN yazılır, müştəri məhsulu götürüb, kassaya gələndə deyirlər ki, 1400 AZN-dir. Müştərinin “məhsulun üzərində başqa qiymət yazılıb” iradına isə satıcıların cavabı “bu məhsul kampaniyadan çıxarılıb, başqa məhsullarımıza endirim edilib” olur. Bu təkcə aldatmaq yox, həm də qanunvericiliyin pozulması deməkdir.

Məsələ ondadır ki, problem təkcə dəyişkən qiymətlərlə də bağlı deyil. Belə ki, mağazalar şəbəkəsinin menecerləri müştərilərlə həqarətlə danışıb onları aşağılayırlar. Müştəri məhsulun qiymətindən narazılığını bildirəndə menecerlər: “İstəmirsinizaə çıxın mağazadan, gedin nə istəyirsinizsə, edin, hara istəyirsinizsə, yazın” tipli aşağılayıcı, həqarət dolu cavab verirlər.

Maraqlıdır ki, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti mağazalar şəbəkəsinin bu cür davranışı qarşısında heç bir tədbir görmür. Belə olan halda, sual yaranır: “Karaca” mağazalar şəbəkəsinin arxasında kim durur ki, onlar həm müştərini saxta endirimlə aldadır, həm də vətəndaşları aşağılaya bilirlər?!

Bu məsələdə diqqət çəkilməli olan bir nüans da var. Əgər hansısa məhsul endirim kampaniyasından çıxarılıbsa, əməkdaşların ondan mütləq xəbəri olmalıdır. Əməkdaşlar özləri belə etiraf edirlər ki, endirim kampaniyasından çıxan məhsul haqqında məlumatları yoxdur. Bu həm də o anlama gəlir ki, mağazalar şəbəkəsi müştərilərlə yanaşı, əməkdaşlarını da aldatmaqla məşğuldur. Dolayısı ilə əməkdaşlarla müştərilər üz-üzə qalır.

Qanunvericiliyə görə, saxta endirimlər özü də məsuliyyət yaradan haldır.

“Karaca” mağazalar şəbəkəsi həm saxta endirimlərlə müştəriləri aldadır, həm də mağazalar şəbəkəsinin menecerləri onları aşağılayır. Dövlət qurumları isə bu cür hallar qarşısında susmaqda davam edir…

Yenicag.az

Aygül Əkbərova ” A-Group Insurance Company” sığorta şirkətindən şikayətçidir. TİA.Az-ın xəbərinə görə, vətəndaş firmanın fəaliyyətini tənqid edib. “Yoldaşımın işlədiyi şirkət həmin siğorta şirkəti ilə çalışır. Bizdə ailə siğortasıdır. Qızımda 1-ci dərəcəli skalioz aşkarlanıb, həkimimiz buna görə ilk seans üçün məşqçinin nəzarəti altında, klinikada 15 gün idman, 5 gün də massaj yazıb. İlk seans bitib növbəti seans üçün 20 gün təkrar idman yazılıb.

Uşağı aparmışam, reseptionda deyirlər ki, siğorta sizə rədd cavabı verib. Səbəbi soruşuram, deyir, limitiniz bitib. 15 gün idman, 15 gün də massaj imiş limit. Sığortanın nümayəndəsilə danışdım, deyir, pulu özünüz ödəyib davam edə bilərsiz. Bunu mən də bilirəm. Bəs bizə siğorta kartı təqdim etmisiz, içində də çox böyük miqdarda vəsait. Biz heç ailəlikcə il ərzində onun bəlkə də 1 faizini istifadə etmirik, heç qismət də olmasın, amma hamı xəstələnə bilir. Hər ay öz pullarını maaşdan çıxa bilirlər, onda limit yadlarına düşmür. Bir çox xəstəliyə görə müayinəni, bir çox dərmanı da qarşılamırlar. Bəs o zaman siğorta üçün maaşdan çıxılan pullar hara gedir? Mən sığortalı ola-ola həkimin, dərmanın pulunu özüm ödəyəcəmsə bizdə siğorta nəyə gərəkdir?”-deyə vətəndaş etirazını bildirib.

