"Bu İcra hakimiyyətləri, ərazi nümayəndəliyi bəs nəyə lazımdı?" - GİLEY

Şəki şəhərində M.F. Axundov 11/5 ünvanındakı fərdi yaşayış evində 2016 -cı ildə yanğın nəticəsində tamalilə yanan mənzil sakinlərinə Şəki İh- dən nədən və nə səbəbdən yardım edilmir? İh -nin birinci müavini Həsən Həsənov Vətəndaşları dəfələrlə müəyyən sənəd gətirməklərini söyləmiş , guya akt tərtib edərək köməklik edəcəkləri kimi get- gələ salıb. Hətta Azərbaycan Respublikasının birinci Vitse prezdenti Mehriban xanım Əliyevanın göndərilən məktuba cavabina baxıb, istehzayla gülürmüş. Bu gün zəngimizə İcra hakimiyyətindən verilən çox hətta daha çox maraqlı cavab bu oldu ki, niyə Mehriban xanım H.Əliyev fondundan yardım ayırmır? Şəki şəhər icra hakimiyyətinin imkanları çox zəifdi.

İcra hakimiyyəti rəsmisi hansı səlahiyyətlərinə görə ölkə rəhbərinə məsləhət verir???

Hadisə baş verən zaman FHN dən gələn nümayəndələr dəymiş zərəri müəyyənləşdirmiş, yanğından yararsizchala düşmüş yaşayış evinə ayrılan kağız üzərində yazılan məbləğ isə sakinlərə ödənilməmişdir. Hətta məlumata görə Yanğın nəticəsində yararsiz hala düşmüş dam örtüyü üçün tikinti materialları ayrılıbmış. Bəs bu yardım və tikinti materialları kimlər tərəfindən mənimsənilib? Hər aidiyyatı yerə müraciət etməklərinə baxmayaraq imkansız ailəyə kömək edən, hətta məktubuna cavab verən olmamışdı. Yalnız Ölkəmizin Mərhəmətli xanımı Birinci Vitse Prezdent həmişə olduğu kimi Ölkəmizin Vətəndaşına, onun müraciətinə diqqətli yanaşıb, Şəki şəhər İh-nə göstəriş məktubu göndərmişdir.

Lakin buna baxmayaraq , Ölkənin birinci xanımı Mehriban xanimin xüsusi göstərişi olsa da, İcra hakiyyətindən məsələyə niyə laqeyd yanaşılıb???. Ölkə rəhbərliyinin göstərişinə əməl etməyən məmur görəsən hansı vəzifədə və vəzifə borcu nə olduğunun fərqindəmi? Dəfələrlə icra hakimiyyəti başçısı Elxan Usubovun qəbulunda olan Vətındaşlar artıq iki ildi küçədə qalib. Hətta mənzilin sakini xanım düşdüyü durumla əlaqədar, artıq psixi travma alıb, nəticədə qohumları tərəfindən ciddi müalicə alır. Bu günlərdə isə yağan yağışlar yanmış evin içinə axır. Evdə isə əlacsızlıqdan yağış sularında yaşayan sakinlərin durumunun nə yerdə olduğu aidiyyatı qrumlarda heç kimi narahat etmir. Ria24.az saytının redaksiyasına daxil olan şikayət ərizəsinə görə ,dəfələrlə İcra hakimiyyətinə telefon zəngi etmişik. Hər dəfə vədlər verilsədə, ümidlər gerçəkləşmiyib. Qəbula gəlin, baxaq görək neyləyərik... kimi konkret "mədəni süründürməçilik "cavabı .Sonuncu zəngimizdə çox maraqlı cavab verdilər, məsləhət etdilər ki , xeyirxah insanlara müraciət edin. Görəsən xeyirxah insanlar varkən bu İcra hakimiyyətləri, ərazi nümayəndəliyi bəs nəyə lazımdı?

Ölkəmizin qanunları qanuna tabe olmaq üçündür. Ölkə rəhbəri Cənab İlham Əliyev məmurlara və Dövlət qulluğunda çalışan hər bir şəxsə bu Dövlətə, Xalqa xidmət etmək və əhalinin rifahi naminə çalışmağı dəfələrlə öz çıxışlarında xüsusi olaraq vurğulamışdı. Görünür yerli məmurlar bu sərəncamları diqqətlə izləmir? Ya sadəcə insanlıq naminə də olsa , iki il küçədə qalan ailəni görməməzlikdən gəlir. Bu kimi bədbəxt hadisələrdən heç kim sığortalanmıyıb. Hər bir İcra hakimiyyətinin balansında təbii hadisə və fövqəladə hadisə baş verəndə yardım etmək üçün müvafiq fond hesabı var. Bu fond İcra hakimiyyətlərinin rəsmilərinin cibinə axın etməsə, yəqin ki ....
Araşdırmamız davam edir, məsələ diqqətimizdədi. Adı çəkilən İH nümayəndəliyi mövqe bildirə bilər.
Hər danışıq səsi "Mövqe" olduğu üçün qeyd olunub.
Ria24.Az

Zamantv.az