Azərbaycanın məşhur istirahət mərkəzində erməni mahnısı səsləndirilib – VİDEO

Novxanı qəsəbəsində yerləşən “Ləman” Ailəvi İstirahət Mərkəzində erməni mahnısı səsləndirilib.

Bizimyol.info-ya həmin restoranın müştərisi məlumat verib.

O bildirib ki, Rusiyadan gələn turistlər erməni mahnısını sifariş verib oynayıblar: “Mən “Ləman” Ailəvi İstirahət Mərkəzinin əməkdaşlarına səslənən mahnının erməni mahnısı olduğunu bildirdim. Etirazıma baxmayaraq mahnı sona qədər səsləndirildi”.

Məsələ ilə bağlı “Ləman” Ailəvi İstirahət Mərkəzinin meneceri Könül Quliyeva bildirib ki, səsləndirilən mahnı müştərinin sifarişi olub: “Restoran əməkdaşları mahnının erməni mahnısı olduğunu bilməyiblər. Əməkdaşlara məsələ agah olandan sonra dərhal mahnının səsləndirilməsi dayandırılıb. Yalnışlığa görə üzr istəyirik və bu bir daha təkrar olunmayacaq”.

Bizimyol.info

Zamantv.az