TİA.Az

Baş Prokurorluq jurnalist Əvəz Zeynallı və vəkil Elçin Sadıqovun barəsində seçilmiş həbs qətimkan tədbiri ilə bağlı açıqlama yayıb.

Qurumdan verilən məlumata görə, mediada yayımlanmış məlumatlar və cinayət prosessual qanunvericiliyinin tələblərinə uyğun olaraq daxil olmuş müraciət əsasında aparılmış araşdırma zamanı vəzifəli şəxsin külli miqdarda rüşvət almasına əsaslı şübhələr müəyyən edildiyindən fakta görə Baş Prokurorluğun İstintaq idarəsində Cinayət Məcəlləsinin 311.3.3-cü (külli miqdarda rüşvət alma) maddəsi ilə cinayət işi başlanaraq istintaq aparılır.

İstintaqla vəzifəli şəxs olan “Xural Yayınları” Məhdud Məsuliyyətli Cəmiyyətinin baş direktoru Zeynalov Əvəz Tapdıq oğlunun “Baku Steel Company” şirkətinin müşahidə şurasının sabiq sədri, hazırda Bakı Ağır Cinayətlər Məhkəməsində təqsirləndirildiyi cinayət işi üzrə barəsində məhkəmə baxışı davam etdirilən Məmmədov Rasim Hikmət oğlu haqqında təhqiredici məlumatlar yaymamaq, eləcə də barəsində müsbət imic formalaşdırmaq üçün müvafiq verilişlər hazırlamağı vəd edərək 2022-ci ilin avqust ayında onun müdafiəçisi Sadıqov Elçin Əli oğlunun vasitəçiliyi ilə Rasim Məmmədovun yaxınlarından 20.000 manatı rüşvət qismində almasına əsaslı şübhələr müəyyən edilib.

Toplanmış ilkin sübutlara əsasən Zeynalov Əvəz Tapdıq oğlu Cinayət Məcəlləsinin 311.3.3-cü və Sadıqov Elçin Əli oğlu Cinayət Məcəlləsinin 32.5, 311.3.3-cü (külli miqdarda rüşvət almaqda köməkçilik) maddəsi ilə təqsirləndirilən şəxs qismində cəlb edilməklə onlara həmin maddə ilə nəzərdə tutulmuş ittiham elan edilmiş və barələrində məhkəmənin qərarı ilə həbs qətimkan tədbiri seçilib.

Cinayət işi üzrə hüquqi əhəmiyyət kəsb edən bütün halların tam, hərtərəfli və obyektiv araşdırılması istiqamətində zəruri istintaq-əməliyyat tədbirləri davam etdirilir.

Media nümayəndələri, habelə sosial şəbəkə istifadəçilərinin nəzərinə çatdırılır ki, istintaq olunan cinayət işi ilə bağlı rəsmi mənbələrlə dəqiqləşdirilməmiş məlumatların yayılması qadağandır və qanunvericiliklə müəyyən edilmiş məsuliyyətə səbəb olur.

İstintaqın gedişatı barədə ictimaiyyətə əlavə məlumat veriləcək.

Füzuli rayonunun Araz Dilağarda kənd sakini Xəyyam Həsənov sahibkarlıq fəaliyyəti ilə məşğuldur. Daha doğrusu, məşğul idi. Ta ki məmur özbaşınalığı ilə qarşılaşana qədər.

