Cavid Hüseynovdan şikayət var... - Müraciət
Gündəm / Dünya
10:53
30.04.2019
504
“ATE HÜQUQ MƏRKƏZİ”nin rəhbəri Telman Əzimov Məhkəmə-Hüquq Şurası Aparatının rəhbəri Cavid Hüseynovdan Prezident İlham Əliyevə şikayət məktubu ünvanlayıb. Bizimxeber.az-a daxil olan məlumata görə, vəkil sözügedən şəxsin məktub və şikayətlərə laqeyd münasibətindən şikayətçidir.
Müraciəti olduğu kimi təqdim edirik.
Azərbaycan Respublikasının Prezidenti cənab İlham Əliyevə…
Cənab Prezident!
06 aprel 2019-cı il tarixində Qubadlı Rayon Məhkəməsinin hakimi Vladimir Ruvinovun hərəkətləri barədə Azərbaycan Respublikasının Məhkəmə-Hüquq Şurası Aparatının rəhbəri cənab Cavid Hüseynovun ünvanına şikayət məktubu yazmışam.
Şikayətim 10.04.2019-cu il tarixində 1/Ə-144/2 Aparatın aparıcı məsləhətçisi Seyfəlpaşa Əliyev tərəfindən şikayətçi olduğum Qubadlı Rayon Məhkəməsinin hakimi Vladimir Ruvinovun özünə göndərilmişdir.
Azərbaycan Respublikasının Məhkəmə-Hüquq Şurası Aparatında ərizələrə cavab verilməsi və imzalanması hansı qanuna əsasən Seyfəlpaşa Əliyevinin səlahiyyətinə verilmişdir? Bunu bilmək bir hüquqi şəxs kimi mənim üçün çox maraqlıdır. Hesab edirəm bu barədə mənə rəsmi cavab veriləcəkdir. Əgər bu qanunsuzdusa onda belə görünür ki, Azərbaycan Respublikasının Məhkəmə-Hüquq Şurası Aparatının rəhbəri cənab Cavid Hüseynov bizim yazdığımız şikayətlərəri oxumur və yaxud da oxumağa vaxtı yoxdur.
«30» sentyabr 2015-ci il tarixində “Vətəndaşların müraciətlərinə baxılması qaydası haqqında” Azərbaycan Respublikasının Prezidenti cənab İlham Əliyev tərəfindən qanun imzalanmışdır.
Həmin qanunun 7.11-ci maddəsində göstərilir, vətəndaşların müraciətlərini aidiyyəti üzrə baxılmaq üçün qanunazidd hərəkətindən (hərəkətsizliyindən) şikayət edilən müraciətə baxan subyektə və ya onun vəzifəli şəxslərinə göndərmək qadağandır.
Görünür aparatın aparıcı məsləhətçisi Seyfəlpaşa Əliyev yuxarıda göstərilən qanunun tələbini ya bilmir və ya bilmək istəmir. Yuxarıda göstərilənlərə əsasən şikayətimizin araşdırılması və qanuna müvafiq qaydada tədbir görülməsi barədə bizə rəsmi qaydada cavab verilməsinə köməklik göstərilməsini Sizdən xahiş edirik. \\Bizimxeber.az\\
Zamantv.az
Oxşar xəbərlər
