“Ukraynanın paytaxtı Kiyevdə vəziyyət gərgin olaraq qalır. Rusiya işğalçıları bütün Ukraynada mülki infrastrukturları məhv edir, raket zərbələri endirirlər”.

Zamantv.az “Report”a istinadla xəbər verir ki, bu barədə Ukrayna Müdafiə Nazirliyinin feysbuk səhifəsində məlumat yayılıb.

“Rusiyanın hərbi-texniki karvanı paytaxt ətrafında xaotik hərəkət edir. Müdafiə qüvvələri Kiyevin müdafiəsi üzrə tapşırıqları yerinə yetirirlər. Rusiya hərbçiləri texnikaları buraxıb. “NLAW”, “FGM-148 Javelin” və “Bayraktar” havadan daha çox atəşə tutublar”, - deyə Ukrayna Quru Qoşunları komandanı, Kiyevin müdafiəsi komandanı general-polkovnik Aleksandr Sırski bildirib.

Bakının Xəzər rayonunda 1962-ci il təvəllüdlü Kazım ailə münaqişəsi zəminində qardaşının arvadı Ədilə və onun kürəkəni Elbəyə (adlar şərti verilib – red.) xəsarət yetirib. Zamantv.az demokrat.az-a istinadən xəbər verir ki, Kazım 29 iyun 2021-ci ildə, saat 22.30-da Türkan qəsəbəsində Dəniz kənarı küçədə Elbəyin evinin həyətyanı sahəsinə gedib. Orada ucadan səs-küy salıb, Elbəyin narahatlığına səbəb olub.

Elbəy Kazımdan həyətini tərk etməsini tələb edib. Kazım isə oranı tərk edərkən söyüş söyüb, evin qarşısındakı küçədə Elbəyin ondan nəyə görə söyüş söydüyünü soruşduqda, onun sol qaşüstü nahiyəsindən yumruqla vurub.

Daha sonra Kazım Elbəyin yaxasından tutaraq itələyib. Elbəy yerə yıxılıb, xəsarət alıb.

Bundan başqa, Kazım həmin gün saat 23.45-də Türkan qəsəbəsində əsas yoldan 500 metr aralıda olan küçədə dayanmış Ədilədən yolda niyə durduğunu soruşub. Ədilə isə evə getdiyini bildirib. Bu zaman Kazım onu da yolun ortasında döyüb.

İstintaq orqanı tərəfindən Kazımın barəsində Cinayət Məcəlləsinin 221.2.1-ci (bir qrup şəxs tərəfindən və ya təkrar xuliqanlıq) maddəsi ilə ittiham elan edilib.

Cinayət işi üzrə təqsirləndirilən şəxs qismində ifadə verən Kazım ona elan olunmuş ittiham üzrə özünü təqsirli bilib. O bildirib ki, Ədilə onun vəfat etmiş qardaşının arvadıdır: “Elbəy isə Ədilənin qızının həyat yoldaşıdır. Onların heç biri ilə heç bir ədavətim yoxdur. İyunun 29-da, saat 22.30-da qardaşım Həbib ilə birlikdə dəniz kənarına gedərkən Elbəyin evinin yanından keçdikdə onun həyətinə daxil olduq. Biz sərxoş olduğumuz üçün səsimizin tonunu idarə edə bilmirdik. Həmçinin, mən bir az ağır eşitdiyimdən Həbib ucadan danışırdı. Bu zaman Elbəy evindən çıxdı, bizim yanımiza gələrək aşağı tonda danışmağımızı və onun həyətini tərk etməyimizi tələb etdi. Bundan əsəbiləşərək ünvansız söyüşlər söydüm, Elbəyin həyətini tərk etdim. Elbəy söyüş söydüyümə görə irad bildirdi. Mən isə bundan əsəbiləşdim, Elbəyin üz nahiyəsindən yumruqla vurdum və əllərim ilə onun yaxasından tutaraq itələdim. Nəticədə Elbəy yerə yıxıldı. Bundan sonra biz oranı tərk edərək getdik”.

Təqsirləndirilən şəxs deyib ki, bir qədər sonra əsas yolun yaxınlığında Ədilənin tək dayandığını görüb: “Ona yaxınlaşaraq gecə vaxtı burda nə etdiyini soruşdum. Ədilə evə getdiyini və bunun mənə heç bir dəxli olmadığını bildirdi. Bundan əsəbiləşdim, Ədiləni söydüm. Onun üz nahiyəsindən 3 dəfə yumruqla vurdum. Kənarda olan tanımadığım bir şəxs müdaxilə edərək bizi ayırdı. Bundan sonra evə getdim”.

Cinayət işi üzrə zərərçəkmiş şəxs qismində ifadə verən Elbəy bildirib ki, iyunun 29-da, saat 22.30-da həyətində Kazım tərəfindən döyülməsi ilə bağlı qayınanası Ədiləyə zəng edərək məlumat verib.

Zərərçəkmiş qismində tanınan Ədilə isə bildirib ki, dərhal Elbəyin evinə gedib və onun bədəninin müxtəlif nahiyələrində xəsarətlər olduğunu görüb: “Elbəy mənə Kazım və Həbibin sərxoş vəziyyətdə evinin həyətinə gələrək səs-küy saldıqlarını, buna görə də onlara sərxoş halda evinin həyətinə gələrək səs-küy salmalarına irad bildirdyini, onu vurduqlarını bildirib. Mən də Daxili İşlər Nazirliyinin “102” xidmətinə zəng edərək bu barədə məlumat verdim. Polis əməkdaşları mənimlə əlaqə yaradaraq gəldiklərini bildirdi. Polisləri qarşılamaq üçün əsas yoldan 500 metr aralıda yerləşən küçəyə çıxdım. Burada Kazım mənim qarşıma çıxdı. Kazım məndən hara getdiyimi soruşdu. Kazıma evə getdiyimi bildirdim. Bu zaman Kazım məni söyərək yumruqla sağ üz nahiyəmdən vurdu. Mən də büdrədim. Kazım təkrar olaraq sol üz nahiyəmdən və burnumdan yumruqla vurdu. Yerə yıxıldım. Bu zaman tanımadığım bir şəxs məni Kazımın əlindən aldı. Kazım uzaqlaşaraq getdi”.

Ədilə deyib ki, Kazım ilə barışmaq fikri yoxdur, ondan şikayətçidir.

Bu cinayət işinə Xəzər rayon Məhkəməsində baxılıb.

Kazım 5 ay 28 gün müddətə azadlıqdan məhrum etmə cəzası təyin olunub. Onun barəsində seçilmiş polisin nəzarəti altına vermə qətimkan tədbiri dəyişdirilib, barəsində həbs növündə qətimkan tədbiri seçilib. O, məhkəmə iclas zalından dərhal həbs edilib.

Kazım cəzasını ümumi rejimli cəzaçəkmə müəssisəsində çəkməsi müəyyən edilib.

Zamantv.az Martın 02-də gözlənilən hava proqnozu açıqlanıb.

Milli Hidrometeorologiya Xidmətinin Zamantv.az -a verdiyi məlumata əsasən

Bakıda və Abşeron yarımadasında havanın dəyişkən buludlu olacağı, arabir tutulacağı,

gün ərzində əsasən yağmursuz keçəcəyi gözlənilir.

Gecə və səhər bəzi yerlərdə duman, çiskin. Şimal-şərq küləyi əsəcək.

Havanın temperaturu gecə 5-8° isti, gündüz 10-15° isti,

Bakıda gecə 5-7° isti, gündüz 12-14° isti olacaq.

Atmosfer təzyiqi 765 mm civə sütunundan 762 mm civə sütununa enəcək.

Nisbi rütubət 60-70 % olacaq.

Azərbaycanın rayonlarında

Arabir yağıntılı olacağı, gündüz tədricən kəsiləcəyi gözlənilir.

Gecə və səhər saatlarında duman. Şərq küləyi əsəcək. Havanın temperaturu gecə 4-8° isti, gündüz 13-18° isti, dağlarda gecə 0-5° şaxta, gündüz 5-10° isti olacaq

“Azərbaycanlılar Ukraynaya humanitar yardımla dəstəyin verilməsində fəal iştirak edirlər. İnsanlar təcili lazım olan hər şeyi gətirirlər. Son 24 saat ərzində 3,5 tondan çox yük toplanıb. Bu yardım tezliklə Ukraynada olacaq”. Zamantv.az “Report”a istinadla xəbər verir ki, bunu Ukraynanın Azərbaycandakı səfiri Vladislav Kanevski feysbukda yazıb.

“Qardaş Azərbaycan xalqına təşəkkür edirik! Müharibəni birlikdə dayandıracağıq”, - diplomat vurğulayıb.

Ukrayna Prezidenti Volodimir Zelenski bu gün Avropa Parlamentində çıxış edəcək. Zamantv.az “Report”a istinadən xəbər verir ki, bu barədə Ukrayna mətbuatı məlumat yayıb.

Çıxış saat 13.00-dan sonraya planlaşdırılıb, lakin dəqiq vaxt məlum deyil.

Qeyd edək ki, dünən Zelenski Ukraynanın Avropa İttifaqına daxil olması üçün ərizəni imzalayıb.

Rusiyanın Ukraynaya müdaxiləsinin beşinci günündə, Rusiya prezidenti Vladimir Putin müdafiə naziri Sergey Şoyqu və Baş Qərargah rəisi Valeri Gerasimovla görüşdən sonra Rusiya Nüvə Qarşıdurma Qüvvələrinə yüksək döyüş hazırlığı əmri verib. Zamantv.az bizimyol.info-ya istinadla xəbər verir ki, aradan qaldırıldığı güman edilən “nüvə təhlükəsi” Putinin eyhamlarından sonra yenidən gündəmə gəlib. Rusiya liderinin getdikcə “gözlənilməz” olması ilə dünyanın ən böyük nüvə silahından istifadə təhlükəsi xüsusilə ABŞ və NATO müttəfiqləri üçün son dərəcə narahatedici həddə çatıb. Britaniya mediası iddia edirdi ki, Putinin Ukraynaya müdaxiləsi zamanı üzləşdiyi müqavimət onu daha çıxılmaz və qorxulu tədbirlər görməyə sövq edə bilər. Yəni bu şayiələr doğru ola bilərmi? Avropanı hansı kabus gözləyir?

Britaniya mətbuatına görə, Putin tamamilə hər bir ssenariyə hazırdır. Britaniyanın “The Sun” qəzeti yazır ki, Putinin sərəncamında orta hesabla 5977 nüvə başlığı var, onlardan 1600-ü yerləşdirilməyə hazırdır və bu başlıqlar qurudan, sualtı qayıqlardan və təyyarələrdən buraxıla bilər.

Bundan əlavə olaraq qəzet yazır ki, Rusiyanın güclü uzaqmənzilli raketlərə döyüş başlığı kimi buraxıla bilən strateji nüvə silahları var. Onların arasında İngiltərəyə cəmi 20 dəqiqəyə, ABŞ-a isə 30 dəqiqəyə çata bilən qitələrarası ballistik raketlər var. "Şeytan" kimi qəsdən qorxunc adları olan bu strateji silahlar bütün şəhərləri məhv etmək üçün nəzərdə tutulub. Lakin bu cür silahlardan istifadə Putin üçün böyük risk deməkdir. Çünki ABŞ, İngiltərə və Fransanın ümumilikdə 5428 döyüş başlığı olduğu məlumdur. NATO qüvvələrinin də eyni dərəcədə ölümcül ehtiyata malik olduğu düşünülür.

Müstəqil “Novaya qazeta”nın əməkdaşı Pavel Felgenhauer isə Putinin öz silahlarından istifadə edə biləcəyi qənaətindədir.

"Onun üçün bir seçim Avropaya qazın kəsilməsidir. Başqa bir variant isə Şimali dəniz üzərində, İngiltərə ilə Danimarka arasında bir yerdə nüvə silahını partlatmaq və nə baş verdiyini görməkdir”, -deyə Felgenhauer bildirir.

Böyük Britaniyanın mühafizəkar deputatı Tom Tugendhat da Putinin nüvə silahından istifadə edə biləcəyini düşünənlər sırasındadır. O, “The Sun”a açıqlaması zamanı deyib: "Rusiya ordusuna nüvə silahından istifadə etmək əmri verilməsi həyəcan verici, lakin qeyri-mümkün deyil".

Bəzi mütəxəssislər isə bunun hiylə ola biləcəyinə inanırlar. Məsələn, Böyük Britaniyanın köklü təhsil müəssisələrindən biri olan UCL-dən professor Endryu Vilson mövzu ilə bağlı açıqlamasında “Putin bir az dəli rolunu oynayır. Nəzəri olaraq o, düşünür ki, əgər insanlar mənim onlardan istifadə edəcək qədər dəli olduğumu düşünürsə, bu mənim xeyrimədir”,-deyə bildirib.

Rusiyaya tətbiq edilən beynəlxalq sanksiyalar Avrasiya İqtisadi Birlyini çökdürə bilər.

Yaranmış böhranın adıçəkilən ittifaq çərçivəsində Rusiya ilə sıx iqtisadi bağlılığı olan ölkələrə ciddi təsiri qaçılmaz olacaq. Belarus AİB-in üzvü olmaqla yanaşı, həm də Rusiya ilə İttifaq Dövlətinə daxildir. Ona görə də ən ağır iqtisadi probemlərlə Berlarusun üzləşəcəyi gözlənilir. Üstəlik, Belarus Ukrayana qarşı hərbi əməliyyatlarda Rusiyaya dəstək verdiyinə görə sanksiyalara məruz qalıb. Hətta Belarusun beynəlxalq SWIFT sistemindən çıxarılması təklif olunur. Bu isə Belarusun iqtisadi çöküşünü sürətləndirə bilər. Ermənistanın da iqtisadi böhrana yuvarlanacağı gözlənilir. Çünki bu ölkənin iqtisadiyyatı Rusiyadan tam asılı vəziyyətdədir. Rusiyanın beynəlxalq ödəniş sistemindən çıxarılması Ermənistanla ticarət əməliyyatlarına ciddi problemlər yaradacaq.

Ermənistan Rusiya ilə ticarət əməliyyatlarını dollarla apardığı üçün konvertasiya prosesində əngəllərlə üzləşəcək. Qazaxıstan özünü sanksiyalardan qorumaq üçün Rusiya ilə birlikdə hərbi əməliyyatlarda iştirak etməkdən imtina etsə də, iqtisadi böhranın təsirləri ilə qarşılaşacaq. Qeyd edək ki, 2021-ci ildə Rusiya və Qazaxıstan arasında ticarət dövriyyəsi 19 milyard dollar təşkil edib. Ona görə də sanksiyalar Qazaxıstan iqtisadiyyatında ciddi hiss olunacaq. Zamantv.az -ın məlumatına görə, iqtisadçı-ekspert Cümşüd Nuriyev “Cümhuriyət”ə bildirib ki, Rusiyaya qarşı sanksiyalar nəinki Avrasiya İqtisadi Birliyinə daxil olan dövlətlərin iqtisadiyyatını zərbə altında qoyacaq.

Hətta bu böhran AİB-ə üzv olmayan ölkələrə də təsirsiz ötüşməyəcək. Sanksiyalar AİB-in və Gömrük İttifaqının dağılmasına da gətirib çıxara bilər:

“Rusiyada inflyasiya 70 faizə çatıb. Yəni gözlənilməz inflyasiya baş verib. Belə davam edərsə, Rusiya hiperinflyasiya ilə qarşılacaq. Ona görə də Avrasiya İqtisadi Birliyinə üzv olan ölkələrlə yanaşı, Azərbaycan da özünün maliyyə təhlükəsizliyini təmin etmək məcburiyyətindədir. Avrasiya İttifaqına daxil olan ölkələrdən Belarus tam çökəcək. Çünki Belarus İttifaq Dövlətinə daxil olan ölkə kimi Rusiya ilə bütün maliyyə əməliyyatlarını rublla aparamaq məcburiyyətindədir. Mən başqa dövlətin özünün milli valyutasını Rusiya rublu ilə bağlayacağına inanmıram. Əks təqdirdə, həmin ölkə ciddi iqtisadi problemlərlə üzləşə bilər. Sanksiyaların Rusiyaya təsiri yalnız SWIFT-dəki hesabının bloklanması ilə yekunlaşmayacaq, Rusiya də 3 trilyon dollara yaxın vəsait itirəcək. Bu məbləğin 1 trilyonu artıq ABŞ-da dondurulub. Onun 2 trilyon dolları da Britaniya və Avropa banklarındadır. Yəni Rusiyanın maliyyə resursları qalmadı. Rusiyanın borclarını da nəzərə alsaq, ümumi daxili məhsul dollarla müqayisədə dəyərdən düşdüyünə görə iqtisadi çöküş baş verə bilər. Xüsuilə də aprel və may ayları Rusiya üçün çox çətin olacaq. Rusiya ehtiyatlarını həm müharibəyə xərclədi, həm də xərcləri artıb. Ona görə də yaxın iki-üç ay ərzində Rusiyanın iqtisadi cəhətdən çökmək ehtimalı çox yüksəkdir”.

Ekspert bildirib ki, hazırda Rusiyanın 263 milyard maliyyə resursu var:

“Rusiyanın qızıl ehtiyatı daha çoxdur. Lakin onu dünya bazarında alan olmayacaq. Artıq Sinqapurda Rusiya ilə ticarət əməliyyatlarını dayandırdı. Rusiyada ən təhlükəli proseslər başlayıb. Tayvan Rusiyaya mikrociplərin ixracatını dayandırdı. Bundan başqa, Çin Rusiyadan neft idxalını dayandırdı. Rusiyaya ən böyük zərbəni isə İrlandiya vurdu. Rusiyadakı “Boeing” təyyyarələrinin hamısının lizinqi İrlandiyaya məxsusdur. İrlandiya lizinq sifarişini ləğv etdiyinə görə Rusiya şirkətləri təyyarələri qaytarmaq məcburiyyətindədir. Bu isə Avropa Birliyinin sanksiyalarından daha ağırdır. O zaman Rusiyanın ağır vəziyyəti başlayacaq. Mən inanmıran ki, Avrasiya İqtisadi Birliyinə daxil olan ölkələr Rusiyanın yükünü öz üzərinə götürsün. Çünki bu ölkələrin indiki şəraitdə Rusiyanın yükünü daşımaq imkanı yoxdur. Ona görə də təşkilata üzv ölkələr Rusiyanı dəstəkləsə, çox ciddi iqtisadi problemlərlə qarşılaşacaq. Azərbaycan üçün də problemlər yaranacaq. Çünki 2021-ci ildə Azərbaycanla Rusiya arasında ticarət dövriyyəsi 3 milyard dollardan artıq olub. İndi dollar və avronun rubla nisbətən məzənnəsi rubla nisbətən hər gün bahalaşır. Əgər Azərbaycan Rusiya ilə rublla ticarət aparsa bunun iqtisadiyyatımıza ciddi mənfi təsirləri olacaq. Yəni ölkənin maliyyə təhlükəsizliyi üçün təhdidlər yarana bilər”.

Cümşüd Nuriyev bildirib ki, Avrasiya İqtisadi Birliyinin dağılması prosesi başlayıb. Rusiyaya tətbiq edilən sanksiyalar bu prosesi sürətləndirə bilər:

“Avrasiya İqtisadi Birliyi yanvar ayından dağılmağa başlayıb. Rusiya Ermənistanın əli ilə Qazaxıstana müdaxilə etməklə bu qurumun müəllifi olan Nursultan Nazrbayevi də sıradan çıxartdı. Eyni zamanda, Rusiya öz aləmində Mərkəzi Asiya ilə də sədd yaratdığını düşündü. Azərbaycanla imzalanmış “Müttəfiqlik Qarşılıqlı Fəaliyyəti” haqqında Bəyannamə də ölkəmizdən arxayın olmaq niyyəti güdürdü. Çünki burada həm də Türkiyə amili var. Ona görə də Ermənistan özünü “dar ağacına” aparır. Ona heç kim kömək edə bilməyək. Ermənistanın başqa yolu da yoxdur. Çünki Rusiya Ermənistanı siyasi və iqtisadi cəhətdən tam asılı vəziyyətə salıb. Ona görə də Avrasiya İqtisadi Birliyində ən faciəli vəziyyətə düşəcək ölkə Ermənistan olacaq. Qazaxıstan Prezidenti də Rusiya xüsusi xidmət orqanlarının agentidir. Qazaxıstandakı son hadisələr də bunu təsdiq etdi”.

Rusiya ilə Ukraniya ölkələri arasında başlanan müharibədə başqa ölkələrin də vətəndaşları zərər çəkir, təşvişə düşür ,hətda günahsız yerə dünyasını dəyişənlər də olur. Ölkəmizin Ukraniya da olan vətəndaşlarının təxliyyə olunması üçün ölkəmizin Ukraniya da olan qurumları yüksək səviyyədə failyyət göstərməkdədirlər.
"Zamantv.az" bildirir ki Ukraniyada minlərlə vətəndaşlarımızla yanaşı "Səbail" futbol klubunun 13 yaşlılarından ibarət komandasının məşqçisi Manaflı Aydın da var ki, aldığımız muəllumata görə Kiyev şəhərində hansısa binanın zirzəmisində köməksiz vəziyyətdədır.
İnanırıq ki, qüdrətli ölkəmizin qüdrətli, cəsarətli Prezidenti Cənab İlham Əliyevin səyi ilə bütün vətəndaşlarımız tezliklə ölkəmizə sağ-salamat dönəcəklər.


Xəyalə ibrahimli.

Gəncə Ağır Cinayətlər Məhkəməsində xalasının həyat yoldaşını qətlə yetirən Seymur Rəfiyevə hökm oxunub.

“Kriminalqafqaz”ın məlumatına görə, Seymur Rəfiyev borc üstündə xalasının ərini öldürüb.

Daha sonra isə özü də intihara cəhd edib. Ölən Yusif Dəmirov Gəncə şəhər tibb kollecində tarix müəllimi işləyib.

Onun qızı Sevinc Dəmirova ifadəsində bildirib ki, anası uşaq yaşlarında dünyasını dəyişib: "Atam anamın ölümündən sonra sarsıntı keçirdiyi üçün yay tətilində Bakıya mənim yanıma gəlirdi. Seymur atamdan 420 manat borc pul alıb. Atam pulu istəyəndə hər dəfə bəhanə gətirərək pulu verməyib. Seymur borcun ödənilməsi üçün təqaüd kartını atama vermişdi. Mən iyulda Seymurun kartından 110 manat çıxarıb atama verdim. Avqustda yenidən pul çıxarmaq istədikdə kartın blok olduğunu görüb atama bildirdim. Atam Seymura zəng etdi. Fikirləşdim ki, Gəncəyə qayıdanda Seymurla söhbət edib məsələni həll edərlər”.

Mərhumun qızı onu da bildirib ki, xalası oğlu Seymurla və onların ailəsi ilə münasibətləri yaxşı olub: “27 avqustda Seymur mənə zəng vuraraq atamdan borcun ödənilməsi üçün vaxt verməsini istədi. Mən də atama zəng edib bu barədə bildirəndə etiraz etmədi. Hadisə baş verən gün - 28 avqustda atamla dəfələrlə əlaqə saxlayıb hal-əhval tutmuşdum. Həmin gün axşam yenidən atamla əlaqə saxlamaq istədim, lakin telefonu açmadı. Bir müddət sonra xalam zəng edərək atamın öldüyünü dedi. Xəbəri eşidən kimi Gəncəyə gəldim. Atamın bıçaqla qətlə yetirildiyini, Seymurun polis idarəsinə çağırılan zaman intihar etdiyini Gəncəyə gələndən sonra öyrəndim. Seymurun intihara cəhd etdiyini eşidəndən sonra atamın qətli ilə əlaqəsi olduğundan şübhələndim”.

Sevinc Dəmirova xalası oğlundan şikayətçi olmadığını bildirib.

Qeyd edək ki, S.Rəfiyev Y.Dəmirovu qətlə yetirdikdən sonra polis əməkdaşları onu aparmağa gəlib. Bu zaman o paltarını dəyişmək adı ilə evə girib. Evə girdikdən sonra “essens” turşusu içərək intihara cəhd edib, lakin ölməyib.

Gəncə Ağır Cinayətlər Məhkəməsinin qərarı ilə Seymur Rəfiyev 15 il müddətinə azadlıqdan məhrum edilib.

Ukraynanın Nikoloyev şəhərində yaşayan azərbaycanlılar şəhərə yaxın ərazidə yerləşən Makiyevkaya yardım aparıblar.

Bu barədə Zamantv.az-a Nikolayevdə yaşayan və xırda ticarətlə məşğul olan həmyerlimiz Sabir Şirinov deyib.

O bildirib ki, qardaşı Umud Şirinov və digər azərbaycanlı soydaşlarımız Makiyevka şəhərində Ukrayna əsgərlərinə yardım aparıblar.