Xəyyam Həsənov KİV-ə müraciət edərək bildirib ki, ona məxsus olan 20 hektar torpaq sahəsi əlindən alınaraq külli miqdarda ziyan vurulub: “Haramı ərazisində aqropark yaradılması ilə əlaqədar mənim fermamı, tikilimi dağıtdılar, ağaclarımı məhv elətdirdilər. Qoyun-quzum, mal-qaram tərk oldu. Təsərrüfatımı ərazidən köçürtdülər. 2016-cı ildə 7 hektar sahədə pambıq əkmiş, 16-17 ton maşınla yığılmış məhsul təhvil vermişdim. 2017-ci ildə 17 hektarda əkdiyim pambıq əkinini dağıtdılar. Bir elə vəsait sərf eləyib əziyyət çəkmişdim. “Füzuli Aqropark”ın məxsus olduğu “Natural – Aqro” MMC-nin direktoru İlham Hacıyev şumlatdırıb qatdı ərazisinə. O vaxt baş verənləri əks etdirən video-çəkilişlər, hal şahidləri var. Pambıq məhsulu batdı. Beyləqan pambıq zavodu (“MKT İstehsalat Kommersiya” MMC-nin Beyləqan filialı – red.) boynuma 7000 manat borc öhdəliyi yüklədi. Zavodun direktoru Rəşid müəllim mənə dedi ki, icra hakimiyyətindən zavoda məktub gəlib, mənə veriləsi vəsaitin dayandırılması tapşırılıb. Özüm cibimdən 3000 manatdan yuxarı fəhlələrə məvacib ödəmişdim. Torpağa görə 20 min manat kompensasiya hesablamışdılar, onun da yalnız 2 min manatını “Natural – Aqro” MMC-nin sabiq direktoru rəhmətlik Adil müəllimin idarəçiliyi vaxtında kartıma köçürmüşdülər. Qalanının nağd şəkildə ödəniləcəyini demişdi. Adil müəllim vəfat edəndən sonra vəzifəyə gələn İlham Hacıyev MMC-nin rəhbəri Natiq Quliyevin qohumu və həmyerlisidir. Füzuli rayon İcra Hakimiyyətinin başçısı Alı Alıyev mənə icazə verdi ki, hələlik mənə yer verilənənədək həmin o yerdə əkin əkə bilərəm. Mən də o dediyi kimi elədim. Başçının razılığını alandan sonra həmin yerə arx çəkdirib şumlatdım. İlham Hacıyev gəlib iş görməyimə mane oldu. Başçıdan icazə aldığımı dedim. Sahə inspektoru Sahib müəllimə zəng vurdum. Xeyri olmadı. İlham mənimlə aqressiv davrandı. Mənə və başçının ünvanına söyüş də söydü, hədə-qorxu gəldi…”

Hüquqları tapdalanmış, ziyana düşmüş sahibkarın başına gələnlər yalnız bundan ibarət deyil. Avqustun 4-nə keçən gecə saat 01:30 radələrində onun VAZ 21015 markalı maşını yanıb. Hesab edir ki, yandırılıb. Şübhələndiyi şəxs isə onunla konflikdə olan İlham Hacıyev və onun sifarişini yerinə yetirən əlaltılarıdır. Hadisə yerinə polis, sonra da FHN əməkdaşları gəlib.

Xəyyam Həsənov deyir ki, yuxarı instansiyalara çoxsaylı müraciətləri nəticə verməsə də, ən nəhayət, son günlərdə Prezident Administrasiyasında vəzifəli şəxslə görüşəndən sonra RİH başçısı Alı Alıyev və sahə inspektoru Sahib müəllim onu çağırıb vaxtilə pambıqçı qadınlara əmək haqqı xərci çəkdiyi 3500 manat pulu akt tərtib edərək veriblər. Amma zavoda borclu göstərildiyi 7000 manat və torpağın əvəzinə verilməli olan 18000 manatdan xəbər-ətər yoxdur.

Sahibkar həmçinin bildirib ki, adını çəkmək istəmədiyi bir nəfər ona İlham Hacıyevin onu təxribata çəkmək istədiyini, şərləyib tutdurmaq istədiyini deyib və ehtiyatlı olmağı məsləhət görüb. Xəyyamın verdiyi məlumata görə, Aqroparkın ərazisinə düşən torpaq sahiblərindən 4 nəfər məmur olduğu üçün kifayət qədər yuxarı məbləğdə kompensasiya alıb ərazini tərk ediblər: “Daha 6 nəfər də torpağını Aqroparka sərfəli qiymətə satmaq üçün dayanıblar. Aralarında yəqin məni zəif bənd hesab etdikləri üçün üstümə gəlirlər. Amma mən mübarizəmi sonadək davam etdirəcəyəm və inanıram ki, səsimi möhtərəm Prezidentimiz cənab İlham Əliyevə çatdıra biləcəyəm”.

