Vətəndaş pensiyaya çıxa bilmir - Nazirlikdən açıqlama

Göygöl rayon sakini 07.07.1955-ci il təvəllüdlü Şərifov Mübariz Saleh oğlu pensiya ala bilməməsindən şikayətçidir.
Bizimyol.info-ya müraciət edən vətəndaş bildirib ki, 07.01.2020-ci il tarixdə 39 il iş stajı və pensiya kapitalı 12,751,16 manat oduğu halda əmək pensiyasına çıxa bilmir.

“Dövlət Sosial Müdafiə Fonfunun Göygöl rayon şöbəsi məni ələ salaraq hər gün “get, pensiya kartını Azərbaycan Beynəlxalq bankın Göygöl rayon şöbəsindən götür, 214 manat köçüb” deyir.

Azərbaycan Beynəxalq Bankın Göygöl rayon şöbəsi də mənə deyib ki, “heç sənin adın burada yoxdur”,-deyə M.Şərifov bildirib.

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun mətbuat katibi Sevinc Quluzadə Bizimyol.info-ya bildirib ki, Göygöl rayonu, S.Hacıyev küçəsi 10 ünvanında yaşayan Şərifov Mübariz Saleh oğluna 16.01.2020-ci il tarixdə yaşa görə 214,02 manat məbləğində əmək pensiyası avtomatlaşmış qaydada təyin olunub.

“M.Şərifov üçün pensiya kartının sifarişi cari ayın sonu ediləcək. Belə ki, yanvar ayının hesablanmış günləri fevral ayının pensiyası ilə birlikdə hesabına köçürüləcəkdir. Diqqətinizə çatdırırıq ki, vətəndaş M.Şərifov 23.01.2020-ci il tarixdə Nazirlik yanında Dövlət Sosial Müdafiə Fondunun Göygöl rayon şöbəsinə dəvət edilmiş və ona şifahi qaydada məlumat verilib”,-deyə Fonddan bildirilib.

Zamantv.az