Bir fikir və ya hadisə hansısa mənbədən əxz edilirsə, ümumi halda əsas hədəf həmin mənbədir. Lakin ölkəmizdə
mənbədən istifadə hallarına da (çox şükür(??)) müəyyən qadağalar var. Deyirəm, nə yaxşı ki, atalar sözlərindən istifadə
etməyimizə qadağa qoymurlar. Yoxsa neynəyərdik?Bir müddət əvvəl Bakı şəhəri Binəqədi rayonu sakini Astanov Şükür İsmayıl oğlu
şərəf və ləyaqətinin alçaldılması, mənəvi təzyiqlərə məruz qalması səbəbi ilə Yasamal Rayon Məhkəməsinə iddia ərizəsi
verib, saytlarda - sosial şəbəkələrdə yazılanların bir iftira olduğunu isbatlamaq əzmindədir. Onun iddia ərizəsində adları
çəkilən saytlardan biri də zamantv.az internet portalıdır. Guya bu sayt 11 may 2018-ci il tarixdə Astanov Şükür İsmayıl
oğlunun karxanasında ölmüş şəxslə bağlı böyük bir səhlənkarlığa yol verib. Əslində, adıçəkilən şəxsin karxanası ilə
bağlı məlumat xüsusi bir mənbədən aşkara çıxıb. Bizqarışıq digər sosial şəbəkələr də həmin saytın məlumatına istinad
etmiş, ölkə dəyərləri üçün aşağılayıcı hallar yaradan məqamlara güzgü tutmuşdur. Belə olan təqdirdə Astanov Şükür
İsmayıl oğlu bizim saytı hansı məqsədlə məhkəməyə verib? Əgər bütün istinadlara görə məhkəmə qurulsa, onda
cəzaçəkmə müəssisələri zığ verər ki...
İkincisi, bizim aidiyyatı məsələ ilə əlaqədar təkzib verməyimiz apardığımız təhlillər və ictimai sorğulardan qaynaqlanır.
Kimsə düşünməsin ki, biz hansısa bir təhdiddən, yaxud məhkəmə şilləsindən qorxub bunu etmişik. Əsla, sadəcə istinad
etdiyimiz mənbənin materialına qısa rakurs etdiyimiz üçün biz də məsələni qismən ictimailəşdirmişik.
Olsun, yalanın həqiqət olduğunu aşkara çıxarmağın özü də bir qəhrəmanlıqdır. Bizim təkzibimiz bu cəhdin bir
səciyyəsidir. Kim necə düşünür, düşünsün...
Xeyal Imre
zamantv.az
Zamantv.az