P.S. Füzuli də – Alı Alıyevin başçılıq etdiyi bir rayonda həngamə bitmir ki, bitmir.
Adları çəkilən şəxslərin mövqeyini dinləməyə və dərc etməyə hazırıq. //RealMedia.az//

"Şəkildə gördüyünüz bu ərazini (Gürcüstanın Kabuleti şəhəri) 3 il əvvəl Ağalar Vəliyevin oğlu Pərviz Vəliyevə məxsus "Kristal Building” LTD hərrac vasitəsilə 2.5 milyon lariyə (o zamankı valyuta kursu ilə təxminən 1 milyon dollar) satın almışdı.

Ərazi 2017-ci ildə, Zərdab Pataradze Acarıstan Muxtar Respublikasına rəhbərlik edən dövrdə satılıb.

2018-ci ildə cənab Patatadze Gürcüstanın Azərbaycandakı fövqəladə və səlahiyyətli səfiri təyin olunur.

2019-cu ildə Gürcüstan Dövlət Təhlükəsizlik Xidməti korrupsiya ehtimalı əsasında sözügedən hərracla bağlı təhqiqata başlayır, sənədlər araşdırılmağa başlayır.

O zaman "Rustavi 2” kanalı məlumat yaymışdı ki, DTX-ya Acarıstanın yeni rəhbəri Tornike Rizhvadze müraciət edib. Məlum olub ki, hərrac yolu ilə "Kristal Building” LTD-yə yaşıl zolaqda göydələn tikintisi üçün 3 hektar ərazi satılsa da, 4 hektar ərazi hasarlanıb.

Yəni qanunsuz olaraq 1 hektar əlavə ərazi zəbt olunub. Buna görə ərazidə tikintinin davam etdirilməsinə icazə verilməyib”.

Bu barədə araşdırmaçı jurnalist Cavanşir Həsənli məlumat yayıb.

C.Həsənli qeyd edib ki, söhbət 200 milyon lari investiya yönəldilən 117 metr hündürlüyündə 33 mərtəbəli otelin tikintisindən gedir: "Kompleksdə Kabuletinin ən böyük kazinosu də nəzərdə tutulur”.

Qarşı tərəfin də mövqeyini dərc etməyə hazırıq.

Mənbə: milletinsesi.info

"Şəkildə gördüyünüz bu ərazini (Gürcüstanın Kabuleti şəhəri) 3 il əvvəl Ağalar Vəliyevin oğlu Pərviz Vəliyevə məxsus "Kristal Building” LTD hərrac vasitəsilə 2.5 milyon lariyə (o zamankı valyuta kursu ilə təxminən 1 milyon dollar) satın almışdı.

Ərazi 2017-ci ildə, Zərdab Pataradze Acarıstan Muxtar Respublikasına rəhbərlik edən dövrdə satılıb.

2018-ci ildə cənab Patatadze Gürcüstanın Azərbaycandakı fövqəladə və səlahiyyətli səfiri təyin olunur.

2019-cu ildə Gürcüstan Dövlət Təhlükəsizlik Xidməti korrupsiya ehtimalı əsasında sözügedən hərracla bağlı təhqiqata başlayır, sənədlər araşdırılmağa başlayır.

O zaman "Rustavi 2” kanalı məlumat yaymışdı ki, DTX-ya Acarıstanın yeni rəhbəri Tornike Rizhvadze müraciət edib. Məlum olub ki, hərrac yolu ilə "Kristal Building” LTD-yə yaşıl zolaqda göydələn tikintisi üçün 3 hektar ərazi satılsa da, 4 hektar ərazi hasarlanıb.

Yəni qanunsuz olaraq 1 hektar əlavə ərazi zəbt olunub. Buna görə ərazidə tikintinin davam etdirilməsinə icazə verilməyib”.

