Siyasətə qisasçılıq gətirmək istəyən Əli Kərimli: - “Yurd” sədrinin siyahısı və cəza vədi…

14:42 25.06.2019 502
Siyasətə qisasçılıq gətirmək istəyən Əli Kərimli: - “Yurd” sədrinin siyahısı və cəza vədi…

Siyasi müxalifətin məqsədi hakimiyyətə gəlməkdir.

Bunun üçün xalq müxalifət birliyinə nail olmaq ən mühüm və vacib şərtdir. Lakin elə qüvvələr var ki, xalqın müxalifətə, müxalifətin də siyasətə olan bugünkü münasibətinin formalaşmasında katalizator rolunda olublar. Nəticədə xalq müxalifətdən, müxalifət də siyasətdən, hakimiyyət uğrunda mübarizədən məhəlli fəaliyyətə sürüklənib. Bu qüvvələr arasında özünü müxalifətin lideri gözündə görən və yəqin ki, bu missiyanın özündən başqa kimsənin boyuna ömürlük biçilməsini istəməyən “Yurd” sədri Əli Kərimli əsas yer tutur. O qədər əsas ki, hətta bir çox ilklər məhz onun adı ilə bağlıdır. Müxalifətdə əbədi müxaliflik ideyasını da o həyata keçirib, bu cameədə demokratik idarəetməyə ilk arxa çevirən də o olub, özündən yaratdığı bütü demokratiya, insan hüquq-azadlıqlarının carçısı kimi sırımağa çalışaraq kompüter başında neçə-neçə insanın hüququnun tapdalanması göstərişi verən də, söyüş, təhdid ritorikasını əvvəlcə sosial şəbəkəyə, oradan da ayrı-ayrı siyasi qrupların içinə daşıtdıran da odur.

Bir nəfər üçün kifayət qədər ilkdir, deyilmi? Kərimli bütün bunları 25 illik aktiv siyasi həyatına sığışdıra bilib. İndi, 21-ci əsrin 20-ci ilinin astanasında da bütün bunları arxasında qoymayaraq, yaşam tərzinə çevirib.

Virtual dünyanın qəhrəmanı Kərimli üçün bu məqsədlərini həyata keçirəcək sosial şəbəkələr geniş meydandır. Bu şəbəkələrə o qədər aludə olub ki, artıq Əli Kərimli real dünyanın deyil, sosial şəbəkələrin siyasətçisinə çevrilib. Bütün fəaliyyəti üçün ona bir neçə kompüter və çox sayda saxta hesab bəs edir. İkisinin “harmoniyası” “Yurd” sədrinə manevr imkanı verir. Bir zamanlar təkcə öz idarəsində 200-ə yaxın saxta “Facebook” hesabı olan Kərimli üçün bura həm də təhdid meydanıdır. Burada xarakterdən irəli gələn, bütün diktatorlara xas qaydaların tətbiqi üçün şərait var. Elə ki, kompüteri açırsan, bir anda demokrata, böyük siyasətçiyə, uğurlu liderə, gələcəyin ümid yerinə çevrilmək mümkündür. Bəyən və istədiyini al. Nədə olsa, heç kəs kompüter arxasındakının üzünü görmür, kimliyini bilmir, belə olan halda təriflətməyə də, qorxutmağa da nə var? Necə ki, “Yurd” sədri edir və etdirir. Rəhbəri olduğu trollar məhz Kərimlinin diktəsi, birbaşa tapşırığı ilə “Facebook”da, “Youtube”da rüzgar əsdirir, “bəy tərifi” yağdırır, “Yurd” sədrinə hətta yüngül irada belə hədə-qorxuyla cavab verir, daha da uzağa gedərək təhdidlər yazırlar. Kərimlinin ünvanına bircə tənqidi fikir kifayətdir ki, qarşıda kompüter arxasından boy göstərən “qəhrəmanları” görəsən.

Siyasətə qisasçılıq gətirmək istəyən Əli Kərimli: - “Yurd” sədrinin siyahısı və cəza vədi…

O “qəhrəmanlar” üçün söyüş, təhqir artıq keçilmiş mərhələdir. İndi təhdid mərhələsi başlayıb. Bu mərhələdə Kərimli ilə bağlı tərifdənkənar bircə ifadəyə “asacağıq”, “kəsəcəyik” cavabı almaq an məsələsidir. İnanmayanlar bircə dəfə cəhd etsin və qarşılaşacaqları mənzərinin necə dəhşətli olacağını görmək üçün bir neçə dəqiqə kifayət edəcək. Dəfələrlə öz jurnalist fəaliyyətimizdə bunun şahidi olmuşuq, şəxsən məni Kərimli ilə bağlı yazdığım tənqidi fikirlərə görə təhqir edənlər, “hakimiyyətə gələn kimi cəzalandırmaq”la hədələyənlər az olmayıb. Real insanlardırmı, yoxsa sadəcə diktə ilə trolluq xidməti göstərənlərdirmi, birmənalı söyləmək çətindir. Amma görünən odur ki, bu fəaliyyət onu tapşıranların da, icraçıların da xoşuna gəlib, işlərinin əsas hissəsi kimi ona zaman ayırır, can-başla yerinə yetirilər.

