Toyda dava düşüb, bir nəfər ağır xəsarət alıb

Yasamal rayonunda toyda dava zamanı 1 nəfər xəsarət alıb.
Hadisə “Ağ Çiçəyim” restoranında baş verib.

Restoranda keçirilən toy məclisində qonaqlar arasında mübahisə yaranıb. 1982-ci il təvəllüdlü Məmmədov Ruslan İman oğlu qonaqlardan biri ilə dava zamanı döyülərək ağır xəsarət alıb.

Yaralı 1 saylı Şəhər Klinik Xəstəxanasına yerləşdirilib. R.Məmmədova üz və burun sümüklərinin sınığı diaqnozu qoyulub və reanimasiya şöbəsinə yerləşdirilib.

Faktla bağlı Yasamal Rayon Polis İdarəsinin 29-cu Polis Bölməsində araşdırma aparılır.(oxu.az)

Zamantv.az