Bu barədə araşdırmaçı jurnalist Cavanşir Həsənli məlumat yayıb.

C.Həsənli qeyd edib ki, söhbət 200 milyon lari investiya yönəldilən 117 metr hündürlüyündə 33 mərtəbəli otelin tikintisindən gedir: "Kompleksdə Kabuletinin ən böyük kazinosu də nəzərdə tutulur”.

Qarşı tərəfin də mövqeyini dərc etməyə hazırıq.

Mənbə: milletinsesi.info

ARDNŞ-nin vitse -prezidenti Daşqın İsgəndərovla bağlı "Təzadlar"a ittiham dolu məktub daxil olub... Məktubun müəllifi sosial şəbəkə istifadəçisi, hüquqşünas Vüqar Haqverdiyevdir. V.Haqverdiyev yazır:

"Salam əziz dostlar !

İlk öncə SOCAR-ın bütün fəhlələrinə öz salamlarımı çatdırıram! Sizə yeni bir şad xəbərim var! SOCAR-ın vitse - prezidenti Daşqın İsgəndərovun “Ağ Şəhərdə“ dəyəri 3 ( üç ) milyon dollara olan villası haqqında məlumat aldım. Bu məlumatı mənə hüquqşünas dostlarım çatdırdılar. Özü də bu canlara dəyən oğlan o villanı Azneft İB - nin rəisi olanda alıb. Əlbəttə ki, öz “ alın təri “ ilə alıb. Təfsilatını və yerini, fotosunu "Təzadlar"da oxuyub görəcəksiniz. Azacıq səbrli olun!

Aldığım məlumata görə bu oğlan 100 faiz fərari olan Əli Əmirov adına NQÇİ - nin rəisi Fəxri Haqverdiyevlə bir yerdə bütün qanunsuz işləri həyata keririb , “ zəhmət “ çəkiblər, bunun da nəticəsi olaraq milyonlarla dollar pullar qazanıblar!!!

Fərari Fəxrinin 90 faiz əmlakları Sabunçu və Suraxanı rayonundadır. Kişini orda “ RƏİS “ deyə çağırırlar. İnsafən xalqımıza da çox böyük yaxşılıqlar edir! Belə ki, kişinin ev, torpaq, villalar satışı ilə məşğul olan AMİL adında makleri var. Kim əli yandımda nə satırsa, dərhal Amil “ RƏİS “ ə zəng vurur, həmin əmlakı alıb, xalqımızın problemini həll edirlər!

XXX

Daşqın İsgəndərov və Fəxri Haqverdiyev bütün qohum -əqrabalarını doldurublar SOCAR-a! Bu Daşqın İsgəndərov gecə -gündüz hamıya deyir ki, guya Fəxri Haqverdiyev Fərari deyil! Fəxrinin orda elə yaxın qohumu var ki, benzin, neft oğurluğu üstündə Neft Şirkətindən qovulub, siz onu yenidən Sokara işə qaytarmısınız. Fəxrinin həmin qohumu haqqında məndə daha ciddi məlumatlar var, oturun yerinizdə mənim ağzımı açdırmayın! Mərdi qova -qova namərd etməyin! Sizin sonunuza, mənim yazığım gəliir! Siz xalqımızı ağlar günə qoymusunuz ! Neftdən, qazdan gələn bütün gəlirləri mənimsəmisiniz ! Sizin balalarınız milyonlarla dollar sərvətlərə malikdir, xalqımızın balaları isə kasıb kökündə yaşayır! Sizin balalarınlz niyə 44 günlük müharibədə iştirak etmədilər? Ölkənin milyardlarını siz yeməlisiniz, müharibədə döyüşməyə kasıbların balaları getməlidir? Fərari Fəxrini başa düşdük, özü Fərari olduğuna görə oğlunu nəinki döyüşə göndərmədi, hətta oğlunun hərbi xidmətini Bakıda evinin içində keçirtdi. Evdə yaxşı xidmət etdiyinə görə DİN - də yaxşı vəzifəyə təyin olundu. Allah atasının canını sağ eləsin, belə atalar var e!

