İran ilə Avropa arasında xüsusi sistem yaradılıb
Gündəm / Dünya
16:38
1.02.2019
497
Nəhayət ki, Avropa İttifaqı üzərinə düşən öhdəliyin yerinə yetirilməsi istiqamətində ilk addımı ataraq İran ilə ticarət əlaqələrini davam etdirmək üçün xüsusi hesablaşma sistemi (INSTEX) yaradıb.
AZƏRTAC xəbər verir ki, bu sözləri İranın Xarici İşlər Nazirliyinin rəsmi nümayəndəsi Bəhram Qasemi deyib. O bildirib ki, dünən Fransa, Almaniya və Böyük Britaniya bəyanatla çıxış edərək İranla iqtisadi və ticarət əlaqələrini davam etdirmək üçün xüsusi maliyyə sistemini yaratdıqlarını bəyan ediblər. Bu addımla hər 3 dövlət nüvə razılaşmasının pozulmasının əleyhinə çıxış ediblər. Rəsmi Tehran hər 3 dövlətin addımını alqışlayır.
Xüsusi sistem bank kimi fəaliyyət göstərəcək, mənzil-qərargahı Fransada yerləşəcək. Onun icra mexanizmini Almaniya həyata keçirəcək. Böyük Britaniya isə nəzarət şurası funksiyasını yerinə yetirəcək. İstənilən Avropa ölkəsi bu sistemə qoşularaq İran ilə iqtisadi və ticarət əlaqələrini davam etdirə bilər.
Zamantv.az
Oxşar xəbərlər
