Yuxuda görürəm ki, qonağımız üçün saxladığımız xoruzun pipiyini
kəsiblər, saqqalına «şpilka» keçiriblər. Quyruğundan da bahalı arvaddara yelpik
düzəldiblər. Xoruz yazıq da qalıb, ayıblar olmasın, lüt. İstəyirəm, soruşam ki,
tumanın hanı, yazıq barmağına dimdiklərinə aparıb deyir ki, sus!
İndi o xoruzun aqibəti mənə hansı mətləbi andırır, deyə bilmərəm, bildiyim
odur ki, ictimai məsələlər bəzən hansısa ciddi bir tədbirlə öz mənəvi dəyərini tapır.
Biz bu məhz zəminə əsaslandığımız üçün dövlət dəyərlərinə sadiqliyimizi qorya
bilirik. Lakin hərdən elə hallar baş verir ki, azacıq ümidimiz də qırılır, bizi ruhdan
salırlar, o xoruzu da məcburən tez-tez yuxularıma göndərirlər.
Nə isə, Yasamal rayonu, Şahbazi küçəsi 40 nömrəli Mənzil İstismar
Sahəsinin ərazisində - Uşaq Nevroloji Xəstəxanasının yanında yerləşən meyvə-
tərəvəz budkası ictimai vəziyyəti son dərəcə ciddiləşdirib. Allahverdinin budkası
adlanan bu qeyri-qanuni satış obyekti əhalinin haqlı narazılığına səbəb yaradıb.
Budkanın köntöy duruşundan camaat nə səki ilə gedib-gələ bilir, nə də ki, rahat
nəfəs ala bilir. Satış obyektindən yan-yörəyə atılmış tullantılar ətrafda elə bir
üfunət yaradıb ki, oradan keçmək üçün nəfəsqoruyucu alətə ehtiyac duyulur.
Budka sahibinin yaratdığı antisanitariya sağlamlıq üçün ciddi zərbədir. Narazı
sakinlər bildirirlər ki, dəfələrlə Yasamal Rayon İcra Hakimiyyətinə və 40 nömrəli
MİS-in rəhbərliyinə müraciət etsələr də, nəticə yoxdur, əksinə, orada vəziyyət daha
da ağır hal alıb.
Sual olunur: görəsən Yasamal Rayon İcra Hakimiyyəti və 40 nömrəli MİS-
in rəhbərliyi mövcud problemi hansı səbəbdən aradan qaldırmaq istəmirlər? Məgər
onların bu biganəlikləri açıq-aşkar dövlət dəyərlərini heçə endirmir?
Yaxud, bu laqeydlik həm də o mənaya gəlir ki, Yasamal Rayon İcra
Hakimiyyəti və 40 nömrəli MİS-in rəhbərliyi cənab Prezidentin - Məmur
özbaşınalığı ölkədə xaos yaradır, - fikrinə məhəl qoymurlar.
Yəqin ki, bu müraciətdən sonra vəziyyət dəyişər, adıçəkilən ünvandakı
qeyri-qanuni budka ilə bağlı hər hansı bir tədbir görülər. Əks təqdirdə, biz o fikrə
gələcəyik ki, Yasamal Rayon İcra Hakimiyyəti və 40 nömrəli MİS-in rəhbərliyi
doğrudan da ölkə rəhbərini saya salmır.
Araşdırmamız davam edir.
Vusal Elgun