XXX

Yekunda üzümü Daşqın İsgəndərova və SOCAR-ın Fəxrini müdafiyə edən vəzifəli şəxslərinə tutub deyirəm ; Özünüzü güldürməyin, hətta Fəxri ürəyində, evində, sizə gülür ki , fərari ola -ola Sokarın bütün vəzifəlilərini aldadıram! Atamın, anamın qəbrinə and olsun, Fəxri Haqverdiyev 100 faiz Fəraridir və sizi ələ salıb oynadır! Bu barədə konkret sübutlarım var və tezliklə "Təzadlar"da açıqlayacağam. Və sonda: DGK, DMX orqanlarında işləmişəm, sizin harda hansı mülkləriniz, hansı villalarınız, hansı obyektləriniz, hansı istirahət mərkəzləriniz, restoranlarınız və s. Var, hamısınl əzbər bilirəm . Siz Azərbaycanın yarısını almısınız, ələ keçirmisiniz, işğal etmisiniz! Cənab Prezident İlham Əliyev Paşinyandan qurtaran kimi sizlərə əl bulayacaq. Buna əmin olun. Niyə qabağa durub Prezidentin Qarabağdakı quruculuq layihələrinə maddi dəstəyinizi vermirsiniz? Daşqın İsgəndərov, Qarabağa hansı yardımı etmisiniz? Müharibədə döyüşən ailə üzvün varmı??? Fəxri Haqverdiyev kimi Fərarini... vəzifədə saxlamaq xalqımıza və şəhidlərimizin ruhuna təhqirdir!

Fəxri Haqverdiyev başda olmaqla, gedin o milyonlarınızı “ YAŞAT “ fonduna köçürün! Sizin oğurladığınız milyonlara görə artıq 41 nəfər qazilərimiz intihar ediblər!".

Məktubda daha ciddi ittihamlar olduğundan ixtisarla verməli olduq.

Adları çəkilənlərin də mövqeyini təqdim etməyə hazırıq.

"Təzadlar"ın Araşdırma Qrupu

"Ucar rayonu 20 Yanvar küçəsi ev 23 sakini Abdullayev Zaur Vaqif oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Bitki Mühafizəsi və Texniki Bitkilər Elmi Təhqiqat İnstutunun direktoru Elçin Xəlilov dövlətin ayırdığı küllü miqdarda vəsaiti talan etdiyinə görə Ucarda pambıq məhv olub.
Belə ki, Ucarda yerləşən Şirvan Təcrübə Stansiyasının balansında olan 18 hektar torpaq sahəsində 3 ildir ki, Çin pambıq sortu yetişdirilir.Birinci ili 60 sentner pambıq vermiş bunu prezident İlham Əliyevdə yüksək qiymətləndirmişdir.Həttda Kənd Təsərrüfatı Naziri İnam Kərimov 5 dəfə həmin ərazidə olub yaxından maraqlanmışdır.Şirvan Təcrübə Stansiyasında yetişdirilən Çin pambıq sortu respublikanın digər rayonlarında da tətbiq edilməsi nəzərdə tutulmuşdur.
Ancaq bu il üçün Şirvan Təcürbə Stansiyasında 18 hektarda Çin toxumu adı ilə türk toxumu əkilmiş, aqrotexniki qulluq edilmədiyi üçün pambıq alağın işində batdığı üçün ot kimi biçilmişdir.

