Sənətin yeniyetmə uğuru

Sənət aləmi özünün mövcud uğurları ilə diqqət mərkəzindədir. Hələ qədim dövrlərdə belə sənət və sənətkarlıq məsələləri
günün tələbləri səviyyəsində təzahür edib. Bu gün də Azərbaycanda sənətin uğura söykənən əsas məqamları sənətkar
qətiyyəti ilə pərvəriş edir.

Ölkəmizin sənət uğurlarına müxtəlif rəng çalarları qatan müğənni və xanəndələr həm də dövlət dəyərləri ilə çıxış edirlər.
Görkəmli sənətkralardan başlayan bu mühüm ənənə sevindirici haldır ki, bu gün də öz missiyasını müvəffəqiyyətlə
həyata keçirir. Özünün fərqli musiqi temperamenti ilə diqqət çəkən, ifa etdiyi mahnılarla milyonların qəlbində özünə yer
edən məktəbli Asim Pirimov sənət məbədində parlayan bir günəş kimi görünür.
Qısa tərcümeyi-hal:
Pirimov Asim Aqil oğlu 24 oktyabr 2004-cü ildə Bakı şəhərində doğulub. Hazırda Bülbül adına OİMM-in 8-ci sinif
şagirdidir. Bir sıra uğurları var. Tar alətinə marağı böyükdür - 8 ildir bu alətin sirlərini öyrənir; həmçinin məktəbin
tədbirlərində və məktəbdənkənar müsabiqələrdə fəal iştirak edir, uğurlar qazanır. 2015-ci ildə «Milli musiqi alətlərimizi
qoruyaq» layihəsinin iştirakçısı olub və sertifikat alıb. 4-18 aprel 2016-cı il tarixində Q.Qarayev adına «Təhlil və ifa edir
gənc musiqiçilər» üçüncü Respublika Elmi-İfaçılıq müsabiqəsində iştirak edib, 3-cü yerin laureatı olub. 23 aprel 2017-ci
il tarixdə Türkiyənin Kocaeli şəhərində Uluslararası Çoçuk Festifalında iştirak edib, diplomla təltif olunub. 2017-ci il
tarixdə 28 May Respublika gününə həsr olunmuş tədbirdə də iştirakı uğurlu alınıb və təşəkkürnamə ilə
mükafatlandırılıb. Həmçinin 2017-ci il tarixdə Gürcüstanın Kobuleti şəhərində keçirilən «Harira» Beynəlxalq
müsabiqəsində 1-ci yerə layiq görülüb, qızıl medal alıb. 2017-ci ildə keçirilən «World Harmony» müsabiqəsinin
diplomantı olub. 2018-ci il tarixdə İtaliyada keçirilən «TESTENE ART BAKU» müsabiqəsində 2-ci yerə çıxıb.
Azərbaycanın muğam sənətinin təbliğində göstərdiyi xidmətlərinə, müxtəlif müsabiqələrdə iştirakına görə «İlham
Çeşməsi» qəzetinin Fəxri Diplomunu alıb. Qazandığı uğurlara görə üzərində böyük əməyi olan tar müəllimi Elşən
Salmanova minnətdarlığını bildirir. Çalışır ki, uğurları ilə öz sevimli müəllimini sevindirsin.
Asim Pirimov məşhur tarzən Qurban Pirimovun nəticəsidir. Babasının yeganə davamçısıdır. Çalışır ki, babasının -
ölməz tarzənin sənətini layiqincə davam etdirsin.
Bala tarzənin əməyinə verilən yüksək qiymətlər əslində, Azərbaycan incəsənətinə, Azərbaycan musiqisinə verilən
qiymət kimi qəbul edilir. Əlbəttə, bu gün Azərbaycan musiqisinin, Azərbaycan mədəniyyətinin bütün dünyada təbliğ
olunmasında Asimin də öz payı var. Bu səbəbdən, onu sevənlər əmindirlər ki, doğma Azərbaycanımızın inkişafı və
tərəqqisi həmişə olduğu kimi, bundan sonra da öz sürətini artıracaq, ölkə sənətinin yüksəlişi onun bundan sonra da ifa
edəcəyi mahnılarda öz əksini tapacaqdır.
Dünyanın ən məşhur filosoflarından biri, Platon demişdir: «Musiqi əxlaqi qanundur. O, bütün dünyanı ilhama gətirir,
qəlbə qanad verir. İnsan üçün zəruri olan kədər və şadlığa səbəb olur». Qurban Pirimovun davamçısı - nəticəsi Asim
Pirimovun xalqa əxz etdirdiyi musiqi özü də bu qəbildən olan musiqidir. Onun ifaları hər gün onun öz fitrəti ilə cilalanıb
təmizlənərək bir bulaq kimi qaynayır, onu dinləyənlərin qəlbinə axır və xoş ovqat yaradır. Artıq illərdir ki, Asim öz
məlahətli ifaları ilə onu sevənləri rahatlığa qərq edir. Söz düşəndə də deyir ki, Azərbaycanlıların ən böyük ilahi payı
musiqidir. Muğamlarımız ulularımızın yaratdığı ən ülvi hisslər dünyasıdır. Muğamat paklığı, xalq musiqi yaradıcılığı, bu
paklıqdan günəşin nurutək süzülən divanəliyi, ilahiliyi, eşqi, məhəbbəti təcəssüm etdirir. Onun sirli, sehirli qapıları hər
kəsin üzünə açılmır. Bu qapıdan keçənlərə isə geriyə yol yoxdur. Tanrının mərhəmət və sevgisindən doğulan sənət
dünyamız ucalıqdan, Onun məqamından bizə dəyərsiz ərməğandır. Musiqi bizi yaşadıb, ruhlandırdığı kimi, biz də onu
sevməli, qorumalı və uca tutmalıyıq.
Əlbəttə, ifaçılıq bir sevgi olmaqla zəhmətdən qidalanır. Sərf etdiyi zəhmət müqabilində Asim Pirimovun cana, ürəyə
yatan ifaları onun bu sahədə böyük cəfakeş olmasından irəli gəlir.
Sənə möhkəm cansağlığı və sənət uğurları arzulayırıq, Asim Pirimov!

Vaqif Nəsirov

Zamantv.az

Zamantv.az