"Kaspersky Lab": Azərbaycan istifadəçilərinin 2/3-si kibertəhdidlərlə qarşılaşıb

“Kaspersky Lab”ın məlumatına* əsasən, Azərbaycan istifadəçilərinin təxminən 2/3-si internetdə müxtəlif təhlükələrlə qarşılaşır.

Trend xəbər verir ki, bu göstərici, demək olar, son 18 ay ərzində dəyişməz qalıb. Belə ki, bu ilin birinci yarısında Azərbaycan istifadəçilərinin 61%-i zərərli proqramlar tərəfindən hücuma məruz qalıb. 2017-ci ilin analoji dövründə isə bu göstərici 60%-dən bir qədər çox olub.

Lakin “Kaspersky Lab”ın analitikləri ölkədə mobil zərərvericilər tərəfindən yoluxmaların sayının azaldığını müşahidə ediblər. 2017-ci ilin ilk yarısında Azərbaycanda “Android” istifadəçiləri orta hesabla 6 zərərverici proqramla qarşılaşıb. Bu ilin eyni dövründə isə mobil zərərverici proqram təminatı tərəfindən bir istifadəçiyə olunan hücum cəhdləri 5-dək azalıb.

2018-ci ilin birinci yarısında “Android” platforması üçün mobil zərərverici proqram təminatı ilə qarşılaşan istifadəçilər sözügedən dövr ərzində bütün zərərverici proqram təminatı ilə qarşılaşmış istifadəçilərin 9,15%-ni təşik edib. Cari ilin yanvar-iyun aylarında Azərbaycan istifadəçiləri veb-maynerlər tərəfindən təxminən 850 min dəfə hücuma məruz qalıb.

“Kaspersky Lab”ın Azərbaycanda regional nümayəndəsi Müşviq Məmmədov bildirib: “Bu gün kibertəhdidlərin müxtəlifliyi o qədər çoxalıb ki, onlara qarşı keyfiyyətli müdafiə həm vacib, həm də mühüm əhəmiyyət kəsb edir. Smartfon və kompüterlərimizdə dəyərli kontaktlar, əziz xatirələr qorunur, internet-brauzerlər bizim parol və bank kartlarımızın məlumatını yaddaşda saxlayırlar. Biz avadanlıqlarımıza həddindən çox etibar edirik, buna görə də onları əsassız risklərlə üz-üzə qoymamalıyıq”.

“Kaspersky Internet Security” etibarlı kompleks həlli istənilən kibertəhlükənin öhdəsindən gəlməyə kömək edəcək. Bu məhsul bütün növ zərərli proqramları və cinayətkarların taktiki hiylələrini müəyyən edir və bloklayır, daxilində mövcud olan xüsusi modullar isə daha vacib məlumatı müdafiə etməyə imkan verir. Məsələn, “Təhlükəsiz ödənişlər” komponenti vasitəsilə heç bir şeydən qorxmadan internetdə tranzaksiyalar həyata keçirmək, təhlükəsiz alış-veriş etmək və hesablar arasında pul köçürmələri etmək mümkündür. “Antifişinq” sistemi isə fırıldaqçı təkliflərdən və saxta veb-səhifələrdən sizi xilas etməyə zəmanət verir.

*Məlumatlar “Kaspersky Security Network” (KSN) bulud infrastrukturunun köməyi ilə əldə olunub ki, bura istifadəçilərin razılığı ilə “Kaspersky Lab”ın məhsullarının fəaliyyəti barədə statistik məlumatlar, o cümlədən istifadəçinin avadanlığında zəzərli proqram təminatının aşkar olunması ilə əlaqədar həllərin müdafiə komponentlərinin işə düşməsi barədə məlumatlar göndərilir.

Zamantv.az