Dünyada bəlkədə 1-ci dəfədir ki, pambıq yığılmadan ot kimi biçilmişdir.Bunu isə Bitki Mühafizəsi və Texniki Bitkilər Elmi Təhqiqat İnstutunun direktoru Elçin Xəlilov etmişdir.Şirvan Təcrübə Stansiyasında 10 hektardan çox pambığı qanunsuz akt tərtib edib ot kimi biçiblər.Ancaq qanuna əsasən o halda akt tərtib edilir ki, təbii fəlakət baş vermiş olsun.Bu il isə Ucar rayonunda təbii fəlakət baş verməyib.
Son 7 ayda Şirvan Təcrübə Stansiyasının dirktoru vəzifəsinə 4 nəfər təyin edilib qısa müddət ərizndə işdən çxarılmışdır.Zaman Səfərov, Elman Nifətliyev, Natiqə Əliyeva və sonuncu Qəhrəman Tağıyev.Hər bir şəxsdən pul alaraq bu vəzifəyə təyin edən Elçin Xəlilov özü kənd təsərrüfütı üzrə mütəxəsis deyil adi bir dələduzdur.
Bitki Mühafizəsi və Texniki Bitkilər Elmi Təhqiqat İnstutunun direktoru Elçin Xəlilovun sinif yoldaşı olan Qəhrəman Tağıyev əvvələr məhkum olub.
Kənd Təsərrüfatı Naziri İnam Kərimov kadr siyasətinə ciddi nəzər etmədiyi üçün belə talançılıqla dövlətimizə küllü miqdarda ziyanlar dəyir.
Prezident İlham Əliyev pambıqçılığın inkişaf etdirilməsi üçün sərəncamlar imzalayıb dövlət büdcəsindən buna görə küllü miqdarda ayırdığı pulları isə Bitki Mühafizəsi və Texniki Bitkilər Elmi Təhqiqat İnstutunun direktoru Elçin Xəlilov talan edir".

İddia olunanlarla bağlı dia.az olaraq bütün maraqlı tərəfləri dinləməyə hazırıq...

İyul 2022-ci il tarixdə Ekologiya və Təbii Sərvətlər nazirinin müavini Vüqar Kərimov, nazir Muxtar Babayev xaricdə olan zaman, fürsətdən istifadə edərək Meşələrin İnkişafı Departamentinin (MİX) sabiq rəisi Ağaqardaş Qaraşovun vasitəsi ilə tapdığı Nəsimi Nəsirovu Masallı Regional Meşə Təsərrüfatı Mərkəzinə direktor təyin etdirdi.

Hətta N.Nəsirov sözügedən vəzifəyə təyin olmamışdan 15 gün öncə biz xəbər portallarında bu barədə məlumat vermişdik ki, bu yaxınlarda Vüqar Kərimovun qeyri-meşəçi və meşə sahəsində çalışmayan adamı Masallı Regional Meşə Təsərrüfatı Mərkəzinə direktor vəzifəsinə təyin olunur.

Çünki digər Regional Meşə Təsərrüfatlarında biz bunun əyani şahidi olmuşduq. Regional Meşə Təsərrüfatları Mərkəzlərinə son zamanlar təyin olunan əksər direktorlar qeyri-meşəçi və yad sahələrdən gələn, yaxud da dövlət idarələrindən qovulmuşlardır.

Masallı Regional Meşə Təsərrüfatı Mərkəzinin adlarını çəkilməsini istəməyən bir neçə işçisi azinfo.tv xəbər portalına verdiyi məlumata görə, Nəsimi Nəsirov Mərkəzi çay evinə döndərib. Belə ki, bu şəxs 30 000-40 000 manat qırıntı ilə işdən çıxan Mərkəzin sabiq işçilərini təntənəli surətdə öz kabinetinə dəvət edir və hətta onların qarşısına çay da qoydurur.

Biz bunun səbəbini Nəsimi müəllimdən soruşduqda, o deyir, şikayətçiləri dilə tutub əlavə məlumatlar öyrənmək üçün belə edirəm.

Bu şəxs keçirdiyi iclaslarda dediyi söz ancaq bundan ibarətdir "Mənim Bakıda şirkətlərim var, böyük biznes sahibiyəm və heç nəyə ehtiyacım yoxdur. Bilməyənlər də bilsin ki, mən bu vəzifəyə gəlmişəm ki, pul qazanmağa yox, sadəcə olaraq meşələrin vəziyyətini düzəltməyə. Siz bilirsinizmi mən keçən ay əməkhaqqımdan əlavə öz cibimdən 600 manat xərcləmişəm və lazım gəlsə, yenə də xərcləməyə hazıram. Mən belə işlərə vəsait xərcləməkdən qürur duyuram."

