Şok. Şok. Araz Şabanov aidiyyatı qurumlardan imdad istəyir.

Dövlətimizin iqtisadi potensialı artıqca aztəminatlı ailələrinə diqqət və qayğı da
mütəmadi olaraq artır. Onların sosial durumunun yaxşılaşdırılması istiqamətində
proqramlar və lahiyələr həyata keçirilir. Lakin buna baxmayaraq, bəzi məmurların
yaratdıqları süni əngəlliklər nəticəsində bir çox aztəminatlı ailələlər bundan
yararlana bilmirlər.

Lerik rayonu Təkband kənd sakini Şabanov Araz Abdulla oğlu 1986 -ci il
təvəllüdlüdür, ailəlidir, 6 azyaşlı övladı var. Övladlardan ikisi əlildir. Dövlətdən
ailəsinə gələn məvacib, çoxuaşaqlıya görə verilən 150 manat, bir övladın əlil
olmasına görə 80 manat, özünün 3 -cü qrup əlil olduğuna görə aldığı 51 manatdan
ibarətdir.

A. Şabanovun maddi durumu çox acınacaqlıdır. Təsərrüfatında heç nəyi yoxdur.
Hal- hazırda yaşadığı ev qəzalı vəziyyətdədir. Bu evi ev adlandırmaq isə
qəbahətdir, çünki, ev fünksiyasını daşımır, burada insan yaşamaz. Dam örtüyü
köhnə dəmir list olduğu üçün yağış yağan kimi evə damır. Ev rütübətli olduğu
üçün yağışlı havalar başlanan kimi ailə bir çox xəstəliklərdən əziyyət çəkir.

A. Şabanov dəfələrlə acınacaqlı vəziyyəti ilə əlaqədar aidiyyatı qurumlara müraciət
edib. İşin icrası üçün Lerik Rayon İcra Hakimiyyətinə tapşırıqlar verilsə də, lakin
Lerik rayon İcra Hakimiyyəti aidiyyatı qurumların diqqətini yayındırmaq məqsədi
ilə Araz Şabanova cəmi 50 manat pul 15 ədəd dam örtüyü yardım etmişdir.
Bundan sonra, Lerik rayon İcra Hakimiyyətinə dəfələrə müraciət etsə də, lakin
Lerik rayon İcra Hakimiyyətində çalışan bəzi məmurlar sayğsızlıq göstərərək ona
bildiriblər ki, Lerik rayonun İcra Hakimiyyətinin fondunda vəsait yoxdur. Ona elə
münasibət bəsləyiblər ki, sanki Araz Şabanov Azərbaycan Respublikasının
vətəndaşı deyil və bu ölkədə yaşamır.

Öz vəzifə səlahiyyətlərindən sui- istifadə edib maddi durumu acınacaqlı və
yaşadığı evin hər an uça bilməsi təhlükəsində olan Araz Şabanovun ailəsinə belə
ədalətsizlik edən Lerik Rayon İcra Hakimiyyətində çalışan məmurlar görəsən nə
düşünürlər?
Yəqin ki, aidiyyatı qurumlar bundan sonra Araz Şabanovun acınacaqlı həyat tərzi
ilə maraqlanıb ona kömək əlini uzadardar.

Bununla bağlı araşdırmamız davam edər.

Zahid Səmədov
ZamanTv.az

Zamantv.az