Bugünlərdə jurnalist İsmayıl Cəlilovla bağlı olay dediklərimizin daha bir sübutudur. Jurnalistin Kərimli barədə söylədiyi sözlər “Yurd” sədrinin xoşuna gəlməyib və anında bircə hərəkətlə trol qrupu iş başına keçib. ABŞ-da yaşayan İsmayıl Cəlilov internet trolların hücumundan şikayətləndiyi videomüraciətlə çıxış edib. Jurnalistin sözlərinə görə, ona qarşı kampaniya Youtube kanalındakı müsahibələrdən birində "Yurd" lideri Əli Kərimlinin ünvanına tənqidi fikirlərin səslənməsindən dərhal sonra sosial şəbəkələrdə başlayıb.
Siyasətə qisasçılıq gətirmək istəyən Əli Kərimli: - “Yurd” sədrinin siyahısı və cəza vədi…
Bundan dərhal sonra İsmayıl Cəlilovun “Facebook” sosial şəbəkəsindəki səhifəsinə Əli Kərimlini dəstəkləyən internet trolları tərəfindən təhqirlər yağmağa başlayıb.

“Mənim “Youtube” kanalımda D18 hərəkatının lideri Ruslan İzzətli ilə müsahibə çıxıb və müsahibəsində o, Əli Kərimlini yüngül formada tənqid edib. Həmin videoda təhqir olmayıb. Jurnalist olaraq, mən heç vaxt imkan vermərəm ki, efirimdə kiminsə ünvanına təhqir səslənsin. Lakin bundan dərhal sonra mənim səhifəmə Əli Kərimlinin trolları hücum çəkdi və təhqiramiz şərhlər yazmağa başladılar. Adi tənqidə şəxsiyyətin alçaldılması ilə cavab verən bu qrupa nə deyəsən?”

Blogerin sözlərinə görə, dəfələrlə dəvət edilməsinə baxmayaraq, Əli Kərimli onun efirinə qatılmaqdan imtina edib. «Əli Kərimli gəlmir, çünki mənim kanalımı çox kiçik hesab edir. 4 min nəfərlik auditoriyam onun üçün çox balacadır. Amma əgər məndə belə az tamaşaçı varsa, nəyə görə Əli Kərimlinin tərəfdarları kanalımdan belə qorxurlar? Nəyə görə mən səhərdən axşama qədər onların təhqir dolu şərhlərini pozmalıyam? Əli Kərimli, mən sizə müraciət edirəm, tərəfdarlarınıza deyin ki, media nümayəndələrinə hücum etmək olmaz. Onları yığışdırın. Məndə belə bir qorxu yaranır ki, siz hakimiyyətə gəlsəniz, nə baş verər? Müxalifətdə olduğunuz halda tərəfdarlarınız jurnalistlərə hücum edir. Əgər real hakimiyyət qazansanız..."

Göründüyü kimi, tənqiddən söhbət belə gedə bilməz, qarşı tərəfi susdurmaq üçün əsasən söyüşdən, hədə -qorxudan, təhdiddən istifadə edirlər. Zaman kimi “hakimiyyətə gələcəkləri” möhlətini verir və açıq-aydın şəxsi cəzalandırma, qisasçılıq ruhunda köklənərək cəmiyyəti də buna sürükləyirlər.

Ən təhlükəlisi də məhz budur- qisasçılıq. Kərimli təkcə Azərbaycan siyasətinə yox, həm də ümumən həyatımıza qisasçılığı gətirməyə istəkli adamdır. İstəyinin təminində neçə-neçə gəncdən yararlandığı, kimlərə hansı vədləri verdiyi, kimləri hansı vasitələrlə ələ alıb yanında saxladığını “Yurd” sədrinə yaxın olan dairələr yaxşı bilir.