İşçilər əlavə edir ki, Nəsimi Mərkəzimizə direktor təyin olunandan sonra bir dəfə də olsun belə dövriyyədə olan əkinlər barədə söz açmayıb və heç maraqlanmayıb da. Nəsimi gələndən sonra dövriyyədə olan əkinlərin bir qismi baxımsızlıqdan batıb.

Qarşı tərəfin mövqeyini işığlandırmağa hazırıq. //azinfo.tv//

Bir qrup Cəlilabad sakini azinfo.tv xəbər saytı vasitəsi ilə Ölkə başçısı cənab İlham Əliyevə müraciət ünvanlayıb:

Hörmətli cənab Prezident, biz ilk öncə sözə Sizin mərhum Atanız, həmişə ruhun ehtiramla andığımız Ulu Öndərin gözəl bir kəlamı ilə başlamaq istərdik:
"Bir ağacı kəsən sanki mənim bir qolumu kəsir".

Amma buna baxmayaraq Planetimizin "ağ ciyəri" adlanan meşələrimiz bu günki gün bəzi işbazların gəlir mənbəyinə çevrilib.

Hazırda meşələrimizin qiymətli, adları "Qırmızı Kitab"a düşmüş ağacları kəsilərək mebel sexi və kustar üsulla hazırlanan kömürxanalara daşınır.

Cəlilabad və Göytəpə meşəbəyliklərinin dolaylarını görən adama sanki mənfur qonşularımızın Qarabağ meşələrində törətdiyi "soyqırımlar"ı xatırladır.

Hörmətli Ali Baş Komandan, Xalıqverdi Hüseynov Meşələrin İnkişafı Xidməti rəisi vəzifəsinə təyin olunandan sonra bizim meşələrin "fatiəsi" birdəfəlik verildi. Çünki o, əvvəllər ekologiya sahəsində rəis və digər vəzifələrdə çalışdığı zaman biz bunun əyani şahidi olmuşduq.

Aramızdan meşələr barədə şikayət verəni meşə işçiləri və yaxud da 1 saylı Regional Ekologiya və Təbii Sərvətlər Idarəsinin baş müfəttişi Talıb Kərimovun vasitəsilə ələ alıb susdurmağa çalışırlar-şikayətçilərə "get meşədən odun, çilə daşı ( yəni qır, dağıt meşəni ) , dolan və s., amma şikayət etmə" deyirlər !
Talıb Kərimov meşədən çıxan maşınların hər birindən aylıq haqq alır və odunçu, kömürçü və meşələrdən sexlərə işlik material daşıyanlara münbit şərait yaradır.

Bu dırnaq arası ekoloq və işbazlar harda materiallıq ağaclar var onu sanitar qırma adıyla nömrələyib, sonra isə onu kəsdirib material kimi satırlar. Meşələrimizdən olan təbii bərpa kütləvi şəkildə məhv olur- qiymətli ağaclar (azat, dəmirağac və s) paya formasında kəsilərək
Masallı və Cəlilabad ərazilərində çiyələk əkdirən sahibkarlara satılır.

Sözügedən meşəbəyliklərdə 300 hektara yaxın meşə əkini və aqrobağ bataraq məhv oldu və buna görə heç kim cəzalanmadı, dövlətə dəymiş 200.000 manat qədər vəsait hələ də ödənilmədi.
Artıq biz aidiyyatı qurumlara meşə barədə şikayət verməkdən yorulmuşuq.

Hörmətli cənab Prezident, artıq biz ömrümüzün əksər hissəsini sürmüşük, sadəcə olaraq bizi gələcək övladlarımız düşündürür. Qoy heç olmasa onlar gələcəkdə meşənin nə olduğun realda görsünlər, daha meşə görmək üçün qonşu ölkələrə üz tutmasınlar.

Xahiş edirik bizim haqq səsimizə səs verəsiniz.

10 sentyabr 2022-ci il. //azinfo.tv//