Azad Rəhimov bu adamı 7 ildir süründürür... - GİLEY

13:47 4.09.2019 456
Azad Rəhimov bu adamı 7 ildir süründürür... - GİLEY

Bakı sakini Heydər Cəfərov metronun «20 Yanvar» stansiyasının yaxınlığında yerləşən əmlakına görə 7 ildir ki, Gənclər və İdman Nazirliyi ilə çəkişir. DİA.AZ bildirir ki, bu çəkişmənin son iki ili məhkəmələrdə olub və prosesə Maliyyə Nazirliyi də qoşulub.

Nəsimi rayonu, Moskva (keçmiş Tbilisi-red.) prospekti, 3007-ci məhəllədə H.Cəfərova məxsus 33.75 kvadratmetr qeyri-yaşayış sahəsi olub. O, sadəcə tikinti sahəsinin 33.75 kvadratmetr, ikimərtəbəli obyektin ümumi sahəsinin isə 322.5 kvadratmetr olduğunu iddia edir. Əlində olan mülkiyyət hüququ haqqında şəhadətnamə isə 33.75 kvadratmetrə aiddir.

Əmlakının 2012-ci ilin noyabrında dağıdıldığını, yerində Gənclər və İdman Nazirliyinin tabeliyində olan Respublika Velotrekinə məxsus bina və qurğular tikildiyini deyən H.Cəfərovun sözlərinə görə, dağıntı vaxtı obyektin içindəki bütün avadanlıqlar da məhv olub. Amma ona 1 manat da kompensasiya ödənilməyib.

Bu dağıntılar nəticəsində ona 2 milyona yaxın ziyan dəydiyini iddia edən H.Cəfərov bildirir ki, o, dəfələrlə həm Gənclər və İdman Nazirliyinə, həm də başqa dövlət orqanlarına məktublar göndərib: «2016-cı ilin dekabrında nazirliyin aparat rəhbəri Rüfət Həsənov cavab məktubu göndərib obyektin cizgisini tələb elədi. Onu əlavə edib, təkrar müraciət elədim. Bu məktubuma cavab gəlmədi. Sonra 2017-ci ilin aprelində bir də müraciət etdim. Yenə cavab gəlmədi...».

H.Cəfərov bundan sonra məhkəməyə üz tutub. 1 saylı Bakı İnzibati-İqtisadi Məhkəməsində Gənclər və İdman Nazirliyinə qarşı iddia qaldıran H.Cəfərov nazirlikdən 1 milyon 956 min manat kompensasiya tələb edib. Məhkəmənin gedişində Maliyyə Nazirliyi də üçüncü tərəf kimi prosesə cəlb olunub. Bu məhkəmə iddianı rədd edib. Belə nəticəyə gəlib ki, sözügedən əmlakı məhz Gənclər və İdman Nazirliyinin sökməsi müəyyən edilməyib.

H.Cəfərov bu qərardan şikayət verib və nəticədə Bakı Apellyasiya Məhkəməsi birinci instansiya məhkəməsinin qərarını dəyişib. Apellyasiya Məhkəməsi belə qərara gəlib ki, şəxs əmlakından məhrum olduğuna görə ona vurulmuş zərər ödənilməlidir. Ancaq kompensasiyanın məbləğini 84 min 375 manat müəyyənləşdirib.

Bu qərar isə nə H.Cəfərovu qane edib, nə Gənclər və İdman Nazirliyini, nə də Maliyyə Nazirliyini. Onların üçü də Ali Məhkəməyə şikayət verib.

H.Cəfərov deyir ki, «Qiymətləndirmə Xidməti Mərkəzi» MMC-dən rəy alıb, orada Moskva (Tbilisi) prospektində qeyri-yaşayış sahəsinin 1 kvadratmetrinin real bazar qiymətinin 2500 manat olduğu göstərilib. Bu qurum onun əmlakını da 2 milyon 100 min manat dəyərləndirib. Onun sözlərinə görə, apellyasiya məhkəməsi 84 min 375 manatlıq kompensasiyanı təyin edəndə obyektin içində məhv edilmiş avadanlıqları da nəzərə almayıb.

«Mövcud olmayan, yeri bilinməyən obyektin yalnız mülahizələr əsasında olmasının qeyd edilməsi heç bir məntiqə uyğun gəlmir. İddiaçıya məxsus obyektin və ya torpağın dövlət ehtiyacları üçün alınması barədə hər hansı sübut yoxdur», – bunu isə Gənclər və İdman Nazirliyinin nümayəndəsi bildirib.

Maliyyə Nazirliyi də yazıb ki, sözügedən obyektin hansı sahədə yerləşməsi, sökülmə tarixi, sökülmənin hansı təşkilat tərəfindən həyata keçirildiyini müəyyən etmək mümkün olmayıb. Ona görə də kompensasiya ödənilməsi barədə qərar əsassızdır.

Ali Məhkəmə apellyasiya məhkəməsinin qərarını ləğv edib və işi yenidən araşdırılması üçün həmin instansiyaya qaytarıb. Bakı Apellyasiya Məhkəməsində Həmid Həmidovun sədrlik etdiyi hakimlər kollegiyası yenidən həmin işə baxıb. Bu dəfə nazirliklərin xeyrinə qərar çıxarılıb – 1 saylı Bakı İnzibati-İqtisadi Məhkəməsinin qərarı qüvvədə saxlanılıb. Yəni əmlak sahibinə kompensasiya ödənilməməlidir.

H.Cəfərov yenidən Ali Məhkəməyə şikayət vermək niyyətindədir.

DİA.AZ
Zamantv.az
Oxşar xəbərlər

XƏBƏR LENTİ

19:04

Papanın səhhəti yaxşılaşıb

18:42

Putin seçki üçün 317 milyon pul xərcləyib

18:18

Nağdsız ödənişdən yayınanlar barəsində tədbir görüləcəkmi? - Ekspertlər danışır...

17:32

Diplomsuz cərrahları kim qoruyur? - Sabiq nazir müavini rəsmən yalan danışdı

17:06

Gəncə şəhər Şəhidlər Xiyabanı zibil içindədir - VİDEOFAKT

16:38

Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!

15:53

Bəs Xalid Ələkbərova nə yaxşı SÖZ DEYƏN YOXDUR?.. - Ortada bunca məqamlar varsa...

15:24

İşçinin taleyi əgər Qağaməlinin ümidinə qaldısa.... - VAY HALINA...

14:06

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

13:32

Araz Paşayevə məxsus şirkət hansı qurumlarla işbirliyində olub və nə qədər dövlət vəsaiti silib - İLGİNC FAKTLAR

11:32

Rəis 6 saylı məntəqə tipli cəzaçəkmə müəssisəsini "bazar"a çevirib - İTTİHAM VAR...

10:54

Sakinlər problem içində... rəsmi qurumlar isə ancaq vəd verir... - Başçı da ki yox kimidir...

09:59

Gülağa Bağırov 1 milyonu NEYNƏDİ? - Bir soruşan olsa...

09:29

Təhlükəsizlik orqanlarının yaranmasının 105 illiyi

21:37

Ağalarovlardan terror qurbanlarına 100 milyonluq yardım

21:10

İlhamə Abdullayeva Gülnaz Kırimovanı O isə öz vasalının qanundan kənar əməllərini gizlədir - FAKTLAR

20:41

Ramazanın 18-ci gününün DUASI

19:14

Taleh Qaraşov kimi problemli və “klassik” məmur... - NİYƏ GETMƏLİDİR?

18:45

Kamran Əliyev vəzifəsindən azad edilib - ƏMR

16:04

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub

15:29

Parkinq sabotajı:Məmurların pul qazanmaq ehtirası, yoxsa...

14:43

İlham Əliyev BDU-ya rektor TƏYİN ETDİ

14:21

Nərimanov ərazisində yerləşən yanacaqdoldurma məntəqəsi SAXTAKARLIQ EDİR - ETİRAZ

13:08

Təhsil Tələbə Krediti Fondunun İdarə Heyətinin sədrinə ağır ittihamlar:məmur bacı-qardaşlarından ibarət mütəşəkkil dəstə...

12:24

Avropa Oyunları 2027-ci ildə İstanbulda keçiriləcək

11:44

“Gənclik Mall”da autizmli gəncin döyülməsini ört-basdır etməyə çalışıblar? - FOTO

10:38

Ermənistan sərhəddəki kəndi Gürcüstana verir? - “Joğovurd”

09:58

6 ay yataq xəstəsi olduğu üçün işdən çıxarıldı - GİLEY

09:29

Sosial şəbəkələrdə özünü AzTV-nin “prezident müxbiri” kimi təqdim edən şəxs görün hansı əxlaqı göstərir… - VİDEOFAKT

09:01

Nə zamana qədər ki, Qağaməli Seyfullayev kimiləri meydan sulayır... - ETİRAZ

17:54

Ov mövsümü hamı üçün bitib? - Restoranlar çöl quşlarından kabab təklif edirlər - VİDEO

17:10

Bir ailənin 6 üzvü qəzada ÖLDÜ

16:09

Bakıda liftdən meyit tapıldı

15:02

Braziliya tarixinin 10 ən yaxşı hücumçusu