Sosial şəbəkələr Kərimlinin “müdafiəsinə” qalxan “alovlu başlarla” doludur. Hətta o qədər irəli gediblər ki, Kərimlini bəyənməyənlərin, tənqid edənlərin, etirazını bildirənlərin siyahısını hazırlayıblar.
Siyasətə qisasçılıq gətirmək istəyən Əli Kərimli: - “Yurd” sədrinin siyahısı və cəza vədi…
Bu siyahı onlara gələcəkdə bu şəxslərin cəzalandırılması üçün lazım olacaq. Hər çıxışında cəmiyyətə demokratiya, hüquq və azadlıqların təmini, yaxşı həyat, sosial ədalət vədi verən Kərimlinin olan və əslində olmayan müdafiəçiləri əllərində siyahı dolaşır, bunu sosial şəbəkələrdə bəyan edir, tənqidlər artdıqca, siyahı da uzanır, “hakimiyyətə gələcəkləri gün” qisas vədi alanların sayı artır. Kərimli bununlamı ölkəyə demokratik idarəetmə gətirməyi düşünür? İfadə azadlığını beləmi təmin edəcək? Söz azadlığından anlayışı budurmu?
Cebhe.info
Zamantv.az
Oxşar xəbərlər

XƏBƏR LENTİ

14:35

“Axırıncı dəfə maşını 60 il qabaq sürmüşəm, nə cərimə?” – Ramiz Mehdiyev

14:06

Xaçmaz rayon icra şöbəsinin məmurundan ÖZBAŞINALIQ! - Nazirə müraciə olundu

13:20

BŞİH-də Anar Qalayevin də fəaliyyəti müzakirəyə çıxarılsın -Eldar Əzizova təklif

12:48

Şəki Uşaq İncəsənət Məktəbinin direktorunda topdağıtmaz sərvət haradandır? –Adil Kərimlinin menyusuna

12:05

Məhkum Ədliyyə Nazirini “zon”a dəvət etdi – ŞOK səs yazısı

11:27

Sahil Babayevin DOST TV-si nazirin MƏTBU ÇƏTİRİ rolunda... - İDDİA

10:57

Vətəndaşa kələk gələn “Access Bank” özü qurban gedir – İFLAS

10:17

Səhiyyə Nazirliyi İTTİHAM OLUNUR - "Nə zamana kimi belə addımlarınız olacaq?"

09:24

“Mənə vəzifəli şəxsin köməyi ilə 185 min dollar ziyan vurub”

09:00

“Tariyel Əkbərov deyir ki, nazirlikdən bizə heç nə göndərmirlər” - NARAZILIQ VAR...

22:53

Bu gecə ilk Qədr gecəsidir

22:15

İrəvan Rusiya ilə münasibətləri qəsdən pozur - Moskvadan xəbərdarlıq

21:46

Ramazanın 19-cu gününün duası - İmsak və iftar vaxtı

21:26

Sabirabadda dəhşətli "təmizlik" aksiyası - vətəndaş müraciəti

19:04

Papanın səhhəti yaxşılaşıb

18:42

Putin seçki üçün 317 milyon pul xərcləyib

18:18

Nağdsız ödənişdən yayınanlar barəsində tədbir görüləcəkmi? - Ekspertlər danışır...

17:32

Diplomsuz cərrahları kim qoruyur? - Sabiq nazir müavini rəsmən yalan danışdı

17:06

Gəncə şəhər Şəhidlər Xiyabanı zibil içindədir - VİDEOFAKT

16:38

Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!

15:53

Bəs Xalid Ələkbərova nə yaxşı SÖZ DEYƏN YOXDUR?.. - Ortada bunca məqamlar varsa...

15:24

İşçinin taleyi əgər Qağaməlinin ümidinə qaldısa.... - VAY HALINA...

14:06

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

13:32

Araz Paşayevə məxsus şirkət hansı qurumlarla işbirliyində olub və nə qədər dövlət vəsaiti silib - İLGİNC FAKTLAR

11:32

Rəis 6 saylı məntəqə tipli cəzaçəkmə müəssisəsini "bazar"a çevirib - İTTİHAM VAR...

10:54

Sakinlər problem içində... rəsmi qurumlar isə ancaq vəd verir... - Başçı da ki yox kimidir...

09:59

Gülağa Bağırov 1 milyonu NEYNƏDİ? - Bir soruşan olsa...

09:29

Təhlükəsizlik orqanlarının yaranmasının 105 illiyi

21:37

Ağalarovlardan terror qurbanlarına 100 milyonluq yardım

21:10

İlhamə Abdullayeva Gülnaz Kırimovanı O isə öz vasalının qanundan kənar əməllərini gizlədir - FAKTLAR

20:41

Ramazanın 18-ci gününün DUASI

19:14

Taleh Qaraşov kimi problemli və “klassik” məmur... - NİYƏ GETMƏLİDİR?

18:45

Kamran Əliyev vəzifəsindən azad edilib - ƏMR

16:04

Vüqar Kərimovla iş adamı Tehran Lətifovun işbirliyi Şəkidə nə qədər ağacın kəsilməsinə səbəb olub