Mən xeyirxah insanlar barədə çox eşitmişəm. Bəzən onlarla qarşılaşmışam da. Hər dəfə görmüşəm ki, bu insanlar çox halal insanlardır və onlardakı xeyirxahlıq, kişilik genetikdir...
Açığı, Qazaxa sarı yolum tez-tez düşür. Bu gün də həmin istiqamətə üz tutmuşduq. Yolda maşınımızın benzini qurtardı. Saxlamağa məcbur olduq. Yanacaqdoldurma stansiyasına isə kilometrlərlə yol var idi. Yoldan ötən maşınlardan yardım istəmək qərarına gəldik. Bu vaxt bizdən bir az aralıda bir polis maşını dayandı. Maşından kişi qeyrətli, mülayim çöhrəli, üz-gözündən mərdanəlik yağan bir polis düşdü və bizə yaxınlaşdı. Mövcud vəziyyətdən anlamışdı ki, problemimiz var. Biləndə ki, maşının benzini qurtarıb, geri qayıtdı, maşina minib gözdən itdi və bir qədər sonra geri qayıtdı. Bizə yaxınlaşdı, əlindəki benzin dolu qabı bizə verdi, dedi ki, yolda qalmayın, bir insanın hər hansı iş üçün tələsdiyi zaman
yolda qalması həyatından bir anın itməsi deməkdir. Açığı, bizi təəccüb bürüdü; adətədən yol polislərindən hərəkət qaydalarının pozuntusu zamanı, yaxd başqa hallarda əks hərəkət görürük, bu polis nəfəri isə bizi öz insanlığı ilə heyrətə saldı. Ondan təkidlə kim olduğunu, hansı işin sahibi olduğunu soruşduq. Xeyli çək-çevirdən sonra dedi ki, Gəncə-Qazax magistral yolunda xidmət aparan Yol Polis Xidmətinin 9-cu tağımının inspektoru polis serjantı Elnur Mahmudovdur. Biz onun həqiqi insan çöhrəsindən süzülən xeyirxahlığa heyran qaldıq, hətta o qədər məmnun olduq ki, ona minnətdarlıq etməyi belə unutduq. Qərara aldıq ki, adıçəkilən yol polis xidmətinin 9-cu tağımının inspektoru polis serjantı Elnur
Mahmudova təşəkkürümüzü minnətdarlıq dolu bir yazı ilə bildirək. Biz təkcə Elnur Mahmudova yox, onun çalışdığı Yol Polis Xidmətinin 9-cu tağımının rəhbərinə, Dövlət Yol Polis Xidmətinin rəisi cənab Ramiz Zeynalova minnətdarlıq edirik. Dədə-babadan cəmiyyətimizə müdrikanə məsəllər təlqin edilib. Xüsusən də yaxşı insanlar barədə deyilənlər daha çox diqqət çəkir. Məsələn, deyirlər ki, yaxşı, xeyirxah insanlar bulaq suyu kimi safdır, müdrikdir. Bu, doğrudan da belədir. Çünki onların ən adi hərəkətində belə bir bulaq saflığı müşahidə edirik... Bəllidir ki, ölkəmizdə də həmişə pak və əqidəli insanlar yetişib. Səmimi deyim, özünün əsl insan örnəkləri ilə diqqətimizi özünə çəkən Elnur Mahmudov da belə dəyərli insanların sırasındadır. Biz onu tanıyanların onun barəsində dediklərini də eşidəndə, tam əmin olduq ki, o, gerçək mənada xeyirxahlıq mücəssəməsidir. Bir çoxları dedi ki, Elnur Mahmudov təkcə sizə qarşı xeyirxahlıq etməyib, o, yolda qalan sürücülərin hamısına belə canfəşanlıq göstərir; kimisinə benzin köməkliyi edib, kimisinə təkər bağlamaq işində yardımçı olub, bir sözlə, hər kəsin rəğbətini, ehtiramını qazanıb. Yaxşı deyiblər, «Hər ömür içi ağrı-acı dolu bir kitabdır...» Biz Elnur Mahmudovun həyat kitabının ən azı beş-on səhifəsini oxumağa müvəffəq olduq. Onun sadəliyi, davranışı, səlis danışığı, mülayim təbiəti, xoş münasibəti, mehriban gülüşü və s. bizim duyğularıma həyat rəngi çəkdi. Eşq olsun Elnur Mahmudov kimi yol polislərinə!Xəyal İmrə, Qüdrət Quliyev.
Zamantv.az, Tovuz
Zamantv.az