''Deyirdi ki, qızılların Mədət Quliyevin oğlundadı, ala bilirsən get al...'' - Bakıda ''Biznes-lady''nin başına gətirilənlər

''Qızıllarımı ondan tələb edəndə məni ''Bandotdel''ə saldırmaqla hədələyirdi. Deyirdi ki, qızılların Mədət Quliyevin oğlundadı, ala bilirsən get al...''. Bu sözləri Criminal.az saytına açıqlamasında külli miqdarda qızıl və pulları fırıldaq yolu ilə əlindən alınan xanım iş adamı Zəminə Məhərrəmova deyib.


Zəminə Məhərəmova
Z.Məhərrəmova bildirir ki, 2017-ci ildə uzun müddətdir Nəzakət kimi tanıdığı şəxsin lombardına bir kiloqram qızıl qoyaraq faizlə pul götürüb: ''Həmin lombard metronun Xalqlar dostluğu stansiyasının yaxınlığında yerləşir. Bir müddətdən sonra qızıllarımı lombarddan götürmək üçün 52 min manat ödədim. Lakin həmin Nəzakət mənə bir həftə ərzində qızıllarımı qaytaracağını söz verdi. Lakin o verdiyi vədi yerinə yetirmədi. Sonradan öyrəndim ki, həmin Nəzakət kimi tanıdığım qadın əslində Məzbura Teymur qızı Əliyevadır. Qızıllarımı tələb etməkdə israrlı olanda isə dedi ki, oğlu Zaur Əliyev Dövlət Təhlükəsizlik Xidmətinin rəisi Mədət Quliyevin böyük oğlu ilə dostdur. Guya hər iki lombardı Mədət Quliyevlə şərik işlədir. Hər dəfə pulumu ondan istəyəndə bildirirdi ki, məni bandotdelə saldıraram. Guya Baş Mütəşəkkil Cinayətklarlıqla Mübarizə idarəsinə ayda 3 min manat haqq verir. O bu sözləri hər dəfə yetərincə çox olan adamların içərisində deyirdi. Qızıllarımı və pulu tələb edəndə deyirdi ki, qızıllar Mədət Quliyevdədir. Bundan sonra Mədət Quliyevə bu barədə teleqram vurdum. DTX-nın katibliyində Samir adlı şəxs tərəfindən qəbul edildim. Məlum oldu ki, Mazbura Əliyevanın Mədət Quliyev və oğlu ilə heç bir əlaqəsi yoxdur''.

Mazbura Əliyeva
Z.Məhərrəmova deyir ki, M.Əliyevanın qızıl və pullarını geri qaytarmağacağına əmin olandan sonra Nərimanov rayon Polis İdarəsinə müraciət edib: ''Dəfələrlə Nərimanov rayon prokuroru Vüqar Əliyevin qəbulunda olsam da, polis tərəfindən hər hansı iş görülmür. Mazbura hələ də azadlıqda gəzərək insanların qızıllarını mənimsəməklə məşğuldur. Şikayətimiz hazırda müstəntiq Cabir müəllimin icraatındadır''.
Nərimanov rayon Polis İdarəsinin istintaq şöbəsinin müstəntiqi Cabir Bağırov Criminal.az saytına bildirdi ki, sözügedən işlə bağlı cinayət işi başlanmayıb. Hazırda araşdırma aparılır və aidiyyəti üzrə Nərimanov rayon prokurorluğuna göndərilib.